اية رايكم فى موضوع الnetwork markting

[midomizo]

انتشرت فى الفترة الاخيرة شركات جديدة تعمل بمجال الnetwork markting مثل qnet.net وغيرها الكثير والغريب ان الكثير يعمل بها لانها لا يوجد بها مخاطرة مثل البورصة والفوركس.

انا علطول كل شوية اقع فى واحد يفضل يوجع دماغى نص ساعة بالموضوع دة والمشكلة انهم بيبيعو منتجات متفدش حد بحاجة وفى نفس الوقت مش هيعرف يسوقها

انا عشان بعتبر المنتدى هنا عائلتى واصدقائى فمحتاج اعرف منكم اية رايكم فى موضوع الnetwork markting ولو حد شارك فية ومع شركة اية واية العقبات القبلتة وهل هو نصب زى التايم شير ولا دة فعلا حقيقى

تحياتى

[midomizo]

[youtube]http://www.youtube.com/watch?v=LW-RSWTuE5Q[/youtube]

[saadelden]

هي فكرتها انه بيعمل دعايا و انت بتشتري المنتج بتاعه و بعدين انت بتبتدي تشتغل عنده تعمل دعايا
و هكذا

طبعا انت عشان تسجل معاهم لازم تشتري حاجه في حدود 100 دولار علي حسب الشركه
و الي انت مشترك عن طريقه بياخد عليك عموله

اول ناس بتجيبهم بتاخد عليهم مبلغ كبير
بعد كدا بتبتدي تاخد علي كل كام فرد مبالغ صغيره

انت اما بتجيب حد او حد م الي تحتك جاب حد انت بتاخد عليه عموله

بس الفكره انا هجيب منين ناس تشتري ساعه ولا علبه اقلام ولا اسوره ولا غيرها هنا في مصر
اذا كنت عرفت اجيب واحد ولا اتنين بالكتير اوي مش هوصل لارقام كبيره

[solom_2010]

الموضوع جامد جدااااااااااا و انا فى شركة (gmi) جولد ماين انترناشونال

[askanas]

سيبكو من انها حرام او لا انا مقبلش فلوس تجيلي في البيت و انا قاعد مبعملش حاجة

ودي بتحصل بعد فترة من الشغل و بصراحة حاسس لما اقول لواحد صاحبي خش الموضوع ده سواء gmi او qnet او gdt بحس اني بستغلوا او بضحك عليه و هوا بيفضل خسران لحد ما يلبس واحد تاني و يكسب .... الموضوع علي بعضو تلبيس

واحب اقولكوا اني حضرت لحد دلوقتي 7 presentation عن الموضوع ده و روحتهم عشان بيعزموني بطلب المشاريب و يعزموني عليها دناوة بئا هههههههههههه

[midomizo]

هي فكرتها انه بيعمل دعايا و انت بتشتري المنتج بتاعه و بعدين انت بتبتدي تشتغل عنده تعمل دعايا
و هكذا

طبعا انت عشان تسجل معاهم لازم تشتري حاجه في حدود 100 دولار علي حسب الشركه
و الي انت مشترك عن طريقه بياخد عليك عموله

اول ناس بتجيبهم بتاخد عليهم مبلغ كبير
بعد كدا بتبتدي تاخد علي كل كام فرد مبالغ صغيره

انت اما بتجيب حد او حد م الي تحتك جاب حد انت بتاخد عليه عموله

بس الفكره انا هجيب منين ناس تشتري ساعه ولا علبه اقلام ولا اسوره ولا غيرها هنا في مصر
اذا كنت عرفت اجيب واحد ولا اتنين بالكتير اوي مش هوصل لارقام كبيره

انا معاك فعلا فى الكلام دة وهو صح 100 %

بس اليحزن الواحد لما يلاقى كل صحابة عجبهم الموضوع وبيدعو ناس لية وكل لمروح حتة الاقيهم بيتكلمو فى الموضوع دة

تحس ان صحابك بيتحولو مندوبين مبيعات وعجبهم اوى الشغل دة

طب لية الموضوع دة مش تتولاه شركة مصرية مثلا وتعلن عن منتجات مصرية
وهو فى نفس الوقت هيفيد الناس ويدفع عمولات على حجات ليها لزمة ويفيد بلدة

لكن هل الشركات دى حقيقية ولا ممكن تيجى بعد فترة وتهرب بعد متحقق مكاسبها

[midomizo]

سيبكو من انها حرام او لا انا مقبلش فلوس تجيلي في البيت و انا قاعد مبعملش حاجة

ودي بتحصل بعد فترة من الشغل و بصراحة حاسس لما اقول لواحد صاحبي خش الموضوع ده سواء gmi او qnet او gdt بحس اني بستغلوا او بضحك عليه و هوا بيفضل خسران لحد ما يلبس واحد تاني و يكسب .... الموضوع علي بعضو تلبيس

واحب اقولكوا اني حضرت لحد دلوقتي 7 presentation عن الموضوع ده و روحتهم عشان بيعزموني بطلب المشاريب و يعزموني عليها دناوة بئا هههههههههههه

