لا تفاوض مع السلفيين .. !!

[m3_dolphen]

مبدئيا انا عاوز اقول لحضرتك انى مابهجمكش فى حاجة خالص و ان مشاركتى للتوضيح و ليس للتغليط بالنسبة لحضرتك و المنتدى
ثانيا بخصوص ان حضرتك عاوز تكذيب من الكنيسة على الخبر فامش من المعقول ان اى حد يقول اى حاجة تطلب من الكنيسة تأكيده او تكذيبه
ثالثا حضرتك عاوز تأخد كلام من الكنيسة رسمى عندك الوسائل الرسمية مش عارف انا ليه بندور على الفرعى و سايبين الاصلى عند حضرتك قناه اغابى و قناه سى تى فى و موقع الكنيسة على النت ده لو حضرتك عاوز كلام سليم مية فى مية بخصوص المواقع التانية سواء مسيحية او مسلمة فهى كتيره جدا و لا تعبر و لا على كنيسة و لا على الاسلام
رابعا بخصوص سفر البابا شنوده و التفاوض مع رموز الكنيسة الصراحة انا مش فاهم قصد حضرتك ارجو التوضيح اما بخصوص ان كل حاجة حضرتك عاوز عليها تكذيب فالكلام مش منطقى
على فكرة انا متأكد ان البابا فى رحلة علاجية يعنى مفيش مجال لجمله ( على حد قولك ) حضرتك بس اللى مش متابع و احب ااكدلك ان مفيش حد مانع البابا من الكلام بس هل منطقى ان واحد رايح يتعالج هيدلى بتصريحات
اخيرا حضرتك عاوز تفاوض مع السلفيين على اساس ايه بالضبط انا مش فاهم التفاوض ده معناه ان انا ليا حق و بتفاوض معاك علشان اخده طيب دلوقتى مش فى قانون فى البلد و يطبق علينا كلنا و لا لأ طب ليه لازمه التفاوض اساسا حتى اذا افترضنا ان فيه تفاوض يبقى المفروض ان التفاوض يكون مع مؤسسات الدوله او مع الازهر ايه بقى اللى دخل السلفيين فى موضوع
انا اعتراضى كله اننا قبل ما ننقل الموضوع نشوف او الموضوع ده هيفرقنا فبلاش منه خالص خصوصا اذا كان غير مؤكد اساسا اما اذا كان هيجمعنا كلنا كمصريين فاهلا و سهلا بالموضوع

اولا اشكر حضرتك على طريقة الكلام العقلانية السمحة وللأسف كثير من من الأعضاء يفتقدوا ذلك .

فكرة الموضوع بما انى سلفى من وجهة نظرى انا كالآتى :

لو الموضوع خطأ ومجرد كلام جرايد يبقى خلاص مفيش مشكلة واستفدنا ان كاتب المقال والجردية لهم اغراض معينة وبالبلدى كده ( اتعلم عليهم )

طيب لو الكلام فعلا صح وبنفس المذكور بالحرف فى الجريدة ( لانه ممكن يكون صح بس فى تحويرات فى الكلام )
تبقى المشكلة ان الكلام ممكن يتفهم على انه مقاطعة مثلا مع السلفيين او عدم وضع اعتبار ليهم ...
طيب هضرتك هتسال هو ايه نوع التفاوض اللى بين الكنيسة مثلا والسلفيين ؟

اقولك المقصود لما يكون فيه مشكلة فى منطقة معينة مثلا والأطراف مسيحيين ومسلمين سلفيين ( ملتحيين يعنى ) والطرفين غلطانين الصح ان يقعد مثلا كام قس من الكنيسة القريبة من المنطقة اللى فيها المشكلة وكام شيخ من المسجد القريب ويحلوا الموضوع ودى ومن له حق ياخذه وخلاص القصة خلصت

طيب لو الكلام اللى فى الخبر صحيح ممكن يتفهم معناه مثلا ان لما يحصل مشكلة زى كده ممنوع ان اى قس يتفاوض مع اى شيخ من شيوخ السلفيين .. فهمت قصدى

[mina_ramsis]

اولا اشكر حضرتك على طريقة الكلام العقلانية السمحة وللأسف كثير من من الأعضاء يفتقدوا ذلك .

