انا عاوز كلب

[human]

دلوقتى العيال بيزنوا بقالهم فتره عايزين كلب
وانا نفسى اجبلهم كلب

انا مش عايش فى فيلا

يعنى الكلب هيعيش معانا فى البيت لو جبته

السؤال

الكلاب نجسه - التصرف يبقى ازاى؟ خصوصا عشان الصلاه

ثانيا ايه النوع اللى ينفع؟ فيه ناس بتقول جولدن و ناس بتقول هات كلب زينه

ثالثا اى حد عنده خبره يفيدنا لو مربى فى البيت

رابعا: الريحه - ايه النظام

شكرا

[Ralliart]

اي حيوان هيقلب ريحة البيت جامد
من رأيي لو مش هيعيش على السطح او في جنينة يبقى بلاش منه لانه جوا البيت هيكون مقرف انصحك تجيب قطة انضف شوية من الكلب والاطفال بيحبوها

[human]

ماينفعش قطط - كان عندى قطط قبل كده

[viper911s]

انا ربيت قبل كدة بالنسبة للنجاسة الاقوال اختلفت نسبيا
لكن علشان تتجنب المهم العاب بتاعة ودة حسب نوع الكلب فى (بيريل وفى لا ) يبقى تتجنب النوع دة بالنسبة للنوع الى مش بيخرج من بقة لعاب تخاف بس من انو يلحسك قبل الصلاة او حاجة بس كدة
الانواع المفضلة خصوصا للااطفال
الجولدين
الجيرمن شيبرد
تربيتهم سهلة بالنسبة لو حضرتك مبتدأ وتعاملهم كويس مع الاطفال
لو الاطفال صغيرين وهتجيب كلب صغير 3 شهور مثلا هتعانى معاة لو كبار شوية مش هتتعب
واى شرح انا مع حضرتك على قد معلوماتى منتظر ردك او استفسارك

[Hussein_Ramdan]

انا جربت القصة دى قبل كدة
انا مش هتكلم فى قصة النجاسة والصلاة دى عشان انا الصراحة محبش افتى فى حاجة واشيل وزرها
لكن انا هتكلم معاك بصفتى مرات بتجربة دى
انا كونت زمان غاوى كلاب
وجبت اكتر من كلاب من اول جيرمن وبوكسر ودانو
بس الى طول معايا شوية وحبيتو الروت فيلر كان جاى من المانيا ومعاة البسبور وحبيت الحركات دى
المهم انا بردو مش عايش فى فيلا
بص ياسيدى هو اول شهر او اول شهرين هو الى هيقرفك فيها
على ما تعلمو دخول الحمام
وكمان يهدا وياخد على المكان ويفهم طبعك يعنى لما يعمل دوشة تزعق يسكت
تقولو اعد يعد ساكت يعنى الحاجات دى

[Mahmode]

ما ينفعش تربي كلب. دا حرام عشان هوا نجس. الكلاب مباحة للحراسة بس. شوفلك قطة ولا سلحفة وسنجاب ولا طيور

[viper911s]

صحيح بالنسبة للريحة انت ممكن تحطة فى البلكونة فى بيت مخصوص او منامة بتشتريهلة
والمنامة دى بتشمسها كل يوم فى الشمس او كل يومين
بالنسبة لنظافتة حسب شعرة لو تقيل يبقة مرتين او ثلاثة فى الاسبوع
اقل يبقى ممكن مرتين
دة رئى ووقتها مش هيعمل ريحة بالشكل الى فى دماغك

[mohamed_selim]

انا جبت للولاد سلحفه ... فى حالها و متحسش بيها :))))))))))))

[viper911s]

انا جربت القصة دى قبل كدة
انا مش هتكلم فى قصة النجاسة والصلاة دى عشان انا الصراحة محبش افتى فى حاجة واشيل وزرها
لكن انا هتكلم معاك بصفتى مرات بتجربة دى
انا كونت زمان غاوى كلاب
وجبت اكتر من كلاب من اول جيرمن وبوكسر ودانو
بس الى طول معايا شوية وحبيتو الروت فيلر كان جاى من المانيا ومعاة البسبور وحبيت الحركات دى
المهم انا بردو مش عايش فى فيلا
بص ياسيدى هو اول شهر او اول شهرين هو الى هيقرفك فيها
على ما تعلمو دخول الحمام
وكمان يهدا وياخد على المكان ويفهم طبعك يعنى لما يعمل دوشة تزعق يسكت
تقولو اعد يعد ساكت يعنى الحاجات دى

