مساعدة فى اختيار كاميرا ديجيتال

[D . a .\ AYMAN]

ليا واحد صاحبى قالى على ملحوظة عايز اسألكم عنها وهى انه كل ما على حجم الريزلوشن بالذات فوق 10 ميجا كل ما كبر حجم الصورة يعنى ممكن الصورة توصل ل 10ميجا مثلا أو اكتر وده طبعا حايخلينى اقلل نقاء الصورة علشان حجم الصور يبقى معقول ، فايه رايكم فى الكلام ده ؟

وبالنسبة لكلام الإخوة عن ان ممكن كاميرا كانون أو سونى أو نيكون بنقاء 10 ميجا تدى صورة احسن من كاميرا سامسونج 12 ميجا فأنا ناوى ابقى اجرب علشان اشوف بعينى بس عايز اتأكد من صحة الكلام ده من الناس اللى جربت بنفسها

نقاء العدسة وجودتها تفرق كتير جدا طبعا في الصورة ... يعني إستحالة نقارن عدسة من بتوع كارل زييس بعدسة سامسونج مثلا (برغم إن سامسونج مش وحشة)

أعتقد في رأيي الشخصي إن ثلاثة فقط من مصنعي العدسات تفوقوا بقوة في جودة عدساتهم وهم كارل زييس (اللى معظم مصنعي الكاميرات في العالم بيستخدموا عدساتها ومنهم نوكيا وكوداك على سبيل المثال) ونيكون وسوني السايبر شوت على الترتيب

غير كدة بحس إن أي عدسة تانية بيكون في فرق أجيال بينها وبين العدسات دي في التطور

البيكسل يفرق في كثافة التفاصيل وليس في نقاء الصورة يعني ممكن تكون الصورة تفاصيلها كثيرة ولكن غير واضحة بسبب العدسة أو الإضاءة

القلم طبعا
تشترى بطاريتين بشاحن بخمسين او ستين جنيه 2800mah او حتى 2000
تقعد معاك كتير جدا

اللى بتبقى راكبه اللى هيه الليثيوم بتبقى فى حدود 740mah

ولما يبوظوا تغيرهم بسهوله ماتدورش

و لو خلصت و انت مش قادر تشحن تشترى اتنين انيرجيزر

و بالنسبه للريزوليوشن كله ضحك على الدقون
لا فراق عشره من 15 فى مثل الكاميرات الصغيره
المهم انك تبقى مبسوط من الكاميرا و لا تفرق كاميرا عن اخرى بالميجابيكسل

متفق معاك تماما في موضوع البطارية .. وخصوصا إن البطاريات الليثيوم لو باظت يبقى كأن الكاميرا كلها باظت إلا لو طلعت محظوظ ولاقيت موديل البطارية بتاعتك في أي مكان

[human]

نقاء العدسة وجودتها تفرق كتير جدا طبعا في الصورة ... يعني إستحالة نقارن عدسة من بتوع كارل زييس بعدسة سامسونج مثلا (برغم إن سامسونج مش وحشة)

أعتقد في رأيي الشخصي إن ثلاثة فقط من مصنعي العدسات تفوقوا بقوة في جودة عدساتهم وهم كارل زييس (اللى معظم مصنعي الكاميرات في العالم بيستخدموا عدساتها ومنهم نوكيا وكوداك على سبيل المثال) ونيكون وسوني السايبر شوت على الترتيب

غير كدة بحس إن أي عدسة تانية بيكون في فرق أجيال بينها وبين العدسات دي في التطور

البيكسل يفرق في كثافة التفاصيل وليس في نقاء الصورة يعني ممكن تكون الصورة تفاصيلها كثيرة ولكن غير واضحة بسبب العدسة أو الإضاءة








متفق معاك تماما في موضوع البطارية .. وخصوصا إن البطاريات الليثيوم لو باظت يبقى كأن الكاميرا كلها باظت إلا لو طلعت محظوظ ولاقيت موديل البطارية بتاعتك في أي مكان

