الى اين اذهب في العين السخنه ........"فسحة يوم واحد"...؟

[RamezFibo]

السلام عليكم اهل المنتدى الكرام

اولا دي اول مشاركة ليا
و بعد سلامي وتحيتي لكم جميعا
عندي سؤال ارجو من اهل الكرم المساعدة و الرد عليه

انا نويت اذهب مع اسرتي الصغيره للسخنه لمدة يوم واحد و هو الغد بأذن الله

لكن انا عمري ما روحت العين السخنه

و ارجو منكم المساعده في ابداء رائيكم عن اي الشواطىء هي الافضل للذهاب اليها من حيث امكانية نزول الاطفال للمياة بأمان و ايضا وجود دورات مياه وخدمه جيده و ياريت لو حد يعرف الاسعار او اي الشواطىء ارخص و افضل أكون شاكر جدا

و ارجو الا اكون قد اطلت عليكم و شكرااااااااااا جزيلااااااااااا

[love7amada]

لو قري عندك واحه مينا الفرد ب 95 شامل جبه الغداء و شط و كده و الحماما نضيفه جدا
لو شاطي عندك شاظئ كامنجا تقريبا ده اول شاطي و قدامه استراحه فهتلاقيه مميز و ب 20 جنيه شامل كراسي و شمسيه
عاما نصيحه متنزلش حد المايه قبل الساعه 2 او 3 يعني حلو اوي من 3 ل 6
عشان بيكون قبل كده الجزر عالي ف بتدخل جوا ف الشعاب المرجانيه بتشرح رجلك بمعني الكلمه
ع 3 المد بيزيد و المياه بتعلي و بتكون ممتازه
اه و ف شاطي السادات ده بيئه و اشكال مش كويسه
و ف شطاطي الزهور و ده تابع للقوات المسلحه و تحفه
مينا و كامنجا ده بعد نقطه التفتيش تاخد يمين لكن الزهور و السادات شمال من ناحيه ميناء السخنه كده
ميزه كامنجا قربه من طريق السفر و كويس برده مش وحش
عيبه الحمامات الناحيه التانيه فلازم تعدي الشارع

[love7amada]

اه السادات الفرد ب 10 جنيه و ممكن تفاصل ل 8 بس المكان مش كويس مفيش خدمه اصلا

[love7amada]

واحه مينا الافضل للاطفال عشان قريه مقفوله و ام و عربيتك مركونه جوا مش ف الشارع و مش حامل هم اكل و الحمامات نضيفه و بال 95 تقعد من 9 صباحا ل 6 مساءا و الغدا كويس عندهم بانيه او فراخ مشويه او فيليه و الحلو جيلي او كريم كراميل او رز بلبن
و لو اي سوال انا تحت امرك
انا رحت 3 مرات ف نفس الشهر و كنت بلف عشان اعرف الاماكن
السادات مجرد ما دخلته رجعت خد الفلوس و مشيت الزهور كان كومبليت بس هوا مكان نضيف و واحه ميينا رحتها مرتين و كامينجا مره

[love7amada]

رقمي 0111623166 لو برده كنت ع الطريق و حبه تسأل عن حاجه
اسمي اسلام

[love7amada]

اه و ع فكره الدنيا هناك حر عن هنا 3 درجات تقريبا
و الطريق و انت راجع ف اخره خالص ف 5 مطبات ورا بعض هما محظرين بيافطه بس انا اول مره مختش بالي منها

[RamezFibo]

الاستاذ اسلام
الف شكر ومش عارف اقولك ايه ربنا يبارك لك و يكتر من امثالك

[love7amada]

العفو و الله و تروح و ترجع بالسلامه انت الاولاد

[gaaz]

هي العين السخنة دي في انهو اتجاه بالظبط ؟

[love7amada]

يعني ايه ف انهي اتجاه
عموما هيا تابعه للسويس و تقع ع البحر الاحمر

[gaaz]

كم كيلو متر من اسكندرية يعني ؟