ازمة ضمير : ازاى رميت اختى ليهم ؟

[viper911s]

بص ياباشا
حقولك حاجه بصراحه وخدها كلمه

لو كنت جبت اغني واحد في البلد
وارقي واحد في البلد
واشيك واحد في مصر
واتجوزها
وطلع عينيها

كانوا حيقولوا مجايب خالد
فكبر دماغك
انا قاري موضوعك من الاول
وانتا قلت واتكلمت كتير
للبنت واهلها
وقلت لمراتك انك شايف ان ده مينفعش

خلاص
اللي بيشيل قربه مخرومه بيحصله ايه
بتخر علي دماغه

انتا عملت اللي عليك وقلت
وخد بالك ياباشا

لو كنت زودتها شويه وعارضت الجوازه
كانوا قلبوا عليك وحسوا انك عاوز تفركش الجوازه وخلاص
الناس اللي بتبقي شايفه ان ضل راجل ولا ضل حيطه دي
بتبقي بتعمل المستحيل عشان الجوازه تتم
البت كبرت البت متجوزتش البت حتعنس
ويبدأ شبح العنوسه يسيطر علي مخ البيت كله
بما فيهم البنت

عشان كده مش حيقتنعوا ان ده وحش وده حلو
اهو راجل والسلام

+11111111111111111111111111
يا استاذ خالد حضرتك مش اكتر من سبب ان الموضوع يتم
ربنا ارادة يمشى انت مجرد سبب
ربنا اراد الموضوع يتم لسبب ما محدش يقدر يعرفة ممكن يكون الانسان دة الى هيحتويها فى حال لاقدر الله حصل شىء للوالدين يكون دة الى هيحتويها هيصبرها هيفرحها محدش عارف الخير فين
انت بس خلى احتكاكك قليل الا فى حالة ان العروسة طلبت منك التدخل بصفتك الاقرب ليها من اخوها
بس دة رئى
متتعبش نفسك ربنا اراد وانت كنت مجرد سبب

[احمد المصرى]

ان شاء الله كلنا نبق غلطانين وربنا يكرم البنت دى والزوج يكون كويس معاها وربنا يسعدها ان شاء الله وانت كنت قاصد الخير مش اكتر بس فعلا صدق المثل ال بيقول امشى فى جنازه ومش تمشى فى جوازه

[mahgary]

اسف No comment

[khaled_sabry]

انا قاري موضوعك من الاول
وانتا قلت واتكلمت كتير
للبنت واهلها
وقلت لمراتك انك شايف ان ده مينفعش

انا عمرى ما قولت لأهلها انه ماينفعشى ....
بس قولت لمراتى : و هى قالتلى مادامت اختها راضيه حتحشر نفسك ليه و انا لمحت لأختها عن عيوب العريس بس لاقيتها بتتعامل عادى و هى مش بالذكاء الاجتماعى اللى ممكن يخليها تدرك عواقب ده فى المستقبل

على العموم انا الكلمه اللى قولتها لمراتى فى فرحهم " ربنا يسامحنى " ... فعلا لو حصل طلاق فى المستقبل (لاقدر الله ) مش حسامح نفسى ابدا

[thunder155]

بارك الله لهما و بارك عليهما و جمع بينهما فى خير

[aboomar22]

بسم الله الرحمن الرحيم (وعسى ان تكرهوا شيئا وهو خير لكم) & ( وعسى ان تكرهوا شيئا ويجعل الله فيه خيرا كثيرا )
صدق الله العظيم ان ماحدث هو ارادة الله التى كنت انت جزء من ارادة الله (يسير الامور كيف يشاء ) المهم هون عليك ماراد الله كان ومالم يرد لم يكن يعنى نقول ربنا يجعل الخير فيها وفى زوجها ويبارك لهما ويخلف ظنوننا حضرتك اردت الخير وربنا يجعل الخير فى هذه الزيجة وبعدين اقول لحضرتك فى ناس كتير غلابة ومستوى اجتماعى منخفض وبصراحة ناس محترمين جدا وجدعان قوى ومتعرفهمش الا لما تعاشرهم اتا عشت بينهم وبجد ممكن يطلعوا معاها احسن من اهها بس المهم هى تكسبهم ومتتعملش معاهم بتعالى وبعدين يا اخى لو خدت واحد ابن وزير وطلع عينها هو مش ده وارد وارد جدا ندعوا لها جميعا ان يبارك الله لهما ويبارك عليهما ويجمع بينهم فى خير

