للعقلاء فقط - اضراب الاطباء

[Medicalist]

السلام عليكم
انا مخنوق اوى يا جماعه النهارده كان اضراب الاطباء وانا موافق عليه طبعا
بس تعليقات غير الاطباء سىءه جداا فى كل مكان
حسبى الله ونعم الوكيل
انتم ايه رايكم ؟

[أبو صلاح]

بص انا معاهم في كل مطالبهم المشروعة

بس المشكلة في التوقيت

ودلوقتي استجابات الحكومة بقت احسن من الاول بكتير وبقى في مرونة

ليه مصممين نتعامل بالطريقة القديمة والاعتصامات

لا والاجمل يا اخي
عامل اعتصام في المستشفيات الحكومة
لكن مستشفيات القطاع الخاص ولا يقدر
وتلاقي الدكتور من دول ما شاء الله شغال الصبح في حكومة وعامل إضراب ومنفض للدنيا مريح من الشغل مهو إضراب بقى على هواه وبلليل تلاقيه رايح عيادته الخاصة اللي بياخد من وراها فلوس على مزاجه وكله نشاط وحيوية

منطق غريب جدااااااااااااا

[dr.hazem]

انا معترض على الطريقه والغايه لا تبرر الوسيله

واعتقد ان صوتنا كان مسموع للجميع والحكومه ناشدت الاطباء انهم ميعملوش الاضراب ده اللي بيضر بأرواح ناس كتيره وان كل مطالبهم مشروعه يبقى ليه احنا نطلع اسوأ من الحكومه ونعاند ونعمل اضراب؟؟؟؟

مش مقتنع بالاضراب كطريقه للمطالبه بحقوق مشروعه...


تحياتي

[kamalsalem]

هل من العقل اني اقول انه وظيفة الدكتور انبل من انه يسيبها ويقف في الشارع يطلب فلوس؟

مش قصدي طبعاً الناس تشتغل ببلاش... بس قصدي انه اللي اختار المهنة دي أكيد كان عارف أولها من اخرها... والدنيا مش هتتحل في يوم وليلة ولا بالاعتصامات

ربنا يوفق الجميع ومحدش يعيش متكدر

[د.محمود صلاح]

ممكن وقفات احتجاجية رمزية أما إضرابات فانا غير مؤيد

[Medicalist]

انا كتبت كلام كتير والنت فصل
مش هقدر اكتبه تانى

[Medicalist]

انا شغال فى الجامعه نايب باطنى و النهارده اشتغلنا وماكانش فيه اضراب لكنى انا مع الاضراب والاضراب على فكره لايشمل الحالات الطارئه والحرجه
اقروا المطالب من تانى وانتم تفهموا الموضوع مش موضوع زياده مرتبات الموضوع زياده الميزانيه ال 15 فى الميه زى احقر دول العالم

[Medicalist]

احنا الميزانيه عندنا 4 فى الميه بس انا كل يوم بشوف مأسى و مساوىء تخيل لما انسان فقير بيجيلك كل شهر عشان يصرف علاجه وما يلاقيش مرضى الكبد ومرضى السكر الى بيصرفوا دلوقتى ازازه انسولين واحده تكفيه من 4 ل 7 ايام بس على حسب استهلاكه طب يكمل الشهر منين ؟ ولا مرضى الغسيل الكلوى ونفقات العلاج على نفقه الدوله وتكلفه جلسات الغسيل والتحاليل بتاعتهم
يعنى النهارده لمينا وجبنا علب عشان يتسحب فيها عينات تحليل الغده الجار درقيه الى المفروض تتعمل لمرضى الغسيل الكلوى بس هنعمل التحاليل فين ولا ازاى لانها مكلفه

[Medicalist]

اقسملكم بالله يا جماعه انه اغلب الشغل والاجهزه والامكانيات الى موجوده فى اغلب مستشفيات الجامعه قايمه على التبرعات و الفلوس الى الاساتذه ورؤساء الاقسام بيذلوا نفسهم عشان يجمعوها عشان يجيبوا جهاز اشعه ولا جهاز منظار ولا صيانه الاجهزه دى

[Medicalist]

