انا عاوز كلب

[Khaled Seif]

السلام عليكم ورحمة الله وبركاته

الإخوة الأفاضل الذين نقلوا فتاوى حكم اقتناء الكلب جزاكم الله خيرا

أخي الفاضل صاحب الموضوع , لايجوز للمسلم أن يقتني الكلب إلا إذا كان محتاجا إليه في صيد أو حراسة

ومن اقتناه لغير هذا نقص كل يوم من أجره قيراطان القيراط كجبل أحد

بالإضافة أنّ بيته لاتدخله الملائكة

اللهم بلغت اللهم فاشهد

وصل اللهم وسلم على سيدنا محمد

[Dojuar]

مش حا يلعبو بيها لو وقعت من أيديهم على السيراميك ممكن الصدفة تتكسر حرام لازم يخلو بالهم

يبقى بلاها...أنا ولادي ثورة مضادة

[heshamzaky]

صح طبعا بس الاجابه هتكون مانتو عندكو السلحفه ....
واحد صاحبى ليه فى الحاجات دى قالى انه الافضل تجيب واحده تانيه لأن اتنين مع بعض هيكونو اقل ملل

طيب سؤال بما ان حضرتك خبره ... السلحفه دى بتحتاج تتكاثر من سن اد ايه ؟ انا اللى عندى قد كف اليد كده و الراجل قالى انها 5 سنين ...

بص حضرتك صعب تحديد عمرها بس بالتقريب كدة على ظهرها فية المربعات السوداء العادية داخل المربعات فية زى تموجات كدة عدها بالتقريب دة بيبقى عمرها.
ناس اصدقاء كان عندهم كذا واحدة و مرة باضت و فقست و طلعت 3 بس ماتو بعد شوية و بصراحة كانت حاجة عجيبة جدا انها تتكاثر كدة لانها بتضع البيض فى الرمل و بتدفنة .
لو جبت 2 أو 3 بيبقى افضل طبعا من واحدة كان عندى حجم قد كف اليد و كان عندى واحدة كبيرة فعلا يعنى حوالى 25 سنتى و أكتر شوية بس شكلها غبى الصغير شكلة أحلى و خصوصا السلاحف الصفراء الصحراوى

[heshamzaky]

يبقى بلاها...أنا ولادي ثورة مضادة

الصدفة لما بتتكسر السلاحفاة بتنزف دم على فكرة و الخوف كل الخوف من النمل يجى عليها بعد كدة حا تموت . لو الولاد حا يخلو بالهم و مفيش حد يشوطها شلوت أو يزقها برجلة ماشى بس أى عنف بسيط جدا حرام رجليها ضعيفة جدا ممكن تتكسر

[heshamzaky]

بس الاخوه اللى جربوا الموضوع مشى معاهم و قدروا يوصلوا لصيغه توافقيه

نحاول ولا مانحاولش

جوة الشقة لآ لآ لآ حا يقرفك فى حياتك و يا أما يتعود ينزل يعمل توالت فى الشارع يا أما حا يعمل فى الحمام و طبعا حا تضطر تنظف وراة و تشيل قرفة و على فكرة الكلب بيعيا عادى يعنى ممكن يجيلة قيىء و اسهال و حا تشيل وراة كل المخلفات و لو الكلبة أنثى مرتين فى السنة حا تبقى زى أى أنثى جوة الشقة صعب . لو في مكان فوق السطح يبقى أفضل
بالنسبة لموضوع التربية شرعا لو للزينة حا يبقى حرام على فكرة

[aminibrahim]

و الله الواحد حيران

يمر بالتجربه ولا مايمرش بيها

الفكره لا هي منظره ولا هي حراسه طبعا

الفكره ان العيال كان عندهم قطط بس ادم ماينفعش معاه قطط عشان صدره

بس الدكتيور قال ينفع كلب

فهما عارفين و عمالين يزنوا

اللى بيتعلموه مع الحيوان علاقه جميله جدا - انا شفت بنتى وهيه بتتعامل مع القطه و ازاى القطه تنونو لما جنا عيانه ولا تعبانه و تفضل نيامه تحتها

