حال الأزواج في مصر

[Adham_Sabry]

منقوووووووووووول

بحبك

بعد 6 اسابيع : بحبك بحبك بحبك ... بحبك

بعد 6 شهور : اكيد بحبك

بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟

بعد الشغل

بعد 6 اسابيع : حبيبتي انا جيت من الشغل

بعد 6 شهور : انا رجعت

بعد 6 سنين : فين الاكل ؟؟

جرس التليفون

بعد 6 اسابيع : حبيبتي فى حد عايزك على التليفون

بعد 6 شهور : التليفون دة ليكى

بعد 6 سنين : ماتردى ! انا عندى صداع

وقت الغدا

بعد 6 اسابيع : ماكنتش اعرف ان نفسك حلو اوى كدة

بعد 6 شهور : عاملة ايه النهاردة

بعد 6 سنين : بامية تانى

لما تشترى فستان جديد

بعد 6 اسابيع : مبروك ياحبيبتي , هياكل منك حتة

بعد 6 شهور : انتى جبتى فستان جديد تانى ؟

بعد 6 سنين : همم بكام ؟

لما يتفرجوا على فيلم

بعد 6 اسابيع : تحبي نشوف فيلم ايه ؟

بعد 6 شهور : ماتقلبيش المحطة انا عايز الفيلم دة

بعد 6 سنين : انا رايح السينما , نامى انتى بقى

لما تعزم اصحابها

بعد 6 اسابيع : وماله اهلا بيهم فى اى وقت

بعد 6 شهور : انتى كل اسبوعين هاتعزميلنا حد ؟

بعد 6 سنين : يوووووه دة مابقاش بيت

لما يروحو السوبر ماركت

بعد 6 اسابيع : تحبي تروحى انهى سوبر ماركت يا حياتى

بعد 6 شهور : وماله عم انور البقال ؟

بعد 6 سنين : انتى بتودى الاكل فين !؟؟

لما ييجى عيد ميلادها

بعد 6 اسابيع : معلش كان نفسي اجيبهولك الماظ

بعد 6 شهور : خدى 50 جنيه وهاتى اللى انتى عايزاه

بعد 6 سنين : مش عيد ميلادك كان السنة اللى فاتت هوكل سنة ولا ايه !؟

فى العيد

بعد 6 اسابيع : حبيبتي الكحك والبسكوت برة على السفرة

بعد 6 شهور : مش واجب بقي مامتك تجيب لنا الكحك

بعد 6 سنين : مش لازم كحك السنة دى .. انتى تخنتى اوى

وهى رايحة للدكتور

بعد 6 اسابيع : حبيبتي قولىبى قبلها عشان اعمل حسابي فى الشغل

بعد 6 شهور : خدى مامتك ولا حد من صحابك

بعد 6 سنين : دكتور دكتوووووووور .. مانتى زى البمب اهو

المولود الاول : زى القمر .... شبهك

المولود التانى : شبه اخوه

المولود التالت : ياريت تخللى بالك المرة الجايه

بس انا مبعملش كده انا ناقل الموضوع بس :D

[ahmedsamir79]

جامده جدا
ضحكتني فعلا

[talent]

الحمد لله انى لسه ما اتجوزتش

[mokhtar]

جامده موووووووووووووووت
للاسف ده كتير من الواقع

..mokhtar..

[zeyad1810]

:D:D:D:D:D
:D:D:D:D
:D:D:D
:):)

[حاتم سليم]

عزيزى ابو زايد

بعد 20 سنه

يشترى الزوج لزوجته

طاقية الاخفاء... :D

[eng_mkhalaf]

جامدة موووووووووووووت :)

[محمد المشد]

مش اوى كدة 00 دا الزوجات زى العسل ! على الاقل معاية مش عارف اية حالكم بقى

[turboman]

و الله زي العسل.....

[OlaOsman]

صحيح يا جماعة هو ليه الرجل صعب يعيش من غير ما يتريق على الزواج؟ يعني تلاقي الراجل من دول بيحب زوجته و مستقر في حياته العائلية، انما سنة الحياة عنده هو انه يتحسر على أيام العزوبية و على حاله بعد الزواج و يبدع البعض في إطلاق النكات على الزواج و الزوجات.. ليه :o

[محمد المشد]

اصل يا علا ايام العزوبية للبعض سعيدة وجميلة لانها بلا مسئولية ، ورامى حمل مسئوليتة على غيرة ، واعتقد ان الشخص السوى فى حياتة لا يمكن ان يطلق النكات والتريقة على زوجتة ام اولادة خاصة ممن يتقى الله ويتمنى لابنتة حياة سعيدة بأذن الله

[OlaOsman]

[quote=محمد المشد;241748]اصل يا علا ايام العزوبية للبعض سعيدة وجميلة لانها بلا مسئولية ، ورامى حمل مسئوليتة على غيرة /quote]
طيب ماهي الزوجة برضه يا أستاذ محمد بتودع حياة اللا مسؤولية و الحرية بلا رجعة، ده حتى الزوج ممكن كل ويك اند يخرج مع أصحابه و يسهروا مافيش مشاكل.. و اهي الزوجة في البيت بالولاد.. انما الزوجة مش بيكون عندها الحرية انها تسيب ولادها مش هاقول مع زوجها، لأ مع والدتها حتى و تروح تقابل صحباتها بتوع المدرسة او الجامعة.. ده غير ان الزوجة بتحتاج إذن و موافقة زوجها على خروجها، في حين ان الزوج مش محتاج إذن حد عشان يخرج.. بالرغم من كده ما بنسمعش الستات بيشتكوا من حياتهم اللي كلها قيود و مسؤوليات، في حين ان الرجالة في معظم كلامهم لازم يتريقوا على قفص الزوجية اللي دخلوا بإرادتهم و يحنوا لأيام العزوبية و الحرية.. مين بأه اللي المفروض يتكلم عن الحرية؟؟

واعتقد ان الشخص السوى فى حياتة لا يمكن ان يطلق النكات والتريقة على زوجتة ام اولادة خاصة ممن يتقى الله ويتمنى لابنتة حياة سعيدة بأذن الله

كلام سليم 100% :)

[hamedo0]

هو بيتريق علي شان بيحبها بس هو مش كل شويه حيعقد ياقولها لازم يبقي فيه شويه كوميديه بين الراجل ومراته