ازمة ضمير : ازاى رميت اختى ليهم ؟

[khaled_sabry]

بص يا باشا ممكن اكلمك بصراحه وبدون زعل سيبك هو في الاول والاخر لو ربنا مش رايد مكنش حصل



لكن نرجع لحضرتك اكيد حضرتك كنت عارف من الاول اصله وفصله ويمكن لما بعد ما الموضوع خلص والبنت عارفه هو ايه واهله ايه انا اسف اني اقوللك لان الولد بكالريوس علوم ومعاك في نفس المكان ازن انا شايف انه عادي يمكن في الرد الاولاني كنت قاسي شويه


لكن وليه ميكنش حضرتك حسيت انه هايتساوي بيك و هايكون عديلك فاصبح في النفس شئ

اصله زمييلك في الشغل واكيد سيادتك كنت ادري بيه اشمعني د الوقتي بقي متدني الاهل بيئه بص حضرتك سيبهم وتوكل علي الله وخليك معاه بيس

لان النفوس بتتغير

دى المشكله ... الواد اجتماعى اوى ... بس فى نطاق الشغل ... و علاقات الشغل تختلف اختلاف جزرى عن العلاقات العائليه و ده اللى اكتشتفه من القصه دى
لأنه اجتماعى جداا على مستوى الشغل - لكن فى العلاقات العائليه بيخبط كلام زى الطوب يخرب الدنيا
بالاضافه الى منظره مش حلو يعنى ماتحسش انه مهندم ... يعنى تخيل لما جهه يشوف العروسه اول مره فى بيتي (المفروض يبقى على سنجة 10 ) جهه بشبشب جلد ... و كان مصر انه يقلعه على باب شقتى
و انا لما فاتحته فى الموضوع و عرفت انه والده نقاش (فتخيلت اهله من نوعيه معلمين بتوع افلام فريد شوقى القديمه ) و انه من منشية ناصر - انا اصلا من اسيوط و ماكنتش اعرف ان فيه حته اسمها منشيه ناصر اساسا
و علاقتى بيه كانت علاقة زماله فقط مش ممتده لزيارات فى البيت و كده و اصلا انا جيت الشركه الحاليه من سنه فمعرفهوش من مده طويله يعنى
و بعد كده انا اللى غرنى فيه انه حافظ القرأن كله و حماى شيخ فى الازهر ... فقولت اشطه اهه حيندمج معاهم حلو
لكن طلع حفظه للقرأن مجرد شهاده و لغاية دلوقتى ماعرفشى يندمج مع حماى و حماتى رغم انه المفروض دلوقتى يبقو فى عز فرحتهم بيه

[م. حاتم السباعي]

