إعـــــــلان

Collapse

.

,
See more
See less

نوارة نجم: عن السابع و العشرين من مايو اتحدث

Collapse
X
 
  • Filter
  • الوقت
  • Show
Clear All
new posts

  • نوارة نجم: عن السابع و العشرين من مايو اتحدث

    السلام عليكم و رحمة الله و بركاته
    الإخوة الكرام , أتمنى منكم التركيز أكرمكم الله
    دعونا نحاول تجميع صفوفنا فنحن لم نهن هكذا الا حينما تفرقنا و صار اليساريون و الليبراليون يسبون الاخوان , و صار الاخوان يختفون بلا ظهور , و صار السلفيون و المسيحيون يتصارعون و تشرذم الحال تماما

    دعونا نصلي على رسول الله أولا
    انا لا أرى الناس مختلفين حول الأهداف بل هم مختلفون حول الحلول

    و الاختلاف حول الحلول ليس مشكلة .. يوجد حل كنا مجمعين عليه و هو وقفتنا في الميدان
    من بيقول تأجيل الانتخابات هو كالراسب الذي يريد تأجيل الامتحان

    و من يريد مجلسا رئاسيا هو شخص بائس مثلي، لكن لا يجب عليه اجبار الناس ان توافقه على شيء لا يريدونه، حسنا يا شباب، لننزل على الاجماع ومن يحب البلد اكتر فليتنازل

    و من يتحجج بانه لن ينزل من اجل من يطالبون بتأجيل الانتخابات ومجلس رئاسي يناقض نفسه، و يخدعنا بصراحة، لأنه في نفس الجملة بيقول ان الاغلبية لا تريد هذا ، اذن طالم انت الاغلبية، فلتنزل و ستكون انت الميدان ، ام انك تخادعنا ؟


    ماذا حدث؟ ألم تنزلوا يوم نزل ضباط التحرير وكان البعض يقولون انهم نزلوا لإسقاط المشير ولما نزلتم الميدان صار لصالحكم , و من طالبوا بإسقاط المشير صاروا كالنملة في الغيط

    هل يختلف احد على ان مبارك وحاشيته لابد أن يحاكموا؟ وليس فقط من أجل الأموال و انما ايضامن أجل الدم؟
    هل يختلف احد ان شيئا ما ليس سليما يحدث وانهم يتسربون الواحد تلو الآخر ؟
    هل يختلف احد ان هؤلاء لو خرجوا لصار نهارهم ناديا و لصار نهارنا بلا ملامح ؟

    هل يختلف احد على ان التهديد بالازمة الاقتصادية هو نوع من لي الذراع وان مصر بها اقتصاديين عباقرة قادرين على حل الازمة الاقتصادية دي في يوم ونصف ؟
    هل يختلف احد على ان التحجج بالازمة الاقتصادية لعدم محاسبة رجال الاعمال الفاسدين ورجال الوطني حجة غير مقبولة؟
    حد مختلف على حد ادنى واقصى للاجور؟
    حد مختلف على ان ما ينفعش شباب طاهر ونقي يتقدم لمحاكمة عسكرية في نفس الوقت اللي الجمل بيدعو فيه للمصالحة مع الحرامية؟
    هل يختلف احد على ان الجمل لابد أن يرحل الأمس ؟

    هل يختلف احد على ان عمر سليمان يعبث باساسنا باستخدام الفتن الطائفية ولابد من القبض عليه ؟
    هل يختلف احد على ان عودة امن الدولة بهذا الشكل غير مقبولة وانهم لابد ان يبقوا تحت اشراف قضائي وحقوقي؟
    هل يختلف احد على ان الشرطة عاد لينتقم.. واذا كان على الشرطة فامرها سهل, تنضرب مرة أخرى طالما أدمنت الضرب، لكن هل يجوز ان يكبلنا الجيش للشرطة، حسنا .. ليخل الجيش بيننا وبين الشرطة ولا يتدخل لا لصالحنا ولا لصالحهم، و سنتصرف معهم، لكن ان يقول ضابط شرطة لضابط جيش أمام أولاد السفارة: "انا جاي اخد تاري؟"
    الله الله الله.. هل صارت هكذا ؟

    من هنا ليوم الجمعة ممنوع الآتي:
    1- الخلاف والشقاق
    2- الاتهام والتخوين
    3- طرح قضايا خلافية
    كل فرد سيتنازل من أجل اخيه، المهم نعود الى الميدان عودة قوية و يصير شكلنا محترما