عفوا يا عزيزى


بس انا فعلا شفت ناس كتير بتكتب نفس الاتجاه هنا

العدسات كارل زيس بالنسبه للموبايلات ولا الكومباكتس ما هى الا لعبه تسويقيه
انت بتتكلم عن عدسات رخيصه من البلاستيك غالبا لا يتعدى تمنها عشرين دولار على الاكثر
ما يميز الكاميرا المضغوطه هو البروسيسور و السينسور
السينسور فى الكاميرات الكومباكت صغير جدا و لذلك يقع على عاتق البروسيسور تنقيه الصوره

العدسه ليست لاعب اساسى فى مثل هذا المضمار حيث تتقارب فيه الجوده بالنسبه للعدسه

عدسات كارل زيس اللى نتباها بيها هى المصنوعه فى المانيا و بتكون غاليا جدا و ليس لها علاقة بالكاميرات الكومباكت
اللى بياخد تصنيع عدسات الكومباكتس شركات و مصانع فى الصين و بتبقى صفقه تجاريه عشان تحمل العلامه من اجل التباهى و الناس تقول واو كارل زيس

فى الكاميرات المحترفه ممكن مايحسش حد غير هاوى او محترف بالفرق بين عدسه ب 600 جنيه و عدسه ب 15الف جنيه
فتخيل مين اللى هيحس بفرق بين عدسه كارل زيس بلاستك لا تتعدى بضع دولارات باخرى لا تتعدى البضع دولارات!!

[aliaboali_3]

يا سيدى الفاضل كاميرات فوجى ونيكون الوكيل بتاعهم واحد شركة محترمة جدا فى الصيانة وخدمة ما بعد البيع وهى شركة فى شارع الهرم

[amrezzat82]

السلام عليكم
خذ نصيحة منى
سيبك من السامسمونج و الكوداك و الفوجي أنساهم جدا
خليك فى السوني و الكانون
ما فيش مشكلة من البطاريات اللى بتشحن زي الموبايل مش لازم تبقى بطارية قلم أو الأصغر
لأنك البطارية الشحن بتبقى قوية فى الفلاش و بتستعيد شحن بطريقة أسرع من أي بطارية قلم حتى لو بتاعة راديو شاك اللى 2000mA , و عن تجربة
الأحسن برضه تدور على أعلى زوم بصري مش أكثر ميجابكسل و
الكاميرا يقبل أكثر الكروت و يكون فيها ذاكرة داخلية
بص على الموقع ده حيفيجك برضه http://www.ngc-maarouf.com/cameras.htm
و أي كاميرا تختارها اكتب الموديل على جوجل و اكتب جنبه REVIEW حتلاقي تقارير فحص لكل واحدة بالتفصيل الممل
تحياتي

[D . a .\ AYMAN]

عفوا يا عزيزى


بس انا فعلا شفت ناس كتير بتكتب نفس الاتجاه هنا

العدسات كارل زيس بالنسبه للموبايلات ولا الكومباكتس ما هى الا لعبه تسويقيه
انت بتتكلم عن عدسات رخيصه من البلاستيك غالبا لا يتعدى تمنها عشرين دولار على الاكثر
ما يميز الكاميرا المضغوطه هو البروسيسور و السينسور
السينسور فى الكاميرات الكومباكت صغير جدا و لذلك يقع على عاتق البروسيسور تنقيه الصوره

العدسه ليست لاعب اساسى فى مثل هذا المضمار حيث تتقارب فيه الجوده بالنسبه للعدسه

عدسات كارل زيس اللى نتباها بيها هى المصنوعه فى المانيا و بتكون غاليا جدا و ليس لها علاقة بالكاميرات الكومباكت
اللى بياخد تصنيع عدسات الكومباكتس شركات و مصانع فى الصين و بتبقى صفقه تجاريه عشان تحمل العلامه من اجل التباهى و الناس تقول واو كارل زيس

فى الكاميرات المحترفه ممكن مايحسش حد غير هاوى او محترف بالفرق بين عدسه ب 600 جنيه و عدسه ب 15الف جنيه
فتخيل مين اللى هيحس بفرق بين عدسه كارل زيس بلاستك لا تتعدى بضع دولارات باخرى لا تتعدى البضع دولارات!!