مع ان حضرتك طلبت منا انك مش طالب المشورة و لا حاجة لان اللي حصل حصل و انك بتنفس عن نفسك و سط اخوانك
فأنا انصحك بأن تنسي الموضوع خالص
و تعتبر ان العريس شخص غريب و النصيب قد جمعك به كعديل لك صح كده عديل هي الصح مش نسيب
و تعتبر انك قد اندهشت لحظيا لما شاهدت السلبيات في الفرح
و تدعو الله لاخت زوجتك اللي هيه اختك بالخير
و تحاول من جانبك ان تري الاشياء الايجابية في العريس
و تترك السلبيات حتي تستطيع ان تكملو الحياة القادمة بخير
و يجب ان تنتبه من اليوم بأنك لست مسئولا عنها لانها من الان في عصمة زوج و هي لم يتم الغصب عليها حتي و ان كان سنها تقدم
و يجب ان تنتبه جيدا ان القادم اصعب
و نصيحتي لك ( و هي نصيحة واجبة بين الاحبة في الله )
يجب ان تعيد علاقتك به في العمل فورا ( لله )
و يجب ان تعرف انك يجب ان تذهب لزيارتهم بأنتظام و كذلك تفتح لهم بيتك بكل ترحاب
و لا تنسي اخي الاصغر ان ابنائك سيقولون له عمو فلان و العكس
و لا يصح ابدا ان تمتعض منه او من تصرفات اهله امام زوجتك او امام نسايبك ولي عتاب بصراحة
علي موضوع صغير
حينما قال يريت نخلي كتب الكتاب يوم الاحد علشان موضوع ان اهله صنايعية و لم يداري هذا امام الحاضرين من مهندسين و دكاترة و مراكز مرموقة و حينما نظر اليك الاخوة الافاضل شبة متضاحكين علي مقولته امامهم
الموضوع بصراحة ابسط من كده بكتير
فيه نوعين من الاشخاص اللي مستواهم الاجتماعي بسيط
نوع ( وضعه الاجتماعي متدني و هو يفخر بذلك و متعايش معه و بيميل اليه و بيتفاعل معه و بيكمل مسيرة العائلة من تسريح من التعليم و اتخاذ شكل معين من المظهر و اسلوب معين في الحوار و لا يغيره بأي شكل من الاشكال ) و اتوقع ان الاخ العريس ليس من هذا النوع لانه ثار علي وضع اهله علميا و استطاع ان يتقدم في التعليم لهذه المرحلة التي تختلف عن و ضعه الاجتماعي و الثانية انه حينما فكر في الارتباط ايضا لم يفكر في اللي ضاربه شعرها اوكسجين و بترقص حافية علي اغاني شعبولا
و انما اراد ان يرتقي نسبيا يمكن الفارق كان كبير اوي معلش بس فيه قبول من العروسة تجاهه
و النوع الاخر بقي ( يكفيك الشر ) ( هو نوع متدني اصلا اخلاقيا و اجتماعيا و به كل العبر و لكن يخفي هذا كله خلف وضع اجتماعي رسمه لنفسه و اراد ان يراه الناس من خلاله و هو اصلا غير كده تماما فتجده مثلا راكب احسن السيارات و ساكن في افضل الشقق و اخته مثلا ارملة لا يعطيها جنية و لا يجتمع ابدا مع اهله في اي مكان يمكن ان يراه فيه الناس و احتمال لما حد من اهله يجي عنده العمارة الشيك تلاقيه بيقول للبواب دول ناس من البلد جايين عاوزين حاجة
الاشكال دي كتير اوي صدقني و فيه منهم اللي ساكن في فلل بس للاسف اتبري من اهله و من اصله و اترمي في مستوي غير مستواه و طبعا اهل المستوي التاني عارفينة كويس و واخدين بالهم منه كويس اوي و عارفين انه مش تبعهم بس بفلوسه اهو مقبول بينهم
و ايضا انا حاسس من كلامك ان العريس مش من النوعية دي
فأخيرا ارجو الا اكون ضايقتك بس برضه انا بنصحك لوجه الله
مين عارف ربنا مخبي ايه مش يمكن الراجل ده يبقي في المستقبل اعز انسان عندك بمواقفه تجاهك محدش يعرف
ربنا يسعدهم و يرزقهم و يهديه لكم

م.حاتم السباعي

[akramlail]

لا تحمل نفسك اكثر من طاقتها وانا مع نصيحة اخى
انك تتغلب على مشاعرك دى وتحاول تعيد العلاقة بينك وبينة خصوصا انة بقى عديلك
يعنى تكون علاقة صداقة عادية حتى ف الشغل
وتعايش مع الموضوع عادى والمفروض انك انت سبب معرفتهم بية ودة ادعى بان يكون ليك كلمة علية بالنصح وبالادب لو حصل مشاكل
انا مش مع موضوع انك تبعد عشان ميغرش او يقولة انك السبب ف المشاكل دة بالعكس هيقولوا دة رمهولنا ولما حصلت مشكلة خلع
وان شاء الله ميبقاش فى مشاكل
بس انت تصاحبة وتتعامل معاة عادى وتفرض شخصيتك ووضعك زى مكان ليك وضعك قبل الجوازة بنصحك ورايك واكيد كان بياخد بكلامك

[azmeralda]

انا مش هقدر اقرا الصفح كلها بس هى كلمة واحدة


هو نصيبها

وكتير جدا بنات بتوافق على عرسان كل الناس تبقى مستغربة بس هو جه فى اللحظة اللى يأست فيها وكان ده من حسن حظه وسؤ حظها وفى كمان عرسان بيبقى عارف انها مستحيل توافق ورغم كده لما تكون ظروفها زى ما حكيت بيجرب يتقدم لأن ممكن من يأسها وضعفها توافق

ضغط المجتمع عليها ولقب عانس وحاجات كتير بتجبرها وعشان كده كنت كاتبة موضوع عن مسلسل عايزة اتجوز عشان الناس ترحم البنات شوية وميضطروش يرموا نفسهم فى النار: (

[maka]