فكرة الموضوع بما انى سلفى من وجهة نظرى انا كالآتى :

لو الموضوع خطأ ومجرد كلام جرايد يبقى خلاص مفيش مشكلة واستفدنا ان كاتب المقال والجردية لهم اغراض معينة وبالبلدى كده ( اتعلم عليهم )

طيب لو الكلام فعلا صح وبنفس المذكور بالحرف فى الجريدة ( لانه ممكن يكون صح بس فى تحويرات فى الكلام )
تبقى المشكلة ان الكلام ممكن يتفهم على انه مقاطعة مثلا مع السلفيين او عدم وضع اعتبار ليهم ...
طيب هضرتك هتسال هو ايه نوع التفاوض اللى بين الكنيسة مثلا والسلفيين ؟

اقولك المقصود لما يكون فيه مشكلة فى منطقة معينة مثلا والأطراف مسيحيين ومسلمين سلفيين ( ملتحيين يعنى ) والطرفين غلطانين الصح ان يقعد مثلا كام قس من الكنيسة القريبة من المنطقة اللى فيها المشكلة وكام شيخ من المسجد القريب ويحلوا الموضوع ودى ومن له حق ياخذه وخلاص القصة خلصت

طيب لو الكلام اللى فى الخبر صحيح ممكن يتفهم معناه مثلا ان لما يحصل مشكلة زى كده ممنوع ان اى قس يتفاوض مع اى شيخ من شيوخ السلفيين .. فهمت قصدى

اولا انا اللى شاكر على زوقك
ثانيا احب ااكدلك ان الكلام ده غير صحيح او تم تحويره بدرجة كبيرة جدا و على فكرة ديه مش اول سابقة لجريده الوفد فى الموضوع ده و على فكرة فى بلاغ عند النائب العام ضدهم لاثارة الفتن بخصوص موضوع عملوه على موقع الجريده على النت من فترة
ثالثا بخصوص تفاوض الكنيسة مع شيوخ السلفية بالطريقة اللى خضرتك بتقول عليها معتقدش حد يكون زعلان منها بس بشرط كل واحد يأخد حقه الاول بالقانون و صاحب الحق يأخده و الغلطان يتعاقب ايأ كان مسيحى او مسلم لان فكرة الجلسات العرفية و عدم تطبيق القانون على الجميع هى سبب كل المشاكل اللى احنا فيها
اختلافى انا شخصيا مع شخصيات تنتمى للسلفية و ليها تصريحات تحرق الدم بجد مش مع الفكر السلفى نفسه

[m3_dolphen]

اولا انا اللى شاكر على زوقك
ثانيا احب ااكدلك ان الكلام ده غير صحيح او تم تحويره بدرجة كبيرة جدا و على فكرة ديه مش اول سابقة لجريده الوفد فى الموضوع ده و على فكرة فى بلاغ عند النائب العام ضدهم لاثارة الفتن بخصوص موضوع عملوه على موقع الجريده على النت من فترة
ثالثا بخصوص تفاوض الكنيسة مع شيوخ السلفية بالطريقة اللى خضرتك بتقول عليها معتقدش حد يكون زعلان منها بس بشرط كل واحد يأخد حقه الاول بالقانون و صاحب الحق يأخده و الغلطان يتعاقب ايأ كان مسيحى او مسلم لان فكرة الجلسات العرفية و عدم تطبيق القانون على الجميع هى سبب كل المشاكل اللى احنا فيها
اختلافى انا شخصيا مع شخصيات تنتمى للسلفية و ليها تصريحات تحرق الدم بجد مش مع الفكر السلفى نفسه

تمام كده مفيش مشكلة وأنا كواحد من منتهجى المنهج السلفى أقول أن هذه التصريحات المستفزة كالدعوة بحرق الكنائس وغيرها لا تمت الى المنهج السلفى بصلة وبخلاف ما تعلمناه والله على ماأقول شهيد

[zalpany2000]

وهو المطلوب اثباته .. ولا تعليق .... حضرتكم شوفتوا قد ايه وقت ومناقشات و طاقة استنفذت و تفكير وحرقة اعصاب ودم وترقب .... علشان خبر اتنشر ... مش مؤكد .. ومصاغ بشكل غلط ... علشان يلعب علي كل الاوتار ... وهاتفهموا الغرض من رسالتي الاولي ايه !!!

هو ده المقصود ... والمصيبة ان الكل عارف انه مقصود وبينسي وبيعمل زي المسرحية ..."أشده ويلسعني ....طيب بتشده ليه ... علشان يلسعني"
اه ... حلوة الموضوعية ... بس حلو كمان اختيار الموضوعات اللي تستحق العناء بتاع النقاش والموضوعية ... والبعد عن منابع الفتن ... انا غير معترض علي حرية الرأي والتعبير ... ومش باغلط اي حد اتناقش في الموضوع ... انا بس شايف من زاوية مختلفة حبيت اعبر عنها ... تحياتي للجميع