عبير: نعم أسلمت وأطلب حمايتي

[meza]

بص السؤال طالما من باب العلم بالشيىء لازم يتجاوب علية.
المسلم اذا تحول من اسلامة الى دين أخر يبقى مرتد و دى أحنا كبشر مالناش فيها رأى لانها تشريع و لا يمكن اعتبارها من ضمن الحرية الشخصية , أى شخص قبل أن يقوم بأعلان اسلامة بيتم اعطاء فرصة كبيرة جدا لة لكى يفكر مرارا و تكرارا و لا يجبرة احد على اعتناق الاسلام و لا بد أن يكون اعتناقة نابع من داخلة و بمحض أرادتة و لا يتم ارغامة علية و يتم توعيتة دينيا و يقال لة فكر كذا مرة لانة لو اسلمت ما ينفعش ترتد لان الشرع الى حا يحكم و ليس الناس الى حا يحكمو علية
و حتى لو أرتد هناك طريقة للتعامل مع مثل هذا الامر يعنى مش حا يقتلوة و السلام لآ ليها أصول دينية بيتم اتباعها فى مثل هذة المواضيع
أنا لست فقيها حتى ادخل فى الامور الشرعية بس بفهمها لك بصورة مبسطة جدا

طب و لو واحد مولود على الإسلام وسط أهله زى معظم المصريين؟

[heshamzaky]

طب و لو واحد مولود على الإسلام وسط أهله زى معظم المصريين؟

ما انا قولت لك فى الاسلام فية حاجة اسمها الردة دة شرع من ربنا مش أحنا الى بنقية و لا بنختار منة و لا جدال فية . و الفكرة واحدة لو دخل الاسلام او كان مسلم منذ ولادتة الشرع هو الفيصل .علشان كدة بقولك دة مالناش فية كمسلمين اى رأى او خيار و الى بيقدم على خطوة مثل هذة بيكون عارف من البداية ما لة و ما علية .
بص يا باشا أنا لولا أن المنتدى مش مخصص للمناقشات دى و أنا لا أملك و لست فقيها حتى أدخل فى مناقشة تلك الامور كنت قولت لك ممكن بالبحث من جوجل تعرف كل الامور دى .
بس أنا رديت على استفسار لجزئية معينة من سؤالك الا و هى موضوع الحرية الشخصية . الحرية موجودة اة بس فى الامور الشرعية أحنا ما نقدرش نجادل و لا حتى نقول رأى يعنى امور مسلم بها . لو حابب فية لينك على النت كان زميل مسيحى سأل نفس السؤال بتاعك كدة و جاوب علية شيخ من شيوخ الاسلام حا ابعت لك اللينك على الخاص تتفرج و تقرأة براحتك و تشوف الموضوع ماشى ازاى من غير ما اكتب حاجة زى كدة نهائيا على المنتدى لانة غير مخصص لمناقشة تلك المواضيع

[heshamzaky]

على فكرة فية اجابات للسؤال بتاعك منشور فى جريدة الدستور و مقال اخر فى اليوم السابع

[meza]

ما انا قولت لك فى الاسلام فية حاجة اسمها الردة دة شرع من ربنا مش أحنا الى بنقية و لا بنختار منة و لا جدال فية . و الفكرة واحدة لو دخل الاسلام او كان مسلم منذ ولادتة الشرع هو الفيصل .علشان كدة بقولك دة مالناش فية كمسلمين اى رأى او خيار و الى بيقدم على خطوة مثل هذة بيكون عارف من البداية ما لة و ما علية .
بص يا باشا أنا لولا أن المنتدى مش مخصص للمناقشات دى و أنا لا أملك و لست فقيها حتى أدخل فى مناقشة تلك الامور كنت قولت لك ممكن بالبحث من جوجل تعرف كل الامور دى .
بس أنا رديت على استفسار لجزئية معينة من سؤالك الا و هى موضوع الحرية الشخصية . الحرية موجودة اة بس فى الامور الشرعية أحنا ما نقدرش نجادل و لا حتى نقول رأى يعنى امور مسلم بها . لو حابب فية لينك على النت كان زميل مسيحى سأل نفس السؤال بتاعك كدة و جاوب علية شيخ من شيوخ الاسلام حا ابعت لك اللينك على الخاص تتفرج و تقرأة براحتك و تشوف الموضوع ماشى ازاى من غير ما اكتب حاجة زى كدة نهائيا على المنتدى لانة غير مخصص لمناقشة تلك المواضيع

