احلي قلشات الجاسوس الاسرائيلي

[nonetta]

فكرتني بالنكتة اللي بتقول
الموساد قرر إنه يشغـّل بلدياتنا جاسوس عنده ... بعد طول بحث إستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالوا له أنه كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. حترجع مصر و تنفذ كل التعليمات اللى قلنا لك عليها
هريدى : طب ازاى حاتصل بيكم
مدرب الموساد : لا لا .. انت ما تتصلش .. احنا لما نحب نتصل بيك حا نبعت لك مندوب يقول لك ازايك و ازاى امك .. تعرف إنه تبعنا .. ماشى يا هريدى ؟
هريدى : تحت أمرك يا فندم
و فعلا رجع هريدى لمصر .. و بعد شهرين أحس الموساد انه لازم يتصل بهريدى ..فراحوا باعتين له مندوب
المندوب سأل بواب العمارة بتاعت هريدى : هو هريدى ساكن فى أنهى شقة ؟
البواب : أنهى هريدى يا بيه .. العمارة فيها 4 هريدى
المندوب خاف العملية تنكشف فقال له : قول لى شقة أى واحد فيهم ...
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : إنت هريدى ... إزايك و ازاى أمك ؟
هريدى : لا مش أنى ... إنت عايز هريدى الداسوس .. هو ساكن فى الدورالرابع
هههههههههه

[م. حاتم السباعي]

الموضوع مش تشكيك
ولكنة سخرية من الطريقة الساذجة بفجاجة والتي تستخدمها وسائل الإعلام المصرية (((لإستغلال))) الموضوع
يعني يقولوا إن هو المحرض في أحداث (قرية صول - أحداث إمبابة - قسم الأزبكية - تقليب الشباب علي الجيش .......)
لية ...... سوبر جاسوس ولا سوبر ماريو!!
من ناحية إنة جاسوس وكان بينقل معلومات عن أماكن حساسة وأحداث ملتهبة .. تمام ... متفقين
لكن إن وسائل الإعلام تحاول تستخدم الحدث لتبين إن هذا الشاب النحيل سبب كل هذة المشاكل (تلك هي السخرية)

و كمان إللي يغيظ ويخنق ... بس من الفوضي إللي إحنا عايشين فيها
(1) إن إكتشافة جاء بالصدفة عندما أبلغ عنة بعض الشباب الذين تشككوا فية
(2) إنة كان يتجول بكل حرية ويدخل المساجد وينام ويتكلم ويخطب .....................
في شعب متساهل كدة ......
يعني أنا لو جاسوس مصري ورحت تل أبيب .. الناس هناك هايسمحولي أدخل معبد أديهم فية عظة ؟؟؟؟؟؟؟؟؟؟؟؟؟؟؟؟؟؟

اذن اخي الكريم الانتقاد هو لوسائل الاعلام و ليس من ادلي لوسائل الاعلام بأن مخابرات بلدنا اكتشفت جاسوس
و هو قيد التحقيق
و عليه حضرتك لا تشك ابدا في مخابرات بلدك و لا من هم قائمون علي حكم البلد حاليا
و لكن هذا للاسف هو رأي حضرتك فقط و لو تابعت طريقة تحليل كثير من الاعضاء ستجد فيها التشكيك في اصل الخبر و ليس تناوله كما فهمته انت و اعترضت عليه
الموضوع بالنسبة للبعض انه فقد الثقة بكل ما هو حوله او له علاقة بالحكم الذي لا يؤمن هو به و الكل مدان في نظرهم الي ان يثبت العكس ( و لو ثبت هذا العكس يقولو مهو شغلهم هما هيمنو علينا يعني ) و كأن مثلا رجال المخابرات دول احنا معلقين صورهم في حياتنا زي لاعيبة الكورة و لا حتي بيتنشر لهم كام صورة زي لما مجموعة ضباط في قسم يمسكو حرامي غسيل و تذكر اساميهم قبله في الموضوع التافه الغير مجدي اصلا ان كانو مسكوه او تركوه يمكن كان اصلا الغسيل اللي سارقه مقطع
اخي الكريم ان ما اعنية هي مجموعة من الاعضاء يستخدمون دائما عقولهم في كل شئ الا للاسف حينما يعترضون علي موضوع من وجهة نظرهم تراهم يغيبون هذا الفكر و المنطق في تحليلهم لمشاركتهم
و تقبل تحياتي

