المواجهه بدلا من دفن الروؤس فى الرمال

[amro1965]

نظرا للاحداث التى جرت فى امبابه
اولا انا من امبابة قريب جدا من الاحداث
تشتهر امبابه باسلوب البلطجه فى جميع شوارعها نظرا لغياب الامن قبل وبعد الثورة
شباب يثور من اقل اشاعه وينقلب الشارع راسا على عقب والامن دائما ياتى بعد ان ينفض المولد مما يساعد على زياده البلطجه من شباب عاطل سواء كان متعلم او جاهل
الحدث متكرر دائما اسلام شاب او بنت من المسيحيه الى الاسلام او تغيير مذهب من الارثوكس اى الكاثوليك
لماذا
اتر ككم مع الحالات التى عايشتها وبعضها عايشتوها من خلال وسائل الاعلام
امام بيتى بيت مسيحى الابن تزوج من فتاه وبعد فترة قليلة استحالت العشرة بينهم نهائيا ونظرا لاستحاله التفريق بين الزوجين المسيحين بعد انتهاء فترة النصح والارشاد هجر الابن وسافر الى خاله باليونان وغير مذهبه من الارثوكس الى الكاثوليك لعيش ماتبقى من عمرة ويبدا حياه جديدة
الحالة الثانية
شبيه للحاله الاولى مع اختلاف يبقى الوضع على ماهو عليه البنت فى ابيها والابن فى بيت ابيه وجلسات المحاكم شغاله
الحاله الثالثه عبير كلكم تعرفوها استحالت العشرة بين زوجها طرقت كل الابواب كلها كانت موصدة امامها وجدت باب التحول من المسيحية الى الاسلام لا يهم قرات جيدا فى الدين الاسلامى ام لا المهم انها اعتقدت انها تحررت بهذه الطريقة

نحن لا ندخل فى نيتها ان كانت صادقة ام كاذبه فى هذ التحول
وامثال الحالات الثلاث كثيرة جدا واشهرها عدم اعتراف طلاق الفنانه هاله صدقى من زوجها التى حصلت عليه اداريا ولا اعترفت بزواجها الحالى
ويبقى الحال على ماهو عليه
ولن يكون التحول من المسيحيه الى الاسلام او التحول من مذهب كنسى الى مذهب اخر لا هو الاول ولا الاخير وماتتبعه من احداث مؤسفه للوطن الغالى الذى تحرر من القيود والاغلال

اتمنى من الله العلى الكريم ان يهدى ابناء الوطن مسلميه ومسيحيه الى طريق الرشاد طريق النجاه من الغمه التى احاطت بنا

[otefa]

الله يفتح عليك
فكرتني بنقاش دار بيني وبين زميل لي في العمل أيام التطليق المدني للمسيحين من فترة قريبة
وكان رئي أن الدولة ليس من حقها أجبار أتباع دين في تطبيق قوانين أحوال شخصية وخصوصا في موضوع الطلاق
وقلتلو وبمنتهى الصراحة المسيحي ألي شايف أن عدم السماح بالأنفصال والطلاق في دينه عنده مطلق الحرية يايقبل ويستحمل ودي عقيدته وأختياره يا عنده تحويل مذهبه لمذهب أيسر يحل له مشكلته أو يغير دينه للأسلام
ده قراره وهو حر فيه أنما تدخل دولة وأجبار لامعنى له


لَا إِكْرَاهَ فِي الدِّينِ قَدْ تَبَيَّنَ الرُّشْدُ مِنْ الغَيِّ فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدْ اسْتَمْسَكَ بِالْعُرْوَةِ الْوُثْقَى لَا انفِصَامَ لَهَا وَاللَّهُ سَمِيعٌ عَلِيمٌ(256). البقرة.

فَذَكِّرْ إِنَّمَا أَنْتَ مُذَكِّرٌ(21)لَسْتَ عَلَيْهِمْ بِمُسَيْطِرٍ(22)إِلَّا مَنْ تَوَلَّى وَكَفَرَ(23)فَيُعَذِّبُهُ اللَّهُ الْعَذَابَ الْأَكْبَرَ(24)إِنَّ إِلَيْنَا إِيَابَهُمْ(25)ثُمَّ إِنَّ عَلَيْنَا حِسَابَهُمْ(26). الغاشية.

