أحمد مكى يطالب شعب مصر بالعفو عن "مبارك" وأسرته

[م.احمد زكريا]

فى اتصال هاتفى مع المستشار أحمد مكى، نائب رئيس محكمة النقض، حول ما صرح به ليله أمس ببرنامج (فى الميدان) بقناة التحرير للإعلامى محمود سعد، حول دعوته لشعب مصر بالعفو عن "مبارك" وأسرته أكد المستشار أنه لم يستخدم كلمة العفو عن مبارك وأسرته، خلال الحوار، ولكنه ذكر أن الإسلام دين تسامح ورحمة ويدعو لمعاملة الناس بالعفو والإحسان وأن القانون المصرى يضع ضوابط خاصة فى حبس القضاة، فلا يضعهم مع المساجين الجنائيين، نظراً لما يمثله القاضى من شرعية قانونية وهيبة للقضاء.

وأضاف المستشار: لذا فقد طالبت بأن يعامل الرئيس السابق معاملة مثل القضاة المحبوسين كأن يوضع فى حبس خاص داخل منزله وأن الحبس ليس بمكانه، ولكن بطبيعة الحبس، كما أنه يجوز للقاضى بنص القانون تحديد مكان الحبس، وقد يكون فى مكان بعيد عن باقى المساجين، وخاصة الجنائيين.

وأكد مكى أن كلامه جاء رداً على سؤال من الإعلامى محمود سعد هل يمكن حبس مبارك فى مكان معين غير السجن؟ وقمت بتوضيح وجهة النظر القانونية فقط، ولم أدع المصريين للعفو عن مبارك.

[تامر.محمد]

فيه ناس ما بتصدق

[د.أحمد السعيد]

مهو فيه ناس كتير ولاد ناس اساتذة جامعة و علماء اتسجنوا بدون وجه حق مع المجرمين الجنائيين
هو على راس اللى ..... ريشه

لا تراجع و لا استسلام

قصدى لا تسامح و لا استسلام

ليكون عبرة لغيرة

[ashouhdy]

وهو كان تسامح مع ملايين الضحايا من الشعب المصرى لحد ما خلى صورتنا قدام اى مكان فى العالم اقذر من صندوق الزبالة ...

[mr_vampire]

قولووووووووووووووووووووووو كدة بقي يبقي مش حوار ارتجاف اوذيني ووجع في الصباع الصغير. يبقي ده المقصود بقي. ان مينفعش يتحبس في سجن لانه رمز.

سؤال واحد بس ( مش لشخص معين ) انما لاي شخص مقتنع بفكرة العفو عن المخلوع واسرته : ( لو كنت خسرت عين او اضربت رصاصة او اتقتلك ابن او اخ او اب كان هيبقي كلامك كدة برده ؟؟؟؟؟؟؟؟؟

الكلام سهل مادام خارج الموقف . انما اللي خسر عين او شخص دمهم بيغلي وملايين ومليارات الدنيا متعوضش عين راحت او عزيز فقد. فياريت الناس تبقي عندها شوية من الاحمر قبل ماتنطق بكلمة.


استعدو يارجالة بيقولو شرم الشيخ اليومين دول جوها حلو اوي.

[Dojuar]

أنا عايزو يتعصر في السجن عشان يطلعوا منه رؤساء صغيرين

[CryptonX]

حبس عادي .. واذا كان مكتوبله رحمة ربنا حيتوفاه .

[otefa]

لا أوافق بس بشرط كل من شارك في الفساد يتحاسب بنفس القوة
على سبيل المثال أعضاء مجلس الشعب ألي كان المفروض أنهم بيدورو على مصالح الشعب وألي كانو بيوافقوه ويمشو على هواه
قالو لفرعون أيه فرعنك...........مالقيتش حد يصدني
صوت يلا

[Ahmed Selim]

أنا من زمان ليا رأي تانى.....من أيام موضوع السعودية و الكويت

عاوزينه.....أدفعوا كل الفلوس اللى سرقها هو و عيلته
و الفلوس اللى ساهم فى سرقتها
و الفلوس اللى ساب اللى معينهم يسهلو سرقتها
و أى فلوس ضيعها على مصر

و بعد كده أحنا هنبعته لحد عندكم هو و العيلة فى طيارة خاصة.