إذا أستنتج استنتاج أولى من هذا أن التحول من المسيحية للإسلام مفيش مشكلة فيه لكن العكس يطبق فيه حد الردة إذا لم تفلح جلسة النصح و الإرشاد ... وده حسب المفهوم السائد فى العالم عن "الحرية الدينية" يعتبر عكسها تماماً ...
لذلك أنا مستغرب الآن جداً من اللى كانوا بيطلعوا فى التلفزيون و بيقولوا "إحنا مش طالعين عشان كاميليا مسلمة .. لأ طالعين عشان واحده مصرية و من حقها تاخد حريتها الدينية و تختار الدين اللى هى عايزاه" و كنت أتعجب كثيراً أن من يطلب هذه الحرية هم شيوخ السلفية أنفسهم! ... طبعا كل ده طلع ضحك على العقول ... أو بمعنى آخر "قول حق (فالحرية الدينية هى قول حق بالنسبة لى كليبرالى) .. ارُيد به باطل (ما هو عكس الحرية الدينية حسب مفهومى لها أيضاً) !

شكراً جزيلاً يا أستاذ هشام .. انا كنت مهتم لأن فكرى منحاز لليبرالية و كنت أحب أفهم النقطة دى من حد لأنى سمعت أقاويل و آراء كتير و مقدرتش افهم منها حاجة

وضحت الفكرة الآن

تحياتى

على فكرة فية اجابات للسؤال بتاعك منشور فى جريدة الدستور و مقال اخر فى اليوم السابع

شكراً جزيلاً هدور عالموقع بتاعهم و هدور برضه على تفاصيل الجزئية اللى حضرتك ذكرتها

..... و حتى لو أرتد هناك طريقة للتعامل مع مثل هذا الامر يعنى مش حا يقتلوة و السلام لآ ليها أصول دينية بيتم اتباعها فى مثل هذة المواضيع
أنا لست فقيها حتى ادخل فى الامور الشرعية بس بفهمها لك بصورة مبسطة جدا "

[alaa_dash]

طب و لو واحد مولود على الإسلام وسط أهله زى معظم المصريين؟

هوه ممكن تلاقي اجابة لسؤالك بس لو رجعنا لمعنى الحرية الدينية ...

الحرية الدينية هيه حق كل مواطن في اقامة شعائر دينه بحرية كاملة ..مش التنقل من دين لاخر ..ده اولا ..

ثانيا ليه حد الردة موجود ... اقولك انا ليه ... و ياريت ما تدورش كتير عالنت عشان هتلاقي مسلمين كتير بيحوروا زي ما يكونوا مكسوفين منه مش عارف ليه الحقيقة ...

اولا حد الردة ده في دولة تطبق الشريعة الاسلامية ..الدولة ديه هدفها ايه في الدنيا ...رفاهية المواطن و العمل على رفع مستوى المعيشي و الكلام الجميل ده كله ...و قبله الحفاظ على خمس حاجات دبن و نفس و نسل و عقل و فلوس

اول حاجة هيه الدين ..يعني في الدولة سالفة الذكر ما ينفعش يطلع حد يقول القران غلط في الاية الفلانية و رأيي ان الصح كذا ... ده يروح المحكمة قدام القاضي و لو اصر على اللي بيقوله ده يديله فرصه تلات ايام و لو مفيش فايدة
يحكم بإعدامه ...نفس الكلام للي يقول مفيش حاجة اسمها صلاة الفجر مثلا.. بالليل كده و تقطع نوم الواحد و ربنا مسحيل يصحينا بدري اوي كده ...

