إعـــــــلان

Collapse

.

,
See more
See less

عاوز أجرب العدسات اللاصقة

Collapse
X
 
  • Filter
  • الوقت
  • Show
Clear All
new posts

  • عاوز أجرب العدسات اللاصقة

    السلام عليكم،

    أنا زهقت من النضارة و كنت بفكر أعمل ليزك بس قلت بلاش منها دلوقت لغاية لما أسأل عنها وأفكر كويس

    وعقبال لما أخد قرار نهائي فكرت ان أنا أجرب العدسات اللاصقة أهو على الأقل أعرف ألبس نضارة شمس عدلة

    فكنت عاوز أسأل هل الأحسن ان أنا أروح لعيادة خاصة ولا مركز كبير زي المغربي؟

    والكشف تقريبا هيكلف كام هو والعدسات والمحلول؟

    أنا سمعت ان في عدسات دلوقت ممكن تلبسها علطول بس مش عارف الأنواع دي موجودة في مصر ولا لأ؟

    وعاوز أسأل برضو أنا عندي استجماتيزم خفيف كده -1 تقريبا في العينين فهل هتنفع العدسات عادي ولا لأ؟

    ياريت ياخونا تحكولنا تجاربكم

  • #2
    بأذن الله حد ثقه يرد عليك

    نفس المشكله

    والأمنيات :)
    :36_9_4:

    Comment


    • #3
      شوف العدسات مبتصلحش الأستجماتيزم بيطنشوه

      بس سمعت ان فى انواع نزلت للموضوع ده لكن ما شفتهاش

      انا بشترى من عند دكتور بيبقى فاتح مركز عدسات معرفش اصلا ان مغربى بيبيع

      اكتر نوع عجبنى كوبر لأن عينى حساسة وانواع كتير جبتها ورميتها بس ممكن تبقى معاك كويسة الفلوس من اول 60 لحد 400 ج

      انصحك تجيب اللى بتقعد 3 شهور او 6 شهور بس الأول جربها وشوف هترتاح فى استعمالها ولا ل أ لن جو مصر بترابها وحش جدا عالعدسات لو عجبتك اشترى السنوية ممكن تبدأ من 200

      المفروض ان بوش اند لومب حلو برضه لكن سوفى لنس ده معجبنيش



      المحلول حوالى 40 ج


      احسن نوع عجبنى اوبتى فرى بلس


      اهم حاجة تحافظ على نظافتها لأن دى بتحطها فى عينك ايدك تكون مغسولة وتحتك فوطة عشان متوقعهاش عالأرض
      متكونش مربى ضوافرك لأن ممكن تقطعها

      وتحطها فى المحلول عدد الساعات المطلوب عشان تتعقم وياريت تجيب الملقط البلاستيك ده تمسكها بيه

      منصحكش باللى بتتلبس علطول دى لازم العين تتنفس وكل ما العدسة نفاذيتها للأكسجين تكون اعلى كل ما تكون احسن


      كمان متجيبش اكيوفيو اللى بتتلبس يوم واحد وتترمى دى سيئة


      لو عندك رمد ربيعى او جفاف فى العين مش هينفع اصلا


      الكشف مفروض بيشيله من تمن العدسة

      Comment


      • #4
        انا لسه مجربه جديد من 3 اسابيع بس
        هى مغلبانى فى الشيل والحط لانى بخاف اول لما امد صبعى على عينى او اى حد يقرب صبعه من عينى حتى الدكتور دوخته وهو بيجربهالى واول اسبوع كنت بخلى اختى تشلهالى وتلبسهالى لغاية لما تخنقت منى وقالتلى اتصرف انت ياما بطل تلبسها
        فبقيت اعتمد على نفسى فيها والمشكله انى بحاول فيها كذه مره علشان البسها لانها بتتعلق على رموشى وبتقع منى كتير فالمحلول اللى بحطه عليها قبل اللبس بيقع فبتبقى نشفه وده يمكن تاعبنى شويه وبيحمر عينى
        انا معايا نوع اسمه
        zeiss
        contact
        day 30 spheric
        هو المانى بس ده اللى مكتوب على العلبه مش عارف بقى انهى اسم بتاعها
        الطقم 6 قطع زائد محلول ب 180 جنيه
        الدكتورقالى حتعيش معاك انت وشطارتك لغاية لما تتقطع
        نصيحتى ليك لما تجيبها انك تصبر عليها لان انا كنت خلاص حازهق منها وارميها لولا انى صعب عليا الفلوس تترمى على الارض فى الاول حتبقى صعب تتعود عليها بس بعد كده الامور حتمشى

        وعلى فكره لو امكانياتك تسمح بعملية الليزك اعملها مفيش مشاكل
        انا اختى عملتها من 3 سنين والحمد لله زى الفل وانا نفسى اعملها ان شاء الله
        [sor2]http://img266.imageshack.us/img266/2162/f04g.jpg[/sor2]

