ما هي افضل شركة تداول اوراق في المعادي او حلوان؟؟؟

[abdelaziz-waleed]

السلام عليكم
لو سمحتم كنت عاوز اعرف ايه افضل شركة سمسرة في الاوراق المالية في البورصة وتكون في حلوان او المعادي
انا اقرب شركات لبيتي هم
حلوان لتداول الاوراق
اراب فاينانس اللي قدام اكاديمية السادات في المعادي
هل فيه حد تعامل معهم من قبل يقولي ايه رأيه فيهم؟؟
شكرا جزيلا على المساعدة

[abdelaziz-waleed]

ايه يا جماعة
مافيش حد هنا بيستثمر في البورصة خالص؟؟؟

[speed demon666]

في شركة مترو للتداول جنب لينك اللي في مصر حلوان الزراعي في المعادي ... انا أعرف واحد هناك

[أحمد الجندى]

المفروض ان شركة حلوان من اكبر الشركات زى بايونير كده .

[abdelaziz-waleed]

الف شكر يا جماعة على الردود
انا بدأت بالفعل في التعامل مع اراب فاينانس
وعرفت انها تبع نجيب ساويرس
انا كنت متعاقد معاهم على عمولة 4 في الالف بحد ادنى 5 جنيه والمفروض ان عمولة مصر المقاصة وباقي الرسوم بتوصل حوال 1 ونص في الالف
بس لاحظت ان فيه عملة تانية 5 جنيه اسمها عملة حفظ
هل دي موجودة في كل الشركات؟ ول الناس دي بتشتغلني

تاني حاجة: هم بينزلو تقرير يومي على السايت بتاعهم وبيبقى مكتوب فيه الاسهم اللي ممكن الواحد يشتري فيها
انا طبعا علشان جديد اشتريت في الاسهم اللي هم وصو بيها والحمد لله لغاية دلوقتي ولا سهم منهم طلع بالكس كلهم نزلو ما بين 2 و3 في المائة. وانا اشتريت مع نفسي كدة في طلعت مصطفى والحمد لله هو السهم الوحيد اللي طلع وطلع كتير كمان (حوالي 6%)
بس الشيء الكويس عندهم ان التداول الكتروني من على السايت. يعني مش محتاج اتصل ولا اروح الشركة ولا اي حاجة

انتو ايه رأيكم في الكلام ده؟؟

[beautiful0mind]

ازاى حضرتك عمولة التداول الاكترونى اقل من التداول العادى وبتكون 2.5 .......

[abdelaziz-waleed]

في شركة مترو للتداول جنب لينك اللي في مصر حلوان الزراعي في المعادي ... انا أعرف واحد هناك

الف شكر ربنا يخليك يا باشمهندس
انا قولت اتعاقد مع اراب فاينانس لأنهم قريبين مني جدا لأني عامل حساب اني ممكن اروح مواصلات بدون العربية
انا ساكن في حدائق حلوان

المفروض ان شركة حلوان من اكبر الشركات زى بايونير كده .

انا فعلا لما رحت هناك حسيت انها شركة عملاقة وفيها حركة غير عادية غير ان مقر الشركة متوضب وشيك جدا
على عكس اراب فاينانس لاقيتها شركة صغيرة وكمان المكاتب لامؤخذة في الكلمة معفنة جدا
بس انا مش هتفرق معايا المظاهر قد ما يرفرق معايا الشغل
بس واضح اني هروح لشركة حلوان
لأن اراب فاينانس عملو معايا موقف ضايقني جدا
انا مضيت معاهم العقد يوم الخميس الماضي وقالولي اني هتكود في البورصة يوم الاحد
اتصل يوم الاحد يقولولي لسة اسمي في التكويد وممكن يتكود انهاردة او بكرة
اتصل يوم الاتنين يقولولي لسة واتصل بينا كمان ساعة (على فكرة شركة حلوان قالولي هتتكود في نص ساعة وانت واقف)
هنا انفجرت بقى وزعقتلهم وقولتلهم الغو التعاقد انا هروح شركة تانية
ودخلت على السايت بتاعهم وكتبت شكوى وبعتها
مافيش 5 دقائق واتصل بيا مدير الشركة وقاللي اني اتكودت واقدر اجيب الفلوس وابدأ التداول

غير طبعا التقرير والتوصيات اللي انا مشيت وراها واشتريت اسهم بناءا على التقرير وكلها خسرانة لغاية دلوقتي
يعني حتى مش عارفين يقرو السوق
هتعلم منهم ازاي دول انا مش عارف
دانا والله بلعب لعبة Stock riders بتاعة البورصة ومعتمد على نفسي وكساب لغاية دلوقتي 3.5%

[abdelaziz-waleed]

ازاى حضرتك عمولة التداول الاكترونى اقل من التداول العادى وبتكون 2.5 .........

