اقتراح حق التصويت لحملة الشهادات العليا والمتوسطة فقط

[Dr_Mido]

اللي بيقولوا عنصرية وتمييز واقصاء وكلام كبير
ليه محدش منكم عمل اي حاجه علشان التمييز لصالح العمالين والفلاحين ضد المواطنين المتعلمين المهمشين من 50 سنة

وهل التمييز ضد الجهل عيب وما يصحش ؟ اليس هذا دافعا للتعلم ؟

واللي خايف انهم يعملوا ثورة هل ممكن انهم قادرين على القيادة ؟

مجرد تساؤل

لا يااستاذ ولا يااستاذة مينفعش تهمشيهم ثم الخوف لو على ان حد يوجهه الفئه غير المتعلمه لا الفئه المتعلمه على الورق اغبى بكتير و سهل تتسحب بحبل وبعدين مشفناكش برضه عملت حاجه التعليم مظنش انت من حقك ولا حقك تعمم ان محدش عمل او معملش حاجه دة اولا ثانيا ابوكى او ابوك لو مش متعلم و علمك انت وجه يربيك هتقله انت متصلحش تدينى اى اراء او تقلى اعمل ايه ومعملش ايه انا متعلم وانت لا ثم يااستاذ ولا يااستاذة مشفتش دخول التحرير بالشهادات

[m3_dolphen]

اللي بيقولوا عنصرية وتمييز واقصاء وكلام كبير
ليه محدش منكم عمل اي حاجه علشان التمييز لصالح العمالين والفلاحين ضد المواطنين المتعلمين المهمشين من 50 سنة

أوجه لك هذا السؤال !


وهل التمييز ضد الجهل عيب وما يصحش ؟ اليس هذا دافعا للتعلم ؟

عندما يكون التمييز فى الحقوق يصير عيبا بل ونقصا .

واللي خايف انهم يعملوا ثورة هل ممكن انهم قادرين على القيادة ؟

ليس معنى أنهم غير قادرين على القيادة أنهم ليس لهم حق ليختاروا من يقودهم .

مجرد تساؤل

[SkyBird]

يا استاذ محمود انا قصدي بجملة محدش منكم عمل اي حاجه علشان التمييز لصالح العمالين والفلاحين
قصدي محدش عمل تعليق يرفض التمييز الايجابي للعمال والفلاحين
على العموم النسبة حتى الان
وافق 55.56%

[beautiful0mind]

فى ناس كتير مش متعلمه وعندهم وعى سياسى كبير ......والاقتراح بيظلمهم مرتين مره لانهم متعلموش ومره نزع حق أختيار مصرهم فالحياه السياسية

انا رافض

[ehab_mansour]

لا أوافق
وياريت الناس تبطل تتكلم عن الاستفتاء وعن ان الاخوان وغيرهم ضحكو علي الناس وقالولهم نعم مش عارف لايه وايه

حرام عليكم كفاية اتهام للشعب المصري بالجهل والأمية أقسم بالله أبي رحمه الله مات منذ عشر سنوات وكان متعلم فقط حتي الصف السادس الابتدائي وسبب عدم تعلمه هو الاستعمار وعدم القدرة علي التعليم ايامها ولأنه كان من قرية في الدقهلية لا يوجد فيها مدرسة واحدة
المهم أقسم بالله أولاده معظمهم دراسات عليا وانا كنت وقتها في كلية الهندسة ولم يكن لدي أحدنا خبرة عشر خبرته ولا حتي في الحياة ولا التعليم ولا أي شيء ولاحتي الحرب لأنه قعد تسع سنوات في الجيش من قبل حرب 73 الي بعدها بثلاث سنوات
وده رجل من جهة نظركم فهو أمي وجاهل
لاحول ولا قوة إلا بالله العلي العظيم يارب ارحمنا

ياريت أحد الأخوة الأفاضل الموافقون يقلي لما يبقي ابوك ولا أخوك الأكبر و لاعمك ولا أي حد وهو اللي مربيك لحد مبيقيت بتفهم وتستخدم انترنت وتتكلم في السياسة وتيجي النهارده تقله خليك انت علي جنب عشان انت جاهل ومبتفهمش ياريت يقلي هيعمل ايه وايه هيكون رد فعله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وتقلي جهل أقسم بالله يوجد الكثررررررررررررر ممن هم حملة الشهادات والدراسات العليا وزمالة الجامعات الأجنية ولايحسن ان يتوضأ اويقضي حاجته او يغتسل فضلا عن انه يقود ويسوس اويشارك في صنع قرار دولة ........

[AmAhmed]

الناس كلها تصوت داخل مصر و خارج مصر اذا تحقق شرط الامانة و عدم العبث في الاصوات بالخارج

انما الترشح للمناصب و خصوصا مجلس الشعب انا افضل ان يكون لحملة الشهادات فقط علي الاقل يفكوا الخط حتي لو معندهمش ثقافة

[cyborg_ift]

لا أوافق

[Dojuar]

بالنسبة للترشيح لمجلس الشعب...طبعا لازم يكون متعلم و كويس

بالنسبة للتصويت...و هو الهدف الأساسي من الموضوع....لا أوافق

و منع الأمييين من التصويت نغمة مش جديدة...