    المجانين يمتنعون.. المهم وحدة الصف

    الانذال يتنحررون.. أقسم بالله انتم اول سيذبح، بقاء المجانين كمعارضة في مصلحة النظام القديم الذي يعيد انتاج نفسه لانهم اساسا , لتذهب المعارضة من وجوهم) ، الناس تكرههم وما يستطيعون كسب الشارع، على العكس، كلما تبنوا قضية كرهتها الناس كأنهم ثورة مضادة لنفسهم، الناس كرهوا العمال بسببهم، وكرهوا البرادعي بسببهم، وكرهوا الديمقراطية بسببهم، وكلما وضعوا اصبعهم في شيء كرهه الناس ..
    هم مثل مبارك سلطهم الله على أنفسهم

    فهؤلاء لا خطر عليهم، سيطلقون ، لأن النظام القديم الجديد سيشير اليهم ويقول: "لو عارضت حتبقى زي عمو الجرسون"

    انما من يستطيع كسب الشارع سيذبح، و ستكون مذبحة تاريخية، ومذبحة بتشويه، و لا استبعد تلفيق العمالة و التجسس لكم، فكروا مرة أخرى , و كفى الغباء
    ولا داعي للنذالة
    فهي نذالة مع نفسك بهذا الشكل
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

  • #2
    ياهندسه مش الموضوع ده انت نزلته امبارح والناس علقت نزلته تانى ليه مع التعديل فى الكلام ؟
    سؤال مهم بقى انت عرفت اسمى ازاى ؟

    Comment


    • #3
      المشاركة الأصلية كتبت بواسطة korkor مشاهدة المشاركة
      ياهندسه مش الموضوع ده انت نزلته امبارح والناس علقت نزلته تانى ليه مع التعديل فى الكلام ؟
      سؤال مهم بقى انت عرفت اسمى ازاى ؟

      http://www.nilemotors.net/Nile/220990-27.html
      لا يا باشا الموضوع ده مختلف تماما عن موضوع امبارح
      مش شايف ان اسلوب الكلام غير وقح بالمرة ؟؟؟؟؟
      ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

      [sor2]http://imageshack.us/a/img838/2058/8l0n.jpg[/sor2]

      Comment


      • #4
        المشاركة الأصلية كتبت بواسطة تامر.محمد مشاهدة المشاركة
        لا يا باشا الموضوع ده مختلف تماما عن موضوع امبارح
        مش شايف ان اسلوب الكلام غير وقح بالمرة ؟؟؟؟؟
        ايوه انا خدت بالى ان حصل رقابه لقله الادب بتاعتها بس اكيد منك انت صح

        شوف بقى التدوينه الجديده يعنى شغاله ابتديت تعقل تانى وقله الادب اقل بكتير

        ط¬ط¨ظ‡ط© ط§ظ„طھظ‡ظٹظٹط³ ط§ظ„ط´ط¹ط¨ظٹط©

        Comment


        • #5
          المشاركة الأصلية كتبت بواسطة korkor مشاهدة المشاركة
          ايوه انا خدت بالى ان حصل رقابه لقله الادب بتاعتها بس اكيد منك انت صح

          شوف بقى التدوينه الجديده يعنى شغاله ابتديت تعقل تانى وقله الادب اقل بكتير

          ط¬ط¨ظ‡ط© ط§ظ„طھظ‡ظٹظٹط³ ط§ظ„ط´ط¹ط¨ظٹط©
          رقابة ؟؟؟؟؟
          مني انا ؟؟؟؟؟؟؟؟
          انا ؟؟؟؟؟؟؟؟؟؟؟؟؟؟؟
          ابدا
          دي هي مؤدبة و اسلوبها مؤدب , حاولت اشيل ما لقتش حاجة اشيلها


          بجد بقى
          اصل انا بصراحة زهقت من كل شوية حد يكبر دماغه من الكلام كله , و يمسك في اصل بتقول يغور , اصل بتقول قرف
          كأننا هانناسبها ولا كأننا مش بنتعامل مع صنايعية ولا كأن الكلام ده بيتكتب هنا على المنتدى ليل نهار ولا حدش بيستنكره , ولا انا باستنكره

          كل دي حجج بصراحة لرفض المضمون من غير مناقشته
          ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

          [sor2]http://imageshack.us/a/img838/2058/8l0n.jpg[/sor2]

