فلوس الزكاة اعمل فيها ايه ؟

[mo3od]

الاخوة المحترمين بالمنتدى
تحيه طيبه وبعد

نظرا لظروف خارجة عن الارادة لم استطيع انا وعائلتى من اخراج الزكاة عن العام السابق
ونحن الحمد الله بنخرجها كل عام جزء فى رمضان وجزء نهايه العام

العام التالى على الابواب واصبحت الزكاة الضعف

المبلغ اصبح كبير والحمد الله تقريبا ما يقرب من 50 الف جنيه منى ومن عائلتى
ونظرا ان معظم العائله خارج مصر لا يوجد احتكاك كثير بالناس

عايز اعرف ازاى اقدر اصرف المبلغ دة فى مصرف من مصارف الزكاة وفى نفس الوقت
اقدر احط فيه من الصدقات من المعارف والاهل والزكاة فى الاعوام التاليه

الحمد الله لم اتخلف عن الزكاة فى اى عام من اول يوم كان معايا فى فلوس

ودفعت لكل الجهات والموسسات الى اعرفها وللجيران والاقارب والمحتجين


وعمرى مشفت انها نقص من راس المال

بس انا نفسى اعمل حاجة اكبر من كدة للناس عشان ربنا يبارك ويرفع غضبه عننا
خصوصا ان البلد فى ظرف طارق وفى ناس كتير محتاجة

فهل من افكار من رجاله المنتدى
وشكرا

[A.Saad]

اولا الزكاة اولى ان تصرفها فى المكان المحيط بيك
معرفش حكم صرفها للاهل
شوف الجمعيات الخيرية فى منطقتك
شوف المساجد فى منطقتك
وخد بالك ان ليها مصارف محددة
مش كل اوجه الخير ينفع تتصرف فيه

[ahmed2y]

فى جمعية للاطفال الايتام المعوقيين كان امبارح حد عمل موضوع عن احتياجهم لمساعدات وبالذات ان بعض رجال الاعمال الى كانو بيسعدوهم قلت تبرعتهم بعد الثورة هدور لى الموضوع وانقلهولك ان شاء الله

[amohsen]

فيه مركز غسيل كلوي بناهيا محتاج تبرعات لشراء أجهزة لغسيل الكلى (الجهاز تمنه حوالي 85 ألف جنيه)

AK 96â„¢ - Gambro

أنا مش عارف هل يجوز تدفع الزكاة في مصرف زي ده ولا لأ
ممكن تسأل ولو عايز تشارك أبعتلى على الخاص وأنا هوصلك بالمسؤول مباشرة

[hussein]

خلى بالك ان زكاة المال لازم تتطلع مال يعنى مش تشترى اكل او لبس و تديه للناس لأ تخرجها فلوس مباشرة
و برده اتأكد
بالنسبه للجمعيات انا برده اعرف جمعيات لو عايز اسامى وعناوينو تليفونات ممكن اقولك بس اهل منطقتك اولى

[m3_dolphen]

الأولى ان تستفى عالم فى هذه المسألة فهذا حكم شرعى وليس أمر دنيوى ولا يجوز لأحد أن يقدم اقتراحات قبل أن يسأل أهل العلم

[ahmed1981]

من كان له أقارب محتاجين فهم أول من يعطى من الزكاة

قَالَ ابْنُ عَبَّاسٍ : " إِذَا كَانَ لَكَ ذُو قَرَابَةٍ مُحْتَاجُونَ ، لا تَعُولُهُمْ فَضَعْ زَكَاتَكَ فِيهِمْ " .