لكن عندي سؤال لصاحب الموضوع و لمن يؤيده:

هل ترى أنه قد تم استخدام الدين للتأثير على الطبقة الغير متعلمة...مما أدى لترجيح كفة أصحاب الدعوة لقول نعم في التعديلات؟؟؟؟

[tamer_a7]

يا باشا مش عنصريه خااااااااااالص

بالعكس هو ده الصح وانا بقول كده من قبل ما يعملوا الاستفتاءات على التعديلات الدستوريه

مينفعش مصيرى ومصيرك يحدده الاغلبيه الجاهله

اقرب مثال ... الاستفتاء اللى حصل على التعديلات الدستوريه

الإخوان لعبوا على الناس دى وضحكوا عليهم تحت ستار الماده التانيه وطبعا التصويت كان لصالحهم

لأن الناس الغلابه اللى مش فاهمه دى كانوا محتاجين حد يقولهم اى بؤين عشان يعرفوا هيصوتوا بنعم او بــ لاء

وطبعاً كلهم صوتوا بنعم عشان البؤين اللى اتقالوا خوفوا الناس جدا من الأستفتاء بــ لا ... انا دخلت اللجنه لقيت ناس مبتعرفش الألف من كوز الدره

واقفين بيصوتوا بنعم

المفروض يكون متعلم على الأقل ومعاه شهاده متوسطه

اذا كان ناس كتير ( منهم انا) من المتعلمين ومعاهم شهادات عاليه مش فاهمين فى السياسه كويس

يبقى ازاى نخلى اللى مش متعلم اصلاً يستفتى فى امر مهم زي ده ؟؟ !!

لو لقيت واحد مش متعلم ولكنه سياسى بحت وواعى

ده بتبقى حالات نادره اوووى ...

ايه دا يعني انا طلعت من الناس الجاهله اللي مضحوك عليها يا خساره التعليم بره مصر والهندسه والدبلومه
طيب اقول حضرتك غير الاستفتاء فوق
وقول النخبه ال22% بس هما اللي يقررو وكل من خالفهم الراي يقعدو في بيتهم
لان والله اعلم في ناس كتيرررررررررررررررررر مثقفين وبيفهم زي حضرتك والله وقالو نعم
وفي ناس زي صديق عزيز مدرب رياضي كل ما يعرفه في حياته التعرف والخروج مع البنات وقال لا علشان صحبته قالتله هازعلك منك لو قلت ايوه ما تنسوش تضموه معاكم في النخبه ما هو قال لا
حقيقي احنا فشلنا في اول اختبارات الديموقراطيه فشل زريع
ويبقي السؤال الذي يحير عقلي من فتره
اين مرشحي شباب الثوره في البرلمان اين هم في الشارع
مجرد سؤال

[tamer_a7]

النتيجه اصبحت لا اوافق اكتر

[ecybrarian]

احنا سبنا المشكلة الاصلية...اقترح القضاء على الامية اصلا...مرة اخرى..الاستفتاء كان على تعديل 8 مواد وإلغاء مادة ولم يكن فيهم ابدا ابدا ابدا المادة التانية او علمنة الدولة المصرية...فإذا كان هناك بعض المثقفون والمتعلمون لايزالون لا يعرفون هذا، لماذا إذا نظلم الأميين ونحرمهم من حقهم في التصويت بعد ما حرمنا حقهم في التعليم

[otefa]

لا اوافق

دى عنصرية

[otefa]

يا باشا مش عنصريه خااااااااااالص

بالعكس هو ده الصح وانا بقول كده من قبل ما يعملوا الاستفتاءات على التعديلات الدستوريه

مينفعش مصيرى ومصيرك يحدده الاغلبيه الجاهله

اقرب مثال ... الاستفتاء اللى حصل على التعديلات الدستوريه

الإخوان لعبوا على الناس دى وضحكوا عليهم تحت ستار الماده التانيه وطبعا التصويت كان لصالحهم

لأن الناس الغلابه اللى مش فاهمه دى كانوا محتاجين حد يقولهم اى بؤين عشان يعرفوا هيصوتوا بنعم او بــ لاء

وطبعاً كلهم صوتوا بنعم عشان البؤين اللى اتقالوا خوفوا الناس جدا من الأستفتاء بــ لا ... انا دخلت اللجنه لقيت ناس مبتعرفش الألف من كوز الدره

واقفين بيصوتوا بنعم

المفروض يكون متعلم على الأقل ومعاه شهاده متوسطه

اذا كان ناس كتير ( منهم انا) من المتعلمين ومعاهم شهادات عاليه مش فاهمين فى السياسه كويس

يبقى ازاى نخلى اللى مش متعلم اصلاً يستفتى فى امر مهم زي ده ؟؟ !!

لو لقيت واحد مش متعلم ولكنه سياسى بحت وواعى

ده بتبقى حالات نادره اوووى ...

رديت على نفسك ياباشا
الموضوع مش موضوع مؤهل عالي أو متعلم الموضوع عندك ألمام ومعرفة بما ستصوت له أم لا بس كده........الأمي ممكن يعتمد على الشرح من من أهل الثقة في نظره
مافي أميين وبيزنس مان عندهم خبرة ومعرفة بمجال ما

[m3_dolphen]

هل ترى أنه قد تم استخدام الدين للتأثير على الطبقة الغير متعلمة...مما أدى لترجيح كفة أصحاب الدعوة لقول نعم في التعديلات؟؟؟؟

ههههههههههههههههههه سؤال لولبى حلزونى قصير مكير تسلم ايدك عليه .......... انا عارف غرضه

[Forever.Leo]

بالنسبة للترشيح لمجلس الشعب...طبعا لازم يكون متعلم و كويس

طبعا اقتراح صاحب الموضوع الاولى انه يتطبق على المرشحين بالاساس و الا شوف بقى المفارقة .. لما يبقى شخص ما يقدرش يصوت في الانتخابات .. بس يقدر يترشح !!!
بعد تطبيق الاقتراح على المرشحين .. ممكن تفكر في الناخبين .. و ان كنت شايف انه يكفي للناخب انه يكون معاه شهادة ابتدائية .. هيبقى كافي جدا و معقول لضمان الحد الادنى من الوعي السياسي .