ازمة ضمير : ازاى رميت اختى ليهم ؟

[medododo]

لا حول ولا قوة الا بالله
حاول تتعايش مع الموقف وأعمل عيد ميلاد بنتك عادي وعدي الموقف يعني متحتكش
من الاخر ابتسامة في الوش والمعازيم كتير متركذش معاه وركز مع بنتك وافرح بيها ربنا يخليهالك
وخد بالك ممكن ربنا جعلك سبب في الجوازة لكن ربنا كتبلها العريس ده من يوم ما اتولدت
سواء بيك من غيرك كانت هتتجوز الراجل ده
روق ومتحرئش دمك

[aif]

السلام عليكم
انا كان حصل قدامي تجربة مشابهه ....فرق شاسع بين المستوي الاجتماعي لصالح الزوجة واهلها
تخيل ايه اللي حصل ؟؟؟؟؟
اللي حصل ان الزوجة انتشلت الزوج من المستوى الاجتماعي المنخفض لأهله ......
الوضع الحالي ان الاولاد في مستوى تعليمي متميز جدا و مدارس لغات
الزوج انتقل نقلة نوعية رهيبة في عمله واصبح شخص متميز اجتماعيا في نطاق عمله وصداقاته وتعددت سفرياته لأمريكا واوربا
طبعا اهله مستواهم كما هو
لكن اللي بيشوف الزوج وبيشوف اهله بيبقى مش مصدق ان الشخص المتميز ده ..... طلع من وسط الناس دي .....
طبعا مع احترامي لكافة طبقات الناس .... انا باتكلم عن المستوى الاجتماعي وليس الاخلاقي
لأن اهله مستواهم منخفض اجتماعيا فقط .... لكنهم ناس عندهم دين واخلاق
والفضل في كل ماحدث للزوج من قفزات اجتماعية ومهنية ..... يرجع لله اولا ثم لجهده .... واكيد لجهد زوجته ومستوى تعليمها ومستوها الاجتماعي
انت تريد وانا اريد والله يفعل ما يريد
...
يا صاحب الموضوع
انت كانت نيتك خير
لا تعذب نفسك ..... قد تكون سبب في سعادة اسرة بالكامل
قد تكون سبب في نقلة نوعية للزوج ولأسرته الصغيرة المستقبلية

[Sherif Khalifa]

طيب حضرتك بتقول انة زميلك فى العمل
انت مكنتش عارف اى حاجة عن عيلتة ؟؟؟!!!

مع الاعتذار للجميع و داعوى التوفيق فى الزواج انشاء الله
بس انت لو عارف كدة من الاول مشيت الموضوع لية و ساعدت فية و دعمتة كمان ؟!!

[azmeralda]

الي شايفاه ان الي تاعب ضميرك مش انك جبته لكن اكتشافك الوضع قبل الجواز ورغم كده مش بس محاولتش تثنيها او اهلها بل ساعدت ان الموضوع يكمل صح؟
الطيبون للطيبات لها تفسير بالكلام الطيب مش الجواز وحتي لو علي البشر يبقي باعتبار الي مفروض يحصل مش انها تقرير للواقع لأن حصل ناس طيبه وقعت في ناس شريرة كابتلاء

[azmeralda]

لأ طبعاوبعدين الموضوع ده مالوش علاقه---- واحنا مش عارفين ظروفه ايه


وبعدين العنوسه وغيره البنات هما السبب

ياتري مين الي يفهم عقلية واحده اكتر؟راجل! ولا واحدة زيها عرفة مخ البنات وصاحبت 100 واحده حكو لها اسرارهم و الامهم و شافت تنازلاتهم الإجابه واضحه
وحكم حضرتك ان السبب البنات شكرا علي الأحصائية اللي عملتها و وصلتك للنتيجة دي!

