لا حول ولا قوة الا بالله

[azmeralda]

1=مرات صاحب البيت قالت لماما انا بموت صدقينى انا بموت بحسرتى على بنتى
وماتت بعدها بكام ساعة:

بنتها اتجوزت على 28 كده ومكانش باين عليه حاجة
وبعدين بقالها فترة سايبة بيت جوزها وقاعدة عندهم
اللى اعرفه وده جزء بسيط طبعا :
ان مامته واخته بيضربوها علق وكانوا عايزين يفطموا ابنها عشان ياخدوه ويعرفوا يخطبوا له ويمشوها
وانه لما بيرجع بالليل يلاقيها نامت يولع عود كبريت ويحطه على رجلها عشان تصحى
حاجات عجيبة ومريضة
مامته بتقول لها انتى فاكرة نفسك حاجة انتى ولاحاجة .............

المهم الست قعدت تشتكى وراحت فيها وماما بقى مبطلتش عياط
++++++++++++++++++++++++++++++++++++++++++++++++++ +

2=المستشفى بقى :


واحدة مرافقة مع ابنها العيان فالحكيمة بتديلها سرنجة ومعاها كابكت شراب عشان الجرعة تبقى مضبوطة اكتر عن المعلقة وسابتها ومشيت
الست طبعا بسيطة ومش فاهمة حاجة راحت فاتحة الكانيولا وحطت الكابكت فيه طبعا الطفل تعيشوا انتوا
__________

طفل برضه الدكتور غلط واعطاله الحقنة فى شريان بدل وريد طبعا قطعوا له ايده

____________

العاملة اللى عندى فى الصيدلية غصبوا عليها فى النباطشية تشيل هى السكالبات من ايد المرضى فى الأستقبال مع ان شغلتها تنضف بس
جالها التهاب كبدى ب
__________________
3=هو مش معظم الرجالة شايفة ان البنات مبيعرفوش يسوقوا طب ليه بقى واحد فى شارع ضيق واتجاهين وعربيات راكنة على الجانبين
انا ورايا 3 -4 عربيات وهو مش وراه حاجة لو رجع حاجة بسيطة كان الموضوع اتحل انما ازاى شاور لى على حتة كده بين عربيتين شاورت له انى مش هعرف ادخل فيها
خلاص بقى يا اما تخاف على عربيات الناس لأخبطها
ياما تخليك جنتل مان وترجع
لقيته كده من غير مناسبة علامات التحدى والعند تفجرت من ملامحه ومرضيش يتحرك ابااااااااااادا
قلت خلاص هتعند يا بابا انا مش طايقة نفسى واعند مع 10 زيك
هو الظاهر كده بيعلم البنت اللى جنبه انه مبيسمعش كلام واحدة ست
رحت قافلة اقزاز ومبطلة العربية وانا بايتة هنا بقى النهاردة

فات بتاع ربع ساعة وجت بقى عربيات وراه والشارع وقف واللى يزمر وجه واحد يكلمه :ايه الموضوع انتو عاندين مع بعض
قعد يزعق ويشوح بأيده قال له دى بنت وهتعمل اللى فى دماغها (عجبنى قوى )
اصلا مش هعرف ارجع من اللى ورايا ! قام راجع طب ما كان من الأول كان هيبقى شكلك جنتل قدام الناس
________________________


شوية حاجات كده حواليا حسيت ان لازم افضفض

[Dr_ElSioufy]

البلد مليانه و حجات تحزن وتقطع القلب

بس مش عالصبح كده يا ازمير :)

ربنا يكون في عون البنت بنت صاحبة الشقه دي اللي صعبت عليا قوي وامها ماتت ربنا يصبرها و يخفف عليها
ويصبر مامتك و ياما في بلاوي واللي يشوف بلاوي الناس تهون عليه بلوته

الحمد لله من قبل ومن بعد

[magid1010]

حرام عليكى بوزظتى الكيميا بتاعت اعصابى على الصبح ههه و الله الدنيا ملايانا حاجات كتير عجيبه فين الست المدام تسمع الحكايات دى ههههه

[tarekzein]

لا حول ولا قوة الا بالله


ممنوع الكتابة باللون الاحمر حيث انه مخصص للمشاركات الادارية

تم تغيير اللون بمعرفتي

مشرف ب2

[human]

واحدة مرافقة مع ابنها العيان فالحكيمة بتديلها سرنجة ومعاها كابكت شراب عشان الجرعة تبقى مضبوطة اكتر عن المعلقة وسابتها ومشيت
الست طبعا بسيطة ومش فاهمة حاجة راحت فاتحة الكانيولا وحطت الكابكت فيه طبعا الطفل تعيشوا انتوا
__________

طفل برضه الدكتور غلط واعطاله الحقنة فى شريان بدل وريد طبعا قطعوا له ايده

____________

العاملة اللى عندى فى الصيدلية غصبوا عليها فى النباطشية تشيل هى السكالبات من ايد المرضى فى الأستقبال مع ان شغلتها تنضف بس
جالها التهاب كبدى ب

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[azmeralda]

