مليون تحيه للمخابرات المصرية ..فيديو للجاسوس الاسرائيلي

[moudy88]

ماشاء الله ..على المخابرات بتاعتنا ..مكانش ناقص غير يجيبو صور ليه وهو بياخد دش ..الباشا شكله كان جاي سياحه وبالمره تجسس[youtube]http://www.youtube.com/watch?v=zaReS8K-py0[/youtube]
الفيديو يظهر الجاسوس الإسرائيلي أثناء مراقبته من قبل الأجهزة الامنية، ويبدو الجاسوس في هذه اللقطات أثناء وقوفه أمام قسم الأزبكية، خلال الأحداث التي شهدها القسم بعد وفاة سائق واتهام الشرطة بتعذيبه

[yoyos]

حضرتك اية اللى مخليك مقتنع ان الموضوع حقيقى ؟؟

[otefa]

حضرتك اية اللى مخليك مقتنع ان الموضوع حقيقى ؟؟

وحضرتك أيه ألي مخليكي تشكي أن الموضوع حقيقي؟
الأمر مفروغ منه أن مصر دائما مستهدفة من الكيان الصهيوني
وألي يشك أنهم ليهم أعين وكيانات بمصر يبقى حسن النية قوي .........وأكيد ماخفي كان أعظم وياما حذرت أنا وغيري من تقليل الأعتصامات والمظاهرات في الفترة الأخيرة علشان يبان العناصر المشبوهة ويسهل السيطرة عليهم لأنهم سهل جدا يدارو في الزحمة ويوقعو بين الشعب والجيش

وعموما أنا بأثق في قوة أجهزة المخابرات المصرية

[moudy88]

وحضرتك أيه ألي مخليكي تشكي أن الموضوع حقيقي؟
الأمر مفروغ منه أن مصر دائما مستهدفة من الكيان الصهيوني
وألي يشك أنهم ليهم أعين وكيانات بمصر يبقى حسن النية قوي .........وأكيد ماخفي كان أعظم وياما حذرت أنا وغيري من تقليل الأعتصامات والمظاهرات في الفترة الأخيرة علشان يبان العناصر المشبوهة ويسهل السيطرة عليهم لأنهم سهل جدا يدارو في الزحمة ويوقعو بين الشعب والجيش

وعموما أنا بأثق في قوة أجهزة المخابرات المصرية

+1111111

حضرتك قولت اللي كنت هقوله ...وايه اللي يخلينا نقول انه مش جاسوس ..فيه ناس بتشكك بتقول انه مش معقوله انه بالغباء ده علشان عنده اكونت على الفيس ..كل شء ممكن والبلد مفتوحه على البحري ومفيش امن وتغري اي حد حتى ولو كان مش محترف

وده الاكونت بتاعه على الفيس

https://www.facebook.com/pages/%D9%83%D9%84%D9%86%D8%A7-%D8%A5%D9%8A%D9%84%D8%A7%D9%86-%D8%AA%D8%B4%D8%A7%D9%8A%D9%85-%D8%AC%D8%B1%D8%A7%D8%A8%D9%8A%D9%84/172398896154766#!/ilan.grapel?sk=info

[yoyos]

وحضرتك أيه ألي مخليكي تشكي أن الموضوع حقيقي؟
الأمر مفروغ منه أن مصر دائما مستهدفة من الكيان الصهيوني
وألي يشك أنهم ليهم أعين وكيانات بمصر يبقى حسن النية قوي .........وأكيد ماخفي كان أعظم وياما حذرت أنا وغيري من تقليل الأعتصامات والمظاهرات في الفترة الأخيرة علشان يبان العناصر المشبوهة ويسهل السيطرة عليهم لأنهم سهل جدا يدارو في الزحمة ويوقعو بين الشعب والجيش

وعموما أنا بأثق في قوة أجهزة المخابرات المصرية

اكيد طبعا بس الفكرة ان اكيد اسرائيل عندها طرق تانية خالص للتجسس غير الطرق التقليدية دية مش انهم يبعتوا واحد وكمان بباسبور اسرائيلى يعنى مكشوفة اوى جايز مثلا جاى يتفسح او كدة لكن اشك انه جاسوس لانهم متقدمين اكتر مننا بمراحل كبيرة جدا بالرغم من عدد سكانهم يعنى احنا 85 مليون وهما تقريبا 14 مليون بس هما فى التقدم غيرنا خالص وده لانهم كلهم بيشتغلوا لصالح بلدهم ( اسرائيل ) زى بالظبط احنا المصريين لو كلنا اتحدنا مع بعض ممكن نبقى اقوى منهم