ده المسلم اللي يقول كلام زي اللي فات ....رغم انه مسلم و يروح قدام المحكمة و يقسم للقاضي انه مسلم..
بس عنده تحفطات

تعالى بقه لواحد مسلم و ارتد .. بقى يهودى مثلا ... هيقول ان سيدنا عيسى كذا و مفيش ولادة بدون اب
والكلام الفارغ ده و لف على الناس و كرر الكلام اللي يخالف صريح القرآن..نفس الكلام ..يروح للقاضي .. و يقوله انت قولت الكلام ده ؟ اصر يسيبه تلات ايام
العلماء يناقشوه و يفهموه ..فهم ..كان بها ...اصر ...يحكم بالاعدام ....

ليه بقه الاتنين دول ..اعدام ...لانهم ما احترموش هدف من اهداف الدولة...و هوه الدين ...زي بالظبط اما حد يجلب مخدرات ..بياخد اعدام ليه ...بيدمر عقل اولاد البلد .... اهو دول نفس الكلام ...
اللي اقصده ان اللي هيسيب الاسلام ده لازم هيقول كلام يتعارض مع صريح الدين ينكر قران سنة غيره ... قدام الناس و جهرا .. لكن لو بينه و بين نفسه ما حدش يقربله
ماحدش بيشق قلوب الناس
الموضوع بسيط مش كده :)

[heshamzaky]

حد الردة مش معناة أنهم حا يمسكو الشخص يقتلوة كدة و السلام لآ دة موضوع عاوز حد اقدر منى يشرحة و يفهمة . لكن مش معنى الحرية هنا ان الشخص يأخذ ايات الله لعبا يعنى يقول أنا النهاردة حا اسلم كمان اسبوع مش حا ابقى مسلم كمان شهر ارجع مسلم لا الموضوع لة ابعاد اخرى أنا لا أستطيع أن أشرحها لك ببساطة كدة أولا أنا لست فقيها بذلك ثانيا بهذة المواضيع أراء كثيرة من تفسيرات أنا أعجز أن أوضحها ببساطة كدة ما أعرفش أشرحها . الافضل أعمل بحث ب جوجل و شوف كل الى مكتوب أعتقد أنك بعد ما تقرأ كل المواضيع أنت حا تحس انك فهمت بصورة ما و حا تحس أنك لقيت أجابة عن سؤالك و بالفطرة حا تحس أن الكلام صح . وفولى النتيجة اية . الموضوع لعلمك عاوز تأنى و تفكير دقيق و بهدوء اعصاب شديد و مفيش توتر و لا شد و لا جذب و ممكن تسأل و الى عندة المعرفة من الزملاء ممكن يضيف أى معلومة للأستفادة العامة و لتوضيح الامر

[heshamzaky]

[QUOTE=meza;3873483707]إذا أستنتج استنتاج أولى من هذا أن التحول من المسيحية للإسلام مفيش مشكلة فيه لكن العكس يطبق فيه حد الردة إذا لم تفلح جلسة النصح و الإرشاد ... QUOTE]
بص يا باشا فى الاسلام فية حاجة أسمها حد الردة بس أنا مش عارف فى المسيحية فية حاجة مماثلة للموضوع دة و لآ لآ ما أقدرش أحكم لانى لست عالما بتلك الامور
و حتى الردة دى ليها حاجات كتير جدا لازم تقرأ كلها علشان تتفهم صح
الى مقصود بكلمة مرتد كانت فى العصور القديمة ايام قريش كانو بيعبدو الاصنام مش بيعبدو الله و علشان كدة بقولك الردة زمان كانت انهم بيتركو الاسلام و يعبدو النار أو الصنم تانى بص مش حا اقدر أشرحلك لازم تقرأ و تشوف الاراء المختلفة فى الموشوع دة أنا لست مؤهلا لتلك المناقشات بجد

