المدام قالتلي النهارده احنا ازاي معندناش سلاح

[aminibrahim]

الظاهر ان الاشاعات والاعلم الله -------- بيساعد علي البلطجه

النهارده اول مره اشوف بلطجيه بعيني معديين تحت البيت والسنج يا معلمين اوعي

فا المدام فالتلي احنا ازاي معندناش سلاح ايه رايكم؟

المشكله مش بحب اسمع سيرته بس الواحد خايف

[abogogo]

للأسف شر لابد منه ...!!!

[Ayman-Ahmed]

انت ساكن فى منطقة ايه؟ وبالنسبة للسلاح لو ناوى على صوت فبلاش منه لانه فى رايئ ملوش لازمة.شوف اجراءات المسدس الحى.لو قلقان اوى كدة؟ وربنا يسترها على الجميع.

[fepsceasar]

لو استعملته او طلعته فى كارثة فى الحالتين
بلاش احسن
ربنا يستر

[max_ziro]

لقدر الله
لو معاك سلاح
و اتحطيت فى مشكلة
و طلعتة لازم تستخدمة و لو قلبك مش جريء هيتاخد منك و يستخدموة فيكك ههههههه (بهرج معاك)
بس للاسف دة الحال..

[megamoudy]

الظاهر ان الاشاعات والاعلم الله -------- بيساعد علي البلطجه

النهارده اول مره اشوف بلطجيه بعيني معديين تحت البيت والسنج يا معلمين اوعي

فا المدام فالتلي احنا ازاي معندناش سلاح ايه رايكم؟

المشكله مش بحب اسمع سيرته بس الواحد خايف

مجرد شكل السلاح يخوف ........... يعني لو متعلق ف البنطلون اظن هيبقى الوضع مختلف

شيله الفترة دي ......... الدنيا مبقاش فيها امان :(

[megamoudy]

خليك ف الصوت احسن للتخويف بس ..........

[heshamzaky]

لو شايل سلاح و انت مش مقدام و جرىء بجد و دة مش تقليل من شأن أى شخص و لا من شأنك طبعا لآن ناس كتير جدا لو شافت منظر دم ممكن يغمى عليها مثلا أو يدخل فى صدمة مؤقتة بس بجد لو قلبك مش جرىء فعلا و ممكن تستخدمة بجمد و تعور حد او تتعور بلاش تشيلة خالص .
لو طلعت اى سلاح مها كان نوعيتة يا تستخدمة فعلا يا ما تظهرهوش من الاساس و فى الحالة دى مالهوش لازمة لان التهويش بية ممكن يحطك فى مشكلة أكبر و يزود الموضوع
و السلاح بجد شيطان فى أيدك و ممكن وقت الغضب يبقى قلتة افضل من نفعة و يكون الموضوع مش مستاهل و تلاقى نفسك بتستخدمة استخدام فى غير محلة

[wa7d]

انا بخاف اشيل سلاح من اى نوع , لاني عصبى جدا فعندى انضرب احسن بدل ما امسك سلاح واضرب بيه واروح فى ستين داهية

[mikology]

بلاش

[midooz]

بلاش تشيل سلاح بس ممكن تجيبه في البيت .. أمان مش أكتر

[kok3]

انا كمان محتاج سلاح انا عايش لوحدى وبسافر كتير وساعات برجع متاخر البيت بس مش هقدر اجيبه بطريقه غير قانونيه وفى نفس الوقت اكيد الاجراءات القانونيه معقده واحتمال كبير اصلا ميرضوش بالطريق القانونى انى احمل سلاح علشان انا مش رجل اعمال مهم ولا مليونير علشان يدونى رخصه وف نفس الوقت عموما السلاح وجوده ضروره للدفاع عن النفس وبعدين اصلا الاسلحه الحيه دى بتكون موجوده فى محلات يعنى ولا زى المخدرات كدا بتجيبها من اى حد بطريقه خفيه كدا بصراحه انا مش عارف بس ليه منكونش زى امريكا كدا عندهم السلاح عادى انك تشتريه من اى محل حتى من غير ترخيص بتشتريه وتبقى ترخصه براحتك والاجراءات سهله عندهم رغم انه معندهمش انفلات امنى زى هنا للاسف مفيش حاجه بتتغير فى مصر ولا هتتغير احنا محتاجين قرون من الزمان علشان نتقدم ونعرف حقوقنا وواجباتنا كل الشعب مينفعش حتى لو كان قله متعلمين وفاهمين شويه مش هيفرقو فى حاجه والباقى كله فى عالم تانى خالص انا رغيت كتير شكلى اسف على الاطاله

[amr100]

انا كمان محتاج سلاح انا عايش لوحدى وبسافر كتير وساعات برجع متاخر البيت بس مش هقدر اجيبه بطريقه غير قانونيه وفى نفس الوقت اكيد الاجراءات القانونيه معقده واحتمال كبير اصلا ميرضوش بالطريق القانونى

انسى موضوع الرخصة ده خالص انا خالي لي 3 سنين مستني تجديد الرخصة ومدة الرخصة الجديدة خلصت و لسه ما استلمش الرخصة بتاعته