غير كده..............لا تسامح و لا إستسلام على رأي الدكتور أحمد السعيد.

[madyyuri]

قولووووووووووووووووووووووو كدة بقي يبقي مش حوار ارتجاف اوذيني ووجع في الصباع الصغير. يبقي ده المقصود بقي. ان مينفعش يتحبس في سجن لانه رمز.

الله يرحمك يا سباعي، كان دمه خفيف

سؤال واحد بس ( مش لشخص معين ) انما لاي شخص مقتنع بفكرة العفو عن المخلوع واسرته : ( لو كنت خسرت عين او اضربت رصاصة او اتقتلك ابن او اخ او اب كان هيبقي كلامك كدة برده ؟؟؟؟؟؟؟؟؟
اللي ايده في المية مش زي اللي ايده في النار

الكلام سهل مادام خارج الموقف . انما اللي خسر عين او شخص دمهم بيغلي وملايين ومليارات الدنيا متعوضش عين راحت او عزيز فقد. فياريت الناس تبقي عندها شوية من الاحمر قبل ماتنطق بكلمة.


استعدو يارجالة بيقولو شرم الشيخ اليومين دول جوها حلو اوي.

أي حد بيدافع عن اللصوص والحرامية دي أكيد يا اما منهم يا كان بينتفع من وراهم

أن قريشا أهمتهم المرأة المخزومية التي سرقت ، فقالوا : من يكلم رسول الله صلى الله عليه وسلم ، ومن يجترئ عليه إلا أسامة ، حب رسول الله صلى الله عليه وسلم ، فكلم رسول الله صلى الله عليه وسلم ، فقال : ( أتشفع في حد من حدود الله ) . ثم قام فخطب ، قال : ( يا أيها الناس ، إنما ضل من كان قبلكم ، أنهم كانوا إذا سرق الشريف تركوه ، وإذا سرق الضعيف فيهم أقاموا عليه الحد ، وايم الله ، لو أن فاطمة بنت محمد سرقت لقطع محمد يدها ) .

[Abo_Lina]

الراجل ده بينه و بين بعض الناس دم
إشي عبارة و إشي شهداء ثورة و إشي ناس ماتت بالسرطان
كونه على رأس النظام هو مسؤولية مش فسحة في شرم و أسيب البلد تضرب تقلب

[heshamzaky]

[quote=م.احمد زكريا;3873496901]فى اتصال هاتفى مع المستشار أحمد مكى، نائب رئيس محكمة النقض، حول ما صرح به ليله أمس ببرنامج (فى الميدان) بقناة التحرير للإعلامى محمود سعد، حول دعوته لشعب مصر بالعفو عن "مبارك" وأسرته أكد المستشار أنه لم يستخدم كلمة العفو عن مبارك وأسرته، خلال الحوار، ولكنه ذكر أن الإسلام دين تسامح ورحمة ويدعو لمعاملة الناس بالعفو والإحسان وأن القانون المصرى يضع ضوابط خاصة فى حبس القضاة، فلا يضعهم مع المساجين الجنائيين، نظراً لما يمثله القاضى من شرعية قانونية وهيبة للقضاء.

وأضاف المستشار: لذا فقد طالبت بأن يعامل الرئيس السابق معاملة مثل القضاة المحبوسين كأن يوضع فى حبس خاص داخل منزله وأن الحبس ليس بمكانه، ولكن بطبيعة الحبس، كما أنه يجوز للقاضى بنص القانون تحديد مكان الحبس، وقد يكون فى مكان بعيد عن باقى المساجين، وخاصة الجنائيين.

Quote]
هو القضاة بيتحبسو فى منازلهم و لا أية .
لو كدة يبقى القانون دة يتعدل و يتحبس زى أى مسجون بس مع مراعاة انة ما يضعهوش مع مسجلين خطر فئة أ مثلا
بس موضوع حبس القضاة دة عاوز وقفة شوية اشمعنى يعنى دة لو هو أدرى الناس بالقانون يبقى تغلظ العقوبة علية لو أخطأ علشان يبقى يفكر الف مرة قبل ما يخالف القانون