عاوز اروح شرم

[osama]

ازيكم كنت عاوز اروح شرم مصيف اسبوع اروح ولا مرحوش من حيث امان المدينة
يعني شرم فيها امان ولا الدنيا خربنا هناك
ارجوكم رود بسرعة محتار وعاوز احجز والمادم خايفة وانا متشجع والعرض بتاع شركة السياحة لايعوض

[ZALABANY]

شرم امان جدا ما تقلقش والطريق كمان امان وزي الفل بس سافر بالنهار

[osamaesm]

انا كمان عايز اطلع علي اخر الشهر مش عارف الطريق امان ولا لا

[ZALABANY]

يا شباب انا طلعت شرم في عز القلق من حوالي شهرونص شهرين والدنيا كانت تمام جدا الآسعار رخيصه السياح قليلين جدا الطريق امان وفي جيش لحد ما تمسك الطريق من راس سدر وعامة انا عرفت من البدو هناك ان القبايل مأمنه الطرق من شمال سيناء عشان ما فيش حاجه توصل لشرم وتضرب الدنيا هناك اكتر زي العريش ما فيش قلق من الطريق توكلوا على الله

[mohamed_selim]

اليومين دول بيحصل ان ساعات الطريق بيتقفل نتيجة اعتصامات البدو ... و المشكله التانيه ان فى قلق فى التعديه لسينا علشان الزحف بتاع فلسطين ... بالنسبه للأمان فالطريق امان المشكله بتبقى فى عدم الاستقرار و انك ممكن تستنى وقت كتير فى نفق احمد حمدى مثلا ...

انا لو منك اخد طيران

[م.احمد زكريا]

الاحسن تروح طيران المدينة نفسها امان جدا
بس الطريق هو الممكن يكون فيه قلق

[ZALABANY]

بس على فكره لم نسمع عن اي اعتصامات للبدو في شرم الشيخ كل الإعتصامات كانت في العربش وشمال سيناء بدو شرم الشيخ رزقهم من السياحه فمش هايضربوها بإيدهم

[mohamed_selim]

مبيكتبوش شارم ... بيكتبو طريق راس سدر او راس سدر الطور .. و مره كانت راس سدر - سانت كاترين

[KarimAbulEla]

انا باذن الله حجزت الاربعاء القادم ، المدام كان خايفة برضه بس قولت نتوكل على الله و نطلع بالعربية
لو فيه حد طالع الاربعاء 25 /5 يقولى و نطلع مع بعض

[osamaesm]

انا باذن الله حجزت الاربعاء القادم ، المدام كان خايفة برضه بس قولت نتوكل على الله و نطلع بالعربية
لو فيه حد طالع الاربعاء 25 /5 يقولى و نطلع مع بعض

رحله سعيده بأذن الله
بس حجزت فين و الاسعار لو سمحت

[bakkoor]

اولا هو الطريق ياخد قد ايه بالعربيه
ثانيا ممكن حد يوصفلى الطريق

[elfashn]

ياخد حوالى 6 ساعات مع وقفة استراحه فى منتصف الطريق. انت بتاخد طريق السويس لحد نفق الشهيد احمد حمدى وبعدها تاخد يمين عالطول وهيبقى فى علامات توضيحيه فى الطريق بعد كده.

[MOUSTAFA_SAAD]

سافروا بالنهار ياجماعه وخصوصا اللى معاه حريم وربنا يستر طريقكم

[bakkoor]

هل هناك استراحات فى الطريق ولو حد لاقى استراحات ياريت يقولى عليها علشان الامان

[م.احمد زكريا]

هل هناك استراحات فى الطريق ولو حد لاقى استراحات ياريت يقولى عليها علشان الامان

خلي وقفاتك كها في مدن

أول إستراحة قبل نزول النفق مباشرة عند مدخله (أمان جدا)

ثاني استراحة في رأس سدر (مدينة)

ثالث إستراحة في الطور (مدينة)

وربنا يوصلك بالسلامة إن شاء الله