[otefa]

اكيد طبعا بس الفكرة ان اكيد اسرائيل عندها طرق تانية خالص للتجسس غير الطرق التقليدية دية مش انهم يبعتوا واحد وكمان بباسبور اسرائيلى يعنى مكشوفة اوى جايز مثلا جاى يتفسح او كدة لكن اشك انه جاسوس لانهم متقدمين اكتر مننا بمراحل كبيرة جدا بالرغم من عدد سكانهم يعنى احنا 85 مليون وهما تقريبا 14 مليون بس هما فى التقدم غيرنا خالص وده لانهم كلهم بيشتغلوا لصالح بلدهم ( اسرائيل ) زى بالظبط احنا المصريين لو كلنا اتحدنا مع بعض ممكن نبقى اقوى منهم

عندك حق وعلشان كده قلت وماخفي كان أعظم
بس التقدم لايغني عن الحاجة لذرع عناصر في قلب الشارع
وبعدين مش هاينفع يتبلو عليه وعيون العالم مركزة على مصر أكيد في دلائل قوية جدا ماسكنها عليه وهايبان اليومين الي جايين أسرائيل هاتحاول تسترده ولا هاتنكر وتخاطر بأي معلومات ممكن تتعرف منه عنهم
ربنا يحفظ بلدنا

[aif]

فين ايامك يا محسن يا ممتاز

[ecybrarian]

طبعا لا شك إفي قدرة جهاز المخابرات العامة، فقط للحقيقة معظم الصور دي مقصودة وليست استخبراتية..شكل البيه كان عامل بيتفسح او بيدرس الاسلام وكدا..انا شفت الصفحة بتاعته على الفيس فيها كلام عن الدعوة الاسلامية!!!!

[Dr Zezo]

مساك الله بالخير يا دكتور بحري
في هذا السياق اتذكر قوله العجلة نايمة و عايزة تتنفخ

و ربنا يسامحك يا نبيل فاروق انت و صالح مرسي

[otefa]

بيتناقشو في الموضوع على العاشرة مساءا

[chato_eg]

أول مرة تكشف قضية تجسس بتفاصيل دقيقة لدرجة صور الجاسوس الخاصة إللى مش عارف هو ليه شايلها معاه ( خصوصا و هو فى الجيش ) و بالسرعة دى كمان....
المعتاد إن الجاسوس بيتقيض عليه النهاردة...و إذا اقتضت الحاجة ممكن يكشف عن القضية و القليل من التفاصيل بعدها بفترة طويييلة

أسلوب الكشف و توقيته على غير المعتاد و هو ده إلى ممكن يثير الشكوك

أنا شخصيا أول مرة أشوف جاسوس ممسوك و صور كتير أوى كده له متاحة..مش فاضل غير نعمل له Flickr account !!

[Moh.Abdelbaset]

أعتقد الموضوع لو فيه شك
كان زمان إسرائيل كدبت..مش هتستنى يعني
و يا خبر النهاردة بفلوس بكرة يبقى ببلاش

[AirForces]

معلش توضيح بس الجاسوس ما دخلش بباسبور إسرائيلى دا داخل على انه صحفى لوكالة انباء دولية على انه ساعات من رومانيا وساعات من استونيا هو دخل مصر بتاع 4 او 5 مرات من اول ما الثورة بدأت وحضر كل المظاهرات وقعد على القهاوى ودخل الجوامع وحاول يجند ناس كتير والمخابرات كانت متتبعاه من اول ما دخل يعنى بقاله متراقب بتاع 5 شهور وكان كل حاجة بيبعتها لإسرائيل متراقبة والصور هو مكانش شايلها معاه دى الصور حصلت عليها المخابرات لأنه كان متراقب وفى صور عناصر المخابرات صورتها زى فى الفيديو بتاع قسم الأزبكية دا على حسب كلام العاشرة مساءا انهارده

[heshamzaky]

........... منقول .............

