حدث قبل منتصف الليل:: جواز صالونات

[Esam Mosaad]

والله بص انت فى موقف صعب
بس مش عشان البنت متزعلش انت تزعل
وربنا يكرمها ان شاء الله
انا بدايق والله لما بلاقى بنت فى السن ده وتكون اخلاق بس نصيبها لسه مجاش

[MohaMed_Refaat]

مانا لسه مادلختش الأبدي
إيدك معايا وتزقني
بيني وبينك
فيه واحدة..لها نفس دماغي دي تقريبا
ومناسبة
شوفتها مرة واحدة بسسس
هي بنت كويسة...جدااا جدااا
بس متردد إني أكلمها .. وخصوصا إنها عايشة في مدينة..وأنا بشكل مؤقت عايش في قرية علشان صيدليتي

يا باشا انت لو اترددت فى حاجة زى كدة يبقى مش حتم خش بقلب جامد وكلمها وهى ليها الحق ترفض او تقبل انما حتقعد محتار يبقى مش حيحصل حاجة
وعلى فكرة زى ممعظم الاخوة قالوا لازم تدوب فى دبادبيها من اول مرة وتعشق تفاصيلها
واللى يحصل معاك اول متشوفها كدة اتكل على الله

انا مراتى كانت جارتنا يعنى بنت الجيران والله العظيم من وانا فى اعدادى وانا معجب بيها لحد الكلية ولحد متخرجت وانا بعشق كل حاجة فيها لحد دلوقتى وحتى بعد الجواز جدا جدا جدا
بل واصبح هناك مودة وحب وعشرة اكتر ومكنوش موجودين زمان
وبرضوة انت شوف انت اية شروطك ومتطلباتك فى الواحدة وتنطبق عليها ولا لأ

وحاول متخدش النكدية او المسيطرة او اللى مامتها مسيطرة على ابوها لانها حتبقى كوبى اقولك اية تانى ...........

ربنـــــــــــــــــــــــا يوفقك

[khaled_sabry]

وعلى فكرة زى ممعظم الاخوة قالوا لازم تدوب فى دبادبيها من اول مرة وتعشق تفاصيلها

هو ده اللى اقصده بس اضيف
تعشقها بقلك و عقلك مع بعض
و اعمل حسابك أن العشق ده ممكن يقل بعد الجواز ... و ممكن يزيد برضه
لكن لو مافيش انجذاب من الاول يبقى ... عمره ماحيجي

وتذكر يابنى (بما اننا فى منتدى سيارات ) البنت زى الطريق الصحراوى ... الغلطه فيها بموت

[n_i_t_e]

يعنى...مممم..مش معنى انها تتصل بيه انها جريئة..برضه البنت عندها 30 سنة و ربنا عالم بظروفها أكيد نفسها تتجوز و عليها ضغط شديد..من نفسها و من الأسرة و من المجتمع و ممكن يكون اتصالها ده رد فعل طبيعى لأنها شايفة واحد ممكن تكون مرتاحة له.

[jisso82]

و الله أنا من وجهة نظرى الشخصية و انا إيدى مش فى الميه أوى يعنى لأنى مريت بأكتر من تجربة ارتباط بس غير رسمى ببنات أكبر منى و لكن كانت تجارب جادة و على وشك تبقى رسمى و اللى نهاها مواضيع تانية مش متعلقة بالسن عمرى ما كان فيه مشكلة فى السن لا بنالسبة لى و لا بالنسبة لأهلى الحمد لله يعنى صحيح هما كانوا يفضلوا إنها تكون أصغر بس 3 سنين ماكنتش مشكلة قوية بالنسبة لهم لكن فى النهاية مافيش مرة حصل نصيب و للعلم اللى كانت أكبر منى ب3سنين دى مخها كان صغير أوى و كان فيه واحدة أكبر بسنة و نصف و مخها كبير جدا فالموضوع مش متوقف على سن على أد ما هو نضج التفكير و البنت بالمواصفات اللى انت بتقولها دى عملة نادرة فعلا ففكر كويس و استخير و يا ريت بس لو أخدت قرار إنك مش هتكمل ما يبقاش مبنى على موضوع السن منفرد و على العموم من التجارب العملية أنا ليا صديقة أكبر منى بشهرين مرتبطة بولد أصغر منها ب5 سنين و على الرغم من الفرق ده الولد مخه كبير و محتويها و هو أصلا شكله أكبر من سنه فعلا و ما فيش أى مشاكل بينهم بس أهاليهم هما الاتنين مزمزأين

[azmeralda]

يعنى...مممم..مش معنى انها تتصل بيه انها جريئة..برضه البنت عندها 30 سنة و ربنا عالم بظروفها أكيد نفسها تتجوز و عليها ضغط شديد..من نفسها و من الأسرة و من المجتمع و ممكن يكون اتصالها ده رد فعل طبيعى لأنها شايفة واحد ممكن تكون مرتاحة له.