معقولة الكلام ده
يبقو هما نصابين بقى
طب دلوقتي يا باشمهندس انا اشتريت واللي حصل حصل
هل ينفع افسخ التعاقد معاهم واتعاقد مع شركة تانية وانا محتفظ بالاسهم؟؟

[beautiful0mind]

انا فالشركة عندى العمولة 2.5 ..........ممكن حضرتك عادى جدا بتروع تتعاقد مع شركة تانية لكن قبل متنقل للشركة الثانية أسأل الاول على عمولة التداول الاكترونى كام فالشركة اللى انت فيها

وممكن حضرتك تتابع معانا الجلسات على الصفحة بتحتى

http://www.facebook.com/WeLoveEgypt2011

وان شاء الله هتجد متابعه يومية للجلسات اليومية ............والحمد لله الصفحة عندى بها نخبه من ذو الخبره ...ونتمنى من حضرتك تتابع معانا الصفحة

[abdelaziz-waleed]

انا فالشركة عندى العمولة 2.5 ..........ممكن حضرتك عادى جدا بتروع تتعاقد مع شركة تانية لكن قبل متنقل للشركة الثانية أسأل الاول على عمولة التداول الاكترونى كام فالشركة اللى انت فيها

وممكن حضرتك تتابع معانا الجلسات على الصفحة بتحتى

‫ط§ط³طھط«ظ…ط± 100 ط¬ظ†ظٹظ‡ ظپظٹ ط§ظ„ط¨ظˆط±طµط© ظˆط§ظ†ظ‚ط° ط§ظ‚طھطµط§ط¯ظ†ط§ | Facebook‬

وان شاء الله هتجد متابعه يومية للجلسات اليومية ............والحمد لله الصفحة عندى بها نخبه من ذو الخبره ...ونتمنى من حضرتك تتابع معانا الصفحة

والله مش عارف اقول لحضرتك ايه يا باشمهندس
متشكر جدا على المساعدة.
انا فعلا عملت الموضوع ده كنوع من دعم الاقتصاد وكنت عامل موضوع مخصوص على المنتدى علشان الاعضاء يدعمو الاقتصاد

http://www.nilemotors.net/Nile/208896-a.html

بس مش عاوز اجي اساعد الاقي نفسي واقع في وسط شوية نصابين
هي شركة حضرتك موجودة فين يا باشمهندس
وهل اقدر اجي اتشرف بمعرفة حضرتك؟؟ وطالما فيه تداول الكتروني يبقى مش هيفرق مكان الشركة لأني مش هروح كتير
وايه الخطوات المطلوبة علشان انهي التعاقد مع الشركة الحالية وابدأ في التعاقد مع شركتكم

[beautiful0mind]

انا الشرف ليا يا استاذ وليد اتشرف بحضرتك لكن .......قبل متأخذ قرار فسخ التعاقد اسأل الاول عند الداول الاكترونى عمولته كام بظبط

وحضرتك تابع الصفحة وان شاء الله تستفيد منها ونقدر نكسب ثقة حضرتك .....وممكن حضرتك تراجع الجلسات السابقة .....واى شئ انا تحت أمر حضرتك

[GMC]

بوص باختصار شديد لا تلتفت الى اي شركه غير الي حقولك عليهم نهاااااااااااااااااائي وهما

العربيه اونلاين (حلوه جدا لو مضارب العموله في ال T+0 هيا 1.75 في الالف و T+2 هيا 3 to 2.5
وكل 3 شهور بيعملولك تقيم وممكن العموله توصل 1 في الالف وعندهم تداول الكتروني

هيرمس للأوراق المالية
ممتازه بس هيا مناسبه جدا للي مش مضارب لان العموله زي ما قولنا في الزيرو ب 2.5 و ال 2 هيا 5 في الالف فا اعلى شويه

هيرمس بتديك شاشة التداول اللحظي مجانا لاكن في العربيه اونلاين اظن ب 60 جنيه في الشهر من ميست وهيرمس عيبها الوحيد العموله اعلى شويه وبتبعتلك كشف حساب على بيتك كل شهر ههههههههههه يعني كله حيعرف انك مشتري اسهم في البورصه

كل ده في التداول الالكتروني والتنفيذ طريق التليفون اظن بيزيد 1 في الالف والارقام الي اديتهالك فوق هيا بعد المقاصه والحفظ الخ الخ والشركتين دول مش شغالين من سنه ولا اتنين لا من زمااااااااااان وليهم اسمهم في السوق

حاليا انا مش مشترك في اي واحده منهم سحبت فلوسي بس لو نويت تاني حدخل العربيه

اونلاين الا لو هيرمس عدلت العموله بتعتها وخفضتها


سلام

[abdelaziz-waleed]

انا الشرف ليا يا استاذ وليد اتشرف بحضرتك لكن .......قبل متأخذ قرار فسخ التعاقد اسأل الاول عند الداول الاكترونى عمولته كام بظبط