[ashouhdy]

منقول


حكم المرتد

(أ) في الدنيا

1. يُفرَّق بينه وبين زوجته، فإن تاب قبل انقضاء عدتها رجعت إليه، وإن انقضت عدتها قبل أن يتوب تبيَّن فسخ النكاح منذ ارتداده، سواء كانت ردته قبل الدخول بها أوبعد الدخول.
2. يُمنع من التصرف في ماله، وينفق منه على عياله، وتقضى ديونه.
3. لا يرث، ولا يورث، لقوله صلى الله عليه وسلم: "لا يرث المسلمُ الكافرَ ولا الكافرُ المسلمَ"21، ويكون ما تركه فيئاً لبيت مال المسلمين، ومن أهل العلم من قال لورثته.
قال القرطبي عن ميراث المرتد: (قال علي بن أبي طالب، والحسن، والشعبي، والحَكَم، والليث، وأبوحنيفة، وإسحاق بن رَاهَوَيْه: ميراث المرتد لورثته من المسلمين، وقال مالك، وربيعة، وابن أبي ليلى، والشافعي، وأبو ثور: ميراثه في بيت المال).22
والراجح ما ذهب إليه مالك والشافعي ومن وافقهما أن ميراثه لبيت مال المسلمين، للحديث: "لا يرث المسلمُ الكافرَ.."، وينفق على عياله من بيت مال المسلمين.
4. يُقتل المرتد من غير استتابة إن قُدِر عليه، إذا كانت ردته مغلظة، لأن الردة تنقسم إلى قسمين:

• مغلظة، وهي ما تكون مصحوبة بمحاربة الله، ورسوله، وأوليائه من العلماء العاملين، وعداوتهم، والمبالغة في الطعن في الدين، والتشكيك في الثوابت.
• ومجردة، وهي التي لم تصحب بمحاربة ولا عداوة ولا طعن وتشكيك في الدين، وكل الآثار التي وردت في استتابة المرتد متعلقة بالردة المجردة.

. يتولى قتله الإمامُ أومن ينوب عنه. 6. لا يغسل، ولا يكفن، ولا يصلى عليه، ولا يدفن في مقابر المسلمين.
7. يبطل عمله، نحو حجة الإسلام

[ashouhdy]

بس انا اعرف ان فى حد الردة فى المسيحية بردة

[meza]

هوه ممكن تلاقي اجابة لسؤالك بس لو رجعنا لمعنى الحرية الدينية ...

الحرية الدينية هيه حق كل مواطن في اقامة شعائر دينه بحرية كاملة ..مش التنقل من دين لاخر ..ده اولا ..

لأ حضرتك ... كده إحنا إختلفنا فى مفهومنا عن الحرية الدينية

لأن مفهومى حسب ميثاق الأمم المتحدة لحقوق الإنسان و النسخة العربية منه - التى وافقت عليه الدول العربية تحت مسمى الميثاق العربى لحقوق الإنسان ... أنه لا يجب تقييد الحريات الأساسية للإنسان و منها الحرية الدينية.

طبعاً الإلتفاف على النقطة دى سهل جداً ... بس المفهوم الواضح ليها و المطبق بالحرف فى الغرب هو أن من حقه التحول عن دينه بحرية تامة.

ثانيا ليه حد الردة موجود ... اقولك انا ليه ... و ياريت ما تدورش كتير عالنت عشان هتلاقي مسلمين كتير بيحوروا زي ما يكونوا مكسوفين منه مش عارف ليه الحقيقة ...

