إعـــــــلان

Collapse

.

,
See more
See less

عفوا أيها الإعلام ...الإقتصاد المصري لا ينهار ... تعالوا نحسبها بالورقه و القلم

Collapse
X
 
  • Filter
  • الوقت
  • Show
Clear All
new posts

  • عفوا أيها الإعلام ...الإقتصاد المصري لا ينهار ... تعالوا نحسبها بالورقه و القلم

    بعد ما قريت الأخبار و التصريحات إمبارح عن الإقتصاد, حسيت إن الإنطباع المنتشر بين الناس إن البلد هتقع و هتفلس, فحبيت أوضح إن الموضوع مش بالسوء ده.

    أولا أحب أن أوضح نقطتين:

    1. إحنا في ثورة, والله العظيم إحنا في ثورة, أي أننا في وضع إستثنائي, لا يجوز مقارنته... بأوضاع سابقة. إحنا كأننا عملنا إستثمار, نضحي دلوقتي عشان نكسب بعدين.

    2. الوضع قبل الثورة كان زي الزفت بإعتراف الكل وأولهم الجهاز المركزي للمحاسبات, يعني محدش يلوم الثورة.

    دي مجموعة من الحقائق إللي بتدل إن حال البلد مش سئ للدرجة دي:

    1. قيل إن نسبة إجمالي الدين للناتج المحلي حوالي 90%, ده رقم كبير بس هنرتاح شوية لو عرفنا النسب لبعض الدول مثل أمريكا 97.6% - إيطاليا واليونان 115% - متوسط دول الإتحاد الأوروبي 81% (في وقت من الأوقات وصلنا 100%).

    2. في مصر بلغت نسبة العجز للناتج المحلي %10 حاليا بينما في سنوات الأزمة كنهاية الثمانينيات بلغت حوالي 20%. في اليونان 10.5% بريطانيا 10.4% واسبانيا 9.2% والبرتغال 9.1%وبولندا 7.9% وسلوفاكيا 7.9% ولاتفيا 7.7% وليتوانيا 7.1% وفرنسا 7 %.

    3. كان عندنا إحتياطي من العملة الأجنبيه حوالي 36 مليار دولار. سحبنا منه في شهر فبراير 3 مليار. تاني شهر 3 مليار. تالت شهر 2 مليار. وتوقع البنك المركزي أن يكون في نهاية السنة المالية - يوليو 2011 - من 24 ل26 مليار. يعني السحب بيقل عشان الوضع بيتحسن. وإذا لم نسحب من الإحتياطي في الأزمات, هنسحب إمتى. ملاحظة: في آخر سنة من سنوات عاطف عبيد انخفض الاحتياطي الاجنبي إلى 14 مليار من 20 مليار ولم ينهر الاقتصاد.

    4. نسبة النمو أصبحت بالسالب بعد أن كانت 7% قبل الثورة. يعني النمو كان 7% ومحدش كان حاسس بيه. يبقى الرقم لوحده مش مهم. دلوقتي لو مفيش سرقه, يبقى لقمة هنيه تكفي ميه.

    5. الصناديق الخاصة كنز لم يمس. الصناديق دي عبارة عن حسابات بيدخل فيها جزء من إيرادات الدولة بدل ما تروح للميزانية العامة. الصناديق دي بيصرف منها مسؤولين مثل المحافظين بدون رقيب و لا حسيب. الصناديق بها 1272 مليار جنيه (ألف مليار – يعني أكتر من إجمالي الدين). عشان نستفيد بالفلوس دي عايزين وزير مالية جدع يطلب من البنك المركزي حصر الحسابات دي و تحويلها للموازنة. أو محافظين منتخبين من الشعب يصرفوا منها و يريحوا الحكومة من المصاريف شويه.

    6. إرتفاع في محصول القمح السنه دي عن السنه إللي فاتت بنسبة 25%. ولإننا بنستورد القمح, فلما الإنتاج بيزيد, نستورد أقل, فنوفر عملة صعبة.

    7. إرتفاع سعر الجنيه من 5.99 إلى 5.93. وده دليل على إنخفاض الطلب على الدولار.

    8. إيرادات قناة السويس إرتفعت في إبريل 2011 عن إبريل 2010 بنسبة 15.9% (وصلت ل434.6 مليون دولار) و عن مارس 2011 بنسبة 5.1%.