بالضبط كده اللى يشوف بلاوى الناس تهون عليه بلوته

والله انا عندى كمية قصص حقيقية لو عملتها كتاب الناس مش هتصدقنى ابدا






انا اعصابى بايظة بقالى كام يوم اعمل ايه يعنى : (

[azmeralda]

طب دلوقتى حالا حكيمة دخلت عليا الصيدلية وانا اصلى ناقصة

معاها فيديو لطفل اتولد فى الدولى مقدرش اوصف شكله وصوت مامته بتصرخ بفظاعة لما شافت شكله وجالها سكتة قلبية وماتت

الطفل ده بيتولد كل مليون طفل تقريبا ومفروض الدكتور منعدم الأحساس ده مكانش يوريهولها اصلا لأن كده كده بيموت وهو معندوش قشرة مخ وشكل . e.t
وبيصوره على الموبايل ويقرب ويبعد ويضبط الزاوية ومزاجه عالى والست صريخها يقطع القلب
انا مش مصدقة ان فى ناس كده انا انهرت بجد

[cyborg_ift]

ياريتني انا اللي كنت قافل عليكي الشارع والله لو اتقتلت مكنتش هتحرك

[Dr_ElSioufy]

ياريتني انا اللي كنت قافل عليكي الشارع والله لو اتقتلت مكنتش هتحرك

ههههههههههههههههههههه ياعم خليك محضر خيير

ياعني كنتوا هتباتوا قي الشارع قصاد بعض ؟

[megamoudy]

اوحش موقف حصل بتاعت البنت اللي في الصيدلية حاجة بشعة ............. :(

بس حكاية ان الدكتور يحط حقنة ف الشريان بدل الوريد دي صعبة ........... مش كان بياخد عينة abg ولا ايه ؟

[cyborg_ift]

ههههههههههههههههههههه ياعم خليك محضر خيير

ياعني كنتوا هتباتوا قي الشارع قصاد بعض ؟

طبعااااااااااااااااااااااااااااااااا

البنات بياخدوهه عند ياعيني وجينات حقوق المرأه والبنت زي الولد والكلام اللي بقالنا خمسين سنه بنسمعه ده بيعمل معاهم شغل جامد وتتبلور أمامهم مقوله واحده (أكون أو لا أكون) وطبعا في معظم الاحيان مبتكونش ولو كانت بتعمل زي ما احنا شايفين بتتباهه قدام الناس كلهه على الانتصار العظيم ألا وهو ان الراجل رجع لورا مش كان من الأول هههههههههه كركركرررررررررررررررر

على فكره انا بهزر

[azmeralda]

اوحش موقف حصل بتاعت البنت اللي في الصيدلية حاجة بشعة ............. :(

بس حكاية ان الدكتور يحط حقنة ف الشريان بدل الوريد دي صعبة ........... مش كان بياخد عينة abg ولا ايه ؟

انا اعتقد كان بيركب كانيولا


وفى طفل برضه حصل معاه نفس الحاجة وبتروا رجله شىء فظيع
============================


كمان العاملة اللى عندى هى متجوزة وعندها 3 ولاد و بتشتغل شغلانات كتير بتجرى عليهم يعنى

بس هو لسه فى اوله وكامن والدكتور قال فى امل كبير حتى جوزها متنقلوش


المشكلة بقى ان عندى وسواس مع ان عارفة طريقة العدوى بس هى بقى اللى بتعمل الشاى والحاجات دى فا انا متوترة طول الوقت
والله خير حافظا
وانا قلت الحمد لله الذى عافانى مما ابتلاها به وفضلنى على كثير ممن خلق تفضيلا


•إِذَا سَأَلُوكَ فَقَالُوا:أَلَيْسَ بِثَابِتٍ الدُّعَاءُ عِنْدَ رُؤْيَةِ الْمُبْتَلَى؟فَقُلْ:بَلَى! - ملتقى أهل الحديث

[azmeralda]

طبعااااااااااااااااااااااااااااااااا

البنات بياخدوهه عند ياعيني وجينات حقوق المرأه والبنت زي الولد والكلام اللي بقالنا خمسين سنه بنسمعه ده بيعمل معاهم شغل جامد وتتبلور أمامهم مقوله واحده (أكون أو لا أكون) وطبعا في معظم الاحيان مبتكونش ولو كانت بتعمل زي ما احنا شايفين بتتباهه قدام الناس كلهه على الانتصار العظيم ألا وهو ان الراجل رجع لورا مش كان من الأول هههههههههه كركركرررررررررررررررر

على فكره انا بهزر

على فكرة انت عندك مشكلة جامدة جدا فى فهم الستات من الآخر يعنى

بتتباهى ايه وانتصار ايه وكلام فارغ ايه والله كلامك لا ينفع هزار ولا جد واصلا انت اخر واحد تتكلم على العند لأنك عندت معايا قبل كده واديك خسرت اهو
انت قلت مش هرد عليكى فى اى موضوع تكتبيه