لا حول و لا قوة الا بالله

متشيلش نفسك اكتر من طاقتها , انت كنت بس سبب معرفة و هى كبيرة و عاقلة و شافت بعينها من الاول

و سيبها على الله محدش يعرف الخير فين

[aminibrahim]

انا مش هقدر اقرا الصفح كلها بس هى كلمة واحدة


هو نصيبها

وكتير جدا بنات بتوافق على عرسان كل الناس تبقى مستغربة بس هو جه فى اللحظة اللى يأست فيها وكان ده من حسن حظه وسؤ حظها وفى كمان عرسان بيبقى عارف انها مستحيل توافق ورغم كده لما تكون ظروفها زى ما حكيت بيجرب يتقدم لأن ممكن من يأسها وضعفها توافق

ضغط المجتمع عليها ولقب عانس وحاجات كتير بتجبرها وعشان كده كنت كاتبة موضوع عن مسلسل عايزة اتجوز عشان الناس ترحم البنات شوية وميضطروش يرموا نفسهم فى النار: (

لأ طبعاوبعدين الموضوع ده مالوش علاقه---- واحنا مش عارفين ظروفه ايه


وبعدين العنوسه وغيره البنات هما السبب

[zago]

خلاص انا بقترح نعمل موضوع في الاجتماعي لتزويج البنات
ومحدش يفكرني بدور على واحده ليا لاني لسه صوغنن

ورأيي لصاحب الموضوع انه يعامل الاتنين كويس ويحاول يعلي من شأنه ويفطمه بقى على البرستيج والتناكه والحوارات دي

[chicobon]

طيب المهم العروسة سعيدة دلوقتي ده اهم حاجة و ربنا ما يجيب حاجة وحشة

[khaled_sabry]

وكتير جدا بنات بتوافق على عرسان كل الناس تبقى مستغربة بس هو جه فى اللحظة اللى يأست فيها وكان ده من حسن حظه وسؤ حظها وفى كمان عرسان بيبقى عارف انها مستحيل توافق ورغم كده لما تكون ظروفها زى ما حكيت بيجرب يتقدم لأن ممكن من يأسها وضعفها توافق (

هى وافقت عليه للاسباب دى بالظبط
بالاضافه الى خوفها من وفاة والدها و والدتها لأنها متقدمين فى السن و الحاله الصحيه بتاعتهم فى النازل
وشقيقها مش حيخليها تقعد عنده بعد وفاتهم ...لأن مالهاش مكان فى شقته
و هى مش حتبقى مستريحيه لو عاشت مع اختها و زوج اختها بطبيعه الحال ... رغم اعلان استعدادى لكده انا وزوج اختها التانيه

و بالتالى النت كانت عاوزة تتجوز و خلاص ... و فى الموضوع القديم قولتلكم انها قبلت بخطوبه واحد جارهم اقل بكتيييييير فى المستوى (الشكلى - الوظيفى - الشخصي ) من زوجها الحالى و ربنا كرمها و فكت الخطوبه منه لما هى نفسها كرهته

يعنى تكون علاقة صداقة عادية حتى ف الشغل
وتعايش مع الموضوع عادى والمفروض انك انت سبب معرفتهم بية ودة ادعى بان يكون ليك كلمة علية بالنصح وبالادب لو حصل مشاكل
انا مش مع موضوع انك تبعد عشان ميغرش او يقولة انك السبب ف المشاكل دة بالعكس هيقولوا دة رمهولنا ولما حصلت مشكلة خلع
وان شاء الله ميبقاش فى مشاكل
بس انت تصاحبة وتتعامل معاة عادى وتفرض شخصيتك ووضعك زى مكان ليك وضعك قبل الجوازة بنصحك ورايك واكيد كان بياخد بكلامك

نصيحتك دى بالظبط سبب مشكلتى معاه ... كده حتجبرنى ان احكى سبب خلافى معاه
انا قولت قبل كده فى اول زياره لأهل العريس لبيت العروسه (اللى هى المفروض زياره تعارف) والد العريس ( زى ماتقول كده ماصدق ) مره واحده لاقناه بيتكلم فى الموضوع و عاوز يتفق على كل حاجه
فحصل خلاف كبير بين حماتى و بين ام العريس على الشقه ... العريس عنده شقه فى مدينه بدر و العروسه عندها شقه فى عين شمس جنب المترو
فام العريس كانت مصره ان الجواز يبقى فى شقه العريس و ام العروسه مصره ان يبقى الجواز فى شقه العروسه بدل مايبقو محدوفين فى بدر و هما ماعندهمشى عربيه
خاصه ان الشقه جنب المترو و لعروسه بتشتغل فى العتبه و خط اوتوبيس الشركه بتاعت العريس بيعدى تحتها فالمواصلات حتبقى سهله اوى من هنا

