أشعر بالذنب والخجل من نفسى.

[shaddadfalcon1]

اليوم ده يساوى كل الايام اللى عشتها بحياتى،،، ده اليوم اللى التاريخ اتكلم وهيتكلم عليه،،، ده اليوم اللى كل لحظة فيه وكل موقف سيتم تدرسيه للتلاميذ والطلبة

يوم لا يقل أهمية عن ثورة 1919

يعني حضرتك كان نفسك تنزل عشان عيالك يبقو فخورين بيك انك شاركت في الثوره.؟
هل ده السب اللي مخليك زعلان؟.
انا مش شايف اي سبب يخلي اي حد يزعل انه مشاركش في الثوره
طيب مانا والدي وجدي مشاركوش في 73 وعادي
وفي ناس اهلها شاركو في 73 واستشهدو كمان ايه بقي اللي خدوه ؟ ولو اهلهم عايشين هيفضلو كل شويه يقولو احنا حاربنا؟

هي الناس بتحارب عشان يتقال عليها حاربت وتتفشخر قدام عيالها ولا عشان تحرر بلدها من الظلم والأستعمار وانها تنول الشهاده؟

[Frozen_Pain]

يعني حضرتك كان نفسك تنزل عشان عيالك يبقو فخورين بيك انك شاركت في الثوره.؟

أكيد كانت هتبقى حاجة كويسة انى ان شاء الله لما اتجوز اولادى يبقوا فخورين بيا لانى شاركت فى الثورة

هل ده السب اللي مخليك زعلان؟

لا مش هو ده السبب،، السبب انى كان نفسى اشارك فعلا فى حاجة مفيدة لمصر حاجة اخدم بيها بلدى

انا مش شايف اي سبب يخلي اي حد يزعل انه مشاركش في الثوره

بتختلف من شخص لشخص

طيب مانا والدي وجدي مشاركوش في 73 وعادي
وفي ناس اهلها شاركو في 73 واستشهدو كمان ايه بقي اللي خدوه ؟ ولو اهلهم عايشين هيفضلو كل شويه يقولو احنا حاربنا؟

الناس اللى استشهدت فى الحرب كسبت الجنة،،، ويكفى شرف الشهادة،،، واهلهم هيقولوا ان ابنى استشهد فى حرب 73 ونال شرف الشهادة

هي الناس بتحارب عشان يتقال عليها حاربت وتتفشخر قدام عيالها ولا عشان تحرر بلدها من الظلم والأستعمار وانها تنول الشهاده؟

بس والله انا مش بتفشخر ولا حاجة،،، انا متاسف جدا لحضرتك لو كنت حبيت انى اتكلم مع ناس غاليين عليا هم أعضاء المنتدى

[casperinoo]

طيب انا بقي مشكلتي اكبر انا شاركت في معظم الايام من يوم 25 للأخر بس فيه يوم كان نفسي منزلشي فيه ...
((يوم موقعة الجمل)) اليوم ده انا مشيت من الميدان بعد المغرب .اليأس كان اكبر مني ...مكنتش عندي ايمان ان احنا نقدر نقف قدام الهجوم ده خاصة بعد بداية ظهور الليزر الاخضر يتجول علي المباني المحيطه بالميدان + ضغط من البيت وضغط من اهلي + خوف علي العربيه اللي كنت راكنها علي كوبري قصر النيل ((اه والله تخيل اني سيبت الميدان علشان خايف علي العربيه! ))
.روحت وسيبت المعركه زي النسوان..ولحد دلوقتي حاسس بالندم..
لما عيالي يشرفوا ويكبروا هبقي اعرفهم اني جريت
مشكلتك اهون :)

[shaddadfalcon1]

بس والله انا مش بتفشخر ولا حاجة،،، انا متاسف جدا لحضرتك لو كنت حبيت انى اتكلم مع ناس غاليين عليا هم أعضاء المنتدى

ياجميل انا مش قصدي ازعلك بالعكس انا مش عايزك تبقي زعلان
لو عايز تساعد مصر اللي بتحبها ممكن تعمل كده بمليون طريقه وهتكون امنه كمان
اجتهد في شغلك
ساعد المحتاج (ماديا - معنويا - علميا)
انشر الخير