انا شفت قط عندنا رمى نفسه تحت دماغ ابنى وهو بيقع عشان مايخبطش فى الارض


العلاقه جميله جدا بينهم و احب انمى العلاقه ديه

و طبعا مش كلنا نقدر نوفر فيلا عشان احلامنا فاللى موجود البيت

الواحد يحاول و يحاول يعلمه مايخشش الاود مثلا والبلكونه
و موضوع يقعد فى السطح مش عاجبنى عشان المفروض ان العلاقه تبقى مستمره يعنى مش لعبه نلعب بيها و بعدين اركن على جنب

اللى باين انه مش ينفع

بس الاخوه اللى جربوا الموضوع مشى معاهم و قدروا يوصلوا لصيغه توافقيه

نحاول ولا مانحاولش

احسن بلاش وحايل الاولاد شويه انا عملت كده الحجات دي عايزه عنايه وانت الاخر ال هاتشيل الهم

انا بقيت بكبر دماغي جبت السمك وانا ال قرفت وجبت العصافير وانا ال شلت ةالهم ةلاخر الدكتور فالي ياريت متدخلش اي حاجه البيت عشان الاولاد لان في الاول والاخر كله ليه تاثير علي صحة الاولاد

[human]

احسن بلاش وحايل الاولاد شويه انا عملت كده الحجات دي عايزه عنايه وانت الاخر ال هاتشيل الهم

انا بقيت بكبر دماغي جبت السمك وانا ال قرفت وجبت العصافير وانا ال شلت ةالهم ةلاخر الدكتور فالي ياريت متدخلش اي حاجه البيت عشان الاولاد لان في الاول والاخر كله ليه تاثير علي صحة الاولاد

انا عندى سمك و بخلى بالى منه
طبعا الموضوع بدا بسمكه فى دورق و انتهى بحوض كبير عريض فيه سمك متوحش

العصافير ممله و كمان بره البيت هستفاد منها ايه؟؟؟ و الفاجعه تصحى تلاقى انك نسيت تشترى اكل و تفضل متنكد


بالنسبه للنضافه - فيه واحده بتيجى كل يوم - لما كان عندنا قطط (3 قطط) مكانش فيه مشكله كبيره فى النضافه


المشكله دلوقتى هل سأستطيع ترويضه و فنفس الوقت ماينجسش البيت كله!!؟؟
و بعدين انا لا عايزه زينه ولا عايزه صيد يبقى ايه الوضع!!

[kimo-nubira]

عايز اشتري كلب روت وايلر يكون صغير ويكون سعره كويس ويكون بيور وتقليبه عالي

ياتري يعمل كام ؟؟ وايه احسن مكان اشتريه منه ؟ وهل الروت وايلر كويس في الحراسه ؟

معلش استفسار كمان ... انا هاسيبه في فيلا مافيهاش حد اروح اكله كل اد ايه ؟؟

وهل ممكن ياكل من ايد اي حد ولا من ايد صاحبه بس وادربه علي الموضوع ده ازاي ؟

واسف للاطاله والف شكر للرد مقدما

[ahmed_su]

كان عندى كلب جولدن

بس كنت مربيه فوق سطح البيت

التعامل معاه ممتع وهو ذكى بس كتر حبسه خلاه مجنون

يعنى كان لازم تفسحه فى الشارع مرتين فى الاسبوع

انا كنت بعمل كده كل شهرين تلاتة مرة فمجرد مايشوف الشارع

كان بيتهبل رسمى ومابعرفش اسيطرعليه وكام مرة ينزل عفوا من السطح

ويدخل الشقة .. ما اقولكش كان بيحولها دمار شامل بينط فوق كل حاجة

ويكسر كل حاجة ويعمل زى الكلاب "ببيه" تعبيرا عن فرحته انه دخل الشقة

ههههههههههههه انا كنت باتسامح معاه علشان انا عارف انى انا اللى وصلته

للحالة دى نتيجة حبسه الدائم فوق السطوح بس كان عزرى ان السطح كبير و واخد راحته

كمان حجمه بيكبر وبياكل كتير - الحقيقة اقتناءه مسؤلية ورعاية بيطريه

وما انصحش ابدا بوجوده داخل الشقة - فكر مرتين قبل اتخاذ القرار

[sharpvision]

