ينفع الراديو يلقط محطات برا مصر ؟

[Nistelrooy]

بسم الله الرحمن الرحيم

السلام عليكم ورحمة الله وبركاته


هل ينفع واحنا في مصر نلقط مثلا تردد محطة في السعودية .. ولو فية حاجات بتساعد علي كدا مثلا اجهزة بتركب مثلا في العربية ع الراديو .. علشان تخش المجال الخارجي وتلقط مثلا الترددات :)



لاني بصراحة مليت من راديو ومحطات مصر
وانا فاكر مرة والدي كان نازل بعربية من برا وهو مسيف المحطات مثلا 1 او 2 او 3 كذا .. لقيتة مرة لقط محطة من برا ( الكويت ) .. بس كان صوت وحش واعدت مثلا 5 دقايق وفصلت :) .. << علي ما اتذكر الناس كانت بتكلم خليجي

[Eslam.Elrefaey]

صعب اوى الا لو خارق بقا او قريب من هناك يعنى يلقط ليبيا من مرسى مطروح مثلا

[Nistelrooy]

صعب اوى الا لو خارق بقا او قريب من هناك يعنى يلقط ليبيا من مرسى مطروح مثلا

انا بردوا بقول مستحيل بس قولت اسال ممكن يكون في اجهزة ولا حاجة معينة :)

[ahmedsamir5edr]

ممكن بقي علي النت تسمع الراديو في البلد اللي تعجبك
انا بسمع راديو ألمانيا مثلا علي النت داااائما

[sayed911]

هوة مش فيه اتفاقيات بين الدول لتنظيم الطول الموجي للقنوات البثية ؟

[Nistelrooy]

ممكن بقي علي النت تسمع الراديو في البلد اللي تعجبك
انا بسمع راديو ألمانيا مثلا علي النت داااائما

اه الفكرة اني عايزها في العربية .. :)

هوة مش فيه اتفاقيات بين الدول لتنظيم الطول الموجي للقنوات البثية ؟

ولا اعرف يا ابو السيد ..

[sayed911]

انا عارف انه التداخل الموجي ومع اني ولا اتصالات وافهم فيها من اساسو والله ولكن انا عارف انه كانوا 3 انواع
fm - am والثالثة دي كانت موجات الشرطة وكان بيبقى فيه معاهادات على نصوص حاجة ده كان من التعليم الثانوي المعلومة الحمضانة دي محتاجين مهندس اتصالات يشرح المعلومة دي .

[د.أحمد السعيد]

الراديو على الرسيفر بيجيب كل حاجه ..... بس المهم اللى يرضى ربنا

[sherif_84]

الراديو يلقط محطات بره مصر لو انت قريب من الدولة دى يعنى مثلا وانت قاعد فى شرم الشيخ او فى دهب مثلا ممكن يلقط محطات من السعودية او الاردن او اسرائيل و كذلك بالنسبة لو انت فى مطروح ممكن يلقط اذاعة من ليبيا او اذاعة من أوروبا على الموجة sw1 - sw2 لان الراديو مالوش دعوة بالقمر الصناعى لان محطاته أرضية داخل كل بلد .

[Nistelrooy]

انا عارف انه التداخل الموجي ومع اني ولا اتصالات وافهم فيها من اساسو والله ولكن انا عارف انه كانوا 3 انواع
fm - am والثالثة دي كانت موجات الشرطة وكان بيبقى فيه معاهادات على نصوص حاجة ده كان من التعليم الثانوي المعلومة الحمضانة دي محتاجين مهندس اتصالات يشرح المعلومة دي .

ف انتظار مهندس الاتصالات :)

الراديو على الرسيفر بيجيب كل حاجه ..... بس المهم اللى يرضى ربنا

اانا عايز في العربية .. :)

والي يرضي ربنا طبعا

الراديو يلقط محطات بره مصر لو انت قريب من الدولة دى يعنى مثلا وانت قاعد فى شرم الشيخ او فى دهب مثلا ممكن يلقط محطات من السعودية او الاردن او اسرائيل و كذلك بالنسبة لو انت فى مطروح ممكن يلقط اذاعة من ليبيا او اذاعة من أوروبا على الموجة sw1 - sw2 لان الراديو مالوش دعوة بالقمر الصناعى لان محطاته أرضية داخل كل بلد .

شكرا جزيلاً ..