    9. تم تحقيق مليون طن صادرات من الموالح بعائد3 مليارات جنيه خلال الموسم التصديري الحالي والذي بدأ في ديسمبر الماضي وحتي30 ابريل الماضي بزيادة 160 ألف طن عن الموسم السابق.

    10. في اليومين إللي فاتوا دول, حصل إنخفاض في أسعار السلع العالمية زي القمح و السكر و الزيوت و البترول ... إلخ بنسبة أكبر من 10%. ده أكيد هيوفر عملة صعبة من فاتورة الإستيراد.

    11. إحنا داخلين على شهور الصيف (قدوم سياح عرب و مغتربين). يعني عملة صعبة جاية في الطريق إن شاء الله.

    12. إرتفاع البورصة في اليومين الماضيين. أكيد المصريين و الأجانب لا يشترون في بلد هتنهار.

    أنا مش بشتغل في الحكومة, أنا بقرأ الأخبار من الصحف و المواقع و غالبا من جريدة الأهرام الرسمية و بجمعها. يمكن في حاجات مش عارفها. بس إللي أنا متأكد منه إن ربنا لا يمكن يسيبنا. أنا عليه الكتابه و إنت عليك النشر. لو سمحت
    --------------------------------------
    منقول من الفيس بوك
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

  • #2
    هى دى مصر ولا دوله تانيه للتاكيد مش اكتر
    مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره

    Comment


    • #3
      يا رب يكون كده فعلا يا بشمهندس تامر..ولو كاتب المقال كان دعمه بالأدلة كان هبكون أوقع

      و مبروك على تغيير الاسم :)
      [CENTER]م.أحمد[/CENTER]

      Comment


      • #4
        أنا هسيب كلام الجرائد إللى مش مصدقه ... إزاى الدين بتاعنا أقل من أمريكا ...

        ما علينا ...

        أنا هقولك على تجاربى الشخصية ..

        الشغل واقف ... الفنادق إللى كانت بتشترى سمك قبل الثورة ... بطلت تشترى غير بكميات قليلة جدا .. ده لأن مفيش سياحة ... ده بالنسبة لشغل أبويا ... + إن فى أسعار كتير غليت ( معرفش الخبر جاب منين إن الأسعار رخصت .. ) فمبقاش الإقبال فى السوبر ماركت على النوعية دى من الأسماك المدخنة .. يعنى الدخل قل .. فالشركة كانت بتبنى مصنع .. المصنع بناءه متوقف .. و شركة المقاولات موقفة البناء طبعا عشان مافيش سيولة حالية ... و هكذا ...

        أنا كمعمارى زمايلي إللى متخرجين فى شغل كتير جدا واقف و المكاتب بقالها نايمة من ساعة الثورة ... و مبقاش فى طلب على المهندسين دلوقتى ... مباقاش نار زى قبل الثورة ( سيبك من العمارات السكنية المخالفة أو عامة) .. انا بتكلم على شغل فعلا ....

        أنا عايز أجيب ديجيتال بيانو .. و مستنيه بقالى شهرين من التوكيل . المشكلة إن حركة شحن البضائع متوقفة من ساعة الثورة .. و كل إللي معروض عندهم ده القديم إللى عندهم من قبل الثورة .... ده غير إنه سعره هيعلى كمان و مستنى السعر الجديد ...

        دى تجربتى ... ففعلا أنا شايف الدنيا واقفة إلا حد كبير ....
        [CENTER][SIZE=3][COLOR=DarkRed][B]نفسن براحتك ..
        إشتم براحتك ...
        إغلط و متعوزش تتحاسب ...
        إتبلطج و خدها دراع و أعمل دكر ..
        إحجر على الرأى التانى و إتريق على الناس ..
        إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
        [/CENTER]

        Comment


        • #5
          امال مصر طلبت قرض ب12مليار$ ليه؟
          https://t.me/pump_upp

          Comment


          • #6
            عارف انا بعتذر ان فى حاجه انت كاتبها مخدتش بالى منها
            أنا مش بشتغل في الحكومة, أنا بقرأ الأخبار من الصحف و المواقع و غالبا من جريدة الأهرام الرسمية و بجمعها. يمكن في حاجات مش عارفها. بس إللي أنا متأكد منه إن ربنا لا يمكن يسيبنا. أنا عليه الكتابه و إنت عليك النشر. لو سمحت
            مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره

            Comment


            • #7
              فاكر أيام مبارك المهببة لما كانو يجيبولنا تقارير من منظمات و هيئات إقتصادية بتقولنا إن الإقتصاد ممتاز و ميت فل و سبعتاشر .. التقارير اللي بتطلع دلوقتي بتفكرني بيها .. فقط مع إختلاف الهدف
              التقارير بتخرج في أوقات معينة و لها غرض .. و سلملي على معدلات النمو المرتفعة و الناس كانت بتاكل من الزبالة
              Tyler_durden سابقا
              المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب

              Comment


              • #8
                كلام حضرتك صحيح
                والربط بين خطاب المشير طنطاوي امبارح والتخويف ان الاقتصاد على وشك الانهيار وبين قصة العفو عن الرئيس وحرمه مقابل كام مليون تاني يوم
                كل ده علشان نوافق خوفا على الاقتصاد
                لكن لا لشراء الذمم
                [CENTER][mark=#00ffb7]Follow Me: http://twitter.com/DrAhmadSelmy[/mark][/CENTER]

                [CENTER] [img3]http://oi40.tinypic.com/i2mv7b.jpg[/img3][/CENTER]

                Comment


                • #9
                  حضرتك لو جيبتلنا الارقام فى اخر سنة 2008 هتلاقيها مقاربة للارقام دى , انخفاض شديد فى السياحة و ايرادات قناة السويس ( دلوقتى الايرادات متاثرتش) , انخفاض شديد فى الصادرات و ركود شديد فى كل حاجة و خصوصا العقارات و السيارات و كدا.
                  فى سنة 1973 مصر مكانش معاها فلوس و كانت بتفلس و حاربت و محصلش حاجة و لا البلد فلست و لا الفزاعات الفارغة دى مع ان كان فى حرب و مليارات بتتصرف؟؟؟
                  كل الفزاعات دى علشان يخوفوا الناس تنزل الشارع تانى لما ياخدوا قرارات ...... زى التصالح و الكلام الفارغ دا

                  Comment


                  • #10
                    سياسة التخويف ..للتقليل من الاضرابات والمطالب الفئويه والله اعلم ايه تاني ...
                    بس اللي متأكد منه ان لما مؤشرات البورصه بتزيد الاخبار بتتجاهلها ..ولو قل حاجه بسيطه بتبقي خبر رئيسي في الصفحه الرئيسيه...
                    ربنا يستر

                    Comment


                    • #11
                      لن نقايض حريتنا بلقمة العيش

                      Comment


                      • #12
                        1-على فكرة فعلا الإقتصاد فى الضياع و الحكومة بتتكلم فى الموضوع ده من زمان و الناس منفضة و عملة مش واخدة بالها و كانت مشغولة بالإعتصامات الفئوية

                        2- أنت بتقول الجنيه بيطلع ...بالعكس الدولار هوا اللى بينزل و لو عاوز مياس حقسقى قيس على اليورو ....شوف قبل الثورة و بعد الثورة و إبقى شوفلنا سبب إرتفاع أسعار المواد الخام و توقف مصانع الغزل عن العمل لإرتفاع سعر الغزل و تدنى قيمة الجنيه كمثال

                        3- فى جزء من الإحتياطى النقدى الأجنبى إتصف فى تثبيت سعر الجنيه قدام الدولار قبل ما البورصة تفتح و معلومة كده على الماشى الحكومة الحالية بتصرف مباشرة من الإحتياطى من أول ما إتعينت و الحكومة المؤقتة كمان (الإحتياطى ده أصلا مفروض متجيش جنبه لأنه هوا اللى بيزودلك قيمة الجنيه هوا و إحتياطى الذهب)

                        4-سياحة شبه متوقفة و ديه كانت بتدخلك 12 مليار دولار و دلوقتى مفيش و لا نكلة بتدخل من الناحية ديه
                        -مفيش سياح هيجولك و الدنيا عندك بايظة و مفيش أمن و لا إستقرار و عندك لبنان و دبى و تركيا سحبوا كل العرب اللى كانوا بييجوا عندك سياحة

                        5-الإرتفاع فى أنتاج القمح اللى بتتكلم عنه ده توقعات و أمانى مش حقيقة

                        6-مينفعش تقول إن نسبة -7% أحسن من 7% بسبب سوء التوزيع ......المفروض يبقى 4-5% علشان الأحوال اللى إحنا فيها و تظبط التوزيع مش تفرح ب -7% !!!!!!