اولا حد الردة ده في دولة تطبق الشريعة الاسلامية ..الدولة ديه هدفها ايه في الدنيا ...رفاهية المواطن و العمل على رفع مستوى المعيشي و الكلام الجميل ده كله ...و قبله الحفاظ على خمس حاجات دبن و نفس و نسل و عقل و فلوس

اول حاجة هيه الدين ..يعني في الدولة سالفة الذكر ما ينفعش يطلع حد يقول القران غلط في الاية الفلانية و رأيي ان الصح كذا ... ده يروح المحكمة قدام القاضي و لو اصر على اللي بيقوله ده يديله فرصه تلات ايام و لو مفيش فايدة
يحكم بإعدامه ...نفس الكلام للي يقول مفيش حاجة اسمها صلاة الفجر مثلا.. بالليل كده و تقطع نوم الواحد و ربنا مسحيل يصحينا بدري اوي كده ...

ده المسلم اللي يقول كلام زي اللي فات ....رغم انه مسلم و يروح قدام المحكمة و يقسم للقاضي انه مسلم..
بس عنده تحفطات

تعالى بقه لواحد مسلم و ارتد .. بقى يهودى مثلا ... هيقول ان سيدنا عيسى كذا و مفيش ولادة بدون اب
والكلام الفارغ ده و لف على الناس و كرر الكلام اللي يخالف صريح القرآن..نفس الكلام ..يروح للقاضي .. و يقوله انت قولت الكلام ده ؟ اصر يسيبه تلات ايام
العلماء يناقشوه و يفهموه ..فهم ..كان بها ...اصر ...يحكم بالاعدام ....

ليه بقه الاتنين دول ..اعدام ...لانهم ما احترموش هدف من اهداف الدولة...و هوه الدين ...زي بالظبط اما حد يجلب مخدرات ..بياخد اعدام ليه ...بيدمر عقل اولاد البلد .... اهو دول نفس الكلام ...

هناك شىء يدعو للإستغراب .. و هو السماح لمن هو على غير دين الإسلام سواء يهودى أو مسيحى بالبقاء على دينه رغم إنه لا يحترم هدف من اهداف الدولة ولا حتى كلام الدين حسب كلامك ... بل و فى صميم عقيدته بالنسبة لليهودى زى ما حضرتك ذكرت أن سيدنا عيسى كذا و مفيش ولادة بدون اب و الكلام الفارغ ده و لف على الناس و كرر الكلام اللي يخالف صريح القرآن ...
ثانياً تفسيرك يظلم من هو على دين أبيه ... فلقد أعطيت ميزة إختيار دين الإسلام عن اقتناع لغير المسلم .. و حجبتها عن من هو مولود على دين الإسلام.

معلش هتلاقى إختلافات بيننا و حاجات ممكن تستغربلها فى كلامى ... بس حسب مفهومى لتعدد الأديان و العقائد إن كل صاحب عقيدة هو مقتنع بها مائة بالمائة و إلا ما كان إعتقد و آمن بها ... الله عز و جل خلقنا البشر مختلفين و التعدد طبيعى فى البشر, لذلك لا أستغرب تعدد الأديان.

ملحوظة: مناقشتى هذه بالمقارنة بفكرى الليبرالى فقط و ليس بعقيدتى ... وجب ذكر ذلك منعاً لسوء الظن.

شكراً جزيلاً على الرد

[heshamzaky]

فية اللينك دة بة معلومات كثيرة
http://www.saaid.net/Doat/ahdal/115.htm

[meza]

بس انا اعرف ان فى حد الردة فى المسيحية بردة

:)

و عشان كده ذكرت الملحوظة دى فى ردى السابق

ملحوظة: مناقشتى هذه بالمقارنة بفكرى الليبرالى فقط و ليس بعقيدتى ... وجب ذكر ذلك منعاً لسوء الظن.

و للعلم حد الردة كان مطبق فى العهد القديم فقط .. أى قبل مجىء السيد المسيح.
و وجود حد ردة فى المسيحية أصلاً مشكلتين فى بعض ... مشكلة لتطبيق الحرية الدينية المطلوبة من السلفيين بالنسبة لكاميليا و عبير .. لأن كده هيبقى من حق المسيحيين تطبيقها عليهم ... و مشكلة لتطبيق الحرية الدينية بمفهومها اللى ذكرته فى ردى السابق.