وبعدين الناس الى بتقول عيادات احنا مش من حقنا نفتح عيادات ولا ينفع اصلا الا لما نخلص الماستر و كمان الدكتوراه على ال 35 وال 40 سنه لاننا نايمين صاحيين فى المستشفى فى النباتشيات
وكمان فيها ايه لو الدكاتره الى عامله الاضراب راحوا عيادات النهارده ولا المستشفيات الخاصه
كل واحد فينا يشوف وهو داخل المستشفى الخاصه ولا العياده الخاصه بيبقى عامل ازاى قمه الادب والذوق والاحترام لكن لو داخل مستشفى حكومى تبقى داخل مش عاجبك اى حاجه والناس عايزه تتشاكل وكل حاجه بالسهل

[Medicalist]

على فكره انا مخلص بقالى سنه وشهرين اساسى المرتب بتاعى 160 جنيه اول ما قبضت قبضت 308 دلوقتى 344 بعد 15 فى الميه وما اعرفش ايه ؟ هل يكفونى بنزين عربيه كل يوم سفر 30 كيلو رايح و 30 كيلو جاى ولا اكل فى النباشتيه ولا حياتى العاديه ولا لبس ولا ايه ؟ ولا تحضير الماجستير ولا ولا ؟
هل يعقل انه الاطباء هيتحطوا فى الفئه التالته فى المرتبات الى هتنزل قريب ؟
على فكره شباب الاطباء راحوا للدكتور عصام شرف وخدوا ميعاد وما قابلهمش وانتظروه من الصبح للبالليل وكرروها تانى و خلى السكرتير يقابلهم يعنى مش فارقين معاه

[Medicalist]

على فكره انا عايز اضيف حاجه برضه اغلب العلاج الى فى المستشفيات منهوب الى هو العلاج المجانى الى احنا شغالين فيه والموضوع ده صعب تسيطر عليه لانها ثقافه شعب
وانتم فاهمين وعارفين

[Medicalist]

ودلوقتي استجابات الحكومة بقت احسن من الاول بكتير وبقى في مرونة

لا يا باشا الحكومه ولا استجابت ولا حاجه وزير الصحه اول ما استلم قالك طبيب التكليف هياخد 1200 و النايب 1500 وبعدين من فتره قالك لا الكلام ده مش هيحصل


ليه مصممين نتعامل بالطريقة القديمة والاعتصامات

لا والاجمل يا اخي
عامل اعتصام في المستشفيات الحكومة
لكن مستشفيات القطاع الخاص ولا يقدر
وتلاقي الدكتور من دول ما شاء الله شغال الصبح في حكومة وعامل إضراب ومنفض للدنيا مريح من الشغل مهو إضراب بقى على هواه وبلليل تلاقيه رايح عيادته الخاصة اللي بياخد من وراها فلوس على مزاجه وكله نشاط وحيوية

منطق غريب جدااااااااااااا

انا قلت لحضرتك هل يستوى ده بده ؟ مش تناقض ولا منطق غريب والله لانه فيه ظلم واقع عليك وانت شغال فى المستشفى المريض عايز منك الكشف والتحاليل والعلاج لكن فى العياده مالوش غير الروشته و يتصرف فى تحاليله بره و دواه

[megamoudy]

اه حاجة قليلة الادب اوي ............ وفي واحد بيفتي ع النت بيقول البدكاترة واكلينها والعه كل شهر بيزيدو 500 جنيه ههههههههههه شوفته الهبل

والمفروض يقللو المرتبات بتاعتهم

واصلا مش كل الطلبات بتاعت فلوس

انا كل مانزل ام الاستقبال ده سوري ف اللفظ ........... بيكون فيه خناقات والدكاترة كفرة ونعد نتشتم ومطلوب مننا نركز

من اسبوع طبيبة امتياز ف استقبال الجامعه اضربت من راجل ها نقول كمان

[نور القمر]

المشكلة مش الاعتصامات او الاضرابات
المشكلة في التوقيت
يعني الحكومة مش ملاحقة والحمل كبير وتقيل
ومفيش حاجة هتتحقق بين يوم وليلة
نزود الاعباء على الحكومة باضرابات فئوية ليه
في الولويات للحكومة