المنتخب المصرى يخرج رسميا من تصفيات افريقيا المؤهلة لكأس الامم 2012 المقامة في غينيا

[ganash]

انا مش بتفرج على الكورة
وبستغرب من الارقام اللى بياخدها المدربين والجهاز الفنى
وباستغرب اكتر من المبالغ بالارقام اللا منطقيه اللى بياخدها اللاعبين
وانا آسف وانا بقول -- رزق الهبل على المجانيين -- لكن بقولها من الاستغراب والاندهاش
ونفسي الكورة تتباع للقطاع الخاص هو اللى يصرف عليها ويعرف ينميها ويرتفع بمستواها
لانها هتبقي زى مشروع هادف للربح للمستثمر ومش هيكون فيها مجاملات
وكمان فى الحالة دى هنوفر فلوس لحاجات اهم والعاب فردية تخدم عدد اكبر من شباب مصر

حضرتك دى من الامثال المحرمه فالرزاق هو الله وحده ولا أحد يملك لنفسه ولا لغيره رزقا ولا نفعا

[CryptonX]

ده عشان الاهلى الوحيد اللى معاه فلوس يشترى كل لاعب يبزغ نجمه!!

و هو اللى بيحط اللاعيبه فى التلاجه و مش نشوفهم تانى!!!!


و الموضوع ان الفلوس اللى كانت بتنزل عليهم خلاص مش زى الاول - فطبعا مافيش لعب بحميه ولا ضمير

على العموم احنا اسفين يا حسن شحاته :)

لأ الفولــ .. اقصدي الفلــوس جاية جاية متخافش :)

سيبكم من الموسم ده خالص ... للمنتخب يعني ... بس انا عايز اسال سؤال .. هو مفيش رؤوس حربة في مصر ؟

في الزمالك انا شايف الي بيجيب الاجوان خط وسط مهاجم او وينج يمين او شمال ..
في الاهلي خط الوسط بس .. او برده الاجناب ...

خلاص يا جدعان مفيش في البلد حسام حسن تاني ؟ متعب تاني ؟ لازم نستورد يعني ؟
---

عامة اول مرة ميتحرقش دمي وانا بشجع المنتخب معرفش علشان كنت متوقع النتيجة ولا حاسس انهم لايستحقوا .. ولا كاره حسن شحاتة ولا الاحداث الي في البلد مخلتش الواحد مهتم ... يلا كله خير.

بالنسبة للظباط الاحرار الي بيقولوا مش وقت كورة و مش وقت بتنجان ... ياسيدي انت شايف الموضوع عن الكورة .. اديك دخلت و ضيعت و قتك و كتبت مداخلة و شاركت في الموضوع يبقى الموضوع هامك ... !

[elbeheri]

1-اداء سيئ جدا
2- تغييرات سيئة جدا
3- لاعيبة ما عندهاش حماس

يساااااااااااااااااااااااااااوى الخروج من التصفيات
والله احسن عشان نريح دماغنا شوية

[aif]

ياسلااااااام
الحمد لله
كدة الموضوع خلص ومافيش كاس افريقيا
.....
عموما الجيل ده عمل كل ما يمكن عمله في كأس افريقيا ..... شكرا
المفروض انهم يفكرو جديا في تصفيات كأس العالم .... من دلوقتي
وبلاعبين شباب ....... هما ما اتعلمكوش حاجة من الثورة ولا ايه
انا شخصيا كنت شبه متأكد من النتيجة .... واشفتش المباراة اساسا .... كان عندي حاجات اهم باعملها
مش ملاحظيبن ان فريقي مصر والجزائر ماشيين مع بعض ..... من اخفاق الى اخفاق
بس الحمد لله احنا مش بنشيل اربعة .... ده ستر من الله لا اكثر

[abokoko]

حضرتك دى من الامثال المحرمه فالرزاق هو الله وحده ولا أحد يملك لنفسه ولا لغيره رزقا ولا نفعا

سبحن الله - {ذَلِكَ فَضْلُ اللَّهِ يُؤْتِيهِ مَن يَشَاءُ وَاللَّهُ ذُو الْفَضْلِ الْعَظِيمِ }الجمعة4 --
انا بس قصدت اوضح مدى اعتراضى على المبالغ الغير منطقية وغير مقبولة اللى كنا بنسمعها
وانى الاولى الفلوس تروح لحاجات تنموية تفيد عدد اكبر
وكمان لو نفس الفلوس اللى بيخدوها اتوزعت على الالعاب الفردية لحسنت سلالتنا المصرية اللى بحسها بتتاقزم مع السنيين
.