          Comment


          • #6
            كده ضربتوا لنا يوم 27؟

            احنا النهاردة يوم الاحد وفيه مجال يتلحق لو اتعمل شوية حاجات
            1- تلغوا مطلب المجلس الرئاسي
            2- الاخوان يبطلوا اللي بيعملوه ده.. على الاقل لو مش نازلين يسكتوا
            3- تكلموا بعض، القوى السياسية تكلم بعضها


            يوم 27 مهم.. كل بتوع الاستقرار وعجلة الانتاج واسفين يا ريس والعفو عند المقدرة وحسنة قليلة تمنع بلاوي كتيرة عاملين حملة كبيرة على النت عشان يحبطوا يوم 27
            ومن المؤسف ان الاخوان وسليم العوا يشاركوا في ده
            ومن المؤسف ان بعض الداعين ليوم 27 يشاركوا في ده ويتكلموا عن مجلس رئاسي وهم عارفين انهم بيستهبلوا وان ماحدش حيرضى بيه
            لا الجيش حيرضى بيه
            ولا الاغلبية عايزاه

            ثم مالوش لازمة.. مالوش لازمة غير بالنسبة لنا احنا عشان زهقنا من ضرب الشرطة العسكرية
            لكن المجلس الرئاسي حننتخبه في شهر وييجي يقعد شهر؟
            ولا حنخلي الجيش هو اللي يختاره لنا ويبقى عملنا ايه؟ هي دي ديمقراطية؟ مدام كده كده الجيش بيدير يبقى يدير بنفسه، ونقول له يبطل ضرب فينا بقى

            ولا خمستاشر واحد حيقترحوا اسماء ويفرضوها على 85 مليون؟ انتوا اتجننتوا وافتكرتوا نفسكم مين مش عارفة؟
            ولا حتأجلوا الانتخابات بقى عشان المجلس الرئاسي يقعد له كمان ست شهور؟ طب الناس مش عايزة تأجل الانتخابات
            ثم ليه يعني؟ ادوهم سبب، انا عندي سبب اني زهقت من الضرب

            وفيه غيري شايفين ان مشكلة الضرب دي تتحل بالمحايلة والعدد الكبير وشهرين يعدوا بالطول ولا بالعرض لحد اما نخلص
            كده كل الاطراف تآمرت على يوم 27 بما فيهم بعض الداعين له


            وعشان كل الاطراف بما فيهم الداعين لليوم مش عايزينا ننزل انا نازلة، نفسي افهم ايه اللي في اليوم ده بالتحديد اللي مخليهم مش عايزينا ننزل




            انا نازلة ومش حاطالب بمجلس رئاسي عشان ده ضد ارادة الشعب اللي عامل الثورة مش الكام مجنون اللي عاملين ايفينتات
            ونازلة عشان حاجة كمان... مش عايزة العيال نفسها تتكسر، القوى اللي بتحبط اليوم ده عايزة تكسر نفس العيال، خصوصا اللي انضربوا عند السفارة، وعايزين يقولوا لهم: لا بقى.. مش كل ما تعوزوا تنزلوا حتنزلوا

            لا بقى
            كل ما يعوزوا ينزلوا حينزلوا.. وماحدش يكسر نفسهم.. وماحدش ينزلهم على ركبهم.. وماحدش يجيب مناخيرهم الارض
            لو نزل 200 واحد انا معاهم.. لو نزل الف انا معاهم.. لو نزل مليون انا معاهم.. لو نزلت وما لقتش حد حاروح بيتنا، المهم اني ما اسيبش الناس

            اللي انكسر ينفع يتصلح، والامور ينفع تتعدل بس اتصلوا ببعض، وهدوا الامور، بتعندوا على بعض ليه الله يكسفكم؟
            بجد شابو للثورة المضادة اللي فرقت الصف وفشلت الناس بالطريقة دي، علاء الاسواني قال يوم ما نفقد القدرة على الحشد يبقى الثورة المضادة نجحت

            ومتشكرين قوي للاخوان والليبراليين واليساريين والسلفيين اللي بذلوا كل جهد عشان يفقدونا القدرة على الحشد
            نردها لكم في الافراح... اذا كنا عايشين يعني
            يوم 27 ده لو فكس مبارك حياخد عفو
            من الآخر كده... والذنب في رقبة اللي فرق الناس واستهبل
            ولا تنازعوا فتفشلوا وتذهب ريحكم
            اهو.. ده ربنا اللي بيقول اهو