م.حاتم السباعي

[رزق]

+111111
كلامك مظبوط و زي ما قلت ان لا ادعي اني متأكد انه جاسوس ام لا....كل ما في الأمر ان الحدوتة المتداولة في وسائل الاعلام غير منطقية علي الاطلاق...لكن الحقيقة ايه...الله أعلم

و اصلا انا مش عارف ايه التهمة الموجهه له!!!
وجود اسرائيلي داخل مصر ليس جريمة لا قبل الثورة ولا بعدها
وجوده في ميدان التحرير مش جريمة
الصور الي معاه معظمها صور مظاهرات و صور في اماكن سياحية...برده مش جريمة
وقوفه في ميدان التحرير و شايل يافطة من بتوع المظاهرات برده مش جريمة
كونه خدم في الجيش الاسرائيلي مش جريمة لان كل الاسرائيلين بيدخلوا الجيش
دخل جامع و هو يهودي برده مش جريمة
الحاجة الوحيدة اللي فاضلة حكاية انه كان بيحرض علي الشغب و دي انا مش قادر اتخيلها...واحد بيتكلم انجليزي او عربي مكسر هايحرض علي الشغب ازاي؟؟؟؟

متفق

كمان لسبب مامفيش حد في أي قضية -خصوصا في الاعلام - بيعمل بمبدأ المتهم 'بريء حتى تثبت ادانته'
حتى لو كان اسرائيلي

[م/مصطفى محمود]

هههههههههههههههههههههههه

حلوة النكتة

[wael17]

اذن اخي الكريم الانتقاد هو لوسائل الاعلام و ليس من ادلي لوسائل الاعلام بأن مخابرات بلدنا اكتشفت جاسوس

[/color][/size][/font]
م.حاتم السباعي

+111
بما ان انا اللي بدات الموضوع فاحب أأكد ان الانتقاد و السخرية ليست من المخابرات او المجلس العسكري او الجيش لان انا من الناس الي بتعتبر الجيش خط أحمر و لا أقبل اي تجريح او اهانة له و انا من اشد المعارضين لحكاية مجلس رئاسي و الكلام ده و اثق في الجيش ثقة عمياء في قيادة مصر حتي يتم تسليمها لحكومة منتخبة
الموضوع كله ان القصة التي يروجوها الاعلام غير منطقية يعني مثلا من اللي قال انه ظابط موساد في الأول؟؟؟؟ أكيد واحد صحفي او موقع او جريدة و اكيد كلنا ملاحظين عدم المهتية اللي موجودة في كل وسائل الاعلام ...يعني 50% من الاخبار اللي بنسمعها بيتم نفيها تاني يوم

و بعدين المفروض لما جاسوس بيتمسك بيتم التعامل مع الامر بسرية لان غالبا في جواسيس تانية و لما تمسك واحد و تعمل زيطة الباقيين هايهربوا (و كمان هايمسحوا صورهم بلبس الجيش الاسرائيلي من علي اللابتوبات بتاعتهم)
و بكرة الايام تبين الحقيقة...لو ده جاسوس يبقي المفروض خلال فترة قصيرة يتحاكم و ياخد عقوبة شديدة ولا الموضوع هايتنسي مع الوقت
و تقبل تحياتي

[human]

من المخابرات المصريه الى المخابرات الاسرائلية شكرا على الموبايل والكاميرا الديجيتال

[زينة الله]

من المخابرات المصريه الى المخابرات الاسرائلية شكرا على الموبايل والكاميرا الديجيتال

ههههههههههههههههه ما بقاش فيه دموع فى عيون وقحة ::> بقيت يتدب فيها رصاصة :)

