في دكتور هنا يلحقني

[محمد عز]

عاااادى ياريس هى هتبدا من 20 سنة وبتقف بعد سنتين
يعنى تقريبا بعد 21 العمليه بتقف ، بس الافضل برده تحاول تتبع بعض الارشادات اللى تحافظ بيها على شعرك اطول فترةة ممكنه
يعنى متغسلهوش بالشامبو الا مرتين فى الاسبوع
اياك وغسل شعرك بالصابون العااادى
اشترى جيل فى فيتامينات ويكون Wet بلاش الانواع اللى بتنشف
كل خضار وفاكهة كتير، وايبعد عن الاكل المعلب والسريع

[sab3aawy]

شوف يا صديقى العزيز

لو الشعر بيسقط من اماكنه الطبيعية التى تؤدى فى النهاية الى الصلع فمتوجعش قلبك، هتصلع هتصلع ودى حاجة لا تعيبك ولا تزعلك

لو هو بيسقط من اماكن مختلفة عن اماكن الصلع يبقى زور طبيب امراض جلدية

الجماعة الخواجات لهم كلمة شهيرة جدا فى موضوع الصلع ده تلخص كل شئ

the only thing that stops hair from falling is the ground

[shady_elkady]

العامل النفسى مهم جدا و خصوصا فى لو شعرك فى اجزاء منة بتبيض

[aliabutaleb]

the only thing that stops hair from falling is the ground

المقصود الموت يعني ولا انا فاهم غلط؟؟

[ابو سيف]

المقصود الموت يعني ولا انا فاهم غلط؟؟

:)

لأ طبعا

المفصود ان مفيش حاجة بتوقف سقوط الشعر
و بيفضل يسقط و ينزل من الراس و يسقط و ينزل اكتر و يقرب لحد عند الرجل كدة و ميقفش بردو يفضل يسقط و ينزل اكتر و اكتر لحد ما يوصل للأرض فتوقفه عن النزول اكتر من كدة :)

[M_ashraf]

بص يا عم
اهم حاجة انت تلحق تتجوز وانت لسه عندك شعر
ثانيا اللي راح ما بيرجعش
حاول تتابع وتاخد فيتامينات ومقويات وتحافظ على الباقي اطول مده ممكنه لان
لو الوضوع وراثة هيقع هيقع
بس نحاول ناخر الموضوع شوية

[aliabutaleb]

:)

لأ طبعا

المفصود ان مفيش حاجة بتوقف سقوط الشعر
و بيفضل يسقط و ينزل من الراس و يسقط و ينزل اكتر و يقرب لحد عند الرجل كدة و ميقفش بردو يفضل يسقط و ينزل اكتر و اكتر لحد ما يوصل للأرض فتوقفه عن النزول اكتر من كدة :)

اهاااااااااااااااااااا
فهمت :D
شكراً يابو سيف

[Karim_Monir]

:D:D:D:D:D:D:D:D:D:D

[heronasser]

انظر الي شعر خالك هوه كده راح يكون شعرك ايان كان ............90%

[mohamed_88sk]

الحمد لله فيما رزق
معلش بجد أزعجتكم يا جماعة وسببت فزع بس أعذرزني

[mohamed_88sk]

يعني بجد هو سناتين وبعدين كده يا أما يفضلوا يا أما مع السلامه يا أستاذcasber؟
ـــــــــــــــــــــــــــــــــــــــــــ
تمام يا أستاذ سبعاوي هي طبعا لا تعيب أحد بس أنا مستغرب من ناحية السن. بس أيه هي أماكن الصلع المعتاده؟
ـــــــــــــــــــــــــــــــــــــــــــ
أه فعلا يا أستاذ shady_elkady أنا متوتر جدا وبقيت عصبي جدا بالذات أخر فطرة من سناتين بس الحمد لله مفيش شعر أبيض.
ــــــــــــــــــــــــــــــــــــــــــــ
طيب ماتدور معايا كده يا m :D :D :D ألحق أدبس أي واحده وبعدين تكتش هي الجيريمه (زي ما اللمبي بينتقها)
ـــــــــــــــــــــــــــــــــــــــــــ
أوك يا heronasser أشوف خالي ده وأنا أفلي راسه هههههههههه :D :D :D عشان هو مش في مصر ومشفتوش من يجي 10 سنين .
ــــــــــــــــــــــــــــــــــــــــــ
وفي النهاية أشكر كل اللي رد بجد وشكرا عالنصايح ويارب ألحق أنقذ ما يمكن أنقاذه
كومينت على الحمكه الأجنبيه
الأرض لو عطشانه نرويها ............... بأيه ؟؟؟ كان الأول بدمانا دلوقتي ؟؟؟ هههههههههه
هم يضحك وهم يبكي ..

[mohamed_88sk]

شكرا يا taotao
ربنا يسهل دانا حقل نفسي أرنب ههههههههه مش مشكله
ــــــــــــــــــــــــــــــــــ
أسف بجد يا dr_ahmed بس بجد الشعور ده مزعلني

:D :D :D شكلي كده حدخل مرحله عد الشعر اللي فاضل هههههههه:D
ــــــــــــــــــــــــــــــ
أوك يا ows212 بس غالبا حاسس أني حتأقلم مع الوضع
مانا يعتبر برضو في نفس السن كده بدأت الحكايه بس كانت ببطء لدرجة مكنتش باخد بالي .
ـــــــــــــــــــــــــــــــــ
ههههههههههههههههههههه ماشي يا ahmed7610 :D:D:D طيب حستنى الرد يوم الخميس ههههههههههههههههههه
ـــــــــــــــــــــــــــــــــ
أه بجد زي ما يكون كونسولتوا يا nile storm.. جزاكم الله خير كلكم
ــــــــــــــــــــــــــــــــــ
ياريت بجد يا chicco ألاقي أي حاجه توقفه لو وراثي أدفع اي مبلغ مش مشكله بس يجيب نتيجه
شكرا جدا.
ـــــــــــــــــــــــــــــــــــــــــــــــ
مانا بفكر ألبس أيس كاب ياnile_storm بس قلت حتبقى مفقوسه عشان الصيف دخل هههههههههههه
ــــــــــــــــــــــــــــــــــــــــــــــــ

[airbus320]

بص يا سيدى فى اسبرى كويس جدااااااااا اسمه مينوكسديل فى منه مصرى ومستورد
المصرى تقريبا 52 فى الشهر والمستورد 250 بس هتستخدمه طول العمر بس لازم تروح لدكتور الاول عشان الاسبرى ده دواء ضغط اساسا فلازم تبقى صحتك كويسة ولو صحتك تمام الاسبرى هيطلعلك كمان الشعر الى وقع

[M_ashraf]

يا عم ولا يهمك انا 24 سنة وشعري بيبيض بسرعة من الجوانب
وخصلة فوق كده زي سامي العدل

[mohamed_88sk]

يا airbus320 هو لو كده أجيبه بس المشكله أني عندي الضغط وحالتي بلا ..
ــــــــــــــــــــــــــــــــــ
طيب ما ده مصلحة يا m عشان الوقار :D :D
ـــــــــــــــــــــــــــــــــ
طيب سؤال هي الدراسة والتفكير ليها علاقة بكده ؟؟ أصل أنا قسم رياضيات وما أدراكم بالرياضيات وبدرس كمان فيزياء يعني أبلى البلاوي .. ومشفتش مدرس رياضيات لحد دلوقتي إلا وأصلع :D