[MOUSTAFA_SAAD]

ياتري مين الي يفهم عقلية واحده اكتر؟راجل! ولا واحدة زيها عرفة مخ البنات وصاحبت 100 واحده حكو لها اسرارهم و الامهم و شافت تنازلاتهم الإجابه واضحه
وحكم حضرتك ان السبب البنات شكرا علي الأحصائية اللي عملتها و وصلتك للنتيجة دي!

ممكن حضرتك تعرفينا ايه التنازلات اللى بتقدمها البنات
يعنى مثلا لو حتتجوز واحد معهوش عربيه هل ده تنازل انا بضرب مثل مش اكتر لان موضوع التنازلات ده موضوع مطاط بيختلف من شخص لاخر ومن مستوى اجتماعى واقتصادى لاخر

اليوزر نيم بتاع حضرتك جميل جدا ممكن اعرف معناه ايه وياترى ده اسم حقيقى موجود فعلا لان اول مره اشوفه

[magedtiti]

ده نصيب ومحدش عارف الخير فين يمكن يطلع العريس رجال محترم ويحافظ على مراته وبيته ويعيشوا فى سعاده
وياريت متبعدش عنهم وخليك جنب اختك وحاول تحل اى مشكله توجهه ده وجبك
وربنا يوفقهم ويكونو اسره سعيده

[azmeralda]

ممكن حضرتك تعرفينا ايه التنازلات اللى بتقدمها البنات
يعنى مثلا لو حتتجوز واحد معهوش عربيه هل ده تنازل انا بضرب مثل مش اكتر لان موضوع التنازلات ده موضوع مطاط بيختلف من شخص لاخر ومن مستوى اجتماعى واقتصادى لاخر

اليوزر نيم بتاع حضرتك جميل جدا ممكن اعرف معناه ايه وياترى ده اسم حقيقى موجود فعلا لان اول مره اشوفه

============================
لأ طبعا : ) مش معاه عربية ده مش تنازل

بس فى تنازل فعلا ميختلفش عليه اتنين وتلاقى الناس كلها متأكده ان الجوازة دى مصيرها الفشل

اديك امثلة من الحياة الواقعية

=واحدة اعرفها اتجوزت شخص اكبر منها بكتير ومعروف طبيا انه لا ينجب (اتنازلت عن اللأمومة) ان الموضوع ده يحصل بعد الجواز حاجة وانها تكون عارفة من الأول صعب مفيش اى حاجة تضمن انها هتستحمل للآخر هى متخيلة انها هتقدر

=واحدة اعرفها بعد ما جوزها مات حاولت تستحمل كام سنة بعدين الناس مسابتهاش فى حالها وشعرت بالوحدة الفظيعة وكانت مقررة ما تتجوزش عشان بنتها لكن فى اللحظة اللى ضعفت فيها جدا وكانت بتعيط لى انها مش قادرة تستحمل الوحدة دى اتقدم لها واحد مش مناسب تماما كان متجوز 2 وطلبوا منه الطلاق (انا قلت لها 2 ستات اجمعوا عليه شىء مقلق ) ومستواه المادى والأجتماعى بالنسبة لها ولا حاجة وفات كام شهر وخلاص طلبت الطلاق لأنها اكتشفت انه كان على علاقة بواحدة فى الحرام من سنين ومبطلش بعد الجواز وبدأ يرفض الصرف المادى تماما وطلع داخل على طمع وعايزها تصرف عليه حتى لما بياخد عربيتها مش راضى يحط بنزين

=ان واحد عفشجى غير متعلم وعايش فى حارة وبيئة يتقدم لدكتورة من عيلة ومستوى مادى واجتماعى لمجرد انها عدت ال26 ومتخيل ان فلوسه سبب كافى


=واحدة اعرفها وافقت تتجوز شخص كان واضح جدا انه بخيل (تنازلت عشان تتجوز) واعتمدت ان معاها فلوس