وحضرتك تابع الصفحة وان شاء الله تستفيد منها ونقدر نكسب ثقة حضرتك .....وممكن حضرتك تراجع الجلسات السابقة .....واى شئ انا تحت أمر حضرتك

انا بالفعل براجع الجلسات على الصفحة يا باشمهندس
والصفحة جميلة جدا ما شاء الله. بس المشكلة اني لسة جديد تماما في البورصة ومش قادر اجاري الاحداث
دي صورة من فاتورة الشراء. زي ما حضرتك شايف. انا حاسس ان العمولات كتيرة جدا ولا ايه رأي حضرتك

بوص باختصار شديد لا تلتفت الى اي شركه غير الي حقولك عليهم نهاااااااااااااااااائي وهما

العربيه اونلاين (حلوه جدا لو مضارب العموله في ال T+0 هيا 1.75 في الالف و T+2 هيا 3 to 2.5
وكل 3 شهور بيعملولك تقيم وممكن العموله توصل 1 في الالف وعندهم تداول الكتروني

هيرمس للأوراق المالية
ممتازه بس هيا مناسبه جدا للي مش مضارب لان العموله زي ما قولنا في الزيرو ب 2.5 و ال 2 هيا 5 في الالف فا اعلى شويه

هيرمس بتديك شاشة التداول اللحظي مجانا لاكن في العربيه اونلاين اظن ب 60 جنيه في الشهر من ميست وهيرمس عيبها الوحيد العموله اعلى شويه وبتبعتلك كشف حساب على بيتك كل شهر ههههههههههه يعني كله حيعرف انك مشتري اسهم في البورصه

كل ده في التداول الالكتروني والتنفيذ طريق التليفون اظن بيزيد 1 في الالف والارقام الي اديتهالك فوق هيا بعد المقاصه والحفظ الخ الخ والشركتين دول مش شغالين من سنه ولا اتنين لا من زمااااااااااان وليهم اسمهم في السوق

حاليا انا مش مشترك في اي واحده منهم سحبت فلوسي بس لو نويت تاني حدخل العربيه

اونلاين الا لو هيرمس عدلت العموله بتعتها وخفضتها


سلام

الف شكر علىالنصيحة الغالية يا باشمهندس
انا عاوز اسأل حضرتك بقى على موضوع التسوية
مين اللي بيتحكم فيه وازاي وليه وفايدته ايه؟ معلش بقى اخوك ابيض بورصة

[abdelaziz-waleed]

انا الشرف ليا يا استاذ وليد اتشرف بحضرتك لكن .......قبل متأخذ قرار فسخ التعاقد اسأل الاول عند الداول الاكترونى عمولته كام بظبط

وحضرتك تابع الصفحة وان شاء الله تستفيد منها ونقدر نكسب ثقة حضرتك .....وممكن حضرتك تراجع الجلسات السابقة .....واى شئ انا تحت أمر حضرتك

استاذ حمادة
انا متشكر جدا جدا جدا على المساعدة الغالية
انا بتابع الصفحة دلوقتي ياستمرار وهي صفحة رائعة جدا ومفيدة جدا جدا جدا وفعلا واضح جدا ان الصفحة هدفها دعم اقتصاد مصر
انا ان شاء الله ناوي ازود المبلغ اللي مشارك بيه في البورصة وان شاء الله ناوي على 3 قطاعات
الاسمنت (بفكر اكمل زي مانا في الاسكندرية للاسمنت لأن اسمنت طرة سافرت فوق)
الادوية (بفكر اشتري في القاهرة للادوية)
الكابلات (بفكر اشتري في السويدي)

اما بالنسبة للاستثمار بالدولار بفكر اشتري في النايل سات

هبعد عن السياحة علشان موضوع الخمور وكدة رغم اني متأكد ان قطاع السياحة هيطلع جامد الايام اللي جاية بس خلينا بعيد عنه احسن.

ايه رأيك في الموضوع ده يا حمادة

[rosebox]

مش عارفة رأيى انك ماتفكرش فى شركات الوساطه لمجرد انهم افضل حاجه فى المعادى و حلوان
الاحسن انك تفكر فى احسن شركه فى مصر تؤدى هذة الخده و لها مصداقيتها لإن اغلب (افضل الشركات ) تقدر تتحكم فى حسابك عن النت او التليفون على الاقل. و مش حتغرم غير مشوار فى الاول او اتنين عشان تكتب العقد و تتكلم مع الناس هناك و تشوف ايه نظامهم بالظبط و معلش لو كانوا بعيد عن بيتك شويه المهم فى الاخر انك مطمئن على فلوسك و عارف انهم مش بيتلاعبوا ( و لو ان (رأيى الشخصى) كلهم بيتلاعبوا بالاسهم و ربنا يرحمنا.
بس ده رأيى و ربنا يوفقك