[besso]

بصوا انا بعدت عن الكوره بقالى حوالى سنتين فيما عدا المنتخب وكأس العالم وكأس الامم
بس انا مبصوت اننا خسرنا ده هيخلينا نبعد شويه عن الكوره اللى كانت لهيانا عن البلد
وبعدين ما احنا كسبنا كتيييييير فى الكوره بس كسبنا ايه بقى فى الحياه وخدمه البلد ؟ الاجابه طبعا لا شىء
معلش ,وبعدين لازم يجى يوم ونخسر محدش بيفضل كسبان على طول لازم هيجى يوم وتخسر

[nevozaky]

ده عشان الاهلى الوحيد اللى معاه فلوس يشترى كل لاعب يبزغ نجمه!!

و هو اللى بيحط اللاعيبه فى التلاجه و مش نشوفهم تانى!!!!


و الموضوع ان الفلوس اللى كانت بتنزل عليهم خلاص مش زى الاول - فطبعا مافيش لعب بحميه ولا ضمير

على العموم احنا اسفين يا حسن شحاته :)

حتى لو معاه فلوس يشترى اى لاعب يبزغ نجمه على حد كلام حضرتك لو الغرض يقوى فرقته مش عيب ولا حرام
النقطة التانية موافقاك فيها بعض الشىْ ان احيانا الاهلى بيشترى لاعبين كتير فى نفس المكان والموقع فى الملعب وبالتالى مش كلهم هيلعبوا
اما بالنسبة لمسالة الفلوس اللى كانوا بياخدوها مش زى الاول .هيه اكيد مش زى الاول .بس انا مش معاك انهم مستواهم وحش علشان الفلوس .لاْ هما اصلا مستواهم بقى وحش .
وانا ما زلت عند رايى لو الاهلى ولاعبيه فى مستوى كويس هتلاقى المنتخب ليه شكل تانى خالص .لان تقريبا كان زمان اكتر من نص المنتخب لاعبى النادى الاهلى .
على فكرة والله انا باتكلم بعيد عن اى تعصب لان حضرتك اعتقد انك زملكاوى .بس انا باتكلم بصفة عامة على المنتخب ككل .لا اهلى ولا زمالك
وقلت بردو بعيد عن السياسة .علشان الناس ما تقولش ده وقت كلام عن الكورة .
انا مجرد وجهة نظرى فى حدث حصل وهو خروج المنتخب
واخيرا تقبل تحياتى رغم اختلافنا فى الاراء حتى لو فى الكورة

[calipha3]

لماذا هزمت مصر في التصفيات من وجهات نظر مختلفه؟
الفلول: كله تخليص لذنب مبارك الي خلعتوه, احنا اسفين يا ريس عشان تعرفوا قيمته و جبلنا الكاس كيم مره
السلفيين: ده نتيجه عدم تحكيم الشريعه و تطبيق حدود الله يا جماعه الاسلام هو الحل
الليبرالين: ده سبب عدم تطبيق الشفافيه و الديمقراطيه في الملعب لازم معايير علميه للاختيار
اليسارين: ده نتيجه غياب التعاون بين قوي الشعب الاعب قي الملعب و التفاوت الطبقي في الاجور

[abogogo]

الحسنة الوحيده فى مباراة مصر وجنوب افريقيا
أن شيكابالا اتقابل مع أخيه تشبالالا بعد فراق دام 25 سنه بسبب فيضان جنوب أفريقيا والذى جرف شيكابالا الى مصر

[heshamzaky]

حسن شحاتة يستقيل .
............ منقول ...........