ضربها وهى حامل عشان كان جايب كيلو فراولة واصحابها جم وعملتها لهم عصير ولما سابت البيت مرضيش يروح ياخدها من عند اهلها وقال هى ترجع زى ما خرجت


=واحدة اعرفها خطيبها عرفت عنه فضيحة اخلاقية قبل الجواز ده غير انه بخيل ورغم كده تنازلت وكملت على امل انه يتصلح بعد الجواز لكن فات كام سنة وطبعا كل حاجة زى ما هى البخل والخيانة :(

=واحدة صاحبتى اتخطبت وبعدين وهى بتكلمه على النت كان بيكلم حبيبته الأولانية وغلط بعت لدى كلام دى فعرفت وفتحت موبايله لقت بينهم رسايل وكانت مصرة تكمل لأن ببساطة كبرت فى السن وباباها ومامتها ميتين واخواتها مسافرين بره وهتجنن من الوحدة



=انه يفهمها من قبل الجواز انها هتقوم بنفسها يعنى كل واحد هيصرف على نفسه وتوافق ده مش تنازل


=واحدة قريبتى وكان مسافر بره ووافقت ان هو يعيش هناك وهى تعيش هنا بعد الجواز وده كان شرط
لأن مش هيعرف يحوش لو خدها (زواج مع ايقاف التنفيذ) ده مش تنازل


=لما توافق ان مفيش شبكة ومؤخر شبه مفيش وتجيب هى الشقة ونص العفش فين مهرها ؟ وده كان يمكن يبقى مقبول لو مميزاته مغرقاه ولا حاجة




= لما تسافر معاه ومفيش شقة ولا عفش وهى مش عارفاه اصلا وهى وحظها اذا كان هيطلع كويس وينفذ التزاماته بعد كده ولا هيطلقها مثلا ؟
واحدة اعرفها بقى لهم 10 سنين وكان واعدها بالشقة والعفش ومفيش شىء اتنفذ
ولما يجوا مصر كل واحد يقعد عند عيلته


ده اللى انا فاكراه حاليا : )



ازميرالدا بطلة قصة (احدب نوتردام لفيكتور هوجو ) ممكن تتفرج على الكارتون جميل : ) وايوه موجود فى اوروبا او امريكا

[MOUSTAFA_SAAD]

ايه ده كله

ده انا اختى ليها حق تتعقد من الجواز فعلا وتخاف منه
اتاريها كل عريس تيجى ترفضه بسبب الكلام المنتشر بين البنات ده
قاعده طول اليوم ادام منتدى فتكات وعماله تعيط واقولها مالك تيجيى حكيالى قصه من قصص تكدير الازواج لزوجاتهم اللى مكتوبه على المنتدى خليتنى احس ان الرجاله كلهم شياطين رغم ان انا كان ليا تجربه معكوسه وشوفت فيها الويل بس هو قدر ربنا والحمد لله والواحد مابيتعلمشى ببلاش وكويس انها جت على قد الخطوبه

[khaled_sabry]

============================
اديك امثلة من الحياة الواقعية

=واحدة اعرفها اتجوزت شخص اكبر منها بكتير ومعروف طبيا انه لا ينجب (اتنازلت عن اللأمومة) ان الموضوع ده يحصل بعد الجواز حاجة وانها تكون عارفة من الأول صعب مفيش اى حاجة تضمن انها هتستحمل للآخر هى متخيلة انها هتقدر

=واحدة اعرفها بعد ما جوزها مات حاولت تستحمل كام سنة بعدين الناس مسابتهاش فى حالها وشعرت بالوحدة الفظيعة وكانت مقررة ما تتجوزش عشان بنتها لكن فى اللحظة اللى ضعفت فيها جدا وكانت بتعيط لى انها مش قادرة تستحمل الوحدة دى اتقدم لها واحد مش مناسب تماما كان متجوز 2 وطلبوا منه الطلاق (انا قلت لها 2 ستات اجمعوا عليه شىء مقلق ) ومستواه المادى والأجتماعى بالنسبة لها ولا حاجة وفات كام شهر وخلاص طلبت الطلاق لأنها اكتشفت انه كان على علاقة بواحدة فى الحرام من سنين ومبطلش بعد الجواز وبدأ يرفض الصرف المادى تماما وطلع داخل على طمع وعايزها تصرف عليه حتى لما بياخد عربيتها مش راضى يحط بنزين