ههههههههههههههههههههههه
واحد صاحبى النهاردة لسة حاضر presentation منهم وجاى يسالنى ففهمتة ان الموضوع كلة تلبيس زى ميكون بيلبس العمة بمزاجك فقالى بجد طب دنا ناس كتير عزمنى قلتلة بص هما بيحاولو يعزموك وفاكرين ان هيجلهم من وراك مصلحة فنتا لما تكون فاضى روح احضر البرزسنتيشن فى اى قهوة وخد مشروبك وامشى ولما يكلمك قولة لسة بدور الموضوع فى دماغى ومنها تبقا شربت مشروب ببلاش وسمعتلك شوية ارقام خيالية احسن متعد قدام اى برنامج مسابقات على التلفزيون وفى الاخر متاخدش حاجة

المهم اول بزنتيشن الراجل نص ساعة بيشرح وانا مش فاهم هو عايز يوصل لاية فى الاخر وفى الاخر يقولى تشترى حاجة ب750 دولار كنت هقتلة

طب بزمتك لو معايا المبلغ دة هدور على شغل

والمهم يقولك عايز اقبلك درورى موضوع مهم لقتلك شغلانة جامدة طحن وفى الاخر تطلع تلبيسة

والله لو الشباب عملو مع بعضهم كدة فى سوق العمل من زمان مكنش هيكون بينا عاطل

ولا حد يضحك علينا بنصب زى دة

[midomizo]

طب بيما اننا سودنا الدنيا خالص

واتضح ان البورصة = مخاطرة ومبيكسبش منها غير شركات السمسرة

والفوركس = مخاطرة ومبيكسبش منها غير وكلاء الشركات البتعلن عنها فى البلد

والنتورك ماركتنج مفيش فى مخاطرة بس نضحك على بعض والبيكسب منة جامد البيورد المبالغ دى برة وبياخد نسبتة

طب اية الممكن الواحد يتاجر فية على النت وميكونش فية مخاطرة ويحس ان مكسبة حلال جمب الوظيفة ويشغل صحابة معاه كمان

وعايز اعرف اية تانى ممكن الواحد يقع فية ويخسر جامد غير البورصة والفوركس والتايم شير وحديثا النتورك ماركتنج؟؟؟

[tkamal]

هو الناس له مصرة على العمل فى شغل التلات ورقات
تحت مسميات فخمة

يا جماعة الثورة قامت

والثورة بتقول

زراعة وصناعة و تجارة فى الى بتصنعة وتزرعة غير كدة

يبقى فى استسهال شديد من الشباب

[ashouhdy]

الموضوع عاوز ذكاء ابن خالى بيخشلة 1000 دولار اسبوعيا من ورا الحوار دة اللى عاوز يدخل يقولى

[midomizo]

هو الناس له مصرة على العمل فى شغل التلات ورقات
تحت مسميات فخمة

يا جماعة الثورة قامت

والثورة بتقول

زراعة وصناعة و تجارة فى الى بتصنعة وتزرعة غير كدة

يبقى فى استسهال شديد من الشباب

المشكلة ان من بعد الثورة ومشفناش غير اعتصامات وخناقات فى الشوارع وانتشار للبلطجة

اما الزراعة والصناعة فاحنا مش عارفين الجاى هيعمل اية وهل هيشجع المشاريع الصغيرة زى الصين ولا هيعملو زى مكانو بيعملو قبل كدة كل مواحد يفتح مصنع يحطولو ضرايب قد كدة ويراضى فى الحكومة عشان المصنع ميتقفلش وفى الاخر يتقفل برضو

اما بالنسبة للزراعة فمعرفش القمح بقينا نزرعة ولا لسة بنستورد الصراحة

بس عمتا الاكل غلى او زى مهو تقريبا مرخصش

[midomizo]

الموضوع عاوز ذكاء ابن خالى بيخشلة 1000 دولار اسبوعيا من ورا الحوار دة اللى عاوز يدخل يقولى

نفس الارقام الخيالية البسمعها
طب هو ابن خال حضرتك بس تبع شركة اية

واية رايك فى الموضوع دة

[ashouhdy]

هو تبع q-net وكل ماياخد شيك يصوروا وينزلة ع النت عشان يعمل دعاية و فعلا تحتية ناس بالعبييييييييييييط ودة بجد والله مش مبالغة انا كبير يعنى على المبالغة والكلام دة ... بس هى دى الحقيقة .... و تقريبا جالة هبل فى دماغة من كتر التفكير فى الموضوع دة

بقى يفكرنى بعم دهب وعلامة الدولار بتلعب فى عينية !! ههههههههههههه

[ashouhdy]

أحب أضيف ان أختى انا شخصيا دخلت هى كمان فى الموضوع دة ويدويك جابت اتنين بس لسة بقالها اسبوع فى ال q-net برضة راحت presentation و نفس الموضوع :)))))))))))))))))