و الله الواحد حيران

يمر بالتجربه ولا مايمرش بيها


بس الاخوه اللى جربوا الموضوع مشى معاهم و قدروا يوصلوا لصيغه توافقيه

نحاول ولا مانحاولش

انا اترددت كتير قبل ما اكتبلك ردى ده ( بس ياريت محدش يفهمنى غلط ) الكلب طالما مش لولو وحجمه كبير وبيخوف كده كده هيحرسك حضرتك واهل بيتك كلهم يعنى دى هتبقى وظيفته من غير ما تطلبها منه ( على الاقل مفيش حرامى يقدر يهوب ناحية البيت او حتى الشارع لما بيعرف ان فيه كلب فى المنطقه دى وعن تجربه معايا ) اما غرض حضرتك فى تربيته عاوز اقولك ان مفيش حد فى مصر ما بيبقاش نفسه فى شىء يحرس البيت فى غيابه بعد ربنا سبحانه وتعالى طبعا , وخصوصا فى الايام اللى احنا بنعيشها دى الناس بتروح تجيب مسدسات صوت او الكتريك شوك او حتى مسدسات حقيقيه مش مرخصه وبيبقى عرضه للمسائله القانونيه فى الحاله دى انما حضرتك لو عندك كلب مرخص وهجم على بنى ادم كان ناوى يسرقك وقطعه مفيش عليك او على الكلب اى شىء لان ده دفاع .......... الخلاصه علشان ما اطولش على حضرتك ان كلنا الفتره دى عاوزين حاجه للحمايه والحراسه وكمان تكون مرخصه ولما تؤدى الغرض وحبيت تبيعه هيجيب سعر كويس لان ده الحاجه الوحيده اللى سعرها بيغلى مع الوقت والسن ---- وبردو حضرتك ورغبتك انا مش عاوز اقولك اوهم نفسك انك تجيبه بغرض معين بس انا حطيت قدامك كل الفروض وماليش مصلحه فى الشراء او عدمه.

[heshamzaky]

كان عندى كلب جولدن

بس كنت مربيه فوق سطح البيت

التعامل معاه ممتع وهو ذكى بس كتر حبسه خلاه مجنون

يعنى كان لازم تفسحه فى الشارع مرتين فى الاسبوع

انا كنت بعمل كده كل شهرين تلاتة مرة فمجرد مايشوف الشارع

كان بيتهبل رسمى ومابعرفش اسيطرعليه وكام مرة ينزل عفوا من السطح

ويدخل الشقة .. ما اقولكش كان بيحولها دمار شامل بينط فوق كل حاجة

ويكسر كل حاجة ويعمل زى الكلاب "ببيه" تعبيرا عن فرحته انه دخل الشقة

ههههههههههههه انا كنت باتسامح معاه علشان انا عارف انى انا اللى وصلته

للحالة دى نتيجة حبسه الدائم فوق السطوح بس كان عزرى ان السطح كبير و واخد راحته

كمان حجمه بيكبر وبياكل كتير - الحقيقة اقتناءه مسؤلية ورعاية بيطريه

وما انصحش ابدا بوجوده داخل الشقة - فكر مرتين قبل اتخاذ القرار

أوباااااااااااااااااااا أزيك ا كبير عامل أية . أنت كنت بتربى كلاب أنا معرفش أنا ربيت كذا نوع و سافرت أتفرجت على مزارع كلاب فى عدة محافظات على فكرة كانت هواية رهيبة و اول كلب زمااااان قوى هو الى ربيتة فى البيت و توحش و بقى حاجة مدمرة للغاية من قلة النزول و على فكرة كان كلب ولف ((( جيرمن ))) بس لونة أبيض شاهق يعنى كان نادر جدا كمان

