هل تستحق عبير ان تسفك الدماء من اجلها؟!!

[heshamzaky]

على فكرةتعليقي بناءا على الاتهام المستتر من بعض الاخوة في المنتدى وفي الموضوع لباقي الاعضاء المخالفين لهم في الرأي

أنا ردى كان مبنى على أساس العنوان بتاع الموضوع (((هل تستحق عبير ان تسفك الدماء من اجلها؟!!))
لو رديت رد مباشر على السؤال الناس مش حا تتبسط سواء كان مسلم أو مسيحى علشان كدة مكتبتهوش

[ashouhdy]

ومين قال إن هذا الأمر محطوط في دماغنا

الفكرةو هي إحترام قانون الدولة وعدم إتخاذ دور العبادة والأديرة مكاناً لإحتجاز الناس بعيداً عن أعين الحكومة تحت ستارة دار العبادة

وبالنسبة لموضوع السلاح
أظن إن الدولة لو جالها بلاغ أكيد بحاجة زي كده ستتعامل معه بحزم شديد
مثل الحزم الذي تم التعامل به عندما إستولى دير بيشوي على 20 فدان من حرم الطريق مستغلاً الثورة وقام الجيش بهد السور بالدبابات

الخلاصة موضوع السلاح ميهمنيش لأنه دور الجيش والشرطة وهم أهل له سواء السلاح كان في كنيسة او دير أو جامع أو وكر مخدرات

لكن ما يهمني هو إحتجاز مواطن مصري لأنه أشهر إسلامه
هذا ما لا مجاملة فيه

لا يا باشا
الكنيسة بتحتجز ناس
والموضع إتضح للعالم كله في قصة عبير
وإن كنت أنا شخصياً أعلم بموضوع إحتجاز من بعض أسلموا في الأديرة منذ حوالي عشر سنوات مثلاً بسبب معرفة هذا الأمر من قسيس أسلم في مكان معين في مصر

وعلى فكرة إحنا مصحيناش من النوم على قصة عبير فلذلك قررنا إن الكنيسة بتحتجز ناس أسلموا

الموضوع معروف من زمان من قصص الناس اللي أسلموا وما حدث لهم في فترة إحتجازهم في الأديرة
وهذه من القديم
ثم زاد الأمر في أواخر عهد مبارك وعشرات القصص
وأخيراً لزيادة الأمر عن حده وخروج ريحته للخارج بدأ الإعلام يعرف
والقضايا تشتغل
كاميليا ووفاء وغيرهم

وأنا عارف برضه إن المسيحيين العاديين لا يعرفون هذا الأمر لأنه يحاط بسرية من رؤوس الكنيسة ومن يعرفه فقط هو من حدث أن أسلم له إبن أو بنت وسلم للكنيسة

حضرتك مسيحي مش المطكلوب منك إنك تنكر ذلك وشكراً وخلاص ونعمل لنفسنا تنويم مغناطيسي وخلاص

لأ طبعاً

الحل لازم يبقى فيه مجهود

وإذا كان شنودة أصر منذ 10 أشهر على إخفاء كاميليا حتى الآن
هل هذا عناد أم تلاعب بأمن الوطن أو حرق للوطن

أم الهدف هو إستثارة المتطرفين لحدوث فتنة

مطلوب منكم تقويم قيادتكم حتى تزول الفتنة

أما أن تقفوا معها حتى لو كانت مخطئة فأنتم مشتركون في هذا الخطأ

وكلما زاد الإحتقان في المجتمع زاد الكره في القلوب

لا أطلب منك أن تنفي أن الكنيسة بها محتجزين فهذا امر أصبح لدينا من المسلمات

لكن أخبر كنيستك أن المحافظة على عدد المسيحيين في مصر ليس بسجن من يتحول للإسلام في الأديرة والدور التابعة للكنائس