وليه متكونش بتتكلم قدام والدتها مش من ورا اهلها يعنى ودى هتبقى وجهات نظر

[azmeralda]

-لو في حد هنا ليه تجربة عملية او حد قريب منه يقول الوضع ايه علي ارض الواقع انما كلام نظري مينفعش.
تجربة مش هتفرق ليه بقى لأن كل 2 هم تجربة لوحدهم افرض حد حكى لنا ولقيناه نجح بعدين حد حكى لنا ولقيناه فشل مفيش مقياس غير هو وهى بالتحديد



-باختصار كان مرتبط بواحد زميلته فالكلية ( كانو مع بعض في نفس السنة الدراسية بس هي كانت اكبر بسنة عمرية ) وهي اتخرجت قبله لانه نزل سنة فالكلية بس كانو متفقين فالتفكير وفي كلللللللللللللللل شيء ( علي حسب كلامه ). فتحدو كل الناس واتجوزو وعاشو مع بعض وربنا رزقهم بطفل قرد ( عمو فامبير راح قصدي عمو احمد راح عمو احمد جه ربنا يفرحهم بيه ).

المشكلة بقي اللي منغصة عليه حياته دلوقتي وحكهالي بكل شفافية انه حاسس انها بدءت تكبر ( هو عنده 30 وهي عندها 31 ) بيقولي لو في مناقشة بحس علي طول رايها الصائب ( قولتله النضج مش عيب وملوش علاقة بسن )
دى مشكلة رجالة كتير الاقيهم بيفتخروا ان رأيهم هو الصائب ومراتهم دى مبتعرفش حاجة ومش فهمة ايه الفخر فى كده
واللى يقول مسمعش رأيها ولو كان صح مع ان مفروض ينظر لد ه على انه نعمة
هو الرسول عليه الصلاة والسلام مش اخذ رأى زوجته ونفذه كمان لأنه كان صح ومخباش ده كأنه عار!!
وده بيخلى ناس تخاف من المرأة الذكية اللى بتفهم والعقليات دى ربنا يشفيهم

قالي بس ده حاجة من حاجات كتير بدءت تبقي زاهدة في حاجات هو ميال ليها سواء علاقة بينهم او خروجات ( مع العلم انها كانت تميل ليها قبل الخلفة بس بدءت تحس انها ام وكبيرة وعليها مسئوليات ومفيش وقت ولا دماغ لحاجة غير كدة ).

do you really believe ? ان السبب فى كده انها اكبر منه بسنة!!!!!!!!!!!!!!!!

دى طباع شخصيات بعد الجواز خلاص فرحانة بالعيال وبس
وممكن يكون له تصرفات هى السبب فى انها اتغيرت من ناحيته وبتبعد عنه

وممكن يكون فعلا مش مقدر اللى فوق دماغها ميجيب لها حد يساعدها يبطل لها حجتها ونشوف
فبيقولي بدءت افكر فعلا ليه متجوزش تاني بنت صغيرة تعوضني ( مع العلم ان ده مش نزوة وهتعدي ) لاء فعلا متمسك بيها بس مش قادر يفهمها اللي عايزه او هي فاهمة بس مش من اولوياتها.


-عالنقيض بقي زميل تاني ( البديل بتاع صاحبي الاولاني يعني ده ينزل اجازة ده يشتغل وهكذا ) فرق السن بينه وبين زوجته 7 سنين بيقولي احسسسسسسسسسسسن حاجة ان تكون اكبر من مراتك بفرق كويس مش اقل من 5 تحس انك مربيها علي ايدك وتعودها وتطبعها علي طباعك من غير مجادلة بقي ولا مناقشات لاثبات الذات والكلام ده.
المشكلة المنتشرة جدا ان حد حصل لواحد يعرفه تجربة معينة يسحبها على الحياة كلها ويحكم بناء عليها
مش معنى ان ده سعيد وده عنده مشاكل ان السبب الوحيد فرق السن

وانا بصراحة ميال للرأي ده فعلا لازم فرق كويس بين الزوج والزوجة مش اقل من 5 فلو ضحينا بالسن نبقي اد بعض فالسن انما اكبر مني صعبة اوووووووووووووي بصراحة.