[ahmed_su]

هشام باشا حبيبى الحمد لله ... اخبارك ايه

والله الكلب حيوان ذكى وشديد الاخلاص لصاحبه

لو كان عندى شقة بحديقة ان شاالله 5 متر كنت ربيت كلاب على طول

انما حكاية الشقة دى مستحيلة تماما

[heshamzaky]

هشام باشا حبيبى الحمد لله ... اخبارك ايه

والله الكلب حيوان ذكى وشديد الاخلاص لصاحبه

لو كان عندى شقة بحديقة ان شاالله 5 متر كنت ربيت كلاب على طول

انما حكاية الشقة دى مستحيلة تماما

متفق معاك طبعا جوة الشقة و كلب حجمة كبير حا يبقى مشكلة بجد و بيوسخ كتير دة كفاية حلة الاكل الى حا تتقلب على الارض أنا كنت شارى طواجن فخار الحجم العائلى هههههه علشان يبقى تقيل و ما يوقعش الاكل منة و يبفى ثابت على الارض و هو بياكل بدل ما تلاقى الصينية الالومونيوم بتجرى لما يجى يلحس باقى الاكل ههههههههههههه
كنت عامل لهم أوضى مساحتها حوالى 6 متر مربع للنوم و باقى السطح كان الملعب هههههههههههه

[Ahmed R08]

يا ريت يا جماعه الناس الخبرة فى الموضوع دة تقولنا اسعار كل نوع وايه احسن اماكن نشارى منها عشان ميضحكش علينا
لان انا نفسى فى الموضوع دة والمكان موجود وكل حاجة بس باجى للشراء وبقف

[heshamzaky]

يا ريت يا جماعه الناس الخبرة فى الموضوع دة تقولنا اسعار كل نوع وايه احسن اماكن نشارى منها عشان ميضحكش علينا
لان انا نفسى فى الموضوع دة والمكان موجود وكل حاجة بس باجى للشراء وبقف

القصة من كدة يعنى الكلب الى نفس النوع مثلا الجيرمن شيبرد (( الولف ))) ممكن تشترية ب 200 أو 250 جنية و ممكن تجيب واحد ب 1000 جنية حسب شكل الكلب و حسب مدى النقاء و المواصفات بتاعتة يعنى بالبدى حاجة أسمها التقليب بتاعة زى طول الذيل أد أية الذيل فية كسرةو لا مفرود الخنصرة الى فى الاصابع المستوى بتاع الارتفاع يعنى عالى من الامام و اقصر شوية من الخلف دى اسمها ((( الكسحة بتاعتة ))) حجم الجمجمة و شكل الاذنين حاجات كدة بس الكلام دة لو أنت حا تدخل فى موضوع أنك حا تربية و عاوز سلاسة للبيع بسعر عالى
علشان كدة مفيش سعر محدد بالظبط بس ممكن تقول يتراوح ما بين مبلغ كذا و كذا و على فكرة الموضوع بتاع الكلاب دة حا تتعامل مع ناس تقريبا القاعدة يا أما ناس نصابة جدا و ممكن تلبس حد أى حاجة و دول بتوع سوق التونسى دول كانو بيصبغو الكلاب البلدى و بيبيعوها على أنها كلاب أصيلة يا أما حا تلاقى تجار ممثلين فى صورة بائعين فى محلات أسماك الزينة و العصافير و بعض الاطباء البيطرين . يا أما ناس غاوية جدا و الموضوع عندها هواية كحب أقتناء بس عارفة قيمة الشيىء كام و شم بالضرورة يكون بسبب التجارة بس حب الاقتناء و بيبعو الكلاب دى للدكتور البيطرى و الدكتور بيبعها للزبون و ناس بتبيع من خلال الوسيط