حاجات كتيير قوي احسن مليون مره من المظاهرات والثورات وهتكون نتايجها ملموسه

انا عن نفسي ايام الثوره كنت ببقي قاعد اتخانق مع اهلي واقولهم احنا مش اقل من الناس دي والمفروض نبقي كلنا هناك دلوقتي بس طبعا كانو بيرفضو وطاعتي ليهم احسن من مليون ثوره
وفي الوفات كان نازلين وبيهللو انهم نزلو الثوره وهما اصلا ملهومش في الطور ولا الطحين واللي كان نازل يتفسح واللي كان نازل يشرب حشيش زي مازميلنا قال واللي كان نازل عشان بنات واللي كان نازل عشان بيحب بلده فعلا

سيبك من المظاهر ومن اللي عدا وركز علي اللي جي لانه اهم وربنا يكرمك ويكرمنا ان اشاء الله

علي فكره انا كنت اقصد اهل اللي استشهدو في 73 اخدو ايه دنيويا مش الشهدءا نفسهم لان دوول اخدو كل حاجه طبعا

[Frozen_Pain]

طيب انا بقي مشكلتي اكبر انا شاركت في معظم الايام من يوم 25 للأخر بس فيه يوم كان نفسي منزلشي فيه ...
((يوم موقعة الجمل)) اليوم ده انا مشيت من الميدان بعد المغرب .اليأس كان اكبر مني ...مكنتش عندي ايمان ان احنا نقدر نقف قدام الهجوم ده خاصة بعد بداية ظهور الليزر الاخضر يتجول علي المباني المحيطه بالميدان + ضغط من البيت وضغط من اهلي + خوف علي العربيه اللي كنت راكنها علي كوبري قصر النيل ((اه والله تخيل اني سيبت الميدان علشان خايف علي العربيه! ))
.روحت وسيبت المعركه زي النسوان..ولحد دلوقتي حاسس بالندم..
لما عيالي يشرفوا ويكبروا هبقي اعرفهم اني جريت
مشكلتك اهون :)

متقولش على نفسك انك زى النساء بالعكس انت بطل،،، النفس البشرية ليها قدرات،،، وانت بتقول أن اليأس تملك منك انت بس كنت محتاج حد يقولك خليك معانا وكنت وقتها هتنسى الدنيا كلها

أنا سبب من عدم نزولى هو أمى فى البيت اصرت انى منزلش،،، دى طبيعة الام

متحسش بالندم انت بجد بطل

[Frozen_Pain]

ياجميل انا مش قصدي ازعلك بالعكس انا مش عايزك تبقي زعلان
لو عايز تساعد مصر اللي بتحبها ممكن تعمل كده بمليون طريقه وهتكون امنه كمان
اجتهد في شغلك
ساعد المحتاج (ماديا - معنويا - علميا)
انشر الخير

حاجات كتيير قوي احسن مليون مره من المظاهرات والثورات وهتكون نتايجها ملموسه

انا عن نفسي ايام الثوره كنت ببقي قاعد اتخانق مع اهلي واقولهم احنا مش اقل من الناس دي والمفروض نبقي كلنا هناك دلوقتي بس طبعا كانو بيرفضو وطاعتي ليهم احسن من مليون ثوره
وفي الوفات كان نازلين وبيهللو انهم نزلو الثوره وهما اصلا ملهومش في الطور ولا الطحين واللي كان نازل يتفسح واللي كان نازل يشرب حشيش زي مازميلنا قال واللي كان نازل عشان بنات واللي كان نازل عشان بيحب بلده فعلا

سيبك من المظاهر ومن اللي عدا وركز علي اللي جي لانه اهم وربنا يكرمك ويكرمنا ان اشاء الله

علي فكره انا كنت اقصد اهل اللي استشهدو في 73 اخدو ايه دنيويا مش الشهدءا نفسهم لان دوول اخدو كل حاجه طبعا

انا والله مش زعلان،،، انا عارف انت تقصد ايه وعارف ان انت كمان بتحب مصر وكان نفسك تنزل،،، انا بس مشكلتى انى كل ما بتفرج على فيديو او اشوف أحداث جمعة الغضب بالحس بالندم ،الحمدلله على كل شىء

أهل شهداء حرب 73برضه ليهم الجنة ان شاء الله لان الشهيد بيشفع ل 70 من اهل بيته ،،، ويبنى لهم فى الجنة بيت يسمى بالحمدلله لقولهم الحمدلله وصبرهم على البلاء والله أعلم