            انتوا تنازعتوا
            ربنا ما يقولش الا الحق .. انتظروا بقى الفشل و ذهاب الريح


            اه صحيح.. لو الثورة المضادة جابت فينا جون يوم 27 ده حيحمسهم.. ودي احد اسباب نزولي، انا نازلة وحاجيب معايا كل اللي اعرفهم، ولازم كل واحد ينزل ويجيب معاه كل اللي يعرفهم، ولا انتوا مش ملاحظين ان بتوع اسفين يا ريس شامين نفسهم اليومين دول قوي، ولو فشلنا يوم 27 حيحسوا انهم بيحققوا نتائج

            استهدوا بالله.. ده فيه دم ساح
            حرام عليكم.. انا شخصيا حاعمل الواجب اللي عليا وابري ذمتي قدام ربنا وحسبي الله ونعم الوكيل في المتخلي والندل واللي له حسابات واللي بيفرق الصف عشان مصالح
            بالنسبة للسلفيين
            كل اصحابي السلفيين نازلين، ايه بقى الموقع اللي عامل نفسه سلفي وبيقول الكفار هم اللي نازلين يوم سبعة وعشرين ده؟

            -------------------------------------------------------------
            معلش يا اخواننا عندي انا اصحابها السلفيين دي
            انا عارف احنا ما بنصدق

            ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

            [sor2]http://imageshack.us/a/img838/2058/8l0n.jpg[/sor2]

            Comment


            • #7
              مبارك هايخد عفو
              عفوا انا اثق في نزاهه القضاء المصري الذي اتشرف بان يكون ابناء عمي من اعضائه ولا اعتقد انك تستطيعين الحكم او التشكيك لحظه في نزاهه من اعرفهم جيدا
              لقد أسمعت لو ناديت حيا ولكن لا حياة لمن تنادي
              ولو نار نفخت بها أضاءت ولكن أنت تنفخ في رماد!!
              م.معماري/ تامر احمد

              Comment


              • #8
                المشاركة الأصلية كتبت بواسطة tamer_a7 مشاهدة المشاركة
                مبارك هايخد عفو
                عفوا انا اثق في نزاهه القضاء المصري الذي اتشرف بان يكون ابناء عمي من اعضائه ولا اعتقد انك تستطيعين الحكم او التشكيك لحظه في نزاهه من اعرفهم جيدا
                على فكرة مش شرط انك تعرف ناس في القضاء و انهم شرفاء يبقى القضاء كله شريف
                ط ما انا و انت مهندسين , هل كل المهندسين شرفاء ؟
                اكيد لأ
                بلاش دي , انا اعرف ظباط شرطة شرفاء و محترمين جدا , هل الداخلية كلها كده ؟ ما كانش ده بقى حالهم و ما كانش ده بقى حالنا

                اقول لك اكتر
                بفرض ان القضاء كله شريف ماعدا واحد
                الواحد ده كافي انه يتحط لنظر كللللللللللل القضايا اياها و يطبخها معاهم

                ثم انا عايز اسألك سؤال كمان , معارفك دول ما حكولكش ايام لما نادي القضاة كانوا واقفين في وش نظام مبارك و الأمن المركزي مسح الشارع بكبار القضاة و رؤساء المحاكم ؟


                اضافة
                شفت دي http://www.facebook.com/photo.php?fb...&type=1&ref=nf
                ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                [sor2]http://imageshack.us/a/img838/2058/8l0n.jpg[/sor2]

                Comment


                • #9
                  المشاركة الأصلية كتبت بواسطة tamer_a7 مشاهدة المشاركة
                  مبارك هايخد عفو
                  عفوا انا اثق في نزاهه القضاء المصري الذي اتشرف بان يكون ابناء عمي من اعضائه ولا اعتقد انك تستطيعين الحكم او التشكيك لحظه في نزاهه من اعرفهم جيدا

                  يا فندم المشكلة مش في القضاء ...... محدش قال إن القضاء فاسد للدرجة دي


                  المشكلة في الورق .... الأدلة ...... الحاجات إلي بيحكم بيها القاضي


                  الناس دي غطت نفسها من زمان





                  و معلش بلاش تقولي لو معرفناش نمسك عليه حاجة تبقى غلطتنا احنا

                  الثوار الغلابة إلي ذي حالتي حيجيب ورق و أدلة منن ...... على نظام كان يتحكم في بلد بأكملها

                  Comment

                  Working...
                  X