الرود كلب تحفة قريبا هجيبة بس اظبت نفسى شوية بس علشان المكان الى عندى باظت اصلحة واظبط فلوس شراة
علشان محتاجة بيور

[تامر.محمد]

راجع الموقف الشرعي لاقتناء كلب في المنزل يا باشا

له موقف شرعي خاص على حد علمي , مش بس نقطة نجاسته

[أبو_يوسف]

حضرتك ذكرت ان الكلاب نجسة ودا صحيح
وكمان الملائكة لا تدخل بيت فيه كلب.. فبلاش أحسن..

[Dojuar]

انا جبت للولاد سلحفه ... فى حالها و متحسش بيها :))))))))))))

ممكن تديني تفاصيل أكثر زي:

اشتريتها منين؟

بيلعبوا بيها ازاي؟

أكلها ايه؟

بتعيش فين؟؟

بتجيب أمراض؟

[sharpvision]

اولا انا عندى كلب جيرمن ومربيه قى شقه مش فيلا بس التعود مهم يعنى لما يجى يقضى حاجته تعوده على الخربشه على الباب علشان تنزله او حد من الاولاد يقضى حاجته فى الشارع فكده اى ريحه من الموضوع ده انساها ,, جسمه مالوش ريحه لان ليه شامبو مخصوص بتحميه بيه بيخلى ريحته حلوه تقريبا اسبوعين او اكتر ,, بالنسبه للنجاسه بردو ليها حل لان تطعيمات الكلاب دلوقتى للعاب يعنى ما بتخليش لعابه ينزل على طول ,, نيجى للسان الكلب انت مش هتقدر تخليه ما ينزلش لسانه فى الصيف لان لسانه ترمومتر جسمه بينزله لما يحس بحر بس تقدر تخليه ما يلحسش فى حاجه او مايدخلش اوضه معينه انت بتصلى فيها او بتاكل فيها ده كله بالتدريب بيجى بس اهم شىء ما تحاولش تضربه جامد وانت بتطلب منه الشىء لانه بردو روح
وما اعتقدش انها شىء صعب والا مكنش فيه حد ربى كلاب......................... تحياتى

[human]

شكرا للجميع

يبقى كده الانسب نوعا ما هو الجولدن

طيب الناس اللى بتبيع بتبيع عموما 3-4 شهور - بالكلام اللى مكتوب هيطلع عينى معاهم كذا شهر

ما ينفعش تربي كلب. دا حرام عشان هوا نجس. الكلاب مباحة للحراسة بس. شوفلك قطة ولا سلحفة وسنجاب ولا طيور

اعتقد لو عايز اجيب سلحفه او سنجاب او وطواط مش هعمل موضوع عن كلب
و لو حضرتك قريت ردود الاخوة هتلاقى فى حلول لمشكله النجاسه

شكرا

[viper911s]

شكرا للجميع

يبقى كده الانسب نوعا ما هو الجولدن

طيب الناس اللى بتبيع بتبيع عموما 3-4 شهور - بالكلام اللى مكتوب هيطلع عينى معاهم كذا شهر



اعتقد لو عايز اجيب سلحفه او سنجاب او وطواط مش هعمل موضوع عن كلب
و لو حضرتك قريت ردود الاخوة هتلاقى فى حلول لمشكله النجاسه

شكرا

حضرتك ممكن تقولى سن اولادك قد اية لو امكن بس

الاولاد لو صغيرين 3 سنين وسنتين والكلب 3 او 4 شهور هتطر انك تتابعة جدا علشان لازو الاولاد ميلعبوش معة بالضرب يعنى ميضربهوش علشان الكلب بيتعود على كدة وبيفهم من صغرة ان هو دة العب
وجسم الكلب بيكبر اسرع بكتير يعنى فى خلال سنة هو كدة فى قمة العنفوان بتاعة
لكن لو اولادك اكبر يعنى 5 الى 10 او اكبر هيفهم اسرع وهيهتموا بية هما ومش هتحتاج تتابعة كتير