[amro1965]

تم حوار بين ابراهيم عيسى ومسئول اشهار اسلام لعير المسلمين بالازهر على قناه التحرير
مضمونه لا يبعد كثيرا على ماقلته فى مداخلتى
قد يقول اخى فى الوطن هذا شائننا فلا نحب ان يتدخل فيه احد
اقول له شائنك الداخلى سوف يأكل الاخضر واليابس وسوف يدخلنا فى صراعات فى المستقبل اذا لم تحل مشاكلكم الداخلية
انا اسف لانى دخلت على امر شائك
لكن هذا رأى الشخصى وممكن نتوافق او نختلف
شكرا لجميع الاعضاء

[meza]

ما هى إقتراحات حضرتك كحلول؟

سمعت إقتراح من عمرو حمزاوى بالسماح بالزواج المدنى كوسيلة للزواج موازية للزواج الدينى و للكل الحق فى حرية الإختيار ... طبعاً الإقتراح ده ليه مزايا و عيوب و ليه أسباب قبول و أسباب رفض من الكنيسة و الأزهر.

هل من إقتراحات أخرى؟
مع العلم أن الطلاق محرم فى المسيحية إلا لعلة الزنا.

[amro1965]

ما هى إقتراحات حضرتك كحلول؟

سمعت إقتراح من عمرو حمزاوى بالسماح بالزواج المدنى كوسيلة للزواج موازية للزواج الدينى و للكل الحق فى حرية الإختيار ... طبعاً الإقتراح ده ليه مزايا و عيوب و ليه أسباب قبول و أسباب رفض من الكنيسة و الأزهر.

هل من إقتراحات أخرى؟
مع العلم أن الطلاق محرم فى المسيحية إلا لعلة الزنا.

الدين الاسلامى شرع لنا الحلال والحرام ولم يترك شىء قابل للقيل والقال ونراه افضل الاديان وكتابنا لكل زمان ومكان
ولا نريد ان يفتى او يبدل شرع اسنه الله من فوق سبع سموات
اما رأى د حمزاوى ليس له مكان عندنا
المشكله ليست عندنا المشكله داخل الكنيسه فيجب مواجهتها افضل من دس رؤسها فى الرمال
الرساله موجهه الى الكنيسه فلا تلمونا ويجب لوم انفسهم مع احترامنا الكامل لعبادتهم

[meza]

الدين الاسلامى شرع لنا الحلال والحرام ولم يترك شىء قابل للقيل والقال ونراه افضل الاديان وكتابنا لكل زمان ومكان
ولا نريد ان يفتى او يبدل شرع اسنه الله من فوق سبع سموات
اما رأى د حمزاوى ليس له مكان عندنا
المشكله ليست عندنا المشكله داخل الكنيسه فيجب مواجهتها افضل من دس رؤسها فى الرمال
الرساله موجهه الى الكنيسه فلا تلمونا ويجب لوم انفسهم مع احترامنا الكامل لعبادتهم

و الدين المسيحى شرع لنا الحلال و الحرام و نراه أفضل الأديان أيضاً
أومال أنا معتقد فيه ليه يعنى حضرتك تفتكر؟!

حضرتك قفلت الحوار بالرد ده بصراحة!
... لسببين إن أى حل هقوله بعد كده حضرتك هتقولى دى مشكلتكم إنتوا روحوا حلوها بعيد عننا إحنا دينا أحسن و مفهوش المشاكل دى (ده اللى فهمته من ردك) .... و التانى إن المقارنة بين العقائد و المناقشات العقائدية ممنوعة فى المنتدى.

[otefa]

ما هى إقتراحات حضرتك كحلول؟

سمعت إقتراح من عمرو حمزاوى بالسماح بالزواج المدنى كوسيلة للزواج موازية للزواج الدينى و للكل الحق فى حرية الإختيار ... طبعاً الإقتراح ده ليه مزايا و عيوب و ليه أسباب قبول و أسباب رفض من الكنيسة و الأزهر.