[نور القمر]

ربنا معاها حلاص اللي حصل حصل
المشكلة ان تزوجت عيلة مش فرد
لو المشكلة في العريس بس كنا قولنا يمكن يتغير عشانها

[khaled_sabry]

بسم الله الرحمن الرحيم (وعسى ان تكرهوا شيئا وهو خير لكم) & ( وعسى ان تكرهوا شيئا ويجعل الله فيه خيرا كثيرا )
صدق الله العظيم ان ماحدث هو ارادة الله التى كنت انت جزء من ارادة الله (يسير الامور كيف يشاء ) المهم هون عليك ماراد الله كان ومالم يرد لم يكن يعنى نقول ربنا يجعل الخير فيها وفى زوجها ويبارك لهما ويخلف ظنوننا حضرتك اردت الخير وربنا يجعل الخير فى هذه الزيجة وبعدين اقول لحضرتك فى ناس كتير غلابة ومستوى اجتماعى منخفض وبصراحة ناس محترمين جدا وجدعان قوى ومتعرفهمش الا لما تعاشرهم اتا عشت بينهم وبجد ممكن يطلعوا معاها احسن من اهها بس المهم هى تكسبهم ومتتعملش معاهم بتعالى وبعدين يا اخى لو خدت واحد ابن وزير وطلع عينها هو مش ده وارد وارد جدا ندعوا لها جميعا ان يبارك الله لهما ويبارك عليهما ويجمع بينهم فى خير

اتمنى ذلك
ولو ان البشاير غير مطمئنه
احدى المواقف المخجله انه فى اثناء الفرح و عند نزول الجاتوه فوجئت بشقيق العريس ووالده بياخدو الجاتوه من السفرجيه و بيوزعوه هما على اصحابهم لدرجه انى كنت قاعد على ترابيزه و كان عليها 3 زملائى و 2 تبع اهل العريس
لاقيت اخو العريس جاب الجاتوه و ادى للاتنين اللى تبعو و باقيه الاربعه اللى على الترابيزه ( و انا منهم وهو عارفنى ) فضلو مبحلقين
واخو العروسه راح و قالهم كده ماينفعشى (رغم ان اهل العروسه دافعين نص ثمن القاعه) و فيه ناس من اهل العروسه ما كلوش حاجه بسبب كده
تورتة الفرح 3 ادوار العريس و العروسه طلعو و اتصورو جنبها لكن التورته ما اتقطعتشى و اتقفل الستاره عليها و لا قيت العريس و العروسه نازيلين كده و خلاص
رغم انه اهل العريس و معارفه و هما مروحين كل واحد منهم واحد علبه جاتوه !!! و دى انا شوفتها بعيني
و بشكل عام الحجات المخجله اللى صدرت من اهله كتيييييير و ممكن احكيلك مواقف من هنا للصبح

[husseinsalah]

استاذ خالد

تسمح لى اهم حاجة تصرفات وتفكير العريس وقبل دة كلة انه يكون بيراعى ربنا ، كتير مننا اهليهم من الارياف وممكن تصدر منهم تصرفات عفوية فى اى فرح او فى مراحل (التفاوض) قصدى الاتفاق من اول الفاتحة لحد لفرح
وتسمحلى انت ممكن يون جواك شىء مبالغ فيه شوية ياعنى لاقدر الله ما اكتشفت ان ابوا العريس تاجر مخدرات ولا اخوها مسجل خطر
كل الحكاية انك مستخسر اخت زوجتك فى العريس وعيلتة (مع تأيدى لتوافق المستوى الاجتماعى ببين الزوجين) لمجرد تصرفات مافهاش "شياكة" واخت زوجتك لو مش عاجبها العريس صدقنى لو عندها 40 سنة مش هتقبلة ...
اما ان حضرتك تضايق من كلمة يانصة وسبك ولعنك فى السواق على الكلمة دى واللى خلت حماتك نفسها تضحك عليها ... فدة نابع من رفضك للعريس واحساس بالمسؤلة انك سبب الجوارة وطبعا رد فعلك كان هيختلف على نفس الكلمة لو كان العريس زى ماتتمناة...