                        7-الصناديق الهلامية ديه لحد دلوقتى مفيش ورقة عنها ...كل اللى بيتقال عنها كلام و بس مفيش إثبات

                        8- أخيرا ليك على الأرض قطاع سياحة مشرد , قطاع إسثمار واقف بالكامل , مفيش إنتاج صناعى يذكر , مشاريع بالهبل واقفة و على كل الأنواع (صغيرة - عملاقة) , أزمة سولار حادة نتيجة إنك مش عارف تستورد باقى إحتياجاتك و ديه مش تأليف من عندى لأن الأزمة حقيقية و أتوبيات وزارة البترول نفسها بتتمون بالعافية و شوية مش هتلاقى سولار لعربيات النقل اللى بتجيب بنزين (80-90-92-95)


                        ملحوظة أخيرة : أنا أول مرة أشوف شعب مش قادر يشيل مسؤلية نفسه و يشتغل بما يرضى الله و عاوز مرتبه يزيد و هوا شغال أسوأ من الأول و عارف إن البلد خربانة و مفيش دخل ......يا ريت الدعوة تبقى للعمل و الإلتزام مش الدعوة بإن إحنا بينضحك علينا !!!
                        وشكرا
                        [SIZE=5][marq="2;right;2;scroll"]الحمد لله[/marq]


                        [/SIZE]

                        Comment


                        • #13
                          الاقتصاد بيعاني ياجماعه وازمة السولار البدايه وده بسبب شح السيوله للاستيراد
                          (( ومن يتق الله يجعل له مخرجا ويرزقه من حيث لا يحتسب ))

                          Comment


                          • #14


                            إحنا في ثورة, والله العظيم إحنا في ثورة, أي أننا في وضع إستثنائي, لا يجوز مقارنته... بأوضاع سابقة. إحنا كأننا عملنا إستثمار, نضحي دلوقتي عشان نكسب بعدين.
                            الاقتصاد هو الاقتصاد
                            بالعكس بعد المظاهرات خزينة الدولة محتاجة فلوس اكتر
                            لسداد التعويضات
                            لانفاق قومى اكتر تقدر بيه تشغل الاقتصاد شوية - ممكن تراجع نظية كينز فى الجزء ده -

                            2. الوضع قبل الثورة كان زي الزفت بإعتراف الكل وأولهم الجهاز المركزي للمحاسبات, يعني محدش يلوم الثورة.

                            دي مجموعة من الحقائق إللي بتدل إن حال البلد مش سئ للدرجة دي:

                            1. قيل إن نسبة إجمالي الدين للناتج المحلي حوالي 90%, ده رقم كبير بس هنرتاح شوية لو عرفنا النسب لبعض الدول مثل أمريكا 97.6% - إيطاليا واليونان 115% - متوسط دول الإتحاد الأوروبي 81% (في وقت من الأوقات وصلنا 100%).
                            اليونان اصلا شبه مفلسة
                            امريكا اقل من كدة حوالى 60%

                            2. في مصر بلغت نسبة العجز للناتج المحلي %10 حاليا بينما في سنوات الأزمة كنهاية الثمانينيات بلغت حوالي 20%. في اليونان 10.5% بريطانيا 10.4% واسبانيا 9.2% والبرتغال 9.1%وبولندا 7.9% وسلوفاكيا 7.9% ولاتفيا 7.7% وليتوانيا 7.1% وفرنسا 7 %.
                            العجز للناتج بيمول من خلال الاقتراض
                            المحلى او الخارجى
                            الخارجى : اغلب الدول رفضت اقراض مصر
                            وتمويله عامة مرتبط بوجود دخل للدولة للسداد منه
                            واللى هو معدوم - الدخل ده يعنى - حاليا

