شهيرة أمين الى النيابة العسكرية

[aly_hosny]

النيابة العسكرية تستدعي الإعلامية شهيرة أمين للتحقيق بخصوص نشرها في السي ان ان تقرير يتهم الجيش باجراء فحص كشف العذرية على فتيات اعتقلن في وقت لاحق


مش عارف الموضوع بتاع الخبر الاساسي راح فين بس دا لينك الخبر
Egyptian general admits 'virginity checks' conducted on protesters - CNN.com

وادينا مستنين اهو هيقولولنا ايه تاني

[تامر.محمد]

الموضوع بتاع الخبر الاساسي اتحذف !!!!!

[م. عمرو شرف]

النيابة العسكرية تستدعي الإعلامية شهيرة أمين للتحقيق بخصوص نشرها في السي ان ان تقرير يتهم الجيش باجراء فحص كشف العذرية على فتيات اعتقلن في وقت لاحق


مش عارف الموضوع بتاع الخبر الاساسي راح فين بس دا لينك الخبر
Egyptian general admits 'virginity checks' conducted on protesters - CNN.com

وادينا مستنين اهو هيقولولنا ايه تاني

الخبر بتاعك غير دقيق

التحقيق مش أنها نشرت موضوع فى السى أن أن يتهم الجيش

التحقيق لأنها قالت أن ده تصريح من مصدر عسكرى بالجيش

Egyptian general admits 'virginity checks' conducted on protesters

From Shahira Amin, For CNN
May 31, 2011 -- Updated 1557 GMT (2357 HKT)



يبقى تفرق أسلوب كتابة الخبر اللى أنت كاتبه عن الخبر الحقيقى


هى تكتب تقرير مش مشكله , لكن أنها تقول أن ده تصريح من لواء بالجيش يبقى كلام تانى


الأعضاء قالوا ( وأنت منهم ) فى الموضوع الاساسى اللى أتحذف أن لو الموضوع ده طلع غلط لازم يحاسبوا قناة السى أن أن


ليه مستغرب أنهم بيحققوا معاها , مش هى اللى قالت الكلام ده للـ سى أن أن

ولا أى حاجه الجيش يعملها تبقى جريمه

[aly_hosny]

الخبر بتاعك غير دقيق

التحقيق مش أنها نشرت موضوع فى السى أن أن يتهم الجيش

التحقيق لأنها قالت أن ده تصريح من مصدر عسكرى بالجيش

egyptian general admits 'virginity checks' conducted on protesters

from shahira amin, for cnn
may 31, 2011 -- updated 1557 gmt (2357 hkt)



يبقى تفرق أسلوب كتابة الخبر اللى أنت كاتبه عن الخبر الحقيقى


هى تكتب تقرير مش مشكله , لكن أنها تقول أن ده تصريح من لواء بالجيش يبقى كلام تانى


الأعضاء قالوا ( وأنت منهم ) فى الموضوع الاساسى اللى أتحذف أن لو الموضوع ده طلع غلط لازم يحاسبوا قناة السى أن أن


ليه مستغرب أنهم بيحققوا معاها , مش هى اللى قالت الكلام ده للـ سى أن أن

ولا أى حاجه الجيش يعملها تبقى جريمه

مش فاهم اول نقطة
يعني هي لو كانت قالت انهم عملولهم اختبار عذرية "بس" من غير مصدر ولا اي حاجة مكنوش هيحققو معاها ؟؟؟؟

انا مش معترض على الخبر انا مستني اشوف نتايجة هتبقى زي التحقيقات ال قبل كدا زي مجلس الوزرا و لا هيبقى في جديد المرة دي

[تامر.محمد]

بالعكس التحقيق في الحالة دي خطوة صحيحة, و لو ما عملوش كده يبقوا غلطانين , و مش شهيرة دي بس , لأ لو التحقيق اثبت انها كدابة تترفع قضية على سي ان ان كمان, مفروض في التحقيق تقول مين مصدر الكلام ده و يتم سؤاله هو كمان
و لو ثبت ان الكلام حقيقي يبقى يتحاسب اللي عمل كده و اللي تستر عليه

بس مفروض لو ده تحقيق تبقى النيابة العامة مش العسكرية عشان ما ينفعش يبقى المؤسسة العسكرية خصم و حكم

[chato_eg]

بالعكس التحقيق في الحالة دي خطوة صحيحة, و لو ما عملوش كده يبقوا غلطانين , و مش شهيرة دي بس , لأ لو التحقيق اثبت انها كدابة تترفع قضية على سي ان ان كمان, مفروض في التحقيق تقول مين مصدر الكلام ده و يتم سؤاله هو كمان
و لو ثبت ان الكلام حقيقي يبقى يتحاسب اللي عمل كده و اللي تستر عليه

تمام جدا.....أرجو فعلا إن يكون التحقيق فى الموضوع كله....سواءا الحادثة المشينة حصلت و لا لأ...و لو ما حصلتش يبقى على دماغ ال cnn ....لكن لو حصلت هيبقى على دماغ القوات المسلحة

بس مفروض لو ده تحقيق تبقى النيابة العامة مش العسكرية عشان ما ينفعش يبقى المؤسسة العسكرية خصم و حكم

دى حالة توجيه اتهامات لأفراد عاملين فى القوات المسلحة,,,
خلينا واقعيين..حتى الآن أى كلمة تخدش المؤسسة العسكرية أو أحد أفرادها بيتم التعامل مع المدنى من خلال النيابة العسكرية....
خلونا نشوف هترسى على إيه ....المفروض لو ثبتت الواقعة و على يد محقق عسكرى يبقى على الأقل شىء يحتسب للجيش و نزاهته فى عدم التستر على أى فساد و خصوصا فيما يتعلق بالتعاملات مع المدنيين...
و لو ثبتت إنها ادعاءات باطلة...هنشوف..الجيش هيعرف يأخد حقه بالقانون و لا لأ من ال cnn