لكن أنا هنا لا أقارن زى ما قلت لحضرتك.

[meza]

منقول


حكم المرتد

(أ) في الدنيا

1. يُفرَّق بينه وبين زوجته، فإن تاب قبل انقضاء عدتها رجعت إليه، وإن انقضت عدتها قبل أن يتوب تبيَّن فسخ النكاح منذ ارتداده، سواء كانت ردته قبل الدخول بها أوبعد الدخول.
2. يُمنع من التصرف في ماله، وينفق منه على عياله، وتقضى ديونه.
3. لا يرث، ولا يورث، لقوله صلى الله عليه وسلم: "لا يرث المسلمُ الكافرَ ولا الكافرُ المسلمَ"21، ويكون ما تركه فيئاً لبيت مال المسلمين، ومن أهل العلم من قال لورثته.
قال القرطبي عن ميراث المرتد: (قال علي بن أبي طالب، والحسن، والشعبي، والحَكَم، والليث، وأبوحنيفة، وإسحاق بن رَاهَوَيْه: ميراث المرتد لورثته من المسلمين، وقال مالك، وربيعة، وابن أبي ليلى، والشافعي، وأبو ثور: ميراثه في بيت المال).22
والراجح ما ذهب إليه مالك والشافعي ومن وافقهما أن ميراثه لبيت مال المسلمين، للحديث: "لا يرث المسلمُ الكافرَ.."، وينفق على عياله من بيت مال المسلمين.
4. يُقتل المرتد من غير استتابة إن قُدِر عليه، إذا كانت ردته مغلظة، لأن الردة تنقسم إلى قسمين:

• مغلظة، وهي ما تكون مصحوبة بمحاربة الله، ورسوله، وأوليائه من العلماء العاملين، وعداوتهم، والمبالغة في الطعن في الدين، والتشكيك في الثوابت.
• ومجردة، وهي التي لم تصحب بمحاربة ولا عداوة ولا طعن وتشكيك في الدين، وكل الآثار التي وردت في استتابة المرتد متعلقة بالردة المجردة.

. يتولى قتله الإمامُ أومن ينوب عنه. 6. لا يغسل، ولا يكفن، ولا يصلى عليه، ولا يدفن في مقابر المسلمين.
7. يبطل عمله، نحو حجة الإسلام

تمام كده .. يبقى حد الردة لا يعنى القتل فقط ... القتل يكون فقط لمن يحارب الإسلام و يسىء إليه ... أما من تحول عنه بدون إساءة أو حرب, يجرد من الأشياء اللى حضرتك ذكرتها فقط.

أشكرك بشدة.
و أشكر كل الأخوة الأفاضل اللى ردوا عليا.

[aif]

عندى تساؤل يا حاج أحمد و متردد إنى اسأله قلقاً من الإجابة بس هسأله بقى و خلاص

الحرية الدينية معناها أن يتم السماح بالتحول من ديانة لديانة أخرى بحرية تامة.
هل حضرتك هتوافق أو هتسمح إن شخص يحول دينه من الإسلام للمسيحية بدون مشاكل؟

أنا بجد معرفش الإجابة و متحير جداً خصوصاً مع وجود حد الردة اللى -حسب فهمى ليه- يعتبر عقبة كبيرة قدام الحرية الدينية اللى حضراتكم أساساً بتطالبوا بيها.

تحياتى

بص يا مينا
لو واحد مش عاوز يظل على دين معين سواء اسلام او مسيحية
يبقى مش ح ينفع اننا نبقيه على دينة بالعافية
لو واحد مسلم واعلن انه ح يبقى مسيحي .... يتفضل مع السلامة ....
لأنه ببساطة حتى لو ارغمته على العدول عن رأية باي اسلوب .... سواء ترغيب او ترهيب .... ح يبقى معتنق دين هو مش مؤمن بيه
العبرة مش بالعدد
العبرة بالايمان
....
انا ليا اصدقاء كتيييير مسيحين وابحبهم واحترمهم واقدرهم وانت واحد منهم
من اللي شفناه على مدار الايام الماضية
انا باقولك بقناعة .... ولو انت عندك اعتراض ياريت توضحه
انا لا انكر ان المسلمين اخطأو بلجوئهم لمحاولة حل الامر عرفيا وان كانو فعلوا ذلك بدون نية اعتداء
لكن تعالى للجانب الآخر
هل وجود اسلحة لدي الكنيسة شيء مقبول .... سواء في الكنيسة او في المباني التابعة لها او في بورسعيد زي ما سمعت في الفيديوهات ؟؟؟؟؟
هل اختطاف الكنيسة لمواطنين شيء مقبول ..... سواء كانو مسيحيين او مسلمين ؟؟؟؟
يعني حضرتك تقبل ان الكنيسة تختطفك وتحبسك فيها لأي سبب من الاسباب ؟؟؟؟ هل هذه هي تعليمات المسيح عليه السلام ..... الذي بعثه الله رحمة منه .... هل هذه هي روح التسامح التي نادى به سيدنا عيسى عليه الصلاة والسلام ؟؟؟؟
هل لما رأس الكنيسة يرفض تطبيق القانون على الكنيسة ده صح ؟؟؟
ولو رفض انه ينصاع للقانون ..... المفروض انا اعمل ايه كمسلم ...... آخد حقي بدراعي وتبقى غابة
هل يصح ان ينادي بعض المسيحين بتدخل اجنبي في مصر لحمايتهم ؟؟؟؟
ردا على سؤالك بوضوح انا عن نفسي لن اتمسك بمسلم تخلى عن دينه ...... يروح مطرح ماهو عاوز .... ح اكون حزين عليه ....لكن مش ح اخطفه عشان يرجع عن قراره
....
من شاء فليؤمن ومن شاء فليكفر ... زي اللآية دي ما بتقول ...... والحساب عند الله مش عند البشر

وَقُلِ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءَتْ مُرْتَفَقًا

للأسف يا مينا .... وانا باقول للاسف
مع تقديري لجميع زملائي واصدقائي المسيحين
العديد من القيادات المسيحية ........ القيادات وليس المسيحين عامة
العديد منهم ليس على قدر المسئولية التي استئمنهم رعاياهم عليها
ليسو حريصين على امن المسيحين في مصر .... ليسو حريصين على وحدة البلد
احنا كان عندنا شجاعة وكثير من المسلمين نادو بتغيير قيادات الازهر بعد الثورة
ياريت تعملو نفس الشيء ....
واضح جدا للعيان مدى العلاقة التي كانت ومازالت تربط هذه القيادات بالقيادات السابقة في مصر .... مبارك واعوانه
لا تنظر للامور بالعاطفة الدينية فقط ..... انظر للاحداث ... واحكم بعقلك مش بعاطفتك ... ح تشوف حاجات مختلفة

[عمرو عمارة]

للأسف يا مينا .... وانا باقول للاسف
مع تقديري لجميع زملائي واصدقائي المسيحين
العديد من القيادات المسيحية ........ القيادات وليس المسيحين عامة
العديد منهم ليس على قدر المسئولية التي استئمنهم رعاياهم عليها
ليسو حريصين على امن المسيحين في مصر .... ليسو حريصين على وحدة البلد
احنا كان عندنا شجاعة وكثير من المسلمين نادو بتغيير قيادات الازهر بعد الثورة
ياريت تعملو نفس الشيء ....
واضح جدا للعيان مدى العلاقة التي كانت ومازالت تربط هذه القيادات بالقيادات السابقة في مصر .... مبارك واعوانه
لا تنظر للامور بالعاطفة الدينية فقط ..... انظر للاحداث ... واحكم بعقلك مش بعاطفتك ... ح تشوف حاجات مختلفة

+1....هذا ملخص المشكلة