إيه البلد اللي نفسك تزورها؟

[marsguy]

السلام عليكم ورحمة الله وبركاته،،،

إيه البلد اللي نفسك تزورها؟ بس أنا قصدي بغرض السياحه والتعرف على ثقافات أخرى.

أنا نفسي أزور تشيلي جداً

بلد جميله جداً وفيها تنوع رهيب في المناظر وده لأنها بلد خريطتها غريبه حبتين: عباره عن شريط رفيع جداً على ساحل أمريكا الجنوبيه الغربي واخده تقريباً نصف الساحل.

بلد فيها مناظر طبيعيه رائعه. وكمان في حاجه مشهوره أوي بس الناس ما تعرفش هي فين بس هي موجودع في تشيلي: جزيرة الفصح

http://www.wayfaring.info/images/easter-island-Ahu-Akivi-1.JPG

[fouaa]

رشا نفسى اوى اوى اروح روسيا بحبها جدا

[زينة الله]

تركـــــــــــــــــــيا :)

نفسى أطلع رحلة لتركيا و خصوصا إن التأشيرة لها اتلغت و أعتقد تكاليفها مش عالية

و الطبيعة هناك جميلة جدا و خصوصا اسطنبول

و كمان لها طابع اسلامى و المساجد هناك فى منتهى الروعة والجمال

[viper911s]

تركيا و ماليزيا واليابان والارجنتين واللة هما دول كتير بس دول الاهم

[Mahmoud Nagieb]

نفسى اسافر ايطاليا .... بلد جميل جدا وفيه مناظر طبيعية ومعمارية تحفة .... واهو كمان يبقى تدريب على الكورس الايطالى اللى باخده

[kok3]

انجلترا الشعب الانجليزي دا بحس انهم جنتل مان اوي عايز اروح لندن وادنبره ومانشستر عايز الف هناك كتير اتفرج علي بلدهم وثقافتهم انا بحب الناس دي قوي

[alaasaid]

السلام عليكم

نفسى أزور تركيا و ماليزيا و أشوف ازاى الناس دى وصلت للمستوى المتقدم دة و يا رب مصر تبقى زيهم و أحسن كمان .

[tarekomar66]

ماليزياااااااااااااااااا
وبعديها سلطنه بروناى علشان اعرف الناس عايشه ازاى فى اغنى بلد فى الكون " كان فيه خبر اول امس ان فيه فرح اتكلف 3 مليار دولار فى بروناى "

[zaza_lanos]

ايطاليا واسبانيا من الاخـــــــــــــــر

[marsguy]

تركـــــــــــــــــــيا :)

نفسى أطلع رحلة لتركيا و خصوصا إن التأشيرة لها اتلغت و أعتقد تكاليفها مش عالية

و الطبيعة هناك جميلة جدا و خصوصا اسطنبول

و كمان لها طابع اسلامى و المساجد هناك فى منتهى الروعة والجمال

اللي أنا أعرفه إن الفيزا إتلغت بس لرجال الأعمال، لسه شويه على ما تتلغي للناس العاديين كمان على ما أعتقد.

[MohssenRashed]

نفسي اروح انجلترا و المانيا.

[shaddadfalcon1]

انا في مطار برج العرب دلوقتي رايح دبي ))

[shaddadfalcon1]

انجلترا الشعب الانجليزي دا بحس انهم جنتل مان اوي عايز اروح لندن وادنبره ومانشستر عايز الف هناك كتير اتفرج علي بلدهم وثقافتهم انا بحب الناس دي قوي

ده انفخ شعب ممكن تتعامل معاه
تناكه وغرور وبخل ولهجه تحس انهم بيعذبو الكلمه قبل مايطلعوها

[yahyanaabil]

جزر الكاريبى انا عارف انها مش بلد بس فعلا شكلها تحفه

[marsguy]

أنا كمان نفسي أروح نيوزيلند

أسمع إنها جنه ومليانه مناظر خطيره.

بس أسمع برضه إنها قمه في الملل والرتابه بالنسبه للناس اللي عايشين فيها.

بس أعتقد لو الواحد راحها زياره عشر أيام هاتكون كويسه أوي.