        Comment


        • #5
          مفيش حاجة اسمها لغاية ما تتقطع ده خطر جدا هى كيس ساندوتش : ) هى لها مدة معينة وعادة بتبوظ قبلها

          Comment


          • #6
            انا بقالي سنة بستخدمها ،بجيبها من عند دكتور في الدقي هو اللي بيكشف وبيجيبها ب180 جنيه 3 عدسات كل واحدة بتقعد شهر ونص نوعها frequency انجليزي


            في الاول هتتعبك شوية لكن بعد كدة هتتعود عليها
            اهم حاجة تنضفها كويس بالذات من الشعيرات الصغيرة اللي بتلزق عليها من الجو وتحطها في محلول نضيف ولو لبستها ولقيتها بتوجعك وجع بسيط متنفضش اخلعها واغسلها تاني بالمحلول والبسها
            يا ريت لو حد جرب انواع كويسة يقول

            Comment


            • #7
              المشاركة الأصلية كتبت بواسطة azmeralda مشاهدة المشاركة
              مفيش حاجة اسمها لغاية ما تتقطع ده خطر جدا هى كيس ساندوتش : ) هى لها مدة معينة وعادة بتبوظ قبلها
              +1 صح ده كدة خطر جداً وبتجرح في العين هي ليها مدة وبتترمي
              انا مررة مكنتش فاضي انزل اجيب تاني فضلت لابسها 15 يوم زيادة اتقطعت وانا في مشوار وكانت بتجرح في عيني لحد ما روحت وخلعتها

              Comment


              • #8
                انا مرة اتقطعت فى عينى برضه بس كانت جديدة وحسيت ان دبوس فى عينى اتشقت نصين كل نص لوحده والدكتور بقى قعد يقول اسباب عبيطة قال ايه كنتى بتسحبيها من العلبة بصباعك فبتتجرح ما كله بيتعمل فى كده

                Comment


                • #9
                  المشاركة الأصلية كتبت بواسطة azmeralda مشاهدة المشاركة
                  مفيش حاجة اسمها لغاية ما تتقطع ده خطر جدا هى كيس ساندوتش : ) هى لها مدة معينة وعادة بتبوظ قبلها
                  طيب مدتها كام على كده
                  ومش عارف ايه العلاقه بينها وبين كيس الساندويتش
                  [sor2]http://img266.imageshack.us/img266/2162/f04g.jpg[/sor2]

                  Comment


                  • #10
                    المشاركة الأصلية كتبت بواسطة moustafa_saad مشاهدة المشاركة
                    طيب مدتها كام على كده
                    ومش عارف ايه العلاقه بينها وبين كيس الساندويتش
                    المدة على حسب النوع والموديل يعني في بيعد يوم وفي بيعد سنة
                    اللي حضرتك جايبها في حدود 180 يبقى غالباً مدتها شهر ونص ممكن يزيدو اسبوع بس مش اكتر من كدة دي عينك لازم تحافظ عليها

                    Comment


                    • #11
                      المشاركة الأصلية كتبت بواسطة ralliart مشاهدة المشاركة
                      المدة على حسب النوع والموديل يعني في بيعد يوم وفي بيعد سنة
                      اللي حضرتك جايبها في حدود 180 يبقى غالباً مدتها شهر ونص ممكن يزيدو اسبوع بس مش اكتر من كدة دي عينك لازم تحافظ عليها
                      وضحت تمام
                      بس ياريت صاحبة المشاركه تعرفنى ايه العلاقه بين العدسات وكيس الساندويتش لان ردها استفزنى بصراحه
                      [sor2]http://img266.imageshack.us/img266/2162/f04g.jpg[/sor2]

                      Comment


                      • #12
                        المشاركة الأصلية كتبت بواسطة azmeralda مشاهدة المشاركة
                        شوف العدسات مبتصلحش الأستجماتيزم بيطنشوه

                        بس سمعت ان فى انواع نزلت للموضوع ده لكن ما شفتهاش
                        أنا قريت ان لو عندك استجماتيزم لغاية -1 ممكن تلبس عدسات عادية ، انما أكتر من كده في حاجة اسمها عدسات توريك بس مش عارف بقى موجودة في مصر ولا لأ

                        المشاركة الأصلية كتبت بواسطة azmeralda مشاهدة المشاركة
                        اكتر نوع عجبنى كوبر لأن عينى حساسة وانواع كتير جبتها ورميتها بس ممكن تبقى معاك كويسة الفلوس من اول 60 لحد 400 ج

                        انصحك تجيب اللى بتقعد 3 شهور او 6 شهور بس الأول جربها وشوف هترتاح فى استعمالها ولا ل أ لن جو مصر بترابها وحش جدا عالعدسات لو عجبتك اشترى السنوية ممكن تبدأ من 200

