ايه رايكم في التقارب الايراني لمصر ...!!!

[abogogo]

طبعا كلنا سمعنا عن الجسوس الايراني اللى اتكشف وكان من البعثة الدبلوماسية الايرانية وطبعا عشان الحصانة الدبلوماسية اكتفت مصر بطرد هذا الجسوس

الان ايران اصدرت قرار بالموافقة على تغير اسم الشارع المسمى "خالد الاسلامبولي " المشترك في قتل السادات و اللى التسمية دي كانت من احد اسباب قطع العلاقات مع ايران حتى وقتنا هذا .... الشارع هيتسمى شارع "شهداء الثورة المصرية "

ايضا أعلن الرئيس الإيراني محمود احمدي نجاد استعداد الجمهورية الإسلامية الإيرانية وضع كل تجاربها تحت تصرف الشعب المصري ، حيث أفادت وكالة أنباء فارس أن الرئيس احمدي نجاد اعلن ذلك لدي استقباله بعد ظهر اليوم الاربعاء جمعا من المفكرين واساتذة الجامعات والنخبة العلمية والناشطين في المجال الاعلامي المصري

رأيك ايه وهل انت مع ولا ضد هذا التقارب ..؟؟!!

[تامر.محمد]

دولة زيها زي اي دولة
مصلحتنا معاها نتعاون معاها
مصلحتنا مش معاها يبقى احنا في حالنا و هما في حالهم

[aminibrahim]

شئ جميل مش وحش وكله بيلعب علي كله ويشوف المصلحه فين

والسياسه لازم تكون قذره

[hossam20102010]

طبعا كلنا سمعنا عن الجسوس الايراني اللى اتكشف وكان من البعثة الدبلوماسية الايرانية وطبعا عشان الحصانة الدبلوماسية اكتفت مصر بطرد هذا الجسوس

الان ايران اصدرت قرار بالموافقة على تغير اسم الشارع المسمى "خالد الاسلامبولي " المشترك في قتل السادات و اللى التسمية دي كانت من احد اسباب قطع العلاقات مع ايران حتى وقتنا هذا .... الشارع هيتسمى شارع "شهداء الثورة المصرية "

ايضا أعلن الرئيس الإيراني محمود احمدي نجاد استعداد الجمهورية الإسلامية الإيرانية وضع كل تجاربها تحت تصرف الشعب المصري ، حيث أفادت وكالة أنباء فارس أن الرئيس احمدي نجاد اعلن ذلك لدي استقباله بعد ظهر اليوم الاربعاء جمعا من المفكرين واساتذة الجامعات والنخبة العلمية والناشطين في المجال الاعلامي المصري

رأيك ايه وهل انت مع ولا ضد هذا التقارب ..؟؟!!

ايران دولة صناعية وعسكرية كبيرة.....لها ثقل دولى.... وليها دور كبير فى الشرق الاوسط

والايرانيين عرفو يصنعو اقمار تجسس... دبابات حربية .... طائرات بدون طيار....ده غير النووى

اعتقد ان من مصلحة مصر الاستفادة من الخبرات الايرانية فى المجالات المختلفة

ولكن ...برده ... مش هننسى ... اننا لن نسمح بالمد الشيعى بان يصل الى مصر

يعنى تبادل تجارى .. تبادل للخبرات العسكرية ... ماشى

انما استيراد الفكر الشيعى..... لا

[Everlasting]

دولة زيها زي اي دولة
مصلحتنا معاها نتعاون معاها
مصلحتنا مش معاها يبقى احنا في حالنا و هما في حالهم

+1

[mahfouz1983]

دوله قويه جدآآآآآآآآآآآآآآآآآآآآ عسكريا واقتصاديا التقارب بين مصر وايران سيصب في مصلحه الجانب المصري

[aymanay32]

مصر دلوقتى محتاجة مساعده من اى جد
مهما يكون هوه مين
و لو كان مبارك لسه عايش فى الكرسى كان اخد مساعدات كمان من اسرائيل
و ما قالش ليها لاء و لا اعترض او تحفظ و ممكن كمان كان يحولها لحسابة الشخصى بعد كدة اذا ظن ان الشعب مش محتاجها

[م/مصطفى محمود]

هو بخصوص الجاسوس ، ففي كلام إنه كان الدبلوماسي بيجمع مصريين علشان يروحوا إيران كوفد شعبي والموضوع إتفهم غلط (ده اللى فهمتة من التصريحات الأيرانية)

بس حتى لو كده ، فأكيد مصر ليها جواسيس فى إيران ولو مفيش تبقى خيبة من مصر مش أكتر ، أى دولة أكيد بتتجسس على الدول اللى تهمها ، دي إسرائيل بتتجسس على أمريكا والعلاقات بينهم آخر حلاوة

طبعا مع التقارب ، بس بعقل وحكمة وقوة ، لأن بتعاملي معاهم أنا بكسبهم لصفي (وهي محتاجانا أساسا علشان تنفتح على المجتمع الدولي لأنها متقدرشي تعيش معزولة ) وكمان انا محتاجها ( كقوة فى منطقة الخليج العربي تقدر تساند فى الأزمات )

وبخصوص المد الشيعي ، فأعتقد إنهم هم اللى المفروض يخافوا مش أحنا ، إحنا لية بنعتبر نفسنا أضعف منهم ، ولو هنخاف منهم من المد الشيعي يبقى نخاف بقى من المد البوذي والسيخي و و و و