سؤال -- هي القوات المسلحه خايفه من حد؟

[aminibrahim]

مع الانفلات الامني وده اخطر شئ ومع البلطجه وده خطير جدا

هي ليه مش عايزه تشد شويه والا الموضوع اكبر منها ---


اصل انا لما سمعت المكالمه التليفونيه ع الحيه اليوم للوا ممدوح شاهين


+ البين الاخير قلت بس هايبقي في شوية حزم بس حاسس انه عادي

لأ والي غيظني ان الراجل قال للمزيعه عايزينكم تخفوا شويه <لبني عسل< ومتكبروش المواضيع


وبلاش تزودوا من الالاحداث حسيت ان هي ولا في دمغها

[weller]

انا معاك في كلامك
مش عارف بيطبطبوا كده ليه
.............بس لبني عسل دي عسل فعلا

[elrasy]

فعلا مش عارف خايفيين من اية
قالوا هيضربوا البلطجية بالنار ودة محصلش
قالوا ممنوع مظاهرات تعيق سير الطريق والناس فى ماسبيرو مريحيين

[sara2001]

انا عندي سؤال وياريت حد يجاوبني عليه
هو في حد بيحكم مصر دلوقتي؟
او بمعنى ادق
مين مسئول عن ايه؟

[heshamzaky]

البلد فى حالة انفلات أمنى و دة الى ايام الثورة قلنا أنة حا يحصل بس الناس ما رضيتش تصدق .و قالو لآ و الحرية و حاجات كتير جدا و الاحداث دائما لا يمكن التكهن بما سيقع الا لو نظرت للامور بنظرة شمولية اكبر شوية

[mrwho1982]

والله انا زيكم شامم ريحة مش حلوة

[otefa]

البلد فى حالة انفلات أمنى و دة الى ايام الثورة قلنا أنة حا يحصل بس الناس ما رضيتش تصدق .و قالو لآ و الحرية و حاجات كتير جدا و الاحداث دائما لا يمكن التكهن بما سيقع الا لو نظرت للامور بنظرة شمولية اكبر شوية

+1
ده غير أن مش معروف مين معك ومين ضدك
الموضوع مش سهل
يعني جهاز الداخلية علشان يطهر مش بالبساطة خالص ألي كثير متصورينها
أحنا الفساد عندنا كان دايس في كل ركن من أركان الدولة
ده غير تكتلات أقتصادية ليها مصالح مع الفوضى(تجار مخدرات-تجار سلاح-عرباوية في سينا-رجال أعمال هبيرة)
ده غير تيارات دينية مسيحية ومسلمة
ده غير خونة ليهم مصالح مع أسرائيل والغرب
وغيره وغيره
والأهم المحافظة على تماسك القوات المسلحة نفسها ماننساش زجود تيارات متنوعة بها برضه
الحل في وعي الشعب الكل يلزم بيته وعمله علشان يظهر العناصر ألي ضد الثورة وتبقى مكشوفة ويبقى سهل تتلم وتتحاسب

[م.احمد زكريا]

هو مش قالوا نعمل دستور في 24 ساعة

ونشيل المحافظين كلهم ونحط غيرهم في يومين

ونشيل رؤساء الجامعات والعمداء والوكلاء ونحط غيرهم في يومين

ونلغي المحليات ونغير رؤساء الشركات والمصالح الحكومية والهيئات العامة في 3 ايام

ونلغي امن الدولة ونسرح الضبات والمخبرين والامناء

ونشيل الضباط الفاسدين ونعين مكانهم خريجي الحقوق

والظابط ابن التييييييييت المش عايز يشتغل يغور في 60 داهية ويجي 10 غيره

ما احنا كنا بنحمي البلد ايام الثورة (نسيب اشغالنا ودراستنا ونعمل لجان شعبية ورانا إيه يعني ؟؟)

فوضى في الأفكار وفوضى في التنفيذ وفوضى في الحلول وفوضى حتى في الإعتراض أو التظاهر

من الأخر اصبحت فوضى

[Atrees]

الجيش بيصد بلاوي تانية لا يعلن عنها - احنا عرضة للاختراقات من كل اللي حوالينا - صدقوني الجيش مفحوووووووت في حاجات كتير قوي امنيا اهم بكتير من مشاجرات الشوارع اللي بتحصل


العيب علي الشرطة اللي لسة لابسين الجلاليب وقاعدين حاطين ايدهم في المية الساقعة

[Abo_Lina]

نفس السؤال اللي بيراودك بيراودني و بيراود كل من له عقل
أتمنى الإجابة اللي في دماغنا كلنا و بتزيد تأكيد يوم بعد يوم ..... تطلع غلط

[tamer_a7]

البلد فى حالة انفلات أمنى و دة الى ايام الثورة قلنا أنة حا يحصل بس الناس ما رضيتش تصدق .و قالو لآ و الحرية و حاجات كتير جدا و الاحداث دائما لا يمكن التكهن بما سيقع الا لو نظرت للامور بنظرة شمولية اكبر شوية

وايامها كنا فلول نظام ولجان الكترونيه
والنهارده بنثبت اننا كنا وجه النظر الاصح

[Ghamrawy]

فعلا المياعة و المط فى التعامل مع الفوضى بقى دمها يلطش
و كفاية طبطبة على ال@#$%&
للاسف الحرية فى مصر بدون ضابط و رابط=فوضى

[hobiko]

وايامها كنا فلول نظام ولجان الكترونيه
والنهارده بنثبت اننا كنا وجه النظر الاصح

معلش بس ...... كنت صح فى ايه ؟؟؟؟؟؟

و انا مش فاهم ...... الموضوع ان الجيش ليه مش عارف يتصرف او مش عايز يتصرف ..... ده السؤال

و بعدين احنا لغاية دلوقتى بتدفع تمن الهروب الكبير للشرطة يوم 28 يناير ...... ايه بقى اللى كان لازم يتعمل عشان ما نخليهمش يهربوا مش فاهم ؟؟؟؟؟

[Col. Eng. Khaled]

الرحمة حلوة

[تامر.محمد]

ببساطة اللي فضى التحرير يقدر يلم البلطجية , و طريقة التعامل هنا و هنا باينة اوي للي شاف طبعا

و اللي شاف فهم
و اللي ما شافش ما عرفش
و اللي ما يعرفش بيقول ايه ؟؟؟