                            3. كان عندنا إحتياطي من العملة الأجنبيه حوالي 36 مليار دولار. سحبنا منه في شهر فبراير 3 مليار. تاني شهر 3 مليار. تالت شهر 2 مليار. وتوقع البنك المركزي أن يكون في نهاية السنة المالية - يوليو 2011 - من 24 ل26 مليار. يعني السحب بيقل عشان الوضع بيتحسن. وإذا لم نسحب من الإحتياطي في الأزمات, هنسحب إمتى. ملاحظة: في آخر سنة من سنوات عاطف عبيد انخفض الاحتياطي الاجنبي إلى 14 مليار من 20 مليار ولم ينهر الاقتصاد.
                            السحب يقل علشان توسع الوضع لو بتصرف فى مشاريع محلية علشان تشغل بلدك
                            الاقتصاد عجلة او عجل مترصص ورا بعضه
                            حركت واحدة كله يتحرك
                            وقفت واحده كله يقف
                            انت بتصرف من الاحتياطى للخارج مش للداخل
                            يعنى بتطلع فلوسك برة واللى بيدخل بيقل
                            يبقى ازاى كدة احسن من الاول
                            الاول الاحتياطى كان بيزيد مش بيقل

                            4. نسبة النمو أصبحت بالسالب بعد أن كانت 7% قبل الثورة. يعني النمو كان 7% ومحدش كان حاسس بيه. يبقى الرقم لوحده مش مهم. دلوقتي لو مفيش سرقه, يبقى لقمة هنيه تكفي ميه.
                            كلام فى البالى باى
                            نسبة النمو هيا زيادة الناتج الاجمالى
                            وبتوضح زيادة الانتاجية فى الاقتصاد الحقيقى
                            معنى انها بتنقل
                            ان اقتصادك بينكمش
                            يبقى ازاى الرقم مش مهم


                            5. الصناديق الخاصة كنز لم يمس. الصناديق دي عبارة عن حسابات بيدخل فيها جزء من إيرادات الدولة بدل ما تروح للميزانية العامة. الصناديق دي بيصرف منها مسؤولين مثل المحافظين بدون رقيب و لا حسيب. الصناديق بها 1272 مليار جنيه (ألف مليار – يعني أكتر من إجمالي الدين). عشان نستفيد بالفلوس دي عايزين وزير مالية جدع يطلب من البنك المركزي حصر الحسابات دي و تحويلها للموازنة. أو محافظين منتخبين من الشعب يصرفوا منها و يريحوا الحكومة من المصاريف شويه.
                            محدش يقدر يمش الصناديق الخاصة
                            الصناديق دى حاجتين
                            ياما صندوق تأمين وادخار وده اللى شغالين فى مكان بيعملوه علشان يديهم مبلغ عند الوفاة او المعاش
                            يبقى شبه شركة التأمين
                            او صندوق بياخد اموال من جهة ما للصرف منها على غرض معين
                            فى كل الاحوال
                            اموال الصناديق بتكون فى البنوك او البورصة للاستثمار
                            يعنى ان فلوسها تضم للمالية مش هتفيد اوى لو كانت فى الجزئية الاولى
                            لان بيقابل انك تاخد فلوس العاملين دول انك تلتزم بصرف تعويضاتهم
                            وبالمثل
                            اما تاخد اموال النوع التانى هتاخد موارد ومصروفات

                            6. إرتفاع في محصول القمح السنه دي عن السنه إللي فاتت بنسبة 25%. ولإننا بنستورد القمح, فلما الإنتاج بيزيد, نستورد أقل, فنوفر عملة صعبة.
                            ازمة السولار ممكن تقلل الانتاج
                            علشان الفلاح مش هيعرف يدرسه

                            7. إرتفاع سعر الجنيه من 5.99 إلى 5.93. وده دليل على إنخفاض الطلب على الدولار.
                            اولا الجنيه سعره قل
                            وقارن بالسعر اللى فى اول يناير مش من اسبوع

                            8. إيرادات قناة السويس إرتفعت في إبريل 2011 عن إبريل 2010 بنسبة 15.9% (وصلت ل434.6 مليون دولار) و عن مارس 2011 بنسبة 5.1%.

                            9. تم تحقيق مليون طن صادرات من الموالح بعائد3 مليارات جنيه خلال الموسم التصديري الحالي والذي بدأ في ديسمبر الماضي وحتي30 ابريل الماضي بزيادة 160 ألف طن عن الموسم السابق.

                            10. في اليومين إللي فاتوا دول, حصل إنخفاض في أسعار السلع العالمية زي القمح و السكر و الزيوت و البترول ... إلخ بنسبة أكبر من 10%. ده أكيد هيوفر عملة صعبة من فاتورة الإستيراد.

