HP Probook 4520s عايز حل لويندوز 7

[MaZaGAngeE]

الشركة سلمتني الجهاز ده و هوه جاي معاه لينكس بس همه نزلوا عليه ويندوز 7 ......
أنا مش عاجباني و لا مريحاني الويندوز دي ....
أنا عايز أنزل لينكس اللي جاي معاه بس ازاي هشغل النت بتاعة اتصالات عليه ؟
لو ملهاش حل .... أنزل ويندوز اكس بي عليه ازاي ؟ لأنه مش راضي ينزل عشان بيلاقي ان نظام التشغيل الموجود أحدث منه و مبيرضاش يكمل تحميل و يديني شاشاة زرقا و يهنج الجهاز .
طبعا أنا ببوت من السي دي عشان محدش يظن اني بنزل اكس بي من جوة ال 7 ............

حاجة تانية يا شباب :
عايز برنامج يسرع الاتصال بالنت و النوعية دي من البرامج بتشتغل عن طريق انها تعمل كاش كبيرة على الهارد و تجيب منها الأول و ده بيفيد كتير في عرض الصفحات لو انت بتزور نفس المواقغ دائما ....
زمان أيام ما كان ليا في الكمبيوتر كنت بستخدم برنامج Netsonic بس مش عارف اجيبه و لا حتى عارف اجيب حاجة زيه ............
بعيد عنكوا بقى الصحرا و عمايلها في المخ ....... الواحد بقى زي مايكون بيبصم .

[Ahmed.Fahmy]

انا بكلمك من نفس الجهازنزل Windows 7 احسن ويكون 64 بيت لان الجهاز دا صاروخ مع ال7 64 بيت والويندوز غريب عن الXP هو شبه الفيستا شوية بس احسن بكتيـــــــــــــــــــــــــــــــــــــــــــر جدا
اللينوكس سخيف ومش هيقرأ الUSB Modem
هتتعود عليه بسرعة جدا
كمان ممكن نتزلله التعريفات من على HP.com

[itsonlyme]

اللينوكس سخيف ومش هيقرأ الUSB Modem

أولا: اللينكس مش سخيف
ثانيا: هيتعرف على الـ USB modem لوحده. كل اللي عليك هو تحديد البلد (مصر) واسم الشركة (اتصالات).

[Ahmed.Fahmy]

بس بردو اللينكس سخيف ومش بيشغل كل حاجة :)

[sharpen]

بص سيادتك انا معايا الجهاز دة قولى تدفع كام واقولك ازاى تفرد xp علية وتخلص من حكاية الشاشة الزرقاء
وممكن اقولك كمان الشاشة الزرقا بتطلع لية مع xp دون غيرة

[MaZaGAngeE]

كويس كده طمنتني على النت مع لينكس
اغلب الناس مش متعودة عليه و لا يمكن سمعت عنه
هجربه كده و اشوف

طيب و نت سونيك حد عارفه ؟

[itsonlyme]

بس بردو اللينكس سخيف ومش بيشغل كل حاجة :)

سخيف من وجهة نظرك رائع بالنسبة لآخرين.

ثلاثة أرباع مواقع النت بتشتغل على سيرفرات عليها لينكس.

كل مواقع وخدمات شركة جوجل على سيرفرات عليها لينكس.

الأغلبية الساحقة من الـ super computers في العالم عليها لينكس.

على السنة الجاية هيبقى نص التليفونات الذكية عليها لينكس Android.

كلمة "سخيف" مش موضوعية ... ممكن يكون صعب الاستخدام بالنسبة لبعض من الناس.

[sharpen]

[frame="2 80"]
ادخل على البيوس وبعدين غير dhcp للوضع off

لية دة اسلوب قراية للهارد اسرعمكانش موجود على ايام ال xp
فبالتالى الاسطوانة مش بتشوف الهارد ويطلع شاشة زرقاء
لان الوض الافتراضى عندك on
ممكن برضة تفرد ويندوذ 7 على الوضع اووف
بس لو لغيتة خى مش هايشتغل غير لما تعمل اوف تانى لانة اتفرد على الوضع دة
[/frame]

[sharpen]

اللينكس دة لقيط
لو عايز لينكس ابن ناس عليك وعلى mac osx
وهو مبنى على نفس نواة لينكس مع جرافيك اعلى
و لو عايز جهاز pc او لابتوب يشغلة علطول بتوصيفاته اقولى و انا ادلك على الجهاز الوحيد فى العالم اللى مش تبع ابل وممكن يشغل ماك وعلى فكرة الموديل دة موجود فى مصر ورخيص جدا لان محدش هنا يعرف خبايا الجهاز دة

[Ahmed.Fahmy]

سخيف من وجهة نظرك رائع بالنسبة لآخرين.

ثلاثة أرباع مواقع النت بتشتغل على سيرفرات عليها لينكس.

كل مواقع وخدمات شركة جوجل على سيرفرات عليها لينكس.

الأغلبية الساحقة من الـ super computers في العالم عليها لينكس.

على السنة الجاية هيبقى نص التليفونات الذكية عليها لينكس android.

كلمة "سخيف" مش موضوعية ... ممكن يكون صعب الاستخدام بالنسبة لبعض من الناس.

يا أفندم حضرتك محسسنى ان اللينوكس يخصك جدا اكنو انتيمك :)
عموما يا سيدى حقك على
انا قصدى انو سخيف علشان لما كنت منزله مكانش بيشغل كل الابليكاشنز بتاعة الويندوز ومش منتشر بين الناس زى الويندوز واللب مش نت بس
اللينكس يا سيدى جميل بس مش زى الويندوز

[pro_samir]

انا لسه مسطب ubuntu 11 من يومين وهو لسه بيتسطب وصلت المودم عرفه لوحده ومن المانجر اختارته و مصر فودافون عمل الكونفجريشن لوحده كونكت اشتغل والسيستم لسه بيتسطب

الصراحه قعدت اشتم في الويندوز والقرف بتاعه كفايه تعليق المودم واقعد اشيله كل مره واغير البورت علشان يرضي يشوفه

[Dr_Mido]

بغض النظر الويندوز هو اللى لقيط واللى حابب اما يستعمل ماك او لينيكس


انا بقى عاوز ويندوز سيفين التميت 64 بت للكمبيوتر بتاع اختى


جبتلها لاب جديد معليهوش ويندوز وهى عاوزة ويندوز وانا بقالى قرن متعاملتش معاة ولا اعرف اصداراته ايه اخ معرفتى بيه كانت النسخه الرائعه Service Pack 1

[MaZaGAngeE]

نسخة لينكس اللي جاية مع الجهاز :
Sled 11
ناوي اجربها قريب

[sharpen]

MAC OSX SNOW LEOPARD is my lovely os u

, no hunging , no registery , no install and uninstall, no virus,

but no cut and past ) :

[أحمد الجندى]

[frame="2 80"]
ادخل على البيوس وبعدين غير dhcp للوضع off

لية دة اسلوب قراية للهارد اسرعمكانش موجود على ايام ال xp
فبالتالى الاسطوانة مش بتشوف الهارد ويطلع شاشة زرقاء
لان الوض الافتراضى عندك on
ممكن برضة تفرد ويندوذ 7 على الوضع اووف
بس لو لغيتة خى مش هايشتغل غير لما تعمل اوف تانى لانة اتفرد على الوضع دة
[/frame]

المفروض ان ال dhcp ده خاص بسحب الجهاز ل ip ولا هما عاملين حاجة تانية ومسمينها بنفس الاسم ؟ ياريت لو هما كاتبين أى وصف للخاصية دى تبص عليها وتتأكد .

وكمان موضوع الشاشة الزرقا لما يجى ينزل 7 دى بتكون بسبب الهارد فعلا بس كنا بنظبطها من البايوس عن طريق التغيير من sata إلى ata

والله أعلم