مساعده يا اخواني في تذاكر سفر الي امريكا

[gemy215]

Quote]

gemy215 هو انت معاك فيزا ؟ ولو معاك يريت تقولى ايه نظامها في استخراجها
لان بفكر اسافر ادرس في امريكا بس كلهم خوفوني وقالوا السفارة في المقابلة بترفض كل الطلاب او معظمهم
يريت شوية تفاصيل وشكرا

شوف يا باشا انا لحد دلوقتي لسه موصلتليش الدعوه من الجامعه الي انا رايحها بس الجامعه رخمه شويه وكل يومين تطلب حاجات ملهاش اي لزمه والمسئوله عن الحاجات دي كان عندها اسبوع اجازه و مش عارف ايه فا اتأخرو في الرد عليا ووعدوني انهم هيكلمو السفاره هنا علشان تسهل الاجرات علشان ماخدتش وقت طويل في السفاره وكدا. بالنسبه للفيزا فا دي مفيش فيها اي مشكله بالذات انك طالع دراسه كل الي عليك انك تراسل الجامعه الي عايز تروحها وتعرف بالظبط انتا عايز تدرس ايه ولو انتا فعلا الي درسته هنا في مصر يعادل المتطالبات الي عايزنها هيبعتلوك الدعوه والسفاره مش محتاجه غير انك تكون معاك فلوس تغطي الفتره الي هتقعدها هناك علشان يضمنو انك مش هتشتغل هناك شغل غير رسمي او انك هتبقا عاله علي المجتمع هناك واي حاجه تثبت انك هترجع بلدك بعد ما تخلص درستك هناك وانك مش ناوي تكسر الفيزا بس دا كل المطلوب واظن الي طالع دراسه اكيد هيبقا عنده قدره علي دفع المصاريف بتاعته واكيد عنده هدف رايح يعمله ويرجع تاني فا هيقدر يثبت انه هيرجع البلد بعد ما يخلص فترت الدراسه غير كدا بقا لو عايز تقعد هناك لسبب غير الدراسه فا ليه شروط وخطوات تانيه لازم تعملها
والفيزا من رأيي زيها زي اي فيزا تانيه والناس هيا الي بتهول بس الموضوع مش اكتر فا لو انتا فعلا في نيتك انك تسافر توكل علي الله ودور علي جامعه مناسبه ليك ومتخليش كلام الناس يحبطك وربنا يسهلهالك ان شاء الله
وعلي فكره كمان المقابله بتاعت السفاره عاديه جدا بيسئلك اسئله عاديه زي سافرت امريكا قبل كدا ولا لأ سافرت اوروبا ولا لا ليك علاقه بجماعات سياسيه او ارهابيه او مش عارف ايه ليك نشاط سياسي هتعمل ايه لما تسافر ليك صحاب او معارف ولا لأ بتدرس ايه بتعمل ايه مش عارف ايه كلام كله عام ومفيش فيه اي حاجه دا عن تجربه في سفارات اوروبا ولما سألت قالولي انو الانترفيو بتاع امريكا نفس بتاع اوروبا مبيختلفش في حاجه بس
يارب اكون قدرت اساعدك شويه

[Medo007]

متشكر جدا ياباشا انا استفدت جدا من ردك ليا وربنا يجعله في ميزان حسناتك ان شاء الله
وانا هقدم ان شاء الله وهراسل الاكاديمية اللى هروحها وهبعتوا لى الورق شكرا جدا ليك

[opelawy]

شكرا لحضراتكم كلكم ولمساعدتكم دايما كدا مبتبخلوش علي اي حد محتاج حاجه والله ربنا يكرمكم كلكم
انا كنت لقيت سعر ممتاز للرحله عن طريق مكتب american airways tي في القاهره كان سعر التذكرا رايح راجع ل نيويورك 2890 بس للاسف الرحله اتأجلت شويه بسبب انو مستني الانفتيشن من الجامعه الي انا رايحها هناك بس ان شاء الله علي يوم الاحد الجي ولا حاجه تكون وصلت واروح احجز ويارب الاقي نفس السعر لانو في باقي الاماكن كانت الاسعار خزعبليه وصلت ل 12000 جنيه اخر هبل والله

اعتقد ان 2890 جنيه رايح جاي نيويورك صعبة شوية

انا جاجز من شهرين فاتو عشان ان شاء االه رايح كمان اسبوع التذكرة و صلت 6100 مع 2 انتظار في امستردام و نيويورك الي ميامي
علي اكسيبديا

صحيح في ارخص منو شوية بتاع 50 و لا 100 دولار بس هوا اضمنهم و افضلهم خدمة عملاء ( عن تجربة شخصية )

بالتوفيق ان شاء االه