=ان واحد عفشجى غير متعلم وعايش فى حارة وبيئة يتقدم لدكتورة من عيلة ومستوى مادى واجتماعى لمجرد انها عدت ال26 ومتخيل ان فلوسه سبب كافى


=واحدة اعرفها وافقت تتجوز شخص كان واضح جدا انه بخيل (تنازلت عشان تتجوز) واعتمدت ان معاها فلوس

ضربها وهى حامل عشان كان جايب كيلو فراولة واصحابها جم وعملتها لهم عصير ولما سابت البيت مرضيش يروح ياخدها من عند اهلها وقال هى ترجع زى ما خرجت


=واحدة اعرفها خطيبها عرفت عنه فضيحة اخلاقية قبل الجواز ده غير انه بخيل ورغم كده تنازلت وكملت على امل انه يتصلح بعد الجواز لكن فات كام سنة وطبعا كل حاجة زى ما هى البخل والخيانة :(

=واحدة صاحبتى اتخطبت وبعدين وهى بتكلمه على النت كان بيكلم حبيبته الأولانية وغلط بعت لدى كلام دى فعرفت وفتحت موبايله لقت بينهم رسايل وكانت مصرة تكمل لأن ببساطة كبرت فى السن وباباها ومامتها ميتين واخواتها مسافرين بره وهتجنن من الوحدة



=انه يفهمها من قبل الجواز انها هتقوم بنفسها يعنى كل واحد هيصرف على نفسه وتوافق ده مش تنازل


=واحدة قريبتى وكان مسافر بره ووافقت ان هو يعيش هناك وهى تعيش هنا بعد الجواز وده كان شرط
لأن مش هيعرف يحوش لو خدها (زواج مع ايقاف التنفيذ) ده مش تنازل


=لما توافق ان مفيش شبكة ومؤخر شبه مفيش وتجيب هى الشقة ونص العفش فين مهرها ؟ وده كان يمكن يبقى مقبول لو مميزاته مغرقاه ولا حاجة




= لما تسافر معاه ومفيش شقة ولا عفش وهى مش عارفاه اصلا وهى وحظها اذا كان هيطلع كويس وينفذ التزاماته بعد كده ولا هيطلقها مثلا ؟
واحدة اعرفها بقى لهم 10 سنين وكان واعدها بالشقة والعفش ومفيش شىء اتنفذ
ولما يجوا مصر كل واحد يقعد عند عيلته


ده اللى انا فاكراه حاليا : )

حراااااااااااااااااااااااام عليكي
ايييييييييييييييييييييييييه ده كله .... انا احبطت
الحاله اللى معايا مش قريبه للدراما دى بصراحه
صحيح ...اللى يشوف بلوة غيره ... تهون عليه بلوتة

وياريت متبعدش عنهم وخليك جنب اختك وحاول تحل اى مشكله توجهه ده وجبك

ده اللى تاعبنى دلوقتى
من كام يوم حماتى بتقولى هاله (العروسه) تبقى اختك ... فقولتلها لا دى تبقى مرات محمد دلوقتى خلاص و محمد قالهالى قبل كده " لا انتا اخوها و لا ابوها " و بالتالى دلقتى كلمة تمشى عليها
لاقيتها عيطت و بتقولى لا هى اختك و انا سيبهالك بعد ما اموت ولو زعلت مع جوزها تروح لمين و انا مايهمنيش محمد لكن يهمنى هاله

[AmatoALLAH]

