ايه حكاية سيتي ستارز

[evram]

سيتي ستارز يمنع دخول الفتيات بصحبة الشباب انا لاقيت الموضوع دة في النت و علي الفيس هل الكلام دة حقيقي ولا لا لو حقيقي يبقي سيتي خرب و الي بيحصل دة هبل فب هبل و ياترا لو حقيقي اية السبب

[nabaster]

نص الخبر

في واقعة هي الأغرب حتي الآن تحدث في القاهرة ، علقت ادارة مكز سيتي ستارز التجاري الضخم في مدينة نصر لافتة كبيرة علي مداخل المركز التجاري تشير الي منع دخول راكبي "الباتيناج" والشاب بصحبة أي فتاة ودخول الفتيات للمركز بملابس صيفية قصيرة أو بحمالات.

اللافتة اثارت استياء المترددين علي المركز التجاري وغالبيتهم من الشباب العصري ، الذين تم منع الكثير منهم من دخول المركز بسبب دخولهم بصحبة صديقاتهم، معلنين أن ادارة المركز باتت أكثر تطرفا من السلفيين الذين لا يرتادون أصلا هذه المراكز التجارية.

حاجه مبشره جدا وياريت باقي المولات تطبق نفس النظام

ويارب ينسوا كلمة السر دي (السلفين) الي بقيت عامله زي اللبانه في بوق اي حد

والي كانت زمان اسمها (الاخوان)

انا لاقيت الموضوع دة في النت و علي الفيس هل الكلام دة حقيقي ولا لا لو حقيقي يبقي سيتي خرب و الي بيحصل دة هبل فب هبل

ربنا يهديك

A.Yakout

[MohaMed_Refaat]

طيب مهم حيخشوا كل واحد لوحدة ويتقابلوا جوة
هو اللى بيحصل هناك كتير شوية وقرار زى دة كويس طبعا

[mikho83]

والله برافو عليهم، بجد أنا لما بكون هناك بكون مستاء جدا من المناظر اللي مش ظريفة، بس أعمل إيه طبيعة شغلي بتخليني أروح هناك.

[wael17]

اعتقد هو مش القصد منع دخول واحد وواحدة مع بعض....يعني لو شكلهم محترم هايدخلوا طبعا حتي لو البنت لابس قصير شوية...بس الفكرة ان سيتي ستارز اكتر من مرة كنت باشوف بنات شكلهم مش ستايل و لابسين لبس (استغفر الله) و تلاقيهم مش بيتفرجوا علي محلات ولا قاعدين علي كافيهات...تلاقيهم واقفين جنب عامود او حيطة و عاملين يبصوا للرايح و الجاي بطريقة مش كويسة و بعدين لو فضلت مراقبهم تلاقي في واحد شكله مش مظبوط يروح يكلمهم و واضح انهم عارفينه و بعدين يبعد عنهم...طبعا بيبقي الموضوع باين قوي و الامن ما يقدرش يقول لواحدة واقفة امشي من هنا لانها ما عملتش حاجة....الكلام ده انا شفته مرتين من كذا سنة كنت قاعد في كوستا مع واحد صاحبي هو اللي خد باله و انا قلتله "ان بعض الظن اثم" و بعدين قالي طبعا خليك متابع و فعلا بعد شوية جه شابين شكلهم عرب و بدأوا يتكلموا مع البنات و هوب نط الواد اللي شكله مش مظبوط و اتكلم شوية مع العرب و بعدين مشي و بعدين البنات مشيوا مع الشباب العرب...الكلام ده شفته من حوالي 5 سنين لما كنت باروح مع اصحابي..دلوقتي باروح مع المدام و الولاد و طبعا مش باخد بالي من الحاجات دي بس اكيد موجودة...و يمكن ده السبب لوضع التحذير عشان الامن يبقي عنده امكانية ان يمشي الناس دي لو شك في في سلوكهم....و الله اعلم

[Esam Mosaad]

طب والكافيهات الى جوه لزمتها ايه
وبعدين لو اتنين مخطوبين هيمنع برضوا !!

وبعدين ايه السبب لمفروض يكون فى سبب

[CryptonX]

ياريت نفتكر موضوع الجلابية و نادي نقابة المنهندسين.

من حقهم يطلبوا الي هما عايزينه عند الدخول ده ملكية خاصة :)

وعلى فكرة هي مش بال"صرامة" دي, هي اقرب لاستاذ وائل مابيقول ..من غير ماقصد عنصرية طبقية ولا حاجة ..

بس لا مؤاخدة لو واحد و واحدة جايين من كفر ابو نملة مش حديخلهوم .... و واحدة جاية من "منشية ناصر" ولابسة ميني جيب مش حتدخل !

انا ساكن قدامه على طول .. و على فكرة يوم الخميس كمان .. مبيدخلوش شباب لوحدهم ... يعني لو في جروب شباب 5-6 بني ادمين مش حيدخلوا ...