هل من إقتراحات أخرى؟
مع العلم أن الطلاق محرم فى المسيحية إلا لعلة الزنا.

ممكن أسمع منك أيه الأقتراحات للحلول أنت أدرى بالدين المسيحي وأقتراحاتك هاتكون أوقع غالبا؟
بالنسبة للزواج والطلاق في الدين الأسلامي فلايوجد مشكلة عندنا الحمد لله في تطبيق شرع الله وفقا لشريعتنا

[meza]

يبقى عشان أقنعك بحلولى, لازم الأول أقنعك ليه الطلاق محرم فى شريعتنا الحمد لله ... و ده طبعاً مستحيل .. يبقى مفيش فائدة من الحوار أصلاً!

[otefa]

يبقى عشان أقنعك بحلولى, لازم الأول أقنعك ليه الطلاق محرم فى شريعتنا الحمد لله ... و ده طبعاً مستحيل .. يبقى مفيش فائدة من الحوار أصلاً!

براحتك
مش أنا ألي عايز تقنعني
الأزواج ألي بيوصلو لحالة من النفور والى طريق مسدود تستحيل معه العشرة هما ألي محتاجين أقناعك وبيبقى قدامهم حاجة من 3
-يرضو بالأمر الواقع ويعيشوا حالة من الكأبة والحزن طول عمرهم
-يموتو بعض
-يغيرو مذهبهم أو دينهم
!!!!!!!!

[meza]

براحتك
مش أنا ألي عايز تقنعني
الأزواج ألي بيوصلو لحالة من النفور والى طريق مسدود تستحيل معه العشرة هما ألي محتاجين أقناعك وبيبقى قدامهم حاجة من 3
-يرضو بالأمر الواقع ويعيشوا حالة من الكأبة والحزن طول عمرهم
-يموتو بعض
-يغيرو مذهبهم أو دينهم
!!!!!!!!

من فضلك مش عاوز أدخل فى حوار عقائدى

الطلاق ممنوع عندنا و عندنا أسبابنا و اللى شايفينها أحسن حاجة ... زى ما حضرتك شايف إن فى حاجات بتحصل طبقاً لعقيدتك أحسن حاجة و إحنا مش شايفينها كده.

[human]

يبقى عشان أقنعك بحلولى, لازم الأول أقنعك ليه الطلاق محرم فى شريعتنا الحمد لله ... و ده طبعاً مستحيل .. يبقى مفيش فائدة من الحوار أصلاً!

طيب يا ريت تقول ليه الطلاق محرم عشان نفسى اعرف الموضوع ده

[meza]

طيب يا ريت تقول ليه الطلاق محرم عشان نفسى اعرف الموضوع ده

أسف مش هينفع أتكلم عن الموضوع ده لأنه هيتحول لحوار عقائدى و مقارنة بين الأديان و ده لا يسمح به المفروض فى المنتدى

حضرتك ممكن تعمل بحث على جوجل و هتلاقى الآراء

[human]

أسف مش هينفع أتكلم عن الموضوع ده لأنه هيتحول لحوار عقائدى و مقارنة بين الأديان و ده لا يسمح به المفروض فى المنتدى

حضرتك ممكن تعمل بحث على جوجل و هتلاقى الآراء

دورت و قريت شكرا

[amro1965]

أسف مش هينفع أتكلم عن الموضوع ده لأنه هيتحول لحوار عقائدى و مقارنة بين الأديان و ده لا يسمح به المفروض فى المنتدى

حضرتك ممكن تعمل بحث على جوجل و هتلاقى الآراء

مع احترامى الكامل لعقيدتك
الا انه يجب ان تواجهوا الاف التى تنتظر حل وختى هذه اللخظة فى انفصال كلن فى بيت ابيه بعد ان ربطتهم الكنيسه بالزواج
ولا يجدون حل حتى الان الا الخروج من المسيحه الى اى ديانه اخرى او تغيير مذهب
اذن المشكله ليست لدينا ولكن لديكم

[madyyuri]

والله الواحد بيمسك نفسه بالعافية

الحمد لله علي نعمة العقل

الحمد لله علي نعمة الأسلام وكفي بها نعمة