ايه ده كله

ده انا اختى ليها حق تتعقد من الجواز فعلا وتخاف منه
اتاريها كل عريس تيجى ترفضه بسبب الكلام المنتشر بين البنات ده
قاعده طول اليوم ادام منتدى فتكات وعماله تعيط واقولها مالك تيجيى حكيالى قصه من قصص تكدير الازواج لزوجاتهم اللى مكتوبه على المنتدى خليتنى احس ان الرجاله كلهم شياطين رغم ان انا كان ليا تجربه معكوسه وشوفت فيها الويل بس هو قدر ربنا والحمد لله والواحد مابيتعلمشى ببلاش وكويس انها جت على قد الخطوبه

لااااااا امنع اختك من متابعة فتكات :))))))

دا لو استمرت فيه يبقي هتتعقد تعقيد السنيييييييييييين

[azmeralda]

ايه ده كله

ده انا اختى ليها حق تتعقد من الجواز فعلا وتخاف منه
اتاريها كل عريس تيجى ترفضه بسبب الكلام المنتشر بين البنات ده
قاعده طول اليوم ادام منتدى فتكات وعماله تعيط واقولها مالك تيجيى حكيالى قصه من قصص تكدير الازواج لزوجاتهم اللى مكتوبه على المنتدى خليتنى احس ان الرجاله كلهم شياطين رغم ان انا كان ليا تجربه معكوسه وشوفت فيها الويل بس هو قدر ربنا والحمد لله والواحد مابيتعلمشى ببلاش وكويس انها جت على قد الخطوبه

خلى بالك انى مبحكيش غير قصص واقعية مش من حاجات قريتها اصلى عندى خاصية بعيد عنك (جاذبة الأسرار ) وممكن ناس اول مرة يشوفونى ولازم يثقوا فيا و يحكولى بلاويهم والمشكلة بعد كده بنبقى اصحاب اعمل ايه فى قلبى الرهيف : )
مشكلة ليه لأن طبعا حمل نفسى رهيب و فعلا تعقيد زى ما بتقول ده كوم واللى انا شفته بنفسى كوم تانى : ) بس انا مصرة ان فى رجالة كتير حلوين وجدعان مهما كانت الصورة مأساوية مش زى الناس هنا يحصل تجربة واحدة خلاص كل الستات وحشين : )

بس الخوف المرضى ده لازم تساعدها طبعا وانا واحدة صاحبتى كانت كده بس الحمد لله اتخطبت يوم الجمعة : ) ولسه مرعوبة بس ربنا يوفقها ان شاء الله وليها حق تترعب لما تبقى محاطة بالمطلقات والتعيسين فى حياتهم الزوجية بس فعلا مش كل حاجة بتتحكى تتصدق لازم تفلتر و قل لها مادام مانفصلوش يبقى فى حاجات حلوة بس محدش بيجى يحكى ويقول اما جوزى فسحنى امبارح حتة فسحة ولا جابلى هدية معروف ان الأنسان بيحكى الوحش بس يا اما خوف من الحسد يا اما لأنه فى حالة نفسية مخلياه محتاج الآخرين ومفيش مانع من اضافة بعض الشطة


والحمد لله انها جت على الخطوبة :b4_611:



تصدق دلوقت بدأت اندم على الصحوبيات دى لأن عملت خير ولقيت شر وبقيت انا بتاعة الهم فى ناس متفتكرنيش غير تحكى لى همها وساعة الفرح اعرف من بره : )

[azmeralda]

وطبعا العكس موجود فى واحدة من اللى قرروا يثقوا فيا دول كنا طالعين رحلة وبدات تحكى لى
البنت كانت كاتبة كتابها وبتحب واحد تانى متجوز : ( وحاولت معاها جامد بصراحة بس الأخ ده كان خادعها تمام ولما لقيت مفيش امل اضطريت ابعد عنها من باب هجر العاصى وعرفت بعد كده ان خطيبها طلقها
بس بعدين اتجوزت واحد كويس وعايشة سعيدة دلوقت