                            11. إحنا داخلين على شهور الصيف (قدوم سياح عرب و مغتربين). يعني عملة صعبة جاية في الطريق إن شاء الله.
                            لو حد جه اصلا
                            12. إرتفاع البورصة في اليومين الماضيين. أكيد المصريين و الأجانب لا يشترون في بلد هتنهار.


                            على فكرة ممكن يشتروا
                            علشان يخرجوا تانى
                            عادى
                            وممكن تبقى مضاربات وصناديق مخاطرة
                            الاهم الاقتصاد الاجنبى المباشر
                            ده اللى بيخش يبنى مصنع
                            وده شبه متوقف
                            واللى موجود بيحاول يخرج


                            اللى كاتب الكلام على الفيس - مش زميلنا اللى ناقله طبعا - بيفكرنى بالصنايعية الفتايين
                            A.Saad

                            Comment


                            • #15
                              المشاركة الأصلية كتبت بواسطة yobaaa مشاهدة المشاركة
                              1-على فكرة فعلا الإقتصاد فى الضياع و الحكومة بتتكلم فى الموضوع ده من زمان و الناس منفضة و عملة مش واخدة بالها و كانت مشغولة بالإعتصامات الفئوية

                              2- أنت بتقول الجنيه بيطلع ...بالعكس الدولار هوا اللى بينزل و لو عاوز مياس حقسقى قيس على اليورو ....شوف قبل الثورة و بعد الثورة و إبقى شوفلنا سبب إرتفاع أسعار المواد الخام و توقف مصانع الغزل عن العمل لإرتفاع سعر الغزل و تدنى قيمة الجنيه كمثال

                              3- فى جزء من الإحتياطى النقدى الأجنبى إتصف فى تثبيت سعر الجنيه قدام الدولار قبل ما البورصة تفتح و معلومة كده على الماشى الحكومة الحالية بتصرف مباشرة من الإحتياطى من أول ما إتعينت و الحكومة المؤقتة كمان (الإحتياطى ده أصلا مفروض متجيش جنبه لأنه هوا اللى بيزودلك قيمة الجنيه هوا و إحتياطى الذهب)

                              4-سياحة شبه متوقفة و ديه كانت بتدخلك 12 مليار دولار و دلوقتى مفيش و لا نكلة بتدخل من الناحية ديه
                              -مفيش سياح هيجولك و الدنيا عندك بايظة و مفيش أمن و لا إستقرار و عندك لبنان و دبى و تركيا سحبوا كل العرب اللى كانوا بييجوا عندك سياحة

                              5-الإرتفاع فى أنتاج القمح اللى بتتكلم عنه ده توقعات و أمانى مش حقيقة

                              6-مينفعش تقول إن نسبة -7% أحسن من 7% بسبب سوء التوزيع ......المفروض يبقى 4-5% علشان الأحوال اللى إحنا فيها و تظبط التوزيع مش تفرح ب -7% !!!!!!

                              7-الصناديق الهلامية ديه لحد دلوقتى مفيش ورقة عنها ...كل اللى بيتقال عنها كلام و بس مفيش إثبات

                              8- أخيرا ليك على الأرض قطاع سياحة مشرد , قطاع إسثمار واقف بالكامل , مفيش إنتاج صناعى يذكر , مشاريع بالهبل واقفة و على كل الأنواع (صغيرة - عملاقة) , أزمة سولار حادة نتيجة إنك مش عارف تستورد باقى إحتياجاتك و ديه مش تأليف من عندى لأن الأزمة حقيقية و أتوبيات وزارة البترول نفسها بتتمون بالعافية و شوية مش هتلاقى سولار لعربيات النقل اللى بتجيب بنزين (80-90-92-95)


                              ملحوظة أخيرة : أنا أول مرة أشوف شعب مش قادر يشيل مسؤلية نفسه و يشتغل بما يرضى الله و عاوز مرتبه يزيد و هوا شغال أسوأ من الأول و عارف إن البلد خربانة و مفيش دخل ......يا ريت الدعوة تبقى للعمل و الإلتزام مش الدعوة بإن إحنا بينضحك علينا !!!
                              وشكرا
                              ارفع القبعه احترام
                              واسمحلي انقل مشاركتك لموضوع تاني
                              لقد أسمعت لو ناديت حيا ولكن لا حياة لمن تنادي
                              ولو نار نفخت بها أضاءت ولكن أنت تنفخ في رماد!!
                              م.معماري/ تامر احمد

                              Comment

                              Working...
                              X