انا حكيت القصة عشان اقول ان لازم الواحد يبقى عنده ذوق ويبقى جنتل مان مع ال ladies
وانا معندتش معاه اطلاقا انا قلت بوضوح ان الحتة اللى كان عايزنى ادخل فيها كانت ضيقة ومش هعرف ادخل فيها وكان سهل جدا بالنسبة له يرجع 40 سم يعنى
والعربيات اللى ورايا واللى جت وراه بعد كده وكل الناس اللى فى الشارع مكانتش هتسكت يعنى وبرضه عشان فكرة ان البنات مبتعرفش تسوق هيغصبوا عليه هو يتصرف

كمان اذا كان مقتنع انها مش بتعرف تسوق مفيش داعى يعرض عربيته وعربيتها وعربيات الناس للخطر لأ ن ممكن تكون سواقتها وحشة فعلا

فمفيش اى حاجة تدعو للتباهى فى الأنتصار على واحد مخه تعبان زى ده كمان لأن اى رجل (ذوق) عادة بيخلينى اعدى الأول وبيرجع لى وممكن يساعدنى فى الركنة ويغير لى الكاوتش كمان دى الجنتلة والشهامة والمرؤة وكل حاجة بتتعمل بكل ذوق اما انه يعمل كده بدون اى مبرر تفسيرى الوحيد ان عنده شعور بالنقص وعايز يفرد نفسه على اى حد وخلاص

هو عمل فعل وكان لازم يبقى له رد فعل

وعلى فكرة انا عمرى ما احب اتساوى بالرجل ابدا لأن الأسلام مدى المرأة حقوق ومدلعها على الآخر كون الناس مش بتطبق دى حاجة تانية




(ولا تتمنوا ما فضل الله به بعضكم على بعض للرجال نصيب مما اكتسبوا وللنساء نصيب مما اكتسبن واسألوا الله من فضله )

[cyborg_ift]

على فكرة انت عندك مشكلة جامدة جدا فى فهم الستات من الآخر يعنى

لأ وحياتك أنا فاهمهم كويس جدااااااااااااا

بتتباهى ايه وانتصار ايه وكلام فارغ ايه والله كلامك لا ينفع هزار ولا جد واصلا انت اخر واحد تتكلم على العند لأنك عندت معايا قبل كده واديك خسرت اهو

الخاسرون اليوم فائزون غدا

انت قلت مش هرد عليكى فى اى موضوع تكتبيه

براااااااااااااااحتي هههههههههه

انا حكيت القصة عشان اقول ان لازم الواحد يبقى عنده ذوق ويبقى جنتل مان مع ال ladies

إشمعنا في الحاجات ديه جنتل مان وفي غيره حقي ومن بعده الطوفان طب ما تبقو انتو جنتل ومان

وانا معندتش معاه اطلاقا انا قلت بوضوح ان الحتة اللى كان عايزنى ادخل فيها كانت ضيقة ومش هعرف ادخل فيها وكان سهل جدا بالنسبة له يرجع 40 سم يعنى
والعربيات اللى ورايا واللى جت وراه بعد كده وكل الناس اللى فى الشارع مكانتش هتسكت يعنى وبرضه عشان فكرة ان البنات مبتعرفش تسوق هيغصبوا عليه هو يتصرف

وهوه ده الذكاء الاستراتيجي بتاع الستات لقيتي موقفه ضعيف والناس هتهيج عليه فإستقويتي بس لعلمك القوي فيه الأقوا منه

كمان اذا كان مقتنع انها مش بتعرف تسوق مفيش داعى يعرض عربيته وعربيتها وعربيات الناس للخطر لأ ن ممكن تكون سواقتها وحشة فعلا

فمفيش اى حاجة تدعو للتباهى فى الأنتصار على واحد مخه تعبان زى ده كمان لأن اى رجل (ذوق) عادة بيخلينى اعدى الأول وبيرجع لى وممكن يساعدنى فى الركنة ويغير لى الكاوتش كمان

وممكن يطوقهالك وياخد الغسيل فمين كمان

دى الجنتلة والشهامة والمرؤة وكل حاجة بتتعمل بكل ذوق اما انه يعمل كده بدون اى مبرر تفسيرى الوحيد ان عنده شعور بالنقص وعايز يفرد نفسه على اى حد وخلاص

هو عمل فعل وكان لازم يبقى له رد فعل

يا واااااااااااااد مش بقولك إن كيدهن عظيم

وعلى فكرة انا عمرى ما احب اتساوى بالرجل ابدا لأن الأسلام مدى المرأة حقوق ومدلعها على الآخر كون الناس مش بتطبق دى حاجة تانية




(ولا تتمنوا ما فضل الله به بعضكم على بعض للرجال نصيب مما اكتسبوا وللنساء نصيب مما اكتسبن واسألوا الله من فضله )

بصي يا دكتره إنتي منرفزه نفسك ليه أنا بقول رأيي وبهزر خلي روحك رياضيه أوك

وبعدين انا مبردش على مواضيعك فعلا بس أي حاجه تمس معشر الرجال يبقا لا وألف لا

[azmeralda]

وانا براحتى برضه


وشايفة ان كلامك ميتردش عليه مع انى اعرف ارد كويس قوى

ملحوظة : هتفضل خسران