فالكويس والوحش موجود هنا وهنا

[MOUSTAFA_SAAD]

لااااااا امنع اختك من متابعة فتكات :))))))

دا لو استمرت فيه يبقي هتتعقد تعقيد السنيييييييييييين

ده حضرتك مريت بيه برده على كده
المشكله انى نصحتها والله بس مفيش فايده مصممه على رايها ربنا يهديها للخير ويوفقها يارب

خلى بالك انى مبحكيش غير قصص واقعية مش من حاجات قريتها اصلى عندى خاصية بعيد عنك (جاذبة الأسرار ) وممكن ناس اول مرة يشوفونى ولازم يثقوا فيا و يحكولى بلاويهم والمشكلة بعد كده بنبقى اصحاب اعمل ايه فى قلبى الرهيف : )
مشكلة ليه لأن طبعا حمل نفسى رهيب و فعلا تعقيد زى ما بتقول ده كوم واللى انا شفته بنفسى كوم تانى : ) بس انا مصرة ان فى رجالة كتير حلوين وجدعان مهما كانت الصورة مأساوية مش زى الناس هنا يحصل تجربة واحدة خلاص كل الستات وحشين : )

بس الخوف المرضى ده لازم تساعدها طبعا وانا واحدة صاحبتى كانت كده بس الحمد لله اتخطبت يوم الجمعة : ) ولسه مرعوبة بس ربنا يوفقها ان شاء الله وليها حق تترعب لما تبقى محاطة بالمطلقات والتعيسين فى حياتهم الزوجية بس فعلا مش كل حاجة بتتحكى تتصدق لازم تفلتر و قل لها مادام مانفصلوش يبقى فى حاجات حلوة بس محدش بيجى يحكى ويقول اما جوزى فسحنى امبارح حتة فسحة ولا جابلى هدية معروف ان الأنسان بيحكى الوحش بس يا اما خوف من الحسد يا اما لأنه فى حالة نفسية مخلياه محتاج الآخرين ومفيش مانع من اضافة بعض الشطة


والحمد لله انها جت على الخطوبة :b4_611:



تصدق دلوقت بدأت اندم على الصحوبيات دى لأن عملت خير ولقيت شر وبقيت انا بتاعة الهم فى ناس متفتكرنيش غير تحكى لى همها وساعة الفرح اعرف من بره : )

الله يكون فى عونك
انا فعلا ملاحظ من ردودك انك خبرتك فى الحياه كويسه وقابلتى كتير وشوفتى حاجات كتير وبتتكلمى بعقل واتزان ويابخت اصحابك بيكى

وفعلا الناس مابتعرفشى غيرالشكوى بس لكن ساعة الفرح كله بيخبى ويخاف من الحسد ( فى همكم مدعيه وفى فرحكم منسيه )

[azmeralda]

فعلا الميزة الوحيدة للموضوع ان بقى عندى خبرة اكبر من سنى ببتاع 10 -15 سنة بس دفعت تمنها برضه خدت مقالب كتير وزعلت كتير واتجرحت ووقفت جمب ناس ميستاهلوش (محدش بياكلها بالساهل)

وكان صعب احافظ على مشاعرى الطيبة و يفضل عندى امل ان فى ناس كويسة بس مضمنلكوش الموضوع ده مستمر لأمتى : )


وشكرا على حكاية العقل و الأتزان دى : ) بس ميمنعش شوية جنان احيانا ربنا ما يوريكم : )

ودايما بيبقى سهل الواحد يحكم على مشاكل غيره ويوجد لهم الحل كمان ما هو شايف الصورة كاملة من بره واللى ايده فى الماء مش زى اللى ايده فى النار - بس فى نفسه ممكن يبقى غلبان ويحتار فى مشاكله : )