هو الموضوع الأصلى اتحذف لييه ؟؟

[م. عمرو شرف]

كشفت مصادر أن النيابة العسكرية استدعت الإعلامية شهيرة أمين للتحقيق بخصوص نشرها موضوع في الـCNN نسبت فيه إعتراف للواء مسئول -طلب عدم الافصاح عن هويته- و قال فيه انه قد تم اجراء كشف العذرية على فتايات اعتقلن يوم 9 مارس في ميدان التحرير


شهيرة أمين

و زعمت شهيرة أمين أن اللواء قال لها : الفتيات المعتقلات لم يكونوا مثل ابنتي او ابنتك ، كن فتيات خيمن في ميدان التحرير و وجدنا في خيمهن المولوتوف و المخدرات
قال اللواء ان هذه الفحوصات تم اجرائها فقط حتى لا تتهم هؤلاء النساء السلطات المصرية باغتصابهم و هتك اعراضهم

و برر اللواء هذا بقوله (حسب ما كتبته شهيرة ) :لم نكن نريد لأي منهن أن تقول أنه قد تم التحرش بها جنسيا او هتك عرضها لذا أردنا اثبات أنهن لم يكن عذارى في المقام الاول ، و أضاف اللواء ،و فعلا أثبت الفحص أنه لم تكن أي منهن عذراء
يأتي ذلك بالرغم من نفي الجيش لتلك الوقائع جملة و تفصيلا علي لسان اللواء عمرو إمام
و يقع علي عاتق = شهيرة أمين ضرورة الإفصاح عن إسم اللواء الذي ذكرت أنه لا يرغب في ذكر إسمه
و مما يثير الشبهات حول إختلاق إعتراف اللواء المجهول للصحفيه أن الخبر جاء نشره في يوم التحقيق مع حسام الحملاوي الذي نسب للجيش تهم مماثله لم يستطع أن يقدم أي دليل عليها للنيابه العسكريه -مما أجل التحقيق معه لحين تقديم أدله -و كذلك الحال بالنسبه لنبيل شرف الدين
مما يوحي بأن نشر خبر "فحص العذرية"في الـ CNN الأمريكية جاء كنوع من تخفيف ضغوط النيابه العسكرية علي الحملاوي و نبيل شرف الدين

[aly_hosny]

بالعكس التحقيق في الحالة دي خطوة صحيحة, و لو ما عملوش كده يبقوا غلطانين , و مش شهيرة دي بس , لأ لو التحقيق اثبت انها كدابة تترفع قضية على سي ان ان كمان, مفروض في التحقيق تقول مين مصدر الكلام ده و يتم سؤاله هو كمان
و لو ثبت ان الكلام حقيقي يبقى يتحاسب اللي عمل كده و اللي تستر عليه

بس مفروض لو ده تحقيق تبقى النيابة العامة مش العسكرية عشان ما ينفعش يبقى المؤسسة العسكرية خصم و حكم

ماهو تقريبا بيحققو معاها هي عشان قالت كدا مش عشان يعرفو ايه ال حصل

العيب في الذات العسكرية

[تامر.محمد]

تمام جدا.....أرجو فعلا إن يكون التحقيق فى الموضوع كله....سواءا الحادثة المشينة حصلت و لا لأ...و لو ما حصلتش يبقى على دماغ ال cnn ....لكن لو حصلت هيبقى على دماغ القوات المسلحة

دى حالة توجيه اتهامات لأفراد عاملين فى القوات المسلحة,,,
خلينا واقعيين..حتى الآن أى كلمة تخدش المؤسسة العسكرية أو أحد أفرادها بيتم التعامل مع المدنى من خلال النيابة العسكرية....
خلونا نشوف هترسى على إيه ....المفروض لو ثبتت الواقعة و على يد محقق عسكرى يبقى على الأقل شىء يحتسب للجيش و نزاهته فى عدم التستر على أى فساد و خصوصا فيما يتعلق بالتعاملات مع المدنيين...
و لو ثبتت إنها ادعاءات باطلة...هنشوف..الجيش هيعرف يأخد حقه بالقانون و لا لأ من ال cnn

هو الموضوع الأصلى اتحذف لييه ؟؟

صح , بس برده المفروض ما يبقاش المؤسسة العسكرية خصم و حكم , و اكيد النيابة العامة تقدر تعمل كده
انا باتكلم في اللي مفروض يحصل طبعا

بخصوص الحذف , لقيت مكتوب على العنوان (برجاء عدم نشر اشاعات تروج للفتنة), انا قدمت شكوى

ماهو تقريبا بيحققو معاها هي عشان قالت كدا مش عشان يعرفو ايه ال حصل
العيب في الذات العسكرية

لو فعلا كده ده اللي يبقى هبل و قلة ادب بجد بقى

[chato_eg]

بخصوص الحذف , لقيت مكتوب على العنوان (برجاء عدم نشر اشاعات تروج للفتنة), انا قدمت شكوى

لك كل الحق...
مش معقولة أخبار أهميتها أقل بكتيير و من مصادر أقل فى المستوى الاحترافى من ال cnn المفترض مصداقيتها و الأخبار دى يسمح باقتباسها و مناقشتها و تبادل الآراء بحرية حولها و مثل تلك الحادثة فى نشر أقاويل فى حق الجيش - قد تصدق أو تكذب - تعتبر إشاعات تروج للفتنة