لو باقى من اللى كانوا بيخزقوا بيها عيون الثوار :> حسبنا الله ونعم الوكيل

[human]

ديه منقولة

في السنة اللي مسكنا فيها الجاسوس الاسرائيلي
هربنا رشيد و غالي و حسين سالم
مخابرات مصري ..ام الاجنبي

[Forever.Leo]

اعقد انه في القضايا اللي زي كده ، ما بيبقاش الجمهور هو المستهدف في الاساس بالشو ، دي بتبقى رسايل ما بين اجهزة المخابرات و بعضها .. سياسية ممكن .. تصفية حسابات جايز .. ، فيها من المخفي اكثر من المعلن .. المشكلة ان الجمهور بيحاول يجمع الاجزاء المتاحة بالنسباله علشان يفهم الموضوع .. اللي مش هيفهمه برضه في النهاية .

[Dojuar]

في الفيلم بتاع لا تراجع و لا استسلام قاللوا الفكرة بتاعتك اتهرست في 100 فيلم قبل كده...رد عليه و قال عشان اتهرست قبل كده محدش هايفكر أن احنا هانعملها تاني

متهيألي ديه حالة الجاسوس بتاعهم...مش لازم الجاسوس ميختلطش بالناس و ومينزلش التحرير يتظاهر

و مش لازم دور الجاسوس يكون جمع معلومات بس برضوا

[otefa]

في الفيلم بتاع لا تراجع و لا استسلام قاللوا الفكرة بتاعتك اتهرست في 100 فيلم قبل كده...رد عليه و قال عشان اتهرست قبل كده محدش هايفكر أن احنا هانعملها تاني

متهيألي ديه حالة الجاسوس بتاعهم...مش لازم الجاسوس ميختلطش بالناس و ومينزلش التحرير يتظاهر

و مش لازم دور الجاسوس يكون جمع معلومات بس برضوا

++++++99999999

[human]

في الفيلم بتاع لا تراجع و لا استسلام قاللوا الفكرة بتاعتك اتهرست في 100 فيلم قبل كده...رد عليه و قال عشان اتهرست قبل كده محدش هايفكر أن احنا هانعملها تاني

متهيألي ديه حالة الجاسوس بتاعهم...مش لازم الجاسوس ميختلطش بالناس و ومينزلش التحرير يتظاهر

و مش لازم دور الجاسوس يكون جمع معلومات بس برضوا

ده على اساس ان ظابط المخابرات هناك هو ماجد الكدوانى والجاسوس هو حزلئوم والثوار جمهور سينما درجه تالته مثلا؟؟؟؟؟؟؟؟؟؟؟؟؟؟؟؟؟؟؟؟؟؟؟

[زينة الله]

و ما تنسوش المترجمة ::) اش لابيدش ::> يعنى ماليش فيه ::> !!!!!!!!!!!

فعلا لا تراجع ولا استسلام :)(:

[Dojuar]

ده على اساس ان ظابط المخابرات هناك هو ماجد الكدوانى والجاسوس هو حزلئوم والثوار جمهور سينما درجه تالته مثلا؟؟؟؟؟؟؟؟؟؟؟؟؟؟؟؟؟؟؟؟؟؟؟

خد كلامي كله على بعضه..الاجتزاء يخل بالهدف

[human]

خد كلامي كله على بعضه..الاجتزاء يخل بالهدف

يعنى مثلا افهم ايه من كلام حضرتك اللى على بعضه

انهم باعتين ظابط اسرائيلى عشان يبان فى الثورة و يحرض الناس على الجيش وليس من اجل ان يجمع معولمات مثلا

على اساس ان رصد مواطن يهودى بالقاهرة موضوع صعب مثلا وهو داخل البلد بجواز امريكى فيه انه يهودى وجايب معاه صوره وهو فى الجيش عشان تبقى زكرى تفكره مثلا

بجد انا مش لاقى كلام يتاخد كله ولا حته منه

انا متابع تعليقات حضرتك وكتير بتفق معاك بس الموضوع ده بعيد حبتين تلاته

ده رايى