حتروح فين الاجازة اللى جاية ؟

[aliabutaleb]

اوه ماي جود.. هو انتوا عندكوا بيمنعوا أجازات و حركات من دي؟.. حاجة غريبة.. شركة كبيرة كده و تعامل موظفينها بالطريقة دي؟؟.. أصل انا يا علي ياخويا واحدة أسبوعين أجازة.. بدأت من الأحد المنصرم و تنتهي الأحد بعد القادم بإذن الله :p

مااااااااااااشي يا علا
معلش الصبر طيب ...
الله يرحم ماكنتي بتتباتي في الشغل :D
للأسف الإدارة بتاعتي بس اللي مانعة الإجازة :o

[douha_wise]

الف سلامة للمدام .. و ان شاء الله ربنا يشفيها و يعافيها و تطلع معاك الطلعة دي ..

جزاك الله خيرا على دعائك و ذوقك يا حسن يا اخويا

[araberphilosoph]

انا نفسي احد ابوي وامي اسكندريه
بس عايوز فندق عدل وسعره معقول
حد عنده اقتراحات يا اهل اسكندريه

[Akram]

أحلى مدينة (الأسكندرية)

أخي محمد (mo7amed_omara) ,
الأسكندرية منورة بأهلها , و أنا هكون في شط أبو تلات و إن شاء الله ناوي اللف في الأسكندرية ,
و ياريت نحدد يوم نتقابل فيه و ليكن يوم الخميس القادم .

أخي tashash ,
الف شكر على زوقك , دا شرف ليا و زي ما قلت لمحمد ممكن نتقابل يوم الخميس القادم.

انا نفسي احد ابوي وامي اسكندريه
بس عايوز فندق عدل وسعره معقول
حد عنده اقتراحات يا اهل اسكندريه

لو هتقعد فترة كبيرة يعني إسبوع مثلاً يبقى شوف شقة إيجار ,
انا كنت في شط أبو تلات الإسبوع الماضي و كان الشط رايق جداً و الشقق كتيرة , خاصة أنه شط في الكيلو 21 يعني بعد الزحمة اللي في الأسكندرية حتى البيطاش.

[El.Hossieny]

اكرم باشا .... بجد انا حبيتك لله فيالله ... انا بحب اسكندرية اوي ... بس مش بروحها كتير..ان شاء الله هبقي هناك يوم الحد و الاتنين ؟؟ انت هتكون موجود ؟.؟؟ هو انت من اهل اسكندرية ؟؟

الف شكر ليك يا باشا

[Islam_galal]

انا حابقي في اسكندرية ، ماهو انا اصلا في اسكندرية:)
أصل بعيد عنكوا الشركة عندنا ازكي من الكل
انا حبقي تحت الاستدعاء طوال الأجازة (ليه تدفع أكتر طالما ممكن تدفع أقل؟) ربنا عالظالم المفتري

[Karim_Monir]

جايلك يا غالية
اليكس طبعا

[sab3aawy]

لو حد يعرفلى مكان ممكن الواحد يهرب فيه -مش بس من مجتمعه واهله وزمايله وبيته وسيارته وكل مفردات حياته- لكن يهرب كمان من وعيه الذى لا ينفك يطارده بالمشاكل والأحلام والوساوس والخوف من الغد، لو حد يعرف المكان ده فين يا ريت يقول لى عليه، لأن يبدو ان البديل الوحيد هو ان ابحث عن المكان الذى سأتعاطى فيه اول سيجارة حشيش فى حياتى

[Hossam_Hassan]

لو حد يعرفلى مكان ممكن الواحد يهرب فيه -مش بس من مجتمعه واهله وزمايله وبيته وسيارته وكل مفردات حياته- لكن يهرب كمان من وعيه الذى لا ينفك يطارده بالمشاكل والأحلام والوساوس والخوف من الغد، لو حد يعرف المكان ده فين يا ريت يقول لى عليه، لأن يبدو ان البديل الوحيد هو ان ابحث عن المكان الذى سأتعاطى فيه اول سيجارة حشيش فى حياتى

الأعتكاف يا باشمهندس

[Islam_galal]

الانسان يتكامل بنوعين من المتطلبات مادية و روحية و الإثنين لهم نفس الأهميه
الصح لو البني آدم مننا لقي نفسه تايه في الدنيا إنه يفر إلي الله
الإعتكاف زي ما قال حسام حل رائع أو مايشابهه و ربنا يروق حالك يا سبعاوي

[محمد المشد]

عمار يا مصر 000 امال اية الشكاوى اللى الناس نازلة تقولها بسبب الغلاء والاسعار 000 دا الكل مشاءا الله مروق نفسة اخر تمام طيب دا الحكومة لها حق بقى ترفع الاسعار ( قرة )
مشفتش حد يعنى قال عايز ازور ابوة وامة فى الاجازة او زيارة اقاربة 000 يا جماعة الود مطلوب جزاكم الله كل خير

[Noha.M]

:(

عندى شغل تلات و اربع

لا اجازة ولانيلة :(

[aif]

:(

عندى شغل تلات و اربع

لا اجازة ولانيلة :(

أجازة ايه يا نهى اللي بتتكلمي عنها .....

هو انتي لسة اشتغلتي عشان تقولي اجازة ....... حاجة غريبة جدا
انتي لسة اسمك مكتوب بالرصاص ....
ولعلمك بقي .... إنتي قدامك لسة 6 شهور عشان ينزلك رصيد أجازات :p
انا بقي عندي اجازات كتييييير ... كل ما اعوز اجازة يوم .... آخد اتنين .. تلاتة ... وأصحي بمزاجي ...واقعد العب مع ابراهيم ... واشرب نسكافية باللبن ... وبعدين شاي .. وبعدين بردقوش .. وبعدين انام تاني :p:p:p
والله الواحد بيتعب

[Noha.M]

أجازة ايه يا نهى اللي بتتكلمي عنها .....

هو انتي لسة اشتغلتي عشان تقولي اجازة ....... حاجة غريبة جدا
انتي لسة اسمك مكتوب بالرصاص ....
ولعلمك بقي .... إنتي قدامك لسة 6 شهور عشان ينزلك رصيد أجازات :p
انا بقي عندي اجازات كتييييير ... كل ما اعوز اجازة يوم .... آخد اتنين .. تلاتة ... وأصحي بمزاجي ...واقعد العب مع ابراهيم ... واشرب نسكافية باللبن ... وبعدين شاي .. وبعدين بردقوش .. وبعدين انام تاني :p:p:p
والله الواحد بيتعب

هههههههههههههههههههههههههههههههههههه:D


ماشي ماشي ماشي يا احمد العب براحتك و غيظنى براحتك :D:D:D

ادي شهر عدا اهو فاضل 5 و ان شاءالله يعدو هوااااااااااااا :p:p

بعدين يا حرام بتتعب اوى بجد المفروض يريحوك شوية :p

[sss]

يا بشمهندس سبعاوي اقولك على حاجة ان شاء الله نتيجيها مضمونة بس هي عايزه ترتيب : العمرة صدقني مفيش حاجة احسن من كده و ربنا يكتبهالك