إعـــــــلان

Collapse

.

,
See more
See less

الملف اللذي طلبته قد يكون مشنوقا او محروقا (يوم في المرور )

Collapse
X
 
  • Filter
  • الوقت
  • Show
Clear All
new posts

  • الملف اللذي طلبته قد يكون مشنوقا او محروقا (يوم في المرور )

    هو عنوان الموضوع مبهم شويه
    بس ده اللي جه في دماغي اول ما شوفت الختم ده

    اه والله ده ختم بجد وبحق وحقيقي
    وختم حكومي كمان
    روحت اجدد رخصه العربيه
    واثبت الموتور الجديد علي الرخصه راحو رازعينهولي علي الورق
    ولما شوفته موتت علي روحي من الضحك
    ححكيلكم دلوقتي بقي اليوم من اوله
    -----------------------------------------
    كلمت صديق ليا بيخلص اوراق للعربيات في المرور وواخد توكيلات من شركات وناس للتخليص
    فقالي قابلني في مرور ابيس 9 الصبح
    قولتله بس انا محرم بيك
    قالي لا لازم نروح ابيس علشان شهاده المخالفات لان محرم بيك اتحرق
    فروحنا
    دخلنا علي شباك المخالفات
    جيبنا شهاده فاضيه وراحوا كاتبينها بان مفيش مخالