حد سمع عن شركة جولد ماين انترناشونال

[ahmadmidop]

موضوع منتشر قوي بين اصحابي عن الشركة دي وازااااي اانك ممكن تكسب وتعمل فلوس بالعبيط من خلال انك تشتري منتج من الشركة دي وهيا اصلا شغالة في الدهب وبتعمل اقلام واقل حاجة ساعات مطلية بمياه الدهب بيتبعتلهوم 600 جنيه مصري تقريبا ويبعتولك الساعة وبكده تكون اشتركت معاهم وانتا تقنع اتنين كمان مثلا انهم يشتروا وبالتالي انت هتاخد 30دولار على انتا اقنعتهم دول وهكذاااااااااا ... وكلام ان واحد جاب بي ام من الحوار ده وكلااام بالعبيط ......... ياريت اللي سمع عنه او دخل فيه يفدنااااااااااا

[eng.m7md.ali]

حقيقي

[solom_2010]

السلام عليكم

انا دخلت فى الشركة دى من شهر و الكلام ده فعلا حقيقيى و الله و مفيش اى نوع من النصب خالص و الساعة بتعتى وصلت فعلا و لو حضرتك عاوز تشوفها انا تحت امرك و الموضوع بجد جميل جدا للى عاوز يزود دخله عشان انتا مش بتبقى مقيض ب معاد تشتغل فيه او رئيس عليك او اى حاجه لما تحب تشتغل حتأخد فلوس و لو مشتغلتش مش حتاخد حاجه و اللى يقول لحضرتك انك حتقعد زى الباشا و الفلوس حتجيلك لحد عندك ده بيضحك عليك لازم تشتغل الفلوس حلال حلال حلال الحمد لله انا مدخلتش فى الشركة الا لما كلمت بنفيى دار الافتاء و معايا ورق يثبت الكلام ده

و اى استفسار عن اى حاجه فى الشركة انا تحت امر حضرتك
م \ اسلام محمد
0114856780

[Mostafa.Ismail]

يعنى تقريبا كدة شغلانة مبيعات Sales .... والله دى تبقى هايلة.
مفيش موقع ليهم؟ وازاى هاخد العمولة ال 30 دولار؟

[mahmoud_magdy]

الفكره ان انت بتشتري المنتج وتحاول تقنع اخرين انهم يشترو وكل واحد يشتري ليك مكسب منه
وبعد كدا كل واحد اشترى المنتج عن طريقك بردو يحاول يقنع اخرين انهم يشترو المنتج ده وليهم مكسب وانت بردو ليك مكسب
هيا تشبه السلسله الغذائيه ولكن اكثر تفرعا وهكذا

كان في شركتين سمعت عنهم قبل كدا بس قفلو
واللي لحق يحقق مكسب حقق واللي ملحقش لبس في الحيط لانه كان جهاز غير مقنع ب 1000 جنيه
وبردو كان في شائعات ان الناس كانت بتكسب منه عربيات بي ام وكلام زي اللي حضرتك بتقوله بالظبط

[Mahmode]

أنا رأيي الواحد يبعد عن وجع القلب ده

[solom_2010]

يعنى تقريبا كدة شغلانة مبيعات Sales .... والله دى تبقى هايلة.
مفيش موقع ليهم؟ وازاى هاخد العمولة ال 30 دولار؟

www.goldmineint.net

موضوع ازاى تأخد العمولة دى بطريقة الاى كارد او انك تحول الفلوس اللى نزلتلك ل اللى مدخلك و هو بيدهوملك كااااش عموما لو حضرتك عاوز تفهم كل حاجه عن الشركة انا تحت امرك

مهندس اسلام محمد

0114856780

[solom_2010]

أنا رأيي الواحد يبعد عن وجع القلب ده

يا باشا الموضوع مفهوش وجع قلب ولا حاجه الموضوع بسيط جدااا بس بردو عاوز شغل اكيد و الشركة فى 6 شهور بس دخل فيها حوالى 8500 واحد و بجد لو اشتغلت صح و الناس اللى تحتك اشتغلت معاك مش بعيد ابداااا تجيب البى ام او الفيلا كمان فى سنة واحدة فقط لان حضرتك لو دخلت فى اول شهر 2 فقط و كل شهر دخل 2 بس و دى اقل نسبة نجاح فى اخر اول سنة حتكون ربحت عمولات بمقدار 33,990 $ يعنى حوالى ن205,000 جنية مصرى و ربنا يوفقنا جميعا يبقى الموضوع حتى يستاهل وجع قلب و بطن و مخ كمان ولا لاء :) :) :) :)؟؟؟؟؟

[ahmed_mido1889]

http://www.nilemotors.net/Nile/214681-quest-net.html

http://www.nilemotors.net/Nile/194807-a.html (شركة كويست نت او كيو نت)

[Nistelrooy]

ياه الشركة دي مجننة ناس اصحابي كتير .. كل شويا واحد يكلمني يقولي مش عايز تخش !!

بصراحة انا مش دماغي الحاجات دي وعايزة واحد لبق ويعرف يقنع الناس وواحد يعمل بريزنتيشن كويس ..

ماليش في الكلام ده .. بس في ناس اصحابي كسبو منها :)

[kono]

كان فيه شركة من 4 سنين اسمها شنيل شركة صينية وكانت عبارة عن نفس الكلام بالظبط
وواحد صاحبى دخل فيها وخسر
وبعد كده قفلت
والشركة دى بتركز على الطلبة او الخرجين الجدد

ابحثوا عن شركة شنيل على جوجل وشوفوا

[ahmadmidop]

kono باشا انتا مقيم في راس البر ! :d

فعلا المشكلة في الاقنااااااااااااااع ........ بس مش عاارف الموضوع انتشر فجأة كده لييييه .... ده انا بعد ماصليت الجمعة اللي فاتت لقيت شلة واقفة عند الباركينج وواحد بورقة وقلم وشغااال واقعد يشرحلهم

[solyahmed]

السلام عليكم

انا دخلت فى الشركة دى من شهر و الكلام ده فعلا حقيقيى و الله و مفيش اى نوع من النصب خالص و الساعة بتعتى وصلت فعلا و لو حضرتك عاوز تشوفها انا تحت امرك و الموضوع بجد جميل جدا للى عاوز يزود دخله عشان انتا مش بتبقى مقيض ب معاد تشتغل فيه او رئيس عليك او اى حاجه لما تحب تشتغل حتأخد فلوس و لو مشتغلتش مش حتاخد حاجه و اللى يقول لحضرتك انك حتقعد زى الباشا و الفلوس حتجيلك لحد عندك ده بيضحك عليك لازم تشتغل الفلوس حلال حلال حلال الحمد لله انا مدخلتش فى الشركة الا لما كلمت بنفيى دار الافتاء و معايا ورق يثبت الكلام ده

و اى استفسار عن اى حاجه فى الشركة انا تحت امر حضرتك
م \ اسلام محمد
0114856780

طيب ما حضرتك تفهمنا الموضوع ماشي ازاي ؟
اعتقد مافيش حد يقدر يدخل بنفسه لازم حد يدخلك ؟؟ ايه موضوع 70 دولار والساعه مافيش ساعه على الموقع بالسعر ده ده الاسعار مولعه يبقي ايه شكل الساعه دي انت حتدفع على حاجه ما شفتهاش ؟؟ حتدفع ازاي ؟؟ اساسا انت مش حتقدر تسجل ؟؟ اكيد حتدفعهم للي يدخلك ؟ صح
ايه موضوع ال 30 دولار توصيل الساعه ده ؟؟؟ ده كده بقي 100 دولار

حتاخد فلوس العموله ازاي ؟؟ في حد تقدر تسحب بعده ولا من اول عموله تقدر تسحبها ؟؟؟ اللي هم 30 دولار بيقال كده والفلوس انت اللي تسحبها ولا بردو اللي مدخلك ؟؟؟
انت حتبيع ايه بقى ؟؟ الساعات والاقلام دي اللي على الموقع ؟؟؟ وحتبعها بالسعر الموجود عليها ؟ ده غالي قوي ؟؟ طيب مين حيشتري بالاسعار دي اساسا ؟؟ ولا مهمتك تجيب ناس تدخلهم بال 70 دولار +30 توصيل المنتج علشان تاخد العموله ؟؟؟ ايه موضوع الشجره يمين وشمال طيب ما انت بتقنع الناس وتدخلهم تعرف منين ده دخل يمين ولا شمال وافرض اللي دخلته ما عرفش يبيع حاجه ؟؟؟ ايه موضوع انك بتاخد 70% من الفلوس بتاعت العموله والباقي بيفضل عندهم من تحت حساب سبيكه او حاجه كده طيب افرض ما كملتش تمنها ما الفلوس حضيع عليك ؟؟؟؟ اصعب حاجه انك تقنع حد يشتري بالاسعار دي نقاط كتير محتاجه توضيح
وشكراااااا لحضرتك

[ahmedsamir5edr]

يا باشا الموضوع مفهوش وجع قلب ولا حاجه الموضوع بسيط جدااا بس بردو عاوز شغل اكيد و الشركة فى 6 شهور بس دخل فيها حوالى 8500 واحد و بجد لو اشتغلت صح و الناس اللى تحتك اشتغلت معاك مش بعيد ابداااا تجيب البى ام او الفيلا كمان فى سنة واحدة فقط لان حضرتك لو دخلت فى اول شهر 2 فقط و كل شهر دخل 2 بس و دى اقل نسبة نجاح فى اخر اول سنة حتكون ربحت عمولات بمقدار 33,990 $ يعنى حوالى ن205,000 جنية مصرى و ربنا يوفقنا جميعا يبقى الموضوع حتى يستاهل وجع قلب و بطن و مخ كمان ولا لاء :) :) :) :)؟؟؟؟؟

غير منطقي بالمره
أكيد حضرتك عارف ان قاع الهرم هو الخاااااااسر الأكبر

يعني حضرتك جبت اخوك اللي جاب والدك الي جاب صاحبه الي جاب اخو مراته الي جاب ابنه .. و هوب الشركه وقفت او قفلت ( و ده الحال زي شركه شينلا الصينيه بتاع الجهاز الصيني ) و شركه ( بيزناس ) .. هتلاقي ان تقريبا انت الوحيد اللي جبت فلوسك .. و لبست النااااس دي كلها

ده مثال افتراضي طبعا .. انا فاهم النظام كله

[ahmedsamir5edr]

طيب ما حضرتك تفهمنا الموضوع ماشي ازاي ؟
اعتقد مافيش حد يقدر يدخل بنفسه لازم حد يدخلك ؟؟ ايه موضوع 70 دولار والساعه مافيش ساعه على الموقع بالسعر ده ده الاسعار مولعه يبقي ايه شكل الساعه دي انت حتدفع على حاجه ما شفتهاش ؟؟ حتدفع ازاي ؟؟ اساسا انت مش حتقدر تسجل ؟؟ اكيد حتدفعهم للي يدخلك ؟ صح
ايه موضوع ال 30 دولار توصيل الساعه ده ؟؟؟ ده كده بقي 100 دولار

حتاخد فلوس العموله ازاي ؟؟ في حد تقدر تسحب بعده ولا من اول عموله تقدر تسحبها ؟؟؟ اللي هم 30 دولار بيقال كده والفلوس انت اللي تسحبها ولا بردو اللي مدخلك ؟؟؟
انت حتبيع ايه بقى ؟؟ الساعات والاقلام دي اللي على الموقع ؟؟؟ وحتبعها بالسعر الموجود عليها ؟ ده غالي قوي ؟؟ طيب مين حيشتري بالاسعار دي اساسا ؟؟ ولا مهمتك تجيب ناس تدخلهم بال 70 دولار +30 توصيل المنتج علشان تاخد العموله ؟؟؟ ايه موضوع الشجره يمين وشمال طيب ما انت بتقنع الناس وتدخلهم تعرف منين ده دخل يمين ولا شمال وافرض اللي دخلته ما عرفش يبيع حاجه ؟؟؟ ايه موضوع انك بتاخد 70% من الفلوس بتاعت العموله والباقي بيفضل عندهم من تحت حساب سبيكه او حاجه كده طيب افرض ما كملتش تمنها ما الفلوس حضيع عليك ؟؟؟؟ اصعب حاجه انك تقنع حد يشتري بالاسعار دي نقاط كتير محتاجه توضيح
وشكراااااا لحضرتك

حضرتك موضوع شراء السبيكه الذهبيه بالتقسيط حراااام شرعا .. و في حديث صحيح بكده
انه لا يجوز بيع الذهب بالأجل .. و ده باحماع العلماء طبعا بنسبه 100 % بما فيهم الأزهر و هيئه الافتاء السعوديه و كل العااالم ( من القليل لما هتلاقي اجماع علي حاجه زي الاجماع ده )