فشوف كدة يامعلم انتا ايه اللي انسبلك وقرره وشوف انتا هتقبل الوضع اصلا ادام ولا لاء وفكرة ان مراتك اكبر منك ولسة في اولاد واحفاد ( تيتة اكبر من جدو ). هتقدر تتغاضي عن ده كله ؟؟؟؟؟؟؟؟؟؟؟؟؟؟

( وايه حكاية الأحفاد الخنيقة دى !! يبقوا يربوهم على ان ده عادى)

[sama_Sama]

من وجهة نظري الشخصية

صحيح الشرع ما يمنعش فارق السن لصالح الزوجة المرتقبة

لكن في حالتك دي المشكلة:

كون إن البنت كبيرة في السن، ومتفوقة في دراستها، وتعمل في وظيفة قيادية (تقود الطلاب) بيخليها تبني شخصية وأراء يصعب تغيرها، وبالتالي أي إختلاف في الطباع بينكم هيكون الحل فيه التنازل من طرف حضرتك بس، وده يبان في إنها طلبت تقابلك (بمعنى إنها معتمدة على نفسها ولا ترتاح إلى توكيل أمورها لوليها إللي هو أبوها وإللي بعد كده هيكون جوزها)

طبعا العكس صحيح، بس في حالة الزوج هو فعلا بيبقى أعقل من المرأه في نفس السن ودوره بطبعه بيستلزم إن يكون قائد ومسيطر (طبعا بدون ديكتاتورية)

بعدين إذا كانت لقطة، ليه متجوزتش لغاية دلوقت، يإما مفيش موضوع قبل كده مشي للأخر يإما أولوياتها مش مظبوطه ففضلت العلم والعمل على دورها كأنثى وربة أسرة

بس

[tamatemo]

بص يا ابو فارما


القصة مش في البنت

القصة والمشكلة فيك انتا

هل انتا دماغك ناضجة كفاية ان تقود السفينة وتقدر تختاري الاختيار الصح في الوقت الصح تحت وجود ازمة؟؟؟

اذا دماغك كدا يبقي تقدر تتعامل مع اي بنت في رينج معين سواء اكبر او اصغر

لازم تفكر الف مرة قبل ما تتجوز

علشان تطبق مقولة واحد قالهالي مرة وطبقتها في جوازتي والحمدلله

-ماتتجوزش واحدة علشان دي اللي موجودة اتجوز واحدة مينفعش تتجوز اي واحدة تانية غيرها-

انتا ممكن تتجوز اي بنت
بس فيه بنت ميانفعش تتجوز غيرها دي بتاعتك


واصبر وفكر واحسب الامور باكتر من منطق وباكتر من طريقة

وماتسمحش لحد انه ياثر علي تفكيرك او انك تتاخذ قرارك

[engaass]

حمدالله على السلامة

[mr_vampire]

( وايه حكاية الأحفاد الخنيقة دى !! يبقوا يربوهم على ان ده عادى)

ايه التحليل الدقيق ده لمشاركتي . وحظي كمان جه ان المحلله من الطرف الاخر يعني ( تعالالي بقي وواحدة واحدة كدة ).

اول شيء انا نقلت تجربتين متناقضتين شوفتهم ادامي ومقصدش بيهم خاااااااااااالص تعميم. لا بالعكس المقصود ان في لكل حالة ظروفها. وفالاخر الفيصل هو اطراف الحوار نفسه.

وعلي فكرة احنا شرقيين يعني لو ادعينا ان في حاجات عااااااااااااااااادي بس فيه حاجات فاصلة متفق عليها وفيها بالذاااااااااااات انا صعيدي ودماغي انشف من الحجر الصوان. ومنها موضوع السن بين الزوج والزوجة.

واخر شيء عايز اقوله: بلاش نستشهد ( مع الفارق طبعا ) بحالة رسولنا الكريم ( صلي الله عليه وسلم ) انه تزوج من السيدة خديجة التي تكبره بفارق سن كبير. لان اكيييييييييييييييد بنات اليومين دول مش زي السيدة خديجة رضي الله عنها.

[A7MED_PHARMA]

الجديد النهاردة
كلمتني من ساعة..قالتلي إنها فاهمة إن مش هيحصل نصيب
وجايبالي عروسة..واحدة زميلتها ! ! ! ! ! !

[mr_vampire]

الجديد النهاردة
كلمتني من ساعة..قالتلي إنها فاهمة إن مش هيحصل نصيب
وجايبالي عروسة..واحدة زميلتها ! ! ! ! ! !

هههههههههههههههههه. اوباااااااااااااااااااااااااااااااااااااااا

وقال احنا عمالين نقول ياتري عيزاني ليه وغريبة انها عايزة تقابلني. لا يامعلم فوكك بقي من الحوار ده خاااااااااااااااااالص بجد.

مع احترامي بقي لكل الاطراف بس الموضوع بقي اقرب مايكون ل ( لو انا مخدتوش يبقي ميطلعش برا ).

[AhMeD EzZ]

بصراحة دي يتمسك فيا بايدك و سنانك

[waelfarid]

عود احمد يا دوك
لو نصيبك فيها شيل لوشاريينك دوس يا مان
وذكاء الزوجة مبيبانش الا لو كانت اذكي من زوجها في انها تقدر تستوعب تصرفاته وتنسيه الدنيا تبقي اسم علي مسمي (الجماعة)تبقي زوجة وام واخت وبنت وحبيبة وصديقة ووووووووووووو(واحة لعابر سبيل طبعا واحد بس اللي هو انت)وفي رواية اخري (راحة التعبان اللي هو انت برضه)