ولكن بتفعيل كلمة المحبة التي يطلقها عبد المسيح بسيط وهو يدعو الأقباط لحمل السلاح على أساس إن المسلمين وقتها هيشيلوا ملبن

-

كلام جميل وعاقل .... وأحب اضيف ان لازم يكون فى شجاعة أدبية للاعتراف بالخطأ مش عناد وتقفيل دماغ .... مفيش حد حيدوم العمر لكن الفكر و المنهج هو من يدوم الى الابد وعشان كدة لازم كل المناهج والافكار المتطرفة تتلغى وتتمسح تماما

[Forever.Leo]

[quote=نور القمر;3873485919]هل تستحق عبير ان تسفك الدماء من اجلها؟
الى كل من ثار وهاج واعتصم وتظاهر وتسبب في الفتنة[quote]

على فكرة سؤال حضرتك كان ممكن يبقى سؤال وجيه .. الا انه موجه لطرف واحد .. هو المسلمين .. و بنية الادانة .. و هو مايؤكده بقية مشاركات حضرتك في الموضوع .. فيه منطق ما عرفش ممكن حضرتك تتفهميه و لا لاء .. في ناس بتبقى غيورة على اسلامها .. بتحاول تنصره بقلبها .. و في ناس بتحاول تنصره بدعمها ليه ( بدون عنف ) .. و فيه ناس عايزة تعيش اي عيشة و السلام .. حتى لو كانت عيشة الهوان .

[Abouhaidy]

هى بعضمة لسانها قالت انها مش محتجزة

[Abouhaidy]

مش دور الافراد ولا بالدراع ولا بالقوة
محدش فوق القانون
عبير اسلمت لقناعتها بالاسلام او للتخلص من زوجها والكنيسة احتجزتها يبقى نبلغ الجهات المختصة
الجهات المختصة تقاعست عن اداء مهمتها يبقى الذنب في رقبتهم
لكن مجمعش الناس وأأجج مشاعرهم واختنا عبير اختنا عبير وهنحرق كل الكنائس
في خطأ حصل من المسلمين يبقى نعترف بخطأنا ومندورش على مبررات ونتلاشاه في المستقبل
موضوع المسلمين والاقباط من اكثر المواضيع حساسية واخطر الفتن في مصر يبقى نبعد عن اي طريق ممكن يوصلنا ليها
قال المصنف رحمه الله تعالى:

قال: حدثني عكرمة، قال: حدثني عبد الله بن عمرو بن العاص قال:

بينما نحن حول رسول الله صلى الله عليه وسلم إذ ذكر الفتنة فقال: «إذا رأيت الناس قد مرجت عهودهم، وخفَّت أماناتهم، وكانوا هكذا. وشبك بين أصابعه. قال: فقمت إليه فقلت: كيف أفعل عند ذلك جعلني الله فداك؟ قال: إلزم بيتك واملك عليك لسانك وخذ بما تعرف، ودَع ما تنكر وعليك بأمر خاصة نفسك، ودَع عنك أمر العامة».

+11111111111111111111111+

[نور القمر]

واحدة واحدة على الراجل ياجماعة ... دة أسرع رئيس وزراء على مر تاريخ مصر بياخد قرارات صح وسريعة

دة بقى شرف اللى الاقباط فى ماسبيرو عايزين يمشوة ....

بالنسبة للقانون التفتيش ع دار العبادة اعتقد جى فى السكة ومتزامن مع تحقيقات النيابة

عايزيين يمشوه ويجيبوا مين
يمكن ساويرس ؟!!!

