مبروك الاعدام لحسني مبارك ورجالته

[م. حاتم السباعي]

العفو يا فندم :)))))


ماله خالد سعيد ؟؟؟؟

تاجر مخدرات ..... عيل فاسد ..... صايع .......


طب و بعدين ؟؟؟؟؟

ايه ده
مين قال كده
اذكرو محاسن موتاكم يا رجل هيه الاخبار بتتسرب ازاي

م.حاتم السباعي

[samoevil911]

طب انت ايه رأيك يا اسامة ..... قانونيا

تفتكر فيه ما يكفى من أدلة لأدانته ..... او بصفه عامة انت شايف ايه ؟؟؟؟

للأسف يا أستاذ محمد

المشكلة ان التحريات محدش فاهم فيها حاجة

يعني احنا كل يوم بنسمع اقول غير بعض
والجرايد بتكتب وخلاص

اولا احنا مش عارفين طبيع الحرس اللي كانوا واقفين
ولا عارفين بياخدوا اوامر من مين

وممكن بعد كل دا يطلع يقلك الرئيس كان منتفي علمه بالأحداث

دا مش بعيد يقلولك دا كان اصلا في غيبوبة ومكنش بيدير حاجة


انا اللي اقصده
انا منتعشمش اوي في الاعدام السكة طويلة
واحنا مش عارفين ايه التحريات



زي بكل بساطة موضوع الضباط اللي قتلوا المتظاهرين
مثلا عندك الضباط اللي قتلوا المظاهرين اللي دخلوا عليهم الأقسام
مينفعش يتحاكموا حاليا لإن بكل بساطة هياخدوا افراج
لسبب بسيط إن دا دفاع شرعي

عشان كدا في مشاكل في ان الناس متوقعه المحكمة بتكيف القضية زي مهما شايفين وبينسوا اعتبارات قانونية وبينسوا انهم اصلا ميعرفوش التحريات فيها ايه




صحيح عارف حضرتك قضية خالد سعيد
مثلا .. طلع اصلا انه كان بيتعاطى مخدرات وفي كمان ادلة انه كان بيتاجر
دا غير انه متهم على ما اظن والله اعلم في هتك عرض او حاجة شبه دي

وطلعت الصورة اللي على النت دي صورة قديمة ليه يقال انها من ثانوية عامة او في الوقت دا مثلا
وانه شكله اصلا مش كدا حاليا بل عليه علمات الصياعة

دا غير ان واحد زميلي في الكلية يعرف جاره
بيقلى دا عار يبقى رمز للثورة


القضية دي مثلا تكيفها ضرب افضى لموت يعني اقصى عقوبة فيها 7 سنين .. تفتكر لو اتحكم ب 7 سنين .. الناس مش هتقلب الدنيا ؟



انا كل اللي عايز اقوله الاعلام للأسف مش نزيه
ومينفعش نطلع احكام قانونية من التلفزيون والجرايد



فأحنا لا نملك الا ان احنا ندعو ربنا يعيد الحق لكل مظلوم ويقتص من الظالم
ويحفظ القضاء نزيه

[yousef1978]

على فكره يا جماعة
جسني مبارك كان مكرس كل اهتمامه مش لتطوير البلد ولكن للسيطرة عليها ولو موت أغلب شعبها بكل الوسائل

ومن وسائل السيطرة إنه كان بيخلي كل السلطات السيادية بإيده ويخلي كل سلطة تراقب التانية

يعني الحرس الجمهوري رئيسه يتم تغييره كل فترة صيرة جدا جدا علشان ما يكونش عنده قدرة على السيطرة على الحرس
ويقوم الجيش بتقديم اسماء عدة اشخاص مرشحين من عنده فيختار منها الرئيس عدة اسماء ويحولها للمخابرات علشان تستعلم عنهم وتعمله تقرير
والمخابرات العامة فصلها عن المخابرات الداخلية اللي هي أمن الدولة وعن المخابرات العسكرية
وفصل قيادة الجيش عن ده كله
وخلى كل جهة تراقب التانية وتقدم تقارير فيها
واستخدم طريقة الكونترول يعني يخلي أمن الدولة يورطوا أو يصوروا أي مسئول في جرائم مالية أو جنسية أو حتى يصوروه فيديو ولو في علاقة شرعية المهم إنه يكون تحت الكونترول أو السيطرة والكونترول ده كان بيتعمل على قادة الجيش وحتى على وزير الداخلية نفسه
وزير الداخلية كان بيعمل كونترول على الوزراء التانيين وكان بيتعمل عليه كونترول ووو

وأكيد فيه قيادات في الجيش كانوا ممكن يوافقوا على التورط في معاملات مادية مخالفة من أجل أن يعطوا إشارة إلى مبارك أنهم مشاركين له في الفساد حتى يستطيع الفرد أن يحصل على ما يستحق من مكانة في الجيش

ومبارك حاول بكل الطرق إنه يطير أي قيادة سياسية في الجيش أو زعامة محتملة

وعشان كده طير المشير أبو غزالة وهو في أمريكا لأنه كان محبوب وله كاريزما
ولفقله قضية لوسي أرتن علشان يقنع باقي قيادات الجيش إنه ما غدرش بيه ولا حاجة وإنه كان مضطر لكده

ولما جابلهم وزير دفاع جابلهم المشير طنطاوي على أساس سنة وهو يعلم جيدا عدم وجود أي طموحات سياسية عنده

وسبحان الله دي كانت ميزه في الثورة لأن كل قادة الجيش ما عندهمش رغبة في الإستئثار بالحكم

المهم دلوقتي إننا نبعد كل البعد عن التشكيك في الجيش وقادته لأن ده معناه حرب أهلية
ويكفي قادة الجيش أنهم غامروا بمستقبلهم الذي أكيد كان سيكون أفضل تحت حكم مبارك وفساده وحتى لو كان أحد قادة الجيش متورط في فساد فيكفيه إنه فضل حرية البلد رغم إحتمال أن يحاكم هو نفسه في المستقبل لو استقرت الأوضاع
كما أنه قادة الجيش قانونيا لهم مبالغ تصرف لهم بالملايين فمنع مبارك هذه الإمتيازات عنهم لكي يضطروا للفساد يعني أن المتورط منهم كان بينفذ قانون اللعبة لكنه لم يضع هذا القانون

تحياتي للجميع

[human]

الحقائق :
1- الجيش كان يعلم بموقعه الجمل ( و تقريبا اى حد كان متواجد ليله اليوم ده و يوم موقعة الجمل كان عارف ان الجيش عارف) و انا ليا مداخله هنا قلت فيها الموضوع ده بعد موقعة الجمل على طول
2- الجيش تقريبا كان مرغم و لم يكن يستطيع ان يوقف هذه المهزله
3- هذه النقطه كانت تحول رهيب فى مجرى الامور و لو لم تحدث لكان للثورة شأن اخر

الحمد لله على كل شئ
و دعونا من الماضى و خلونا فى المستقبل شويه