تقدم حسن شحاتة، المدير الفنى للمنتخب الوطنى وجهازه المعاون، باستقالاتهم رسمياً بعد خروج الفريق من التصفيات المؤهلة لأمم أفريقيا 2012 بغينيا الإستوائية والجابون عقب التعادل السلبى مع جنوب أفريقيا مساء أمس الأحد.

عقد سمير زاهر، رئيس اتحاد الكرة، جلسة خاصة مع حسن شحاتة ظهر اليوم، الاثنين، تناولا فيها الموقف بعد الخروج الأفريقى، وانتهت على الاتفاق على استقالة الجهاز الفنى بالكامل مع تنازله عن الشرط الجزائى، حيث الانفصال جاء بالتراضى بين الطرفين.

[ecybrarian]

دا مش منقول..دا تقريبا مقتبس:
===

حسن شحاتة بعد الماتش كلم الريس في شرم وقال له: شفت ساعدتك عكننت على ابوهم ازاي


أوباما | على حسن شحاتة أن يتنحى ... و سندعم المنتخب في الفترة الانتقالية

هيلارى | نطالب منتخب مصر بضبط النفس

الاخوان | احنا مش باصين على مقعد المدير الفنى

نريد الشيخ جمعة مشهور واحمد زغلول وحمادة السيد في التشكيل القادم

الليبرالين : سندعم المواطنة ومن حق القبطى والمرأة تدريب المنتخب

المتظاهرين | الشعب يريد إسقاط الجهاز

ميدان مصطفى محمود | احنا اسفين يا معلم


عااااااااجل | حســـــــن شحـــــــــاتة : أريــــــد تــــــرك المنتخـــــب و لكــــن أخشـــــى من الفــــوضــــى..


حسن شحاته طير انت


ااااااعاجل : الرئيس مبارك يستقبل المنتخب المصري بشرم الشيخ


حسن شحاتة | الخسارة دي مش ذنب حد فينا .... ده ذنب كل لاعب فضل ماسك في الكورة و مش راضي يباصيها :d :d


اﻟﺤﺴﻨﺔ ﺍﻟﻮﺣﻴﺪﺓ ﻓﻲ مبارة امبارح ﺍﻥ ﺷﻴﻜﺎﺑﺎﻻ ﺗﻘﺎﺑﻞ ﻣﻊ ﺃﺧوه ﺗﺸﺒﺎﻻﻻ ﺑﻌﺪ ﻓﺮﺍﻕ 25 ﺳﻨﺔ ﺑﺴﺒﺐ ﻓﻴﻀﺎﻥ ﺟﻨﻮﺏ ﺃﻓﺮﻳﻘﻴﺎ اللى ﺟﺮﻑ ﺷﻴﻜﺎﺑﺎﻻ ﺍﻟﻲ ﻣﺼﺮ


حسن شحاتة : لم نشأ أن نهزم جنوب أفريقيا حتى لا نؤثر على عملية استرداد أموال مبارك منها


شحاته فى اتصال تليفونى مع مبارك .. اى خدمه يا ريس نكدت على الشعب كله زى ما نكدوا عليك


مشهدا 1 : قناة الجزيرة الرياضية
اعزائى المشاهدين والان نذيع عليكم بيان عاجل من القاهرة
شوقى غريب :
ايها الاخوة المشجعون: فى هذه الظروف "الفشيخة" قرر المعلم حسن شحاتة تخليه عن ادارة شثون المنتخب وتسليمه لذوى الاحتياجات الخاصة والله الموفق والمستعان


أوباما | على حسن شحاتة أن يتنحى ... و سندعم المنتخب في الفترة الانتقالية


رصد | عاجل| مؤكد : عاهل السعودية يعرض استضافة حسن شحاتة


وزى ما قال "الزفت" الريس منتخب مصر اتكيس

المجلس العسكري يعلن إدارته لمنتخب مصر لفترة إنتقالية