اخيرا ادعلهم بالهداية لبعضهم ونصيحة منى ما تتصدرش فى المشاكل اللى ممكن تكون انت احد اسببها و اللى حتما هتحصل مش علشان مستوى العريس لكن لانها بتحصل بين اى زوجين فى بداية حياتهم ...
وحاول برضة ماتظهرش رفضك دة بأى شكل علشان مايديش انطباع عند اخت زوجتك انها اساءت الاختبار فتتعامل مع زوجها على الاساس دة .. وان شاء الله ربنا يصلح الحال

[ashouhdy]

انت حتقعد تنكد و تقطع فى نفسك !!! انت ما انت الا اداة ... والباقى ربنا ارادة بتدخلك او لأ

وبعدين بقى اقولك حاجة

يعنى هو حماك و حماتك ميعرفوش يقولوا لأ ولا حد ضربهم على ايدهم ؟؟؟؟؟؟؟؟؟؟؟؟!! ومش هى وهم شافم وعينوا !! يبقى خلاص انت برة اللعبة دى كلهااا


العيب يبقى عليك لو خبيت حاجة عنهم ودارتها لكن كلة كان عينى عينيك ومفيش حد ضرب حد على ايدة

اذا كان ابوها وامها موافقين ومشيوا مع المستوى الاجتماعى دة ... انت قارف نفسك لية !!! ماهم شافم و وافقوا و عاينوا .... افتكر الكلام دة كويس عشان فيما بعد

[FunnyMickey]

طب مانا لسه حاضر فرح من 3 ايام
واهل العريس والعروسه جامدين جدا
وشيك جدا

والفرح معمول في فيلا في عرابي
وساعه البوفيه يامعلم
متقوليش
البوفيه كان فيه جمبري جامبو

:)
يابووووووووووووووووووووووووي
غني وفقير مش عاوز اقولك
كان قربوا يحطوا في جيوبهم
هههههههههههه

انا لحقت 4 جمبريات بالعافيه
وبصراحه مخبيش عليك
كلتهم بقشرهم
ههههههههههههههههههههههه

[aminibrahim]

يا راجل حرام عليك

والمسكينه دي زنبها ايه----- دا انا اتخنقت من العريس واهله من كلامك ---- الله يسامحك


علي فكره انا عارف ان كله قسمه ونصيب ---- بس ربنا ادنا عقل والعمليه واضحه زي الشمس من كلامك دول شكلهم

عيله منيله بس ها اسالك سؤال انت كنت موضح ده كله للعروسه واهلها؟

[khaled_sabry]

طب مانا لسه حاضر فرح من 3 ايام
واهل العريس والعروسه جامدين جدا
وشيك جدا

والفرح معمول في فيلا في عرابي
وساعه البوفيه يامعلم
متقوليش
البوفيه كان فيه جمبري جامبو

:)
يابووووووووووووووووووووووووي
غني وفقير مش عاوز اقولك
كان قربوا يحطوا في جيوبهم
هههههههههههه

انا لحقت 4 جمبريات بالعافيه
وبصراحه مخبيش عليك
كلتهم بقشرهم
ههههههههههههههههههههههه

اللى انتا بتقوله ده معروف فى الاوبن بوفيه
لكن الفرح ده ماكنشى فيه اوبن بوفيه و لا حاجه
و الموضوع كان كله حتتين جاتوه و حاجه ساقعه.. و بعد كده اللى يدايق مش تصرف المعازيم ...
لا تصرف اهل العريس انهم وزعو على معارفهم بس و شاللولهم كمان و اهل العروسه ماطلوش حاجه...
يعنى اللى شفته بعينى ابو العريس و هو بيدي معارفه علب الجاتوه كامله و طالعين على منشيه ناصر مشى ... دى تبقى بايخه اوى
ولما تبقى قاعد على ترابيزه و اللى جنبك ياخد و انتا لا برضه بايخه اوى

[FunnyMickey]

فيه طبعا حركات قله كتير اوي ووالله بتكون في جميع الافراح
المهم اهم حاجه

انتا حتعرف اكيد الدنيا بعد الجواز عامله ايه معاهم
مراتك حتعرف ان كانت اختها مبسوطه ولا زعلانه
وهوا حيبان عليه في الشغل

وربنا يقدم اللي فيه الخير ومنقدرش البلاء قبل وقوعه

[aminibrahim]

السلام عليكم و رحمة الله و بركاته
كالمعتاد انا مش بكتب حاجه فى المنتدى الاجتماعى الا لما ببقى مخنوق و عاوز افضفض
و اكتر حاجه خنقانى هو موضوع زواج اخت مراتى ... اللى كتبتلكم عن مشكله حصلت فى اوله من 5 اشهر تقريبا

http://www.nilemotors.net/nile/191743-a.html

وهو بأختصار انا متزوج زوجتى من 4 سنين و بكده كان فاضل ليها اخت واحده اكبر منى بسنتين (عندها 30 سنه) ما اتجوزتشى
اخت مراتى بعتبرها بجد زى اختى بسبب مواقفها المختلفه اللى بتثبت فيها جدعنتها مع الكل
وبناء عليه كنت بتمنى من ربنا ان يكون جوازها على ايدي
و بالفعل ربنا وفقنى و قدرت اوفق بينها و بين زميل ليا فى العمل بعد كم كبيييييييير من المشاكل و الخلافات بين العلتين ( العريس :والده نقاش و من منشأه ناصر و معظم عيلته صنايعيه و غير متعلمين رغم انه بكالوريوس علوم - و العروسه : والدها مدير قطاع فى الازهر و انا نفسى من عيله معظمها مهندسين و بعضها اساتذه فى الجامعه)
و امتدت الخلافات بيني و بين العريس نفسه حول بعض التفاصيل فى تعامله مع اهل العروسه
وهو بصراحه حاول الصلح اكتر من مره معايا بس انا اللى كنت برفض لغاية دلوقتى( بقالنا 4 او 5 اشهر تقريبا )
لأنى اكتشفت فيه بعض الصفات اللى كانت مخفيه عنى قبل كده
و ايضا لأنى ادركت حجم الفارق الاجتماعى بينه و بين العروسه .. و رغم ان العروسه نفسها متقبله العريس (من مبداء انها كبرت و ضل راجل ) لكن حماى و حماتى ماكنوش متقبلينه بسبب تصرفاته و تصرفات اهله و الفارق الاجتماعى

و رغم عن كده كنت بمدح و بدافعله قدام حماتى (مش حبا فيه لكن بسبب تقبل العروسه ليه) فى نفس الوقت اللى ماكناش بتكلم او نسلم على بعض فى الشغل
و فعلا كنت مع اهل العروسه خطوه بخطوه فى الجوازه دى من بدايتها من اول الاتفاق و انتهاءا بتوضيب الشقه نفسها و تركيب الكهرباء بنفسى
لدرجه ان يوم الدخله انا بنفسى روحت لغاية العتبه علشان اشترى الشمع قبل معاد الفرح بساعه

لغايه الفرح نفسه (يوم السبت اللى فات)... انا كنت عارف انهم مستوى اجتماعى متدنى بس لما شفت مستوى اهل العريس بعيني فعلا اتخنقت
و الفكره اللى كانت مسيطره عليا ازاى انا ارمى "اختى" للناس دول .. و بجد ضميرى كان بيؤلمنى جدا لدرجه انى كنت حبكى فى الفرح
و بجد تعمدت انى ما اسلمشى على العريس او العروسه رغم انى كنت السبب الرئيسى (بعد توفيق الله طبعا ) فى الجوازه دى
طبعا حصلت تفاصيل مخجله فى الفرح بتؤكد الهوه الاجتماعيه بين العلتين مافيش داعى انى اذكرها

حتى حدوث موقف سخيف فى الزفه بالعربيات و العروسه و العريس مروحين
سائق عربيه الزفاف كان قريب العريس و الظاهر ان مهنته سائق اساسا
فهو اصر على الرجوع من طريق ملتوى بدلا من الطريق المباشر
ففى وسط الزحمه اشكيت فى الطريق و حبيت اتأكد من ميكروباص جنبى عن الطريق اللى احنا فيه ... فلاحظ كده سائق عربيه الزفاف
فقالى "هو انتا مش عارف الطريق و لا ايه " رديت عليه " لا انا عارف بس بتأكد"
فرد عليا ب "شكلك كده مش عارف يا نصه " ولا قيت اخوات العريس اللى كانو قاعدين جنبه بيدحكو و حماتى اللى قاعده جنبى (اللى كانت ضاربه بوز من اول الفرح لأخره) هى كمان بتدحك على الكلمه دى
انا ماعجبتنيش كلمة "نصه" و اعتبرتها مهينه خاصه لما تيجي من واحد معرفهوش اصلا ... و طلعت امريكانى و و سبقته و و انا بسب و بالعن السواق و العريس و " الليله السوده دى " باحط و اقذر العبارات النابيه اللى اعرفها و كل ده و حماتى جنبى و مراتى ورا
و اكتشفت فيما بعد ان السواق نفسه ماكنشى عارف الطريق و بيستخف معايا
طبعا صالحت حماتى تانى يوم و هى تقبلت كده بسبب رصيدي اللى يكفى عندها (على رأى الجيش )
فعلا فى العادى انا مش بعمل كده و مش عارف ليه عملت كده .. و الموقف ماكنشى مستاهل بس فرغت فيه الشحنه اللى كانت عندى

بس فعلا العروسه صعبانه عليا
لأنها من النوع اللى بتحب الشياكه و الرقه و المستوى الاجتماعى الراقى .. و قبل كده رفضت عرسان كتييييييير بسبب كده .. و اللى اتجوزته ده بعيد كل البعد عن الكلام ده و هى رفضت عرسان افضل منه بكتير
فعلا انا لغايه دلوقتى حاسس بغصه كل ما افتكر الموضوع ده
و كل ما افتكر منظرها فى الفرح و هى واقفه جنب عرسيها و اهل عريسها محاوطينها و باين عليهم تواضع المستوى الاجتماعى(البنات اللى كانو محجبات قبل الفرح قالعين الحجاب و صابغين شعرهم اصفر و بيرقصو بمياصه و هما حافين و الشباب اللى جايين بتيشرتات ملونه بالوان فاقعه و معاهم بيروسول و مولعينه و شماريخ و خلافه ) بتنتابنى رغبه عارمه فى البكاء بإعتبارى حكمت على البنت بالعيش فى المستوى ده

و انى انا نفسى استغلت رغبتها فى الزواج و عرضت عليها العريس ده و انا عارف انها حتوافق عليه فى الظروف الحاليه حتى لو كان فيه عبر الدنيا كلها و اقنعت عليتها بالعريس ده .. اللى بالفعل ماكنتش حأقبله لأختى او لبنتى
و فعلا انا دلوقتى مش عاوز ابص فى وشها او وش جوزها بسبب الموضوع ده .. رغم ان المفروض حنروح نباركلهم يوم الجمعه اللى جاى و مش عارف حعمل ايه
مش بطلب منكم رأى او مشوره لأن اللى حصل حصل .. انا مخنوق و بفضفض بس

بص يا باشا ممكن اكلمك بصراحه وبدون زعل سيبك هو في الاول والاخر لو ربنا مش رايد مكنش حصل



لكن نرجع لحضرتك اكيد حضرتك كنت عارف من الاول اصله وفصله ويمكن لما بعد ما الموضوع خلص والبنت عارفه هو ايه واهله ايه انا اسف اني اقوللك لان الولد بكالريوس علوم ومعاك في نفس المكان ازن انا شايف انه عادي يمكن في الرد الاولاني كنت قاسي شويه


لكن وليه ميكنش حضرتك حسيت انه هايتساوي بيك و هايكون عديلك فاصبح في النفس شئ

اصله زمييلك في الشغل واكيد سيادتك كنت ادري بيه اشمعني د الوقتي بقي متدني الاهل بيئه بص حضرتك سيبهم وتوكل علي الله وخليك معاه بيس

لان النفوس بتتغير