المهم الموضوع قلب تقريبا لخناقه بين الحموات و بقيت انا بسكت فى حماتى و العريس ابوه بيسكتو فى ام العريس
و لغاية كده كان الموضوع فاشل بس والد العريس كان عاوز يكمل الموضوع باى طريقه و اجبرنا كلنا على قرايه الفتحه بعد مازعق فى مراته ... خدو بالكم كل ده فى اول زياره بس
وبقيو قارين فتحه من الناحيه الشكليه بس النفوس رافضه بعضها من ناحية الاهل
المهم بقيت اقول لعريس اعمل كذا و ماتعملشى كذا والبس كذا و ماتلبسشى كذا علشان النفوس تهدى شويه
وهو ماكنشى بيتنيلى كلمه

لغايه ما الامور هديت شويه بين العلتين
بعد كده فيه موقف معين عمله غلط فمسكته و غسلته فيه (لأن ساعتها حماى و حماتى اتدايقو اوى و كانو بيفكرو يفسخو قرايه الفتحه فى وقتها ) لاقيته طلع فيا و بيقولى انتا اصلا تقربلها ايه و انتا مش ابوها و لا اخوها علشان تفرض وصايتك عليها و تقولى الكلام ده
يعنى من الاخر هو فيه طبع ان مادام ليه مصلحه عندك يبلعلك الظلط ... لكن خلص مصلحة منك مايستحملشى منك اى تعديل عليه لأنه هو فاكر نفسه صح على طول
و بناء عليه انا خلعت ايدي من اى نصح ليه ... مع استمرارى بالنصح للعروسه و تهدية الوضع ناحية حماتى من البلاوى اللى كل شويه تقولهالى عن العريس

وبالتالى انا نفسى مش متقبله لغاية دلوقتى ... و انا مش من النوع اللى بقدر اتظاهر بعكس اللى فى نفسى

الموضوع بصراحة ابسط من كده بكتير
فيه نوعين من الاشخاص اللي مستواهم الاجتماعي بسيط
نوع ( وضعه الاجتماعي متدني و هو يفخر بذلك و متعايش معه و بيميل اليه و بيتفاعل معه و بيكمل مسيرة العائلة من تسريح من التعليم و اتخاذ شكل معين من المظهر و اسلوب معين في الحوار و لا يغيره بأي شكل من الاشكال ) و اتوقع ان الاخ العريس ليس من هذا النوع لانه ثار علي وضع اهله علميا و استطاع ان يتقدم في التعليم لهذه المرحلة التي تختلف عن و ضعه الاجتماعي و الثانية انه حينما فكر في الارتباط ايضا لم يفكر في اللي ضاربه شعرها اوكسجين و بترقص حافية علي اغاني شعبولا

العريس مش كده بالظبط ... العريس زى ماقولت حضرتك وضعه الاجتماعي متدني و هو يفخر بذلك و متعايش معه و بيميل اليه و بيتفاعل معه لكن هو الاختلاف اللى عمله انه قدر يكمل تعليمه ... لكن بنفس عقلية الوسط بتاعه ... يعنى هو خريج كليه علوم قسم كيمياء ... و اول لما اتخرج اشتغل على عربيه بيع اقمشه ( مع احترامى للوظيفه لكنها غير متناسبه مع التعليم) و بعد كده بقي بيشتغل فى الشركه اللى انا فيها فى وظيفه لا تحتاج مؤهله (رغم ان علوم كيمياء ليها شغل كتير )
اما موضع تفكيره فى الارتباط ده فهو دفع اليه ... يعنى مانقدرشى نحدد ان كان هو رافض مبداء الزواج باللى ضاربه شعرها اوكسجين و عاوز وسط اعلى ... لأنه بيتفاعل مع الوسط الاعلى بنفس اسلوب تفاعله مع الوسط بتاعه
يعنى هو لغايه دلوقتى لما بيروح لحماتى بدخل يقلع الجزمه و الشراب (لو كان لابس شراب) و ينط و يقعد متربع على الكرسى

