انا و اللواء عمر سليمان وجها لوجه (صوره)

[AboELsoud]

النهارده كنت رايح فرح في نادي من نوادي القوات المسلحه
و انا داخل فجأه الاقي ناس بتجري و في ايديها كاميرات و وقفوا قدامي فرحت جدا :)
ببص ورايا الاقي قدامي سياده اللواء عمر سليمان !!!!
طبعا فرحت جداااا عشان انا كنت بحب الراجل ده لما كان في المخابرات و اللي بيعتم و يقرا في المخابرات لازم يعرف الراجل ده
المهم رحت القاعه الاقيه قدامي برضه
اشطه ده في نفس القاعه اللي انا فيها المهم دخل و كل الناس طالعه تجري تسلم عليه
و بعد كده قعد و كل دقيقتين حد ييجي يتصور معاه و الراجل الصراحه محترم مش بيرفض طلب حد
المهم قلت اشمعنى انا و انا اصلا بحبه قمت متصور معاه
هاه ايه رأيكوا

هوه للاسف الصوره اتلقطت و انا كنت افتكرت انها خلاص و كنت بشكره و هامشي قامت اتلقطت !!!!

[kamatsho]

ههههههههههه يا خوفى يا حد يعملك بيدج ويسميها

الراجل اللى موطي وبيكلم عمر سليمان

نايس يا معلم

[AboELsoud]

ههههههههههههههههههه
و الله انا فكرت في نفس الكلام و خفت الصراحه عشان كده حطتها هنا بس عشان لو طلعت اعرف مين :)

[kamatsho]

كانت فى دار الدفاع الجوى ولا فين

[AboELsoud]

لا يا باشا
دار الهيئه الهندسيه

[Moe86]

متزعلش منى.. مايشرفنيش أتصوور معاه أصلا
علشان كان مشارك فى صفقة تصدير الغاز لإسرائيل
و علشان كان مسؤل عن الصلح بين الفلسطينيين لسنين طويلة, و أول ما مشى إتصالحوا و بقوا حبايب
و علشان كان ضد الثورة و بيقولنا "عودوا الى دياركم"!
و أسباب تانية كتيييير

[abou-yahia]

الراجل ده محل تقدير من الاعداء قبل الاصدقاء
ولن ينصلح حال البلد الا عندما تقدر اولادها
وبعدين
اي انطباعات او افكار سلبيه تكونت لديك عن هذا الرجل هي وليده اعلام منافق يطعن في اي رمز لمصر ارضاء للثوار
ياريت نكون موضوعيين ونسبنا من الحب والكره ونتعلم نفكر مصلحه البلد نعملها اذاي
وشكرا

[lonedoctor]

حَدّثنا عَلِيّ بنُ حُجْرٍ، أخبرنا إِسْمَاعِيلُ بنُ جَعْفَرٍ، عن حَمِيدٍ، عن أَنَسٍ أَنّهُ قال: جَاءَ رَجُلٌ إِلَى رَسُولِ الله صلى الله عليه وسلم فقال: يَا رسُولَ الله، مَتَى قِيَامُ السّاعَةِ؟ فَقَامَ النبيّ صلى الله عليه وسلم إلى الصّلاَةِ، فلَمّا قَضَى صَلاَتَهُ قال: "أَيْنَ السّائِلُ عَنْ قِيَامِ السّاعةِ؟ فقال الرّجُلُ: أَنَا يا رسُولَ الله. قال: "ما أَعْدَدْتَ لهَا"؟ قال: يَا رسُولَ الله، ما أَعْدَدْتُ لهَا كَبِيرَ صَلاَةٍ وَلاَصَوْمٍ إِلاّ أَنّي أُحِبّ الله ورَسُولَهُ، فقال رَسُولُ الله صلى الله عليه وسلم: "المَرْءُ معَ مَنْ أَحَبّ، وَأَنْتَ مَعَ مَنْ أَحْبَبْتَ"، فمَا رَأَيْتُ فَرِحَ المُسْلِمُونَ بَعْدَ الإسْلاَمِ فَرَحَهُمْ بهذا.
قال أبو عيسى الترمذى: هذا حديثٌ صحيحٌ
وعن علي رضي الله عنه قال قال رسول الله صلى الله عليه وسلم ثلاث هن حق لا يجعل الله من له سهم في الإسلام كمن لا سهم له ولا يتولى الله عبدا فيوليه غيره
ولا يحب رجل قوما إلا حشر معهم
رواه الطبراني في الصغير والأوسط بإسناد جيد