أكد اللواء حسن الروينى قائد المنطقة المركزية، على أن أحد أهداف الجاسوس الإسرائيلى كانت محاولة إحداث وقيعة بين الجيش والشعب، لافتا إلى أن هناك فئات من المصريين انصاعت لأهدافه وكانت تهاجم الجيش.

وأشار"الروينى"، إلى أن الجيش يميل إلى رفع حظر التجول يوم 15 من الشهر الجارى، بغية تنشيط السياحة العربية التى ستبدأ الشهر القادم، حيث إن مصر تحتاج إلى الدخل السياحى فى هذه الفترة، مؤكدا على أن رفع حظر التجول لا يعنى عدم تواجد أفراد الجيش فى الشارع، بل سيتواجدون فى الأكمنة الليلية، وأثناء المداهمات وضبط الخارجين عن القانون.

وحول التقييم الأمنى فى الشارع المصرى حاليا، قال "الرويني" خلال مداخلة ببرنامج "القاهرة اليوم" على قناة أوربيت مساء اليوم الأحد، على أن الوضع الحالى أصبح أفضل من السابق، كما بدأت الشرطة تحكم سيطرتها بشكل أكبر على الشارع، مبديا تفاؤله بأن المستقبل الأمنى أفضل.

[heshamzaky]

............ منقول ...............
أكد اللواء سامح سيف اليزل الخبير الأمنى أن المخابرات المصرية تعاملت مع الجاسوس الإسرائيلى بكفاءة عالية، وتعاملت معه بطريقة لم يشعر بها إطلاقا، وأن السائح يدعى "إيلين جورين"، وهو من مواليد 1983، ويعمل ضابطاً فى جيش الدفاع الإسرائيلى، وشارك فى حرب لبنان وأصيب خلال الحرب، وقام بدخول البلاد بجواز سفر أوروبى، ويعمل فى مجال الصحافة.

وأشار "سيف اليزل"، خلال مداخلة هاتفية مع الإعلامى جمال عنايت، من خلال برنامج "على الهوا" الذى يذاع على قناة "الصفوة"، إلى أن هدف الجاسوس من التواجد مع المتظاهرين هو معرفة فكر المصريين بجميع فئاتهم، وتحيزاتهم الشخصية، ومعرفة تطوراتهم وتوقعاتهم من إجراء انتخابات الرئاسة القادمة من جميع قطاعات الشعب، وأن المخابرات العامة قامت بتصوير الجاسوس الإسرائيلى وهو يحمل لافتات كانت يحملها أثناء الثورة، وتواجده بجوار قسم الأزبكية، وأن المخابرات العامة لديها 4 قضايا تجسس إسرائيلية تم القبض عليهم أثناء الثورة.

وأكد اللواء سيف اليزل أنها المرة الأولى التى تتمكن فيها المخابرات المصرية من إلقاء القبض على جاسوس إسرائيلى منذ 50 عاما، مشيراً إلى تمكن المخابرات من ضبط 5 قضايا تجسس لـ4 لعملاء للموساد، وواحدة إيرانية بعد الثورة، وذلك لم يحدث فى أية دولة فى العالم، وهذه تعتبر شهادة للمخابرات العامة المصرية التى تتوخى الدقة والاهتمام .

كما أوضح "سيف اليزل" خلال مداخلة هاتفية للبرنامج "الحياة اليوم"، أن الجاسوس الإسرائيلى دخل مصر بجواز سفر غير إسرائيلى، ولديه تأشيرة سياحية على اعتباره صحفيا.

وأوضح "سيف اليزل" أن الضابط قام بمحاولة تجنيد عدد من الشباب المصريين لصالح إسرائيل، وكان يعمل على تحريض الشباب ضد الشرطة أثناء حادث قسم الأزبكية .

وأكد "سيف اليزل" أن المخابرات المصرية لديها كافة الأدلة التى تؤكد إدانة الضابط الإسرائيلى، بما فيها جواز سفره الإسرائيلى، وصوره داخل المساجد والمقاهى مع الشباب المصريين .

يذكر أن المخابرات العامة المصرية قد ألقت القبض على الجاسوس الإسرائيلى بتهمة التجسس والتخابر لصالح إسرائيل، وإثارة الفتنة بين الشعب والجيش، والإضرار بالأمن القومى للبلاد، والحصول على معلومات تتعلق بأوضاع البلاد الأمنية والسياسية والاقتصادية والاجتماعية بعد الثورة.