إعـــــــلان

Collapse

.

,
See more
See less

تطبيق الماده 86 و86 مكرر بقانون العقوبات الخاصه بمكافحة الأرهاب على الأضراب العمالي

Collapse
X
 
  • Filter
  • الوقت
  • Show
Clear All
new posts

  • #31
    في اوروبا والدول والمتقدمه لما عمال ولا موظفين يحبو يعملو اعتصام ولا مظاهره نص الناس بتشتغل والنص التاني بيعمل المظاهره او الاعتصام عشان ناس بتفهم وعارفه انهم اول ناس هيتضررو من توقف الأنتاج

    لكن هنا اللي عايز حاجه يبقي لازم يضر غيره
    مفيش دكاتره ولا في مستشفات الا لما تظبطو الدكاتره
    مفيش طرق خالص الا لما تظبطو السواقين
    مفيش طيران الا لما تظبطو المضيفين

    دي اسمها بلطجه وليست حقوق مشروعه

    البلد عماله تقع يوم ورا يوم وكل واحد مش بيفكر غير في نفسه

    يعني لو الوزير طلع قال خلاص ياجماعه كل الناس مرتبات وهميه - الفلوس دي بقي هتيجي منين في الظروف الطين اللي احنا فيها دي؟ ولا شرف ووزارته لقو الوزه اللي بتبيض دهب ولا بيحولو التراب دهب واحنا مش عارفين؟

    اللي عايز يحسن من حاله يبقي يشتغل ويبين انه راجل يستاهل ويبقي قلبه علي البلد

    والطرق ومصالح الناس ملهاش دعوه بمطالب فرديه

    انا مره واحده اتعرضت لتعطيل عي شغلي بسبب عمال مصنع خاص كمان وكان هاين عليا ادوس عليهم عشان شغل البلطجه وكل ماعربيه تعدي يبقو هيولعو فيها بعنيهم قبل ايديهم

    Comment


    • #32
      فيه فرق بين اضراب واعتصام ده اسلوب طبيعى فى ابداء الاعتراض انما قطع طرق وبلطجه ده شىء غلط
      وبعدين متطلبش من شعب نصه تحت خط الفقر و 40% منه عنده اميه وعايزهم يعملوا زى الدول الاوروبيه اللى عندهم ديمقراطيه من 200 سنه على الأقل
      sd

      Comment


      • #33
        الناس اللى موافقة على الاضرابات وقطع الطرق والبلطجة دي علشان ظروفهم مش عارف ايه , خلاص احنا كمان موافقين بس احنا كمان متضررين من قطع الطرق والبلطجة دي

        احنا كمان حننزل ندافع عن اكل عشنا ونفتح الطرق بالعافية واظن دا كمان حقنا طبقا لوجهه نظركم اللي مبررها الظروف المعيشية

        واي واحد عايز يروح شغله او يقضي حاجة ويلاقي ادامه حد قاطع الطريق يدوس عليه وكدا حق شرعي ليه طالما حتمشي بملعش وظروفهم وتعبانيين

        Comment


        • #34
          اولا القانون غلط بس يطبق عليهم قانون يجرم اللى بيعملوه طبعا لأن الموضوع فعلا تحول لبلطجة لما يقطعوا الطريق حتى على عربيات الأسعاف
          لما ميهتموش الناس تموت
          وايوه الناس دى ما نزلتش فى الثورة انا بتكلم على الناس اللى عندى فى الشغل اللى قطعوا الطريق اكتر من مرة لأنهم كانوا بيجوا الشغل كل يوم وكانوا بيشتموا فى (العيال ولاد ال... ) بنفس اللفظ كده اللى بيخربوا البلد اللى قاموا بالثورة
          دلوقتى ولما لقوا الثورة شالت حسنى فعلا قالوا نستفيد بقى
          واللى كان صابر انه متثبتش من 20 سنة مش قادر يصبر 20 يوم وعايز حكومة مسكت بلد اقتصادها بيتدمر كل يوم تمسك العصاية السحرية وتحل المشاكل المتعمقة جذورها فى كل مكان
          مع ان اللى بيعملوه ده بيدمر الأقتصاد اكتر ومش بعيد ميلاقوش مرتبات بعد كده ولا حد ادنى ولا بتاع

          وفعلا الحكيمات والصيادلة لما بيقرروا يضربوا بيخلوا جزء يهتم بالعيانين عشان محدش يموت وهو ده اللى مفروض يحصل فى كل قطاع مش ادمر المؤسسة الى انا فيها واشلها وانا شايف السبب بتاعى مقنع ومش بس جوه شغلى لأ اخرج فى الطريق وابلطج على الناس وامنعهم يعدوا واللى يقاومنى اضربه وطظ فى مصالحه كأنه مش بنى ادم وراه التزامات ومشاكل زىى