[ahmedsamir79]

عمر سليمان أنسان محترم جدا

[khaled_yassin]

والله يا شباب انا هقول كلمة مش عايز حد يفهمنى غلط
الراجل لو كويس فربنا يكرموا , ولو وحش فربنا يجازيه
احنا للاسف بقينا فى وقت الاشاعات فيه رهيبه ناس بتقول على ناس مش كويسة وناس بتقول انها كويسة
فعلشان ما نشاركش فى ا لاشاعات دى يا ريت الى يعرف معلومة موكدة (ومش من الجرايد ولا التليفزيون ) يقولها اما انا سمعت والجرنان الفلانى قال والمذيع العلانى قال فبلاش احنا كلنا ناس متعلمة وفاهمة ونسيب الاشاعات للناس الجاهلة
هقولكم على حاة قريتها وزعلت منها فى جريدة الدستور (يقولك وهما بيستجوبوا حسنى فى المستشفى عيط ومسك فى السرير ويحسسك انوا عيل صغير ماما هتديلوا الحقنه ) بصراحة انا اضيقت من الوصف لانوا الصحفى المحترم مكنش موجود فى التحقيق وعيب راجل فى سن جدى اصوروا وهو اكنوا عيل صغير
واخونا الى قال ان مشكلة فلسطين اتحلت لما حسنى وعمرو سليمان مشيوا للاسف يا صديقى مشكلة فلسطين مش اتحلت وبكرة هتشوف
وكما هما دول اهل فلسطين الى شاركوا فى تكسير السجون وتهريب المساجين الفلسطينين على بلادهم فى وقت قياسى دول يا جدع وصلوا فى اقل من انى اوصل للمهندسين
وربنا يهدى حال المسلمين وحال البلد

[mohamedbook]

كل الي اعرفه عنة انه قال ان الشعب المصري غير مؤهل للديمقراطية
وكان اسلوبة في الخطابات اسلوب تهديد
ووالله لا يشرفني اني اتصور مع هذا الرجل دة مكانة في السجن

[dr_magdi2009]

الراجل ده محل تقدير من الاعداء قبل الاصدقاء
ولن ينصلح حال البلد الا عندما تقدر اولادها
وبعدين
اي انطباعات او افكار سلبيه تكونت لديك عن هذا الرجل هي وليده اعلام منافق يطعن في اي رمز لمصر ارضاء للثوار
ياريت نكون موضوعيين ونسبنا من الحب والكره ونتعلم نفكر مصلحه البلد نعملها اذاي
وشكرا

111111111111111111111111111111111111111111

[AboELsoud]

على فكره يا جماعه انا قلت اني بحب الراجل ده ايام ماكان مدير المخابرات
لان انا بحب شغل المخابرات و كنت دائما بقرأ عنه من قبل ما حد كان يعرفه هو اتعرف لما مسك منصب نائب الرئيس
طبعا لما مسك المنصب ده انا زعلت لانه كده كارت و اتحرق و هو راجل عسكري من الدرجه الاولى فمينفعش انه يبقى في منصب سياسي
اما عن الاشاعات اللي طلعت عليه انه مشارك في مش عارف ايه محدش يصدق يا جماعه الراجل مدير المخابرات حد يقدر يعرف حاجه عن المخابرات او اللي شغالين فيها او حتى مديرها !!!!! ده اي حاجه بتتنشر عنهم بتبقى اتراجعت مليون مره و عدى عليها كذا سنه
نقوم احنا بكل بساطه نعرف عن مدير المخابرات كذ و كذا !!!!! انا بصراحه مصدقتش الحاجات اللي طلعت عليه ايام ماكان نائب
المهم الي مش بيحبه يقرأ عنه اسرائيل بتقول عليه ايه
بيقولوا كان نفسهم يبقى عندهم واحد زييه و بيقولوا من اكثر الاعداء الذين نحترمهم في اسرائيل

[Nistelrooy]

راجل محترم اوي .. وياريت يرشح نفسة وهيبقي خسارة لجهاز مخابرات مصر ..

[otefa]

رجل محترم وشخصية أتوسم فيها الوطنية الى أن يثبت العكس
ولا أشك أبدا في دوره الأيجابي ووقوفه في صف الثورة .