صاحبي جاي من لبنان و عاوز اعمله plan شديد للفسحه فمصر

[Dr_ElSioufy]

السلام عليكم

ليا صديق من ايام الثانوي في الامارات مشفتوش من 9 سنين

هايجي زياره لمصر من لبنان

الراجل هيوصل النهارده بليل وهيقعد معايا 10 أيام

عاوز اعمله plan جامد للفسحه فمصر ( القاهره)

ياتري ترشحولي ايه ؟؟




غير الاهرامات والبرج




بس يكون جوا القاهره والجيزه

[Ayman-Ahmed]

يوصل بالسلامة بامر الله ورحلة سعيدة.

-بعد الاهرامات والبرج.
-القلعة وخان الخليلى
-مصر القديمة(منطقة الكنائس والمعبد اليهودى)
-سيتى ستارز
-رحلة على النيل (فلوكة او مركب عشاء)
-تمشية فى وسط البلد.
-ممكن يوم الاسكندرية ولو بالقطار.
-جامع السلطان حسن والرفاعى (تحف معمارية).
-القرية الفرعونية.

مش قادر افكر فى حاجة تانية فى القاهرة والجيزة. :)

[AmatoALLAH]

ماتنساش توديه ياكل عند زيزو و لا بابا عبده و تفرجه علي تراثنا المصري :)

[sayed911]

باب النصر !! المقطم والمنظر من فوق !! مم مش عارف بصراحة حسب ميوله هوة ليه في ايه :d ممكن في الأيام دي كمان لو يومالجمعة خده وديه التحرير يتفرج على المصريين بجد :d :d

[hossam_elwani]

متنساش شارع المعز لدين الله الفاطمى

[Dr_ElSioufy]

يوصل بالسلامة بامر الله ورحلة سعيدة.

الله يسملك يا بااشا

-بعد الاهرامات والبرج.
-القلعة وخان الخليلى

-مصر القديمة(منطقة الكنائس والمعبد اليهودى)
؟؟؟؟ معرفهاش دي

-سيتى ستارز
عندهم منه كتتتييرر

-رحلة على النيل (فلوكة او مركب عشاء)

-تمشية فى وسط البلد.

-ممكن يوم الاسكندرية ولو بالقطار.
-جامع السلطان حسن والرفاعى (تحف معمارية).
ده فين ده بقه انا اسمع عنه لكن عمري مارحته

-القرية الفرعونية.
برضو عمري مارحتها
مش قادر افكر فى حاجة تانية فى القاهرة والجيزة. :)

يا جماعه عاوز اقول حاجه !
انا نَفسي ناوي اتعرف على مصر لان في اماكن كتيييييير مرحتهاش بحكم اني مولود في الامارات وعشت هناك لحد ماجيت مصر عالكليه :(
فامعلش اعذروا جهلي ده



[QUOTEماتنساش توديه ياكل عند زيزو و لا بابا عبده و تفرجه علي تراثنا المصري :)][/QUOTE]

فعلا ناوي ان شاء الله بس ربنا يستر وميحصلوش حاجه

باب النصر !! المقطم والمنظر من فوق !! مم مش عارف بصراحة حسب ميوله هوة ليه في ايه :d ممكن في الأيام دي كمان لو يومالجمعة خده وديه التحرير يتفرج على المصريين بجد :d :d

باب النصر ده فين ؟ وايه اللي فيه ؟

المقطم فعلا

التحريير دي اللي في الجووووون أساسي ان شاء الله

متنساش شارع المعز لدين الله الفاطمى

:( معرفوووووش ده بيعملوا فيه ايه

[tamatemo]

اجمد حاجة تعملها معاه بعد اللي الرجالة قالوه

تروح تاخدة علي اي يوم جمعه فيه مظاهرات وتصوره بالعلم


---------
انا مش بتريق انا بتنكلم جد وهايروح يحكي لاصحابه انه كان في الميدان

[ahmedsamir5edr]

القريه الفرعونيه موجوده في شارع البحر الأعظم .. جنب بنزينه شيل

وانتا جاي دائري المعادي اتجاه المنيب .. تنزل نزله البحر الاعظم .. 300 متر و هتلاقيها علي يمينك

[icehearted girl]

يوم فمصر القديمة..أقصد الحسين والغورية والمساجد القديمة وشوارعها ويسلام لو تطلعوا علي بيت السحيمي ولا بيت العود

مرة تانية ف مصر الحديثة بقي... اي رستوران بياخد تور فلنيل كدا...ا في يخوت بتطلع من نايل سيتي

مرة تالتة قضوها شوبنج ف ايمكان ممكن سيتي ستارز

ومرة رابعة يوم ف قلب الصحراء...اطلعوا علي نزلة السمان أجروا خيل وقضوا السهرة ف الخيم المقامة علي طريق المريوطية وسقارة

مرة خامسة بقي مش هوصيك توديه التحرير..ها؟؟؟ اوعي تنسي

[HOSSAM99]

السلام عليكم
بخصوص الأكل عليك و علي البرنس في أمبابه أو بحه في الناصريه
و بعد كده تطلع علي عابدين و تخش علي الكرنك تحلو و تدوها قنبلتين (الحجم الكبير مش الصغير)و أبقي قولنا التجربه دي عملت معاه إيه

[ashouhdy]

صاحبك سايب لبنااااااااااااااااااااااااااان وجى يتفسح فى القاهرة والجيزة !!!

[Ayman-Ahmed]

يا جماعه عاوز اقول حاجه !
انا نَفسي ناوي اتعرف على مصر لان في اماكن كتيييييير مرحتهاش بحكم اني مولود في الامارات وعشت هناك لحد ماجيت مصر عالكليه :(
فامعلش اعذروا جهلي ده

معلش ممكن يكون ردي متاخر شوية.وواضح ان فى اماكن كتير متعرفهاش يا دكتور ولو كدة يبقى خد رقم التيلفون واتصل فى اى وقت اوصفلك تروح فين وتعمل ايه وايا المطلوب منك (كاميرا مسموح ولا لا وكدا يعنى واسعار تذاكر)