إذا تصدقت فأغني
بمعنى إذا أعطيت إنسان من الزكاة فأعطه مبلغ ينفعه فترة من الزمن
أما أن تعطيه قيمة قليلة تنفعه يوم أو يومين فهذا خطأ

بعد أن توزع الزكاة جيداً في كل أقاربك وأقارب من توزع زكاتهم نيابة عنهم وتعطي الفقراء قدراً مناسباً


بعدها تبدأ تبحث عن آخرين

-

[م. حاتم السباعي]

ربنا يبارك فيك
و يكرمكم علي حرصكم علي تأدية الفريضة و طبعا يجب ان تحافظ علي اخراجها في مصارفها الشرعية
ومصارف الزكاة بينها الله تعالى في قوله : { إنما الصدقات للفقراء والمساكين والعاملين عليها والمؤلفة قلوبهم وفي الرقاب والغارمين وفي سبيل الله وابن السبيل } [ التوبة 60 ] .

1 . والفقير هو الذي لا يجد شيئاً .

2 . والمسكين هو الذي يملك لكن لا يكفيه .

3 . والعامل على الصدقة هو الذي نصبه الإمام ليأخذ الصدقات ويعطى بقدر عمله ولو كان غنياً .

4 . والمؤلفة قلوبهم هم الذين كان النبي صلى الله عليه وسلم يستميلهم ويتألفهم ليسلموا أو ليدفع شرهم أو لتقوى نيتهم ويثبتوا على الإسلام فهم كانوا أصنافا ثلاثة .

5 . والرقاب هم المكاتبون أي العبيد الذين اتفقوا مع سادتهم على العتق بمال يدفعونه ، أو ما يدفع لتحريرهم ابتداء دون مكاتبة .

6 . والغارم هو المدين الذي عجز عن سداد دينه .

7 . وفي سبيل الله هم الجنود المنقطعون للجهاد في سبيل الله وإعلاء كلمة الإسلام .

8 . وابن السبيل هو الغريب المسافر المنقطع عن ماله ، يعطى ما يبلغه حاجته ولو كان في بلده غنياً .

هذا وللمزكي أن يدفع الزكاة إلى جميع هذه الأصناف المذكورة أو إلى بعضهم ولو واحداً من أي صنفٍ كان .

وقد توسع بعض الناس في لفظ " وفي سبيل الله " ، والراجح أنها في الجهاد ، ويمكن أن يدخل فيه الحج .

والله تعالى أعلم

م.حاتم السباعي

[m3_dolphen]

1 . والفقير هو الذي لا يجد شيئاً .

2 . والمسكين هو الذي يملك لكن لا يكفيه .


م.حاتم السباعي

توضيح :

الفقير : الذى يجد أقل من نصف قوت يومه .. كأن يكفيه فى يومه عشرة جنيهات مثلا وهو لا يجد إلا ثلاثة أو أربعة جنيهات

المسكين : الذي يجد أكثر من نصف قوت يومه كأن يكفيه 10 ولا يجد إلا 7 او 8 مثلا

والله أعلى و أعلم

[ahmedbatoos]

هناك صناديق زكاة كثيرة . . شوف انسبها واكثرها عمل وشفافية . . .

في صندوق زكاة الازهر

في جمعيات مختلفة للعمل الخيري زي جمعية مسجد سيدي بشر في اسكندرية
جميعة انصار السنة

الخ الخ الخ

في جمعيات كتير مشهرة وحكومية للزكاة

والافضل انك تختار الافضل بعد ان تسأل عن مدي الشفافية وان الزكاة بتروح لامكانها وتوزعها يعني مش شرط كلها تكون في مكان واحد


واسئل شيخ . .

وربنا يذيدك خير ويجازيك خير . .

