عاوز اروح شرم

[bakkoor]

السلام عليكم
ياجماعه انا عاوز اقضى اجازه تلات او اربع ايام فى شرم يكون فى فندق محترم 4 نجوم او خمس نجوم بس يكون اقامه شامله ( يعنى بالصلاه على النبى كده كله اكل وشرب وسناكس على البحر وكده ) فهل ياترى حد راح فندق فى شرم والاقامه حلوه فيه ياريت يقولى ويدلنى بس انا مش عاوز الليله تزيد عن 500 جنيه للغرفه لاننا فردين فلو حد ليه خبره ياريت يقولى

[otefa]

هيلتون دريم
+هيلتون الفيروز على البحر ميزته الشط فيه شعب مرجانية خفيفة وهاتشوف أحلى أسماك
أحسن حاجة طبعا All inclusive
بس مش فاكر الأسعار بصراحة بس أعتقد هاتلاقيها نزلة جامد بسبب السياحة المضروبة

[ZALABANY]

hilton sharks pay كان عامل عرض جامد جدا الغرفه دبل all inclusive 500 جنيه مش عارف لسه شغال ولا لا

[fakoussa]

العرض شغال لحد 20/6/2011 الحق روح
انا بصراحة روحت هليتون دريم كذا مرة هو جميل جدا

[bakkoor]

العرض شغال لحد 20/6/2011 الحق روح
انا بصراحة روحت هليتون دريم كذا مرة هو جميل جدا

لحد 20/6 والا 30/6

[bakkoor]

hilton sharks pay كان عامل عرض جامد جدا الغرفه دبل all inclusive 500 جنيه مش عارف لسه شغال ولا لا

معاك رقم التليفون ياباشا

[ZALABANY]

Shark's Bay Oasis, Shark's Bay, Sharm El Sheikh, Egypt | Real Estate | Yellow.com.eg | Airport Rd.

[juju]

رقم تليفون حجوزات الهيلتون للمصريين هو 19009 كلم الرقم ده وهما هيدوك كل المعلومات اللى انت عايزها ولو عايز حاجة قولى انا شغالة فى شركة سياحة

[bakkoor]

رقم تليفون حجوزات الهيلتون للمصريين هو 19009 كلم الرقم ده وهما هيدوك كل المعلومات اللى انت عايزها ولو عايز حاجة قولى انا شغالة فى شركة سياحة

بما انك شغاله فى شركه سياحه ممكن تدلينى على اوفر حلو لاربع ايام فى نهايه شهر 6 لغرفه دوبل مع طفلين ( 2 و4 سنين ) بس تكون all inclusive واوتيل يكون محترم

[ecybrarian]

ايه دا يا باشمنهدش محمد otefa انت ليك في شرم وكدا :-))) ..معلش تقبل هزاري..انا شخصيا باروح فندق في آخر الدنيا اسمه park inn في شارك باي..هناك في العاب مائية للكبار والصغار ودي اهم حاجة للي عنده عيال

[otefa]

ايه دا يا باشمنهدش محمد otefa انت ليك في شرم وكدا :-))) ..معلش تقبل هزاري..انا شخصيا باروح فندق في آخر الدنيا اسمه park inn في شارك باي..هناك في العاب مائية للكبار والصغار ودي اهم حاجة للي عنده عيال

شرم والغردقة ووادي الريان والساحل الشمالي وبأركب خيل في الهرم وبأركب بايكس كمان
أيه وجه الأستغراب ياباشا!
أنا عن نفسي بأحب الغردقة أكثر بكتير أهدء من شرم والجو هناك حتى في أعز أيام الصيف بتستحمله علشان جاف وفيه هوا حلو
مشكلة شارم الرطوبة رهيبة في الصيف
ونسيت كمان دهب والعسلة

[ecybrarian]

مافيش استغراب ولا حاجة يا هندسة..دا هزار محبة..المهم لما تروح شرم ابقى ابعد عن المستشفى :-)

[juju]

أوكى ياأستاذ محمد هشوف كده ايه النظام وهقولك بس كل ما استنيت شوية هنجيب سعر أحسن للأن الفنادق بتبقى فاكرة ان الدنيا ممكن تشد حيلها فيدوك من دلوقتى على شهر 6 سعر مش اوى يعنى بس لما الشهر يدخل و يلاقو الوضع زى ما كلنا عارفين طبعا ساعتها السعر بيتظبط

[bakkoor]

أوكى ياأستاذ محمد هشوف كده ايه النظام وهقولك بس كل ما استنيت شوية هنجيب سعر أحسن للأن الفنادق بتبقى فاكرة ان الدنيا ممكن تشد حيلها فيدوك من دلوقتى على شهر 6 سعر مش اوى يعنى بس لما الشهر يدخل و يلاقو الوضع زى ما كلنا عارفين طبعا ساعتها السعر بيتظبط

منتظر رد حضرتك والف شكر ليكى ولتعبك

[juju]

العفو يا فندم ان شاء الله تروحوا وتقضو أجازة سعيدة