لو سلمت بكلامك (أنا أول مرة أعرف المعلومات دي) يبقى كدة الأفضل على الإطلاف في الكاميرات الصغيرة هية سوني لأني متأكد إنها نتصنع العدسات السايبر شوت بتاعتها بنفسها سواء العدسات الكبيرة أو الصغيرة ... وطبعا نيكون تأتي في المقام الأول لو بتصنع عدساتها الصغيرة بنفسها برضه

ويكون كده بقى الفروق الأهم هاتكون في التكنولوجيا المستخدمة في الكاميرا ككل .. زي الزوم البصري وحجم كارت الذاكرة والكلام ده ...

[medododo]

Sony

[أحمد الجندى]

أنا شاكر ليكم كلكم يا جماعة مساعدتكم وأنا حاحاول اركز على الماركات اللى نصحتونى بيها وبرضو حاجرب بنفسى واشوف مستوى الصور والفيديوهات علشان اقدر احكم ايه الافضل بالنسبة ليا

[MoMohsen]

طبعا هو كل الاعضاء قالوا كلام ممتاز و انا مش هزود كتير. هو بس شوية حاجات بسيطة بس هتفرق معاك جامد فى الاستخدام..
* قبل اى حاجة شوف صور تكون متصورة بالكاميرا اللى هتختارها و اتأكد ان النتيجة مرضيه لان للاسف فى ماركات كتير معروفه بس للاسف يتعمل موديلات فاشله و بتصلح الغلط بعدين بموديل احدث بس للاسف بعد ما تكون انت لبست
* الميجا بيكسل ولا ليها اى لازمه لان 8 ميجا بيكون رقم ممتاز جدا و فى الاغلب مش هتحتاج اكتر من كدة فى اى كاميرا ديجتال
* اتأكد من ريسوليوشن الشاشه مش حجمها بس لان دة هيوفر عليك كتير بالذات لو الصورة مش كويسه و هتصورها تانى
* شوف عدسة Wide Angel و المقصود مثلا ان العدسه هيكون مكتوب عليها رقم 25-75 مللى فالرقم كلى ما كان بدايته اقل يعنى مثلا 24- 23-22 كدة لو بتصور جروب ناس هتجبهم كلهم فى الصورة من غير ما تفضل ترجع لوراء عشان تجيب الناس كلها.
* نصيحة كمان نفض تماما للكوداك و الفوجى لان الموديلين مش على مستوى المتافسه نهائيا حتى لو امكانيتهم عاليه


اخر حاجة انا لو مكانك هختار الكانون لانها احسن الاختيارات

[BRAZILI]

انا بشتغل مصمم جرافيك من سنين
عمرى ما افكر اجيب كاميرا غير كانون
وانا معايا الكاميرا اللى انت كتبت مواصفاتها
هى حلوة قوى بالنسبة لسعرها
بصراحة من الاخر يا اما كانون او نيكون
الباقى ما انصحش بيه
و زى ما قالوا الاخوة البيكسل ما بيعتدش بيه قوى و البطاريات القلم احسن نم التانية لانها عملية اكتر و ممكن تشترى منها اللى بيتشحن و تريح بالك

و لو عايز تتأكد من كلامى ....... ببساطة روح اى ستوديو محترم و شوف هما بيستخدموا كاميرات ايه !!!!!!!!!! حتلاقيها يا كانون يا نيكون و بعدين سونى
و شكرا