[م. حاتم السباعي]

توضيح :

الفقير : الذى يجد أقل من نصف قوت يومه .. كأن يكفيه فى يومه عشرة جنيهات مثلا وهو لا يجد إلا ثلاثة أو أربعة جنيهات

المسكين : الذي يجد أكثر من نصف قوت يومه كأن يكفيه 10 ولا يجد إلا 7 او 8 مثلا

والله أعلى و أعلم

بارك الله لك علي التوضيح

م.حاتم السباعي

[m3_dolphen]

وفيك بارك أخى الفاضل

[hossam20102010]

حضرتك

لو كنت مدفعتش الزكاة السنة الى فاتت ... عشان كنت فى ضائقة مالية ..... فالله غفور رحيم

لو نسيت او سهى عليك

تقدر تدفع زكاة السنتين

بالنسبة لتدفعها لمين

اولا : الاقربون اولى بالمعروف

انظر الى اخواتك والى اولاد اعمامك او اولاد الخال او الخالة او العمة

لو بتسمع ان حد فيهم فى ضائقة مالية .... او المستوى المادى مش اوى ....فالاحسن انك تديله زكاتك سواء لفرد واحد او لاكتر من فرد فى العائلة.. ورايى الخصى انهم يكونو لاكتر من فرد (10000 ل5 افراد مثلا )

ثانيا : لو كنت برة مصر

دائما يوجد مساجد وجمعيات خيرية اسلامية .... وديه موجودة فامريكا وفى كل بلد فى العالم تقريبا

تقدر تديهم زكاتك فى صورة تبرعات

او ابحث عن المساجد الكبرى فى البلد الى حضرتك متواجد فيها .... واكيد هيكون فى المسجد صندوق للزكاة

[زينة الله]

فيه حملة لتطوير العشوائيات حاليا مسمينها حملة المليار لتطوير العشوائيات ممكن تساهم فيه

--------------------- منقول -------------------------
سمعتوا عن مشروع محمد صبحي لتطوير العشوائيات ده مشروع تم الاعلان عنه النهارده في برنامج بكره احلي لعمرو خالد والبرنامج هيساهم في المشروع وهيجمعوا مليار جنيه هتبقي حملة المليار عشان تطوير العشوائيات وهيبداو في تطوير عشوائيات القاهرة والجيزه وبور سعيد ومنطقه كمان دول البدايه بس وهيوصلوا ان شاء الله لعشوائيات مصر كلها وقال ان الدوله كانت بدات المشروع ده بس نتيجه لعدم مصداقيتها عند الناس كانت الناس بترجع العشش تاني وما ترضاش تسيب ارضها للدوله حتي لو هياخدوا شقه بدالها لكن هم هيطوروا العشوائيات في المشروع ده هيعملوا تقسيم في نفس المنطقه بحيث نفس العشش ديه تتحول لبيوت في نفس مكانها وبباقي الفلوس هيبنوا مدرسه لتعليم الاولاد ومحو الاميه للكبار ومستشفي ومصنع لتشغيل الشباب عشان البطاله وعشان كمان يمنعوا متاجرتهم في المخدرات لانها بقت مصدر رزقهم فهيوفروا ليهم مصدر رزق تاني وهيعملوا في كل المناطق في وقت واحد
وقال محمد صبحي ان اللي هيبني العشوائيات ديه الجيش نفسه عشان المقاول ما يخدش من فلوس المشروع وتكون كلها خالصه للمشروع وبس وشباب كتيير اتصلوا بيه وهيتطوعوا في المشروع وقال ان الجيش بني حاجات كتيير مدنيه في مصر واحنا ماكناش نعرف وبدا صبحي اول لبنه في المشروع وساهم ب100000 الف جنيه ما شاء الله وهيفتحوا حساب
وقال احلي حاجه في المشروع ان احنا محتاجين كلنا ورغم كده هنتبرع لبناء بلدنا ولو بجنيه قال كل واحد يحط حسب ما يقدر ولو جنيه وكان في الامارات وقال المشروع ده عايزينه مصري خالص وما اخدش منهم فلوس للمشروع وطلب من عمرو خالد يتبني المشروع عشان مصداقيته عند الناس ويارب المشروع ينجح ومصر تتعمر كلها ايه رايكم في المشروع وهتساهموا فيه ولا ممكن تفكروا الاول

المصدر برنامج بكره احلي القناه الفضائيه المصريه