          ونفس الغلطة القديمة بيعملوها تانى بيحشروا الشرطة فى الموضوع والجرح لسه مفتوح حاجة تقرف




          وهو ده الشعب اللى الدول بره بتضرب بيه المثل ايه اللى بيعملوه ده وطول ما فيش انتاج وشغل مفيش حكومة الف ليلة وليلة حتى هتعرف تجيب لهم فلوس

          Comment


          • #35
            المشاركة الأصلية كتبت بواسطة azmeralda مشاهدة المشاركة
            وايوه الناس دى ما نزلتش فى الثورة انا بتكلم على الناس اللى عندى فى الشغل اللى قطعوا الطريق اكتر من مرة لأنهم كانوا بيجوا الشغل كل يوم وكانوا بيشتموا فى (العيال ولاد ال... ) بنفس اللفظ كده اللى بيخربوا البلد اللى قاموا بالثورة
            دلوقتى ولما لقوا الثورة شالت حسنى فعلا قالوا نستفيد بقى
            والله العظيم انا كنت متأكد من الكلام دا مع العلم انا مليش اختلاط بالعمال والموظفين زي حضرتك , بس زي ما قلت اللي بينزل دلوقت ويعمل اضرابات دا انسان بيدور على مصلحة شخصية انما لو كان فعلا نزل فى 25 يناير استحالة يقف ويدور على حاجة لنفسه , الشعور اللي حسيته وانا فى المظاهرات جوا الناس اللي كانت جانبي استحالة يكون هما دول اللي بيقطعوا الطرق ويولعوا فى السكك علشان مصلحتهم الشخصية , والشخصية اللي من النوعية دي شخصية انتهازية , زي ما حضرتك قلت كانوا قاعدين بيشتموا فى الثورة وشبابها وبعد لما الرئيس مشي عايزين هما يحصلوا على مكاسب شخصية ليهم

            Comment


            • #36
              المشاركة الأصلية كتبت بواسطة wa7d مشاهدة المشاركة
              والله العظيم انا كنت متأكد من الكلام دا مع العلم انا مليش اختلاط بالعمال والموظفين زي حضرتك , بس زي ما قلت اللي بينزل دلوقت ويعمل اضرابات دا انسان بيدور على مصلحة شخصية انما لو كان فعلا نزل فى 25 يناير استحالة يقف ويدور على حاجة لنفسه , الشعور اللي حسيته وانا فى المظاهرات جوا الناس اللي كانت جانبي استحالة يكون هما دول اللي بيقطعوا الطرق ويولعوا فى السكك علشان مصلحتهم الشخصية , والشخصية اللي من النوعية دي شخصية انتهازية , زي ما حضرتك قلت كانوا قاعدين بيشتموا فى الثورة وشبابها وبعد لما الرئيس مشي عايزين هما يحصلوا على مكاسب شخصية ليهم


              +111111111111
              المظاهرات الفئوبة بداءت تحديدا يوم الثلاثاء 7 فبراير الى قبل تنحى الرئيس السابق
              يعنى ديه ناس شعارها
              طظ فى البلد وظط فى الناس الى بتتعطل مصالحه بقطع الطريق وطظ فى القانون وطظ فى اى حاجه فى الدنيا بخلافى انا .. انا اهم شىء فى الوجود...انا ومن بعدى الطوفان
              [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
              غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

              Comment


              • #37
                يعنى لو حد عمل اضراب عن العمل حا يتطبق علية القانون دة ؟

                Comment


                • #38
                  النهاردة التحرير واقف
                  بكل تفرعاته
                  ش رمسيس
                  المحور من سفنكس
                  الكورنيش
                  بسبب ايه
                  المعتصمين اللى عند ماسبيرو
                  يوم الهجوم على قسم الازبكية
                  كوبرى اكتوبر وش رمسيس كله
                  ش الجمهورية
                  كل وسط البلد

                  ازاى هيكون فيه انتاج واقتصاد هيقوم وانت عندك تعطل فى النقل والمواصلات كدة
                  ازاى سايح هيفكر ييجى
                  ازاى مستثمر هييجى بلد شايف فيها تخبط فى الاقتصاد والسياسة والاقتصاد وقوانين الاجور والعمالة
                  A.Saad

                  Comment

                  Working...
                  X