                        المفروض ان بوش اند لومب حلو برضه لكن سوفى لنس ده معجبنيش
                        هو أنا اللي أعرفه ان بره مفيش غير عدسات شهرية أو أسبوعية أو يومية ، انما مفيش أكتر من كده عشان متعملش حساسية للعين فأنا عاوز حاجة تكون شهر بالكتير قوي وأرميها

                        المشاركة الأصلية كتبت بواسطة azmeralda مشاهدة المشاركة
                        وتحطها فى المحلول عدد الساعات المطلوب عشان تتعقم وياريت تجيب الملقط البلاستيك ده تمسكها بيه
                        طيب المحاليل والملقط ده أجيبهم منين؟ من عند الدكتور ولا من الصيدلية؟


                        المشاركة الأصلية كتبت بواسطة azmeralda مشاهدة المشاركة
                        منصحكش باللى بتتلبس علطول دى لازم العين تتنفس وكل ما العدسة نفاذيتها للأكسجين تكون اعلى كل ما تكون احسن
                        ما هو ده اللي أنا بسأل عنه :) في أنواع دلوقت النفاذية بتاعة الأكسجين بتاعها 98% بس مش عارف برضو موجودة في مصر ولا لأ

                        أنا حاسس ان هم بيجيبو لنا أسوأ حاجة في مصر

                        Comment


                        • #13
                          المشاركة الأصلية كتبت بواسطة moustafa_saad مشاهدة المشاركة
                          انا لسه مجربه جديد من 3 اسابيع بس
                          هى مغلبانى فى الشيل والحط لانى بخاف اول لما امد صبعى على عينى او اى حد يقرب صبعه من عينى حتى الدكتور دوخته وهو بيجربهالى واول اسبوع كنت بخلى اختى تشلهالى وتلبسهالى لغاية لما تخنقت منى وقالتلى اتصرف انت ياما بطل تلبسها
                          فبقيت اعتمد على نفسى فيها والمشكله انى بحاول فيها كذه مره علشان البسها لانها بتتعلق على رموشى وبتقع منى كتير فالمحلول اللى بحطه عليها قبل اللبس بيقع فبتبقى نشفه وده يمكن تاعبنى شويه وبيحمر عينى
                          انا معايا نوع اسمه
                          zeiss
                          contact
                          day 30 spheric
                          هو المانى بس ده اللى مكتوب على العلبه مش عارف بقى انهى اسم بتاعها
                          الطقم 6 قطع زائد محلول ب 180 جنيه
                          الدكتورقالى حتعيش معاك انت وشطارتك لغاية لما تتقطع
                          نصيحتى ليك لما تجيبها انك تصبر عليها لان انا كنت خلاص حازهق منها وارميها لولا انى صعب عليا الفلوس تترمى على الارض فى الاول حتبقى صعب تتعود عليها بس بعد كده الامور حتمشى

                          وعلى فكره لو امكانياتك تسمح بعملية الليزك اعملها مفيش مشاكل
                          انا اختى عملتها من 3 سنين والحمد لله زى الفل وانا نفسى اعملها ان شاء الله
                          أنا اتفرجت على فيديوهات في يوتيوب ازاي تحط العدسات وتشيلها

                          ربنا يستر أنا مقلق منها

                          Comment


                          • #14
                            انا كنت بستعمل نوع اسمه بوش اند لامب
                            3 أجواز كل جوز 3 شهور كانوا ب 250
                            انا فاكر أول مره عشان اقلع العدسات فضلت سهران احد 5 الفجر مش عارف اقلعها
                            لكن بعد كده بتيجى بالتعود
                            المشكله ان عدسات + شمس + عرق + لو فيه تراب ...حتكره عشتك
                            بس غير كده مريحه جدا
                            [CENTER][sor2]http://www.nileup.com//uploads/images/domain-3b53dfcaa4.jpg[/sor2][/CENTER]

                            Comment


                            • #15
                              المشاركة الأصلية كتبت بواسطة Ralliart مشاهدة المشاركة

                              يا ريت لو حد جرب انواع كويسة يقول
                              أنا دورت في السايتات برة ولقيت ان أفضل أنواع بتسمح بـ 98% أكسجين و ممكن حتى تنام بيها لو عاوز (بس هم مش بينصحوا بكده)

                              bausch & lomb purevision
                              Acuvue Oasys
                              Acuvue Advance
                              Acuvue TruEye
                              Coopervision Biofinity
                              Air Optix Aqua
                              Air Optix Night & Day
                              Focus Day & Night

                              الأنواع دي هي اللي ممكن تلبسها علطول من غير مشاكل وبسأل عنها لو موجودة في مصر ولا لأ

                              Comment

                              Working...
                              X