حمد لله علي سلامتك و ان شاء الله تاخد حقك منهم
X
-
حمدالله على سلامتك و كويس ان الموقف انتهى معاك على هذا الشكل و ما قلته انت يثبت اننا لا زلنا امامنا الكثير على ما نرجع للحالة الامنية المستقرة التى يستغل ضعفها حاليا كل تافه يستطيع حمل سلاح ليتحول الى بطلجى يخافه الاخرين ويعملولوه حساب مثلما يتصور و ينزل يلف فى الشوارع على زبون
بالنسبة للسناريو اللى حصل معاك فهو عادى جدا ان تجد اشخاص مثل هؤلاء مش عارفين يكلموا كلمتين لهم معنى وهم واعيين اصلا مش و هم محششين و حتة سنجة و سكينة و ينزل يلف فى الشارع و بارك الله فيما رزق ، و فيه انواع اخرى عندهم مكر و دهاء ودول بقى بيبقى تطلعهم لهدف اكبر و هكذا
من حوالى 9 سنين كنت داخل محطة مترو منشية الصدر ساعة الفطار فى رمضان و لقيت اتنين واحد فيهم بيتعمد يخبطنى و الشارع فاضى تمام و بعد كدة قعد يشتم و طبعا المفروض ارد عليه علشان لما يصدق و هب اتثبت و تطلع المطاوى و ياخدوا الفلوس و الموبايل و اللى انت عارفه و مفيش بنى ادم فى الشارع
انا سبتهم و مشيت و انا مذهول جانب و حاسس انه كمين من جانب اخر و بعدين زى ما تقول الكرامة نقحت علي رحت راجع و قعدت اشتم فى الراجل و اول ما قربت رحت نازل عليه بالى قلام على وشه و هو فى الاخر كدة زعق فى صاحبه و قعد يقوله غوزه عوزه ، انا سمعت الكلمة و قلت ايه بس كفايةكدة حان وقت نص الجدعنة و رحت جارى على مدخل المحطة و ناطط فوق ماكنة التذاكر و دخلت على الرصيف و هم ورايا ، بس الحمدالله المترو جيه وهم عمالين يقولوا مش حنسيبك مش حسيبك
طبعا دول بطلجية من ماركة تعبانة و اللى اتعامل معاهم بدون تفكير بشكل خاطىء برضه بس عدت
و البلطجية اللى طلعولك برضه تعبانين و الحمدلله انك طلعت منهم على خير
بس فيه انواع اخرى حاليا هاريين البلد فى كل مكان و هم مش بتوع تعالى معانا من سكات و حوار خد نفسين و روح وتعالى و الحاجات ديه لا - دول بتوع قتل و اعتداء و دبح و مش محتاج يدير معاك حوار اصلا و هو عارف حيطلع من الليله ازاى و ربنا ييستر علينا سواء من هؤلاء او من هؤلاء
Comment
-
لو تسمح لي عايز اسأل سؤال حساس شويه.
يا ترى اثناء احتاجزك عندهم لمدة 4 ساعات كما ذكرت . مافيش اي نوع من الاعتداء حصل لحضرتك ؟؟؟؟؟
أصل برضه 4 ساعات كتير - والناس دي بتكون دماغها طايره وتصرفتها أكيد مش طبيعيه !!!!The really successful people focus on accomplishing results not on effort expended.
Comment
-
والله هما كانو بيحاولو يخوفونى بس علشان اروح البيت اجبلهم فلوس وارجع اخد الحاجات بتاعتى مش اكتر وانا كمان استغليت فرصه انهم مش فايقين وكنت بحاول دبما اخد ده فصفى علشان انزل من المكان الى انا فيه ده سليم بس بس مكنش فى اى اعتدائات هيا الفكره كلها انهم مدركين تماما وفاهمين جدا ان لما هيمضونى وصلات امانه انا كده هرجع مطر وهخاف بسENG:AHMED TAWFIK
[aldl]http://img35.imageshack.us/img35/1567/otkv.jpg[/aldl]
Comment
-
انا عاوز اقول لحضرتك حاجة
اولا الف مبروك على سلامتك من الفيلم دا ثانيا الموضوع دا غير حقيقى ومفبرك بالمرة لان يا جماعة فى حاجة كلكوا ماخدتوش بالكوا منها الراجل بيقول انه اتخطف الساعة 8 ونص بعد العشاء وهو الى قال كدة بنفسه واحتجزوه 4 ساعات يعنى الساعة بقت 12.5 مساء راح ركب تاكسى للمترو وركب بعد كدة المترو هو فى مترو بيبقى شغال فى المعاد دا يا استاذ
خيال سيادتك واسع اوى وكدة حرام عليك لاننا كلنا لينا اهل بنخاف عليهم لما نسمع الحكايات دى هيكون شعورنا اية ياريت لما تالف قصة تاخد بالك من التفاصيل
وشكرا
Comment
-
والله يا جماعه معاكو رقم المحضر فاسم الاميريه ومدمج فالشرطه العسكريه و28 نيابات الى مش مصدق يروح يطلع عليه وعلى فكره انا ندمت انى عرضت الموضوع بتاعى ده هنا فعلا انا قولت الناس تعرف وتستفيد وتاخد بالها ومكنتش متخيل انو هيكون الردود بالشكل القاسى ده وكميه الاتمام بالفبركه والهزار عموما انا متشكر جدا ليكوENG:AHMED TAWFIK
[aldl]http://img35.imageshack.us/img35/1567/otkv.jpg[/aldl]
Comment

Comment