[heshamzaky]

لا ساويرس و لا أى رجل أعمال ينفع مش عاوزين موضوع تزاوج المال ب السلطة مرة اخرى و تتكرر قصة احمد عز ساويرس لا يصلح نهائيا و لا أى رجل أعمال يصلح

[ashouhdy]

ماهم فى ماسبيرو بيطالبوا برحيل حكومة شرف = ثورة مضادة 100%

أكيد دول ناس مزئوؤة عشان يمشوا الراجل الممتاز دة و تخرب البلد

[meza]

الاهم دلوقتي يابشمهندس

1. ازاي اصلا يطلبوا توحيد التعامل في بناء دور العباده و الماده التانيه اللى الشعب بالاغلبيه وافق عليها هيا الاسلام المصدر الرئيسي للتشريع
2. وازاي برضه يطالبوا بمساواة 90% مسلمين ب 10 % نصاري

فعلاً أول نقطة حضرتك أنا مش فاهم عاوز منها ايه يعنى ... حضرتك فاهم غلط ... الإستفتاء كان على 9 مواد من الدستور مش الدستور كله زى ما فهموك تقريباً.
ده بالإضافة إن قانون العبادة الموحد مش ضد المادة الثانية على حد علمى .. و إلا كده يبقى فيه تناقض مع الكلام اللى إتقال قبل كده إن الشريعة الإسلامية تكفل حقوق الغير مسلمين.

تانى نقطة ... ما ده حضرتك اللى بنسميه دولة مدنية للجميع حقوق و واجبات متساوية .... مفيش دولة فى العالم فيها مواطن مظلوم لمجرد إنه من أقلية ... مش معنى إنى مسيحى و من 10% إنى مأخدش حقوقى زى ال 90%.
رئيس وزراء الهند من أقلية متعديش ال 3% من شعب الهند.

حضرتك تقريباً فاهم إن المساواة يعنى أدى ال 90% مسلمين 50% من مصر .. و ال 10% مسيحيين ال 50% الأخرى ... لو فاهم كده تبقى غلطان مش هنقسمها حسب الدين ... مساواة يعنى كل واحد فى مصر متساوى فى الحقوق و الواجبات مع الآخرين بغض النظر عن لونه, جنسه أو دينه.

[meza]

ماهم فى ماسبيرو بيطالبوا برحيل حكومة شرف = ثورة مضادة 100%

أكيد دول ناس مزئوؤة عشان يمشوا الراجل الممتاز دة و تخرب البلد

ما هى المصيبة إن الحابل هيختلط بالنابل فى الوقت ده

الراجل ده مش ممتاز فى نظرهم و عشان كده عاملين مظاهرات هناك و بيطالبوا برحيله ... و السبب إنهم شايفين إنه تساهل لحد ما 6 ماتوا و كنيستين إتحرقوا و كنيسة إتهدت فى عهده اللى لسه مكملش شهرين.

أنا مش مقتنع بكده ... بس شوف إنت هتقنعهم إزاى بدل ما نروح نولع فيهم عشان هما من الثورة المضادة.

[otefa]

هى بعضمة لسانها قالت انها مش محتجزة

كلام مش صحيح
هي لازم تقول نعم وأيوة أنا كنت محتجزة
الحدق يفهم واضح أنها خايفة من الموقف كله خايفة من النيابة وخايفة من الكنيسة
أسمع الفيديو تاني هاتلاقيها واضحة زي الشمس ............كانت محتجزة

[hondaman]

مش عارف لية كل المصايب اللى حصلت ديما تلاقى واحدة فيها
سوزان. عبير. كاميليا وغيرهم

[meza]

عايزيين يمشوه ويجيبوا مين
يمكن ساويرس ؟!!!

يا أستاذة نور واحدة واحدة ... حضرتك برضو صدقتى موضوع ساويرس ده!

يا سيدتى الفاضلة, ساويرس ده بالنسبالنا زى أى حد تانى ... بالعكس فيه مواقف كتير منه كانت مش متوافقة مع الكنيسة ... مش فاهم ليه عاملين منه كده ... محدش من المسيحيين عمره طلب إنه يبقى رئيس وزراء ولا ياخد أى منصب حتى.
عشان هو مسيحى يعنى و غنى! دى مجرد حجة و أقاويل طالعه وسط الشائعات اللى كترت اليومين دول.
طب ما فيه رجال أعمال تانيين و يمكن أقرب للكنيسة و مبيطلعوش كل يوم بآراء غريبة كده لا توافق ديننا .. إشمعنا مسكوا فى ساويرس يعنى؟!

