محدش عنده فكره مشروع فى حدود 30000 جنيه

[elfashn]

السلام عليكم .اكيد واخدين بالكو من حال البلد فى اليومين دوول انا شغال فى قطاع السياحه وبصراحه من ساعه الثوره وانا ماشتغلتش قاعد فى البيت لآن مفيش سياحه والواحد اتخنق من القعده ونفسى اعمل مشروع صغير و اكبره ويكون بعيد عن السياحه تماما فياريت لو حد عنده فكره مشروع يكون جربه ونجح معاه يقولها ويساعد غيره وانا امكانياتى من 30000 الى 70000

[eng/muhamad]

1- المكان فين ؟
2- حضرتك عاوزه فى مجال التخصص و لا اى مجال
3- 30الف الى 70الف ده كل ما تملك للمشروع و لا فى محل و لا ايه بالظبط ياريت حضرتك تقول تفاصيل اكتر

[Ahmed_Elkhateb]

ان شاء الله السياحة هترجع تشتغل احسن من ألاول ان شاء الله بس على اول السنه اللى جايه لآنى انا زى حلاتك بس انا ماشى فى شركة حج وعمرة وهخلع من السياحة الخارجيه خاااااالص وربنا يسهل ان شاء الله

انت ممكن تعمل سوبر ماركت بمتوسط المبلغ ده يكون فى مكان متميز بيكسب دهب او تعمل مطعم تاك اوى