[mrwho1982]

نص الخبر



حاجه مبشره جدا وياريت باقي المولات تطبق نفس النظام

ويارب ينسوا كلمة السر دي (السلفين) الي بقيت عامله زي اللبانه في بوق اي حد

والي كانت زمان اسمها (الاخوان)



ربنا يهديك

a.yakout

الي مش عاجبو الكلام يروح هناك بعد الساعة 8 وياسلام لو يوم الخميس ومش هاتكلم كثير

صاحبي شغال في ادارة سيتي ستارز وبيقولي ساعات كثير بيكون في استهبال رسمي

[MASERATI]

السلام عليكم و رحمة الله و بركاته

فعلا, لو كان الغرض من الموضوع ده هو منع انتشار القرف اللى كنا بنشوفه قبل كده فى سيتى ستارز و مولات تانية غيره, يبقى برافو عليهم, هو ده المطلوب فعلا, يا نهار أسود , ده الواحد كان بيشوف حاجات -أستغفر الله العظيم- مقرفة و العياذ بالله, ان شاء الله, يكون ده بداية لمنع القذارة اللى كانت بتحصل فى الأماكن العامة و عالكورنيش أودام التيلفزيون.

ماحنا بقالنا 60 سنة سايبين الناس تعمل اللى هما عاوزينه على قارعة الطريق, كانت ايه النتيجة, اتأخرنا و اتدهورنا الى أسفل الدرجات و أصبحنا كمصريين لا لينا سعر, لا جوه مصر و لا بره مصر.

يعنى حتى من باب التجربة و العلم بالشئ, أما نجرب حاجة لمدة 60 سنة و نلاقيها مش نافعة, نجرب حاجة تانية, يمكن تنفععععععععععععع, العقل بيقول كده, و لسه, لما يمنعوا استيراد الخمور و يقفلوا الكازينوهات و الكباريهات اللى فى الفنادق و فى شارع الهرم و يخلوا الناس اللى فى شرم و الساحل الشمالى تلبس هدوم و يارب كمان يفرضوا ضرايب 900% عالسجاير و يخلوا السجاير البلمونت أغلى من الكافيار !!!!!!!

كله جاى فى السكة ان شاء الله, ماتستعجلوش, أصل ده لا هو عيب و لا حرام .

[yahiahelaly]

الي عرفتة وشوفتة قبل كدة في ستي ان ممنوع دخول شباب لوحدهم او من غير بنت او كدة ممكن اسرة ام وابناء غير كدة لأبيعملوا كدة في المناسبات منعاً للتحرشات وكدة

[Ahmed_Ramadan]

قرار ملوش أى لازمة .....كل واحد هيدخل لوحده و بعدين يتقبلوا جوه و لو معاهم عربية هيدخلوا من الباركنج عادى و محدش يقدر يكلمهم

[thedeveloper87]

أنا ساكن جنب سيتي ستارز ، كان بيجيلنا منه أشكال ضلمة ، بيقعدوا تحت بيوتنا وفيه منهم اللي يعمل حاجات مش كويسة ... حاجة مقرفة
ده غير إنه أصلا مول زبالة (آسف في اللفظ ، لكن هو كده فعلا) ، الواحد كره دخوله

بالنسبة للدخول كفرد ، منعوني قبل كده إن أخش ، وكانوا بيقولوا عائلات بس ، بس لولا إن والدتي كانت جوا في سبينيس علشان أشيل معاها حاجات ما كنتش دخلت

[thedeveloper87]

السلام عليكم و رحمة الله و بركاته

فعلا, لو كان الغرض من الموضوع ده هو منع انتشار القرف اللى كنا بنشوفه قبل كده فى سيتى ستارز و مولات تانية غيره, يبقى برافو عليهم, هو ده المطلوب فعلا, يا نهار أسود , ده الواحد كان بيشوف حاجات -أستغفر الله العظيم- مقرفة و العياذ بالله, ان شاء الله, يكون ده بداية لمنع القذارة اللى كانت بتحصل فى الأماكن العامة و عالكورنيش أودام التيلفزيون.

ماحنا بقالنا 60 سنة سايبين الناس تعمل اللى هما عاوزينه على قارعة الطريق, كانت ايه النتيجة, اتأخرنا و اتدهورنا الى أسفل الدرجات و أصبحنا كمصريين لا لينا سعر, لا جوه مصر و لا بره مصر.

يعنى حتى من باب التجربة و العلم بالشئ, أما نجرب حاجة لمدة 60 سنة و نلاقيها مش نافعة, نجرب حاجة تانية, يمكن تنفععععععععععععع, العقل بيقول كده, و لسه, لما يمنعوا استيراد الخمور و يقفلوا الكازينوهات و الكباريهات اللى فى الفنادق و فى شارع الهرم و يخلوا الناس اللى فى شرم و الساحل الشمالى تلبس هدوم و يارب كمان يفرضوا ضرايب 900% عالسجاير و يخلوا السجاير البلمونت أغلى من الكافيار !!!!!!!

كله جاى فى السكة ان شاء الله, ماتستعجلوش, أصل ده لا هو عيب و لا حرام .

حرام عليك....... الفكر ده هيرجعنا ورا آلاف السنين .... عايز تخلي الناس تقول علينا متخلفين ورجعيين؟؟؟
استنى كمان شوية نكمل تجربة المسخرة وقلة الأدب ، 10 سنين كمان .......... صدقني هنبقى في أوائل دول العالم الأول :d

[CryptonX]

عمي عايش في المانيا ..

كل مايرجع مصر في الصيف يتريق عليا ...

قالي انا لما بغيب عن المانيا 6 شهور ... بلاقي ناطحات سحاب اعلى و اماكن انضف !

بس لما بغيب عن مصر 6 شهور ... بلاقي لبس " اقصر " و اماكن " اقذر " !

سبحان الله :)

[A.Saad]

امال انا رحته مبشوفش المناظر دى ليه ......؟؟؟