كلنا رافضين تزاوج المال و السلطة تانى ... كفايه اللى شفناه.

و أنا وضحت ليه الناس دى مش عاوزة شرف فى الرد السابق ... واجبنا إننا نقنعهم إن اللى حصل ده مش بسببه.


رسالة للجميع ... كلنا بالردود بتاعتنا و و قناعاتنا المبنية على شائعات حالياً و الإصرار على تصديق أى شىء يقال, بنزود مشكلة الطائفية أكتر.
لو عاوزين نحل يبقى بلاش نصدق كل الشائعات اللى بتتقال و مناخدش الأمور بظاهرها ... كل حاجة ليها ملابساتها
.... لو مش شايفين الحقيقة كاملة يبقى بلاش نكمّلها من دماغنا.

[meza]

كلام مش صحيح
هي لازم تقول نعم وأيوة أنا كنت محتجزة
الحدق يفهم واضح أنها خايفة من الموقف كله خايفة من النيابة وخايفة من الكنيسة
أسمع الفيديو تاني هاتلاقيها واضحة زي الشمس ............كانت محتجزة

أنا جالى الضغط بجد

و كاميليا برضه كانت مرعوبة و خايفة فى الفيديو ... ولا كانت متنومة مغناطيسى يمكن؟!
ليه كل فيديو نطلع فيه العجائب كده
ما هو لو كل حاجة طلعت هنطلعلها حجج, يبقى مش هنوصل لحل خالص! ....

يا ريت كلنا نصبر لحد ما التحقيقات تخلص
و أتمنى بعدها محدش يطلع يقول دول الظباط مرتشين و كده كده هما من عهد العادلى!

[hobiko]

مش دور الافراد ولا بالدراع ولا بالقوة
محدش فوق القانون
عبير اسلمت لقناعتها بالاسلام او للتخلص من زوجها والكنيسة احتجزتها يبقى نبلغ الجهات المختصة
الجهات المختصة تقاعست عن اداء مهمتها يبقى الذنب في رقبتهم
لكن مجمعش الناس وأأجج مشاعرهم واختنا عبير اختنا عبير وهنحرق كل الكنائس
في خطأ حصل من المسلمين يبقى نعترف بخطأنا ومندورش على مبررات ونتلاشاه في المستقبل
موضوع المسلمين والاقباط من اكثر المواضيع حساسية واخطر الفتن في مصر يبقى نبعد عن اي طريق ممكن يوصلنا ليها
قال المصنف رحمه الله تعالى:

قال: حدثني عكرمة، قال: حدثني عبد الله بن عمرو بن العاص قال:

بينما نحن حول رسول الله صلى الله عليه وسلم إذ ذكر الفتنة فقال: «إذا رأيت الناس قد مرجت عهودهم، وخفَّت أماناتهم، وكانوا هكذا. وشبك بين أصابعه. قال: فقمت إليه فقلت: كيف أفعل عند ذلك جعلني الله فداك؟ قال: إلزم بيتك واملك عليك لسانك وخذ بما تعرف، ودَع ما تنكر وعليك بأمر خاصة نفسك، ودَع عنك أمر العامة».

+1111111111111111111111111

من اول أحداث امبابة ...... و انا فى دماغى الحديث الشريف ده

ايام الثورة و موقعة الجمل ...... كان مغرق المنتدى

دلوقتى ولا حد فاكره ولا بيجيب سيرته

من الأخر ...... حكمة الموضوع

لما حد يكلمك و يقولك المسيحيين حابسين مراتى فى الكنيسة عشان اسلمت ...... خده و روح بلغ الشرطة و الجيش