[eng.m7md.ali]

بقولك ايه
اتوقع اي حاجة من الكاسيت في عربيات بروتون
ياعم انا الكاسيت عندي بيشغل السي دي وال aux في نفس الوقت وبتسمع الاصوات داخلة في بعض ومحدش يستعجب

[Nistelrooy]

بقولك ايه
اتوقع اي حاجة من الكاسيت في عربيات بروتون
ياعم انا الكاسيت عندي بيشغل السي دي وال aux في نفس الوقت وبتسمع الاصوات داخلة في بعض ومحدش يستعجب

بس الي حصل ده كان في عربية باجيرو مش بروتون
بس ده لا يخفي ان قبل كدا في حصل تداخل في كاسيت بروتون لما كنت مشغل الموبيل ع الكاسيت مع الراديو

[CryptonX]

ساعات كتير لما ببقى في المعادي في قناة بتبقى بين نجوم اف ام و نايل اف ام ... بتجيب اغاني اجنبي . .. بس لغة المذيعين عبرية !

[زهير فكري]

يمكن التقاط اي موجه اذاعيه تصل لجهاز الاستقبال , و يتوقف التقاط الاشاره او الموجه علي مدي حساسيه جهاز الاستقبال و جوده تصميمه , يعني باختصار لو جهاز الردايو الخاص بك عالي الجوده ومصمم لالتقاط الموجات الضعيفه فيمكنك سماع المحطه , ولكن توجد عوائق اخري تحد من استقبال الموجات و اقصد هنا موجات AM , FM ,SW1 ,SW2
وهي الطاقه المرسل بها الموجه و طبعا كلما ارسلت بطاقه اكبر تستطيع السير مسافه اكبر وتلتقط بوضوح , و ايضا تردد الموجه فكلما زاد التردد كلما كان افضل من ناحيه نقاء الصوت بالاضافه لمعوقات اخري مثل الظروف الجويه السيئه كالأمطار و العواصف و العوائق التضاريسيه الطبيعيه مثل الجبال الشاهقه و الأشجار و المباني العاليه ...الخ , و السر في عدم وضوح التقاط الموجات وخاصه التي تأتي من اماكن بعيده يكمن في المعوقات التي ذكرناها من قبل حيث تؤدي هذه المعوقات الي حدوث تشويه او شوشره في الموجه المرسله او ما يطلق عليه Noise و هي العدو اللدود للموجات المرسله في الهواء .

اما بخصوص السؤال عن هل يمكن التقاط اي موجه تبث علي مستوي العالم , فالاجابه لا , فلا يمكن مثلا واحد في مصر يلتقط راديو محطات المانيا مثلا والذي يبث من المانيا او من السويد مثلا ,,, وذلك لانه هناك اتفاقات دوليه تحتم الالتزام بحدود البث واتجاهه بالاضافه لو فرضنا ان ده حصل و عايزيين نستقبل محطه راديو من المانيا يبقي هنحتاج برج اذاعه طوله بالكيلومترات يستحيل تصميمه في الواقع و طاقه كهربيه ضخمه جدا مما يعني تكلفه باهظه جدا لا يتحملها احد , لذلك من هنا جاءت فكره الأقمار الصناعيه والتي تتخذ مكانا ثابتا في السماء معروف ولو انا عايز ابث محطه راديو من المانيا لمصر فيتم ارسال الموجه الاذاعيه من المانيا باتجاه القمر الصناعي و القمر ياخدها و يعيد بثها مره تانيه في اتجاه مصر , يعني القمر عباره عن وسيط .

اما جزئيه سماع بعض المحطات الغريبه علي نفس الموجه او دخول محطه اخري للحظات ثم تختفي ده يسمي تداخل او تشويش , وده بيحصل من الدول الحدوديه القريبه و غالبا بيكون من اسرائيل او لبنان , ما تفهمش بيستهبلوا ولا ايه لدرجه ان الناس في العريش مثلا كان واحد بيحكيلي وقتها ماكانش الستالايت انتشر , ان القناه الأولي عندنا بيتم الشوشره عليها و تلاقي التلفزيون بقي عبري , طبعا ده غلط لانه في شروط للبث زي ما قلنا , لكن احيانا بيتم التقاط بعض المحطات البعيده زي ايران او تركيا بالخطأ و ده بتلاحظها اكتر في الأماكن الصحراويه المفتوحه او الطرق الصحراويه او الأماكن الساحليه او التي لا يوجد بها مباني شاهقه وده بيبقي تداخل غير مقصود نتيجه لاختلاف درجات حراره الطبقات الجويه من بروده او سخونه و بيكون لحظات وبينتهي و يتوقف بشكل كبير علي مدي جوده نظام الاستقبال عندك .

[Nistelrooy]

زهير فكري
كفيت ووفيت