33 كيلو متر تقريبا

[Abouhaidy]

لما يكون بقالى 30 سنة تدخين
متوسط 30 سيجارة يوميا
ازاى ابطل العادة السيئة دى
ياريت يكون حد عنده تجربة اكيدة
لمنع التدخين
بحسبة بسيطة
30سنة تدخين * 365 يوم
10950 يوم * 30 سيجارة يوميا

328500 سيجارة

لو قلنا ان طول السيجارة الواحدة 10 سم

يبقى الناتج 328500 * 10 يساوى 3285000 سم

32850 متر

يعنى تقريبا شارب لحد دلوقت 33 كيلو متر تقريبا

[sayed911]

وحسب كل سيجارة من اللي حضرتك بتشربهم فيها كام ملم قطران ونيكوتين واعرف بقى شكل رئتك من جوا عاملة ازاي :d :d
اهلا بيك في نادي المدخنين :
d :d
سيبها على الله انا عمي الله يرحمه
فضل يشرب سجاير اكثر من 42 سنة كاملة !!! لحد ما دخل وعملوله القلب المفتوح !!
وربنا نجاه من الموت بأعجوبة فعلا العملية كانت صعبة جدا جدا جدا !!! وحلف بعدها ما يلمس سيجارة بإيدو ولا شفايفه !! وهوة خارج بعد 4 شهر من المستشفى من النقاهة والعلاج المستطيل !! خبطته دراجة نارية قائدها شاب متهور :D سبحان الله !! الله يرحمه !! سيبها على الله

[al_manara]

حسبة حلوة
ربنا يكرمك وتبطلها
الدعاء و العزيمة والثقة بالنفس وان شاء الله تبطلها

[رزق]

تصدق إني حسبت نفس الحسبة بعد مبطلت برده
مش فاكر كانوا كام بس قال أكيد
ربنا يوفقك ياباشا وتكمل 30 سنة كمان غير مدخن
بس صحيح السيجارة أظن من غير فلتر 7 سنتي مش 10
وياريت لو أي اخ مدخن يطلع ماسطرته ويحسب ويقولنا

[Abouhaidy]

متابع يا جماعة اللى عندة فكرة ازاى ابطل تدخين

[elpasha1]

وانا كمان نفسى ابطل سجاير

[hussein]

طب الاخوه المدخنين هيعملو ايه لو طلع قرار بتحريم السجاير بكره
ياترى هتعملو ثوره ولا هتقول الحمد لله؟

[party_0000]

انا ببطل سنه وارجع تاني غالبا اهم سبب للعوده هوا المكان الصحبه
انا بشرب هنا علشان كل الناس بتشرب حوليا بفضل اقاوم اقاوم لحد ماشرب تاني
واول مانزل مصر واقعد في البيت ولا بفكر فيها ولا بلمسها

[ahmdmagdy]

انا برضه بدخن من سنه 95 ايام الثانويه العامه و بجد تعبتي و نفسي ابطلها و جربت كذا طريقه و مفيش فايده في رأي ان اللي عاوز يبطلها لازم يكون عنده اراده و عزيمه قويه جدا جدا و طبعا الدعاء لله انه يخلصه منها

[AirForces]

أعتقد لو خدتها بالتدريج هتقدر تبطل لكن لو بطلت مرة واحدة هترجعلها تانى واستغل فرصة انه رمضان جاى يعنى لو خدتها بالتدريج إن شاء الله بنهاية رمضان تكون بطلت خالص
بس لازم حضرتك يكون عندك الإرادة انه ما تزودش تانى العدد اللى انت قللته

[BLOODY_STONE]

حط جنبك كيس مكسرات او اي حاجة تقعد تاكل فيها طول ما انتا قاعد (لبان شيبسي بسكوت ) ... بتساعد جدا .. لأن النيكوتين بيرفع نسبة السكر في الدم فكأنك بتعوض بحاجة ... طبعا حاول تكون مثلا الحاجات دي مفيهاش سكر كتير عشان التخن ...

تاني حاجة .. لو وقفت مرة واحدة ده غلط و عمره ما حيحصل لان في حاجة اسمها nicotine withdrawal syndrome او متلازمة انسحاب النيكوتين و دي لما نسبة النيكوتين العالية اللي المخ متعود عليها تقل يبدا يحصل اكتاب و حزن و تعب و كده و الحل في عندك زي لبان نيكوتين و ده كويس و في زي patches و دي حاجات بتتلزق عالجلد فيها نيكوتين و بدخله عالدم عن طريق انها بتمتص من جلدك ...

حاول لما تيجي تبطل ,, مفيش داعي لوحدك ... اتفق انت و 2 او 3 او حتى 4 من صحابك و تابعوا مع بعض و شجعوا بعض ...

اول شهر مثلا اللي بطلت فيه تدخين .. ابعد عن اي حاجة فيها توتر و قلق ... اغلب الناس لما تتوتر تولع سيجارة (مع ان ده مش الحل) تقولي طب ازاي؟ بسيطة ... خدلك اجازة شهر فضي دماغك خالص .. متشربش سجاير .. احضر مثلا جلسات مساج او العب رياضة او يوجا .. اي حاجة المهم اشغل نفسك بحاجة غير حياتك و شغلك ...

في حاجات بتبقى زي trigger او زناد .. يعني لما تعملها تخليك تدخن .. زي مثلا بعد الاكل ( و دي حلها مثلا انك تغسل سنانك بعد الاكل و تاكل مثلا لبانة) او القهوة ( و دي حلها مثلا الشاي بدل القهوة بالذات الاخضر) طبعا انت مش حتقدر تبطل الحاجات دي عالطول بس واحدة واحدة حتتعود و حتلاقيها سهلة جدا فوق ما تتصور ...

نضف البيت .. الهدوم .. العربية .. اي حاجة فيه ريحة سجاير .. استخدم معطر جو .. حط برفان كتير ..

و في الاخر .. في نصايح عامة ممكن تعملها او تبدأ بيها و حتساعد جدا :
1) كل خضار و فاكهة ( حجات ملونة كتير) .. طبعا مش سلطة بلدي اللي طول النهار زهقنا منها .. جرب مثلا فلفل اصفر او احمر .. كده يعني غير شوية
2) امشي كل يوم ساعة ... الصبح او باليل .. مع نفسك تقعد تتأمل او اجري كنوع من الرياضة (بتفرق جدا)
3) ابدا موضوع انك تبطل التدخين في اجازة عشان تبقى فاضي ليه .
4) متفقدش الامل .. مرة شربت سيجارة في النص .. عادي ممكن تحصل .. حيبقى عندك عزيمة اقوى انك تبطل
5) في حركة حلوة ممكن تعملها .. هات علبة و كل يوم شوف بتصرف كام عالسجاير و حط فلوس فيها كل يوم على قد ما بتصرف .. و اخر كل شهر .. لم الفلوس دي (حتلاقيها كتير اوي) ظبط بيها مثلا عربيتك او حاجة في شقتك او هات لنفسك حاجة جديدة .. حتلاقي العملية حلوة اوي .. كل خميس مثلا شاري لنفسك حاجة جديدة حتى لو حاجة هبلة ....

و انا من رأيي مفيش داعى لأدوية و كلام من ده لأن الحوار مش مستاهل .. انا ليا ناس زمايلي كتير مبطلين بالطرق دي ..

[رزق]

أعتقد لو خدتها بالتدريج هتقدر تبطل لكن لو بطلت مرة واحدة هترجعلها تانى واستغل فرصة انه رمضان جاى يعنى لو خدتها بالتدريج إن شاء الله بنهاية رمضان تكون بطلت خالص
بس لازم حضرتك يكون عندك الإرادة انه ما تزودش تانى العدد اللى انت قللته

حط جنبك كيس مكسرات او اي حاجة تقعد تاكل فيها طول ما انتا قاعد (لبان شيبسي بسكوت ) ... بتساعد جدا .. لأن النيكوتين بيرفع نسبة السكر في الدم فكأنك بتعوض بحاجة ... طبعا حاول تكون مثلا الحاجات دي مفيهاش سكر كتير عشان التخن ...

تاني حاجة .. لو وقفت مرة واحدة ده غلط و عمره ما حيحصل لان في حاجة اسمها nicotine withdrawal syndrome او متلازمة انسحاب النيكوتين و دي لما نسبة النيكوتين العالية اللي المخ متعود عليها تقل يبدا يحصل اكتاب و حزن و تعب و كده و الحل في عندك زي لبان نيكوتين و ده كويس و في زي patches و دي حاجات بتتلزق عالجلد فيها نيكوتين و بدخله عالدم عن طريق انها بتمتص من جلدك ...

حاول لما تيجي تبطل ,, مفيش داعي لوحدك ... اتفق انت و 2 او 3 او حتى 4 من صحابك و تابعوا مع بعض و شجعوا بعض ...

اول شهر مثلا اللي بطلت فيه تدخين .. ابعد عن اي حاجة فيها توتر و قلق ... اغلب الناس لما تتوتر تولع سيجارة (مع ان ده مش الحل) تقولي طب ازاي؟ بسيطة ... خدلك اجازة شهر فضي دماغك خالص .. متشربش سجاير .. احضر مثلا جلسات مساج او العب رياضة او يوجا .. اي حاجة المهم اشغل نفسك بحاجة غير حياتك و شغلك ...

في حاجات بتبقى زي trigger او زناد .. يعني لما تعملها تخليك تدخن .. زي مثلا بعد الاكل ( و دي حلها مثلا انك تغسل سنانك بعد الاكل و تاكل مثلا لبانة) او القهوة ( و دي حلها مثلا الشاي بدل القهوة بالذات الاخضر) طبعا انت مش حتقدر تبطل الحاجات دي عالطول بس واحدة واحدة حتتعود و حتلاقيها سهلة جدا فوق ما تتصور ...

نضف البيت .. الهدوم .. العربية .. اي حاجة فيه ريحة سجاير .. استخدم معطر جو .. حط برفان كتير ..

و في الاخر .. في نصايح عامة ممكن تعملها او تبدأ بيها و حتساعد جدا :
1) كل خضار و فاكهة ( حجات ملونة كتير) .. طبعا مش سلطة بلدي اللي طول النهار زهقنا منها .. جرب مثلا فلفل اصفر او احمر .. كده يعني غير شوية
2) امشي كل يوم ساعة ... الصبح او باليل .. مع نفسك تقعد تتأمل او اجري كنوع من الرياضة (بتفرق جدا)
3) ابدا موضوع انك تبطل التدخين في اجازة عشان تبقى فاضي ليه .
4) متفقدش الامل .. مرة شربت سيجارة في النص .. عادي ممكن تحصل .. حيبقى عندك عزيمة اقوى انك تبطل
5) في حركة حلوة ممكن تعملها .. هات علبة و كل يوم شوف بتصرف كام عالسجاير و حط فلوس فيها كل يوم على قد ما بتصرف .. و اخر كل شهر .. لم الفلوس دي (حتلاقيها كتير اوي) ظبط بيها مثلا عربيتك او حاجة في شقتك او هات لنفسك حاجة جديدة .. حتلاقي العملية حلوة اوي .. كل خميس مثلا شاري لنفسك حاجة جديدة حتى لو حاجة هبلة ....

و انا من رأيي مفيش داعى لأدوية و كلام من ده لأن الحوار مش مستاهل .. انا ليا ناس زمايلي كتير مبطلين بالطرق دي ..

اختلف لازم تفصل العادة مرة واحدة كولد تركي زي مابيقولوا
ملهاش لازمة تطول المعاناه
معظم الناس اللي بطلت اللي أعرفهم بطلوا مرة واحدة ويمكن وهما لسة في نص العلبة

[alynubira]

اخوانى الاعزاء انا كنت بشرب حوالى علبتين فى اليوم حتى من الله على بالصلاه وطلعلى علامه صلاه وانا واقف فى محل ملابس وباصص فى المرايا لقيت السيجاره فى ايدى وعلامه الصلاه فى وجهى حسيت انه ماينفعش فقررت اما ابطل صلاه او ابطل سجاير والحمد لله بطلت والطريقه كانت كالاتى:
1:اشتريت علبه وقلت دى اخر علبه وابقى مش راجل لو شربت تنانى (الحمد لله اتبقى منها سيجارتين)
2:غيرت نظام حياتى بالكامل لمده 5 ايام يعنى مثلا كنت باذهب للجامعه بالسياره بقيت باذهب مواصلات او مشى
كنت باخرج دائما ليلا لم اخرج تماما فى خلال الخمس ايام

[alynubira]

يا جماعه السجاير عاده اكثر منها ادمان
غير عادتاتك اللى مرتبطه بالسيجاره لمده اسبوع مثلا وانت تبطلها
الاراده انت لو عايز تبطل هاتبطل
واخيرا اسئل اى حد بيشرب سجاير غالبا هيقولك انه نفسه يبطلها يبقى تشربها ليه
هو ده السؤال اسئل نفسك انت بتشرب سجاير ليييييه؟؟

[BLOODY_STONE]

يا جماعه السجاير عاده اكثر منها ادمان
غير عادتاتك اللى مرتبطه بالسيجاره لمده اسبوع مثلا وانت تبطلها
الاراده انت لو عايز تبطل هاتبطل
واخيرا اسئل اى حد بيشرب سجاير غالبا هيقولك انه نفسه يبطلها يبقى تشربها ليه
هو ده السؤال اسئل نفسك انت بتشرب سجاير ليييييه؟؟

+1111111111111111