سوق السلاح ..سلاح ابيض.خنجر.مطواة.دة لمين؟شارك برايك

[al_manara]

السلام عليكم
الزملاء والاعضاء الاحباء

انا ملاحظ في الفترة دي ( مابعد الثورة ) في المنتدي انتشرت حكاية بيع الاسلحة البيضاء وما يشابهها واكيد هانلاقي اعلانات اخري في مواقع اخري دة غير المعروض في الشارع .





طيب لية ؟
هو المفروض ان الواحد مننا يمسك مطواة ؟ طيب نمسكها لمين ؟ واحنا بنتعامل مع مين ؟
ولو بنجيبها عشان البلطجية ( كما يقال ) يبقي انا كمان اتحولت بلطجي ؟
طيب تعالوا نتخيل
انا دكتور او مهندس او محامي او محاسب .....
وشايل سلاح .
طبعا ردود كتيرة هاتقول . بحمي نفسي واهلي وبيتي وعربيتي وفلوسي واصحابي و........

طيب هو الحماية بشيل السلاح ؟
طيب لو كلنا عملنا كدة . مين هيبقي محترم في مصر ؟ ياتري مصر هاتبقي عاملة ازاي واهلها ماشيين كل واحد معاة سلاح ولو حد فتح بقة معاة هانلاقي مجزرة

هو المفروض دلوقتي نشغل نفسنا ببناء البلد ولا هدمها ؟
هو المفروض دلوقتي يبقي لنا رؤية واهداف للمستقبل ولا لا ؟

اللهم احفظ وطننا. واحفظ اهلنا.واحفظ امولانا

[تامر.محمد]

للأسف الظروف هي اللي بتضطر الناس لكده
و لو تلاحظ اغلب الناس الكويسين لما بيشيلوا بيحاولوا يشيلوا سلاح غير قاتل
اشهرها الصاعق الشخصي مثلا
ده غير ان السلاح الابيض الواحد فينا ولا هايحب ولا هايعرف يستخدمه

ثم بصراحة
لو الاحترام ان الواحد يمشي اعزل في ظروف زي دي
و يتحط في موقف يبقى فيه اهله في خطر , مش هاقول لك ماله , يبقى انا عن نفسي مش عايز ابقى محترم