[ahmed4000]

اعذرنى انا حكلمك كلمة حق ومتزعلش منها لانك اكيد هدفك تسمع الصح

حضرتك متحامل عليه بزيادة لدرجة انك بتحلله وظيفته السابقة والشبشب اللى كان لابسه يوم الفرح وحتى شكله كمان

وواضح ان حضرتكب تعز البنت فعلا وبتتعامل على انها اختك...لكن فى النهاية فعلا لو انا متجوز واحدة وجوز اختها كل شوية يجى يدينى كلمتين ويعلمنى اعمل ايه ومعملش ايه حستحمله مرة واتنين وفى التالتة حطلع فيه واعرفه انه ملوش دعوة (مهو مش معنى ان حد عرفتى على عروستى انه حيعلمنى اعمل ايه ومعملش ايه)
وخاصة ان اهم نقطة فى الموضوع ان العروسة موافقة
ولا هى صغيرة ولا هو ضحك عليها برومانسيته ولا حاجة

يبقى حضرتك تريح نفسك خالص وتشيل الموضوع من دماغك لانك لو استمريت كده حتحصل مشاكل وفى النهاية حتبقى انت اللى غلطان لان ببساطة حيقولولك "وانت مالك" اذا كان العروسة راضية وابوها وامها واخوتها...انت مضايق نفسك ليه

[samirsaid1]

قدر الله وما شاء فعل

وطبعا طالما حصل فربنا اكيد ليه حكمه
والطيبين للطيبات والخبيثين للخبيثات
فلو هية طيبة اكيد وباذن الله ممكن يطلع كويس وحضرتك اكيد عارفة وممكن تقدر تحكم علية

وحاجة تانية الزوج بالنسبة للزوجة هو عملها فى الدنيا
والزوجة بالنسبة للزوج هى عملة

فان شاء الله يخيب الظنون وتكون حياتهم سعيدة

لكن انا معاك ان الموضوع يضايق بس اللى حصل حصل وربنا معاك ومعاهم

وادعيلهم بالهداية

[khaled_sabry]

اعذرنى انا حكلمك كلمة حق ومتزعلش منها لانك اكيد هدفك تسمع الصح

حضرتك متحامل عليه بزيادة لدرجة انك بتحلله وظيفته السابقة والشبشب اللى كان لابسه يوم الفرح وحتى شكله كمان

وواضح ان حضرتكب تعز البنت فعلا وبتتعامل على انها اختك...لكن فى النهاية فعلا لو انا متجوز واحدة وجوز اختها كل شوية يجى يدينى كلمتين ويعلمنى اعمل ايه ومعملش ايه حستحمله مرة واتنين وفى التالتة حطلع فيه واعرفه انه ملوش دعوة (مهو مش معنى ان حد عرفتى على عروستى انه حيعلمنى اعمل ايه ومعملش ايه)
وخاصة ان اهم نقطة فى الموضوع ان العروسة موافقة
ولا هى صغيرة ولا هو ضحك عليها برومانسيته ولا حاجة

يبقى حضرتك تريح نفسك خالص وتشيل الموضوع من دماغك لانك لو استمريت كده حتحصل مشاكل وفى النهاية حتبقى انت اللى غلطان لان ببساطة حيقولولك "وانت مالك" اذا كان العروسة راضية وابوها وامها واخوتها...انت مضايق نفسك ليه

كلامك صحيح فى حاله انه متجوزها
بس وقت حدوث الموقف ده كانو هما قاريين فتحه فقط ( بالخناق اللى شرحته فى المشاركه السابقه )و اللى الموضوع بعد كده مشى ووصل لحالة الاستقرار اللى كانت فى وقتها بسبب جهودى زى ما هو نفسه بيقول
و برضه كان الارتباط كله قراية فتحه و بس ... يعنى انا اذكر كلمه قولتها " لو حبيتو دلوقتى تفسخو الموضوع هى حترجعلك ايه "
و كانت المشكله انه بيماطل فى شراء الشكبه و ما اخدشى اى خطوه جديه فى الموضوع ... وفى نفس الوقت بيتصل بالعروسه يوميا بالساعات و فى اوقات متأخره باليل و خدع اهلها مره علشان يخرج معاها بدعوى انهم يشوفو الادوات الكهربائيه (علشان ياخدو فكره لما يشترو بعدها بشهرين) وكان يوم الاحد و كل المحلات قافله ... و فى وسط اهل العروسه الخروج و الاتصالات المتكرره دى مرفوضه فى حالة الارتباط بقراية الفتحه
و بالتالى الصوره اللى وصلت لاهل العروسه و العروسه نفسها ان الواد ده مش بتاع جواز و بيعيش بس كام يوم مع البنت
و بعد كده انا ماكنتش بهاجمه لمجرد المهاجمه ... انا كنت بقوله على مشاكل تبوظ الموضوع كله
و على فكره الملحوظات اللى قولتها و التحليلات دى مش تحليلاتى دى تحليلات حماتى نفسها لأنى انا نفسى ماكنتش واخد بالى من معظمها و الا ماكنتش جبت العريس ده اصلا

[khaled_sabry]

يبقى حضرتك تريح نفسك خالص وتشيل الموضوع من دماغك لانك لو استمريت كده حتحصل مشاكل وفى النهاية حتبقى انت اللى غلطان لان ببساطة حيقولولك "وانت مالك" اذا كان العروسة راضية وابوها وامها واخوتها...انت مضايق نفسك ليه

وهو خلاص الموضوع خلص و اتجوزوا ... و بالتالى مابقاش فيه حاجه ادخل فيها اساسا
ولو هو عمل تصرف غلط اهه فى وشه اهه
و العروسه اللى هى اخت مراتى بقيت مراته خلاص و مبقاش ليا الحق اصلا انى اقول عليها اختى ... ماهو قالهالى قبل كده "انتا بتتكلم بصفتك ايه لا انتا ابوها و لا اخوها " و الكلام ده كان لما يادوب قارى فتحه ... فدلوقتى بقى خلاص بعد ما اتجوزها انفذ كلامه
فخلاص دلوقتى بعد التفكير ححاول اشطب عليه هو و " مراته " من حياتى اصلا
بس شايل هم زيارة المباركه اللى حنعملها يوم الجمعه اللى جايه
و الناهرده الصبح مراتى قالتلى عاوزين نعمل عيد ميلاد لبنتنا ( حتكمل سنه واحده ) ... و هى مولوده اول شهر 6 و طبعا البيه و مراته حيبقو معزومين ... و الله بفكر الغى عيد الميلاد ده بسببهم

[زهير فكري]

استاذ خالد احيي فيك روحك الطيبه , و شعورك بالمسؤوليه و ان شاء الله سوف تكون سند لهذه الأسره بعد عمر طويل لحماك و حماتك , الا انني مقتنع بأن البنت اكرم لها ان تظل في بيت والدها عن التورط في زيجه فاشله تنتهي بالفشل الذريع و تعود لحاله اسوأ مما كانت عليه , و المجتمع لن يرحم قبل او بعد .

بخصوص موضوعك انا لن اضيف شيء عن ما ذكره الأعضاء الأفاضل , انه سوف تواجهها العديد من المشكلات في التكيف مع زوجها نظرا للفارق الاجتماعي , لكن اري بصيصا من الأمل من خلال ما لاحظته من كلامك ان عائلته تنتمي لوسط الحرفيين اللذين لديهم نظام اجتماعي ومفاهيم وافكار تختلف عن النمط السائد لأصحاب المهن و الوظائف العليا او ما يقولون عليهم الطبقه الوسطي , وما لاحظته انهم التزموا بما تم الاتفاق عليه ولكن بعد مماطله وان المشاده التي جرت بين حماتك و ام العريس بخصوص السكن , وانهم لم يطمعوا في شقتها مثلا بل اصروا علي السكن في شقه ابنهم وتم ما ارادته االزوجه من العيش في شقتها , مما يعط لها امان اكثر في حاله وجود مشاكل لا سمح الله , ويدل ايضا عل انجذاب العريس اليها و تفهمه .
من هنا يمكن ان نقول ان الصوره ليست كلها قاتمه ,وانهم ليسوا نصابين او محتالين وهذا شيء مهم جدا , علما بانني بنيت رايي من خلال تحليلي لما ذكرته انت من معلومات الا اذا كان هناك اشياء اخري لم تذكرها , تؤكد هذا العيب , وفي هذه الحاله فانني غير متفائل .

[MOUSTAFA_SAAD]

ابعد اهله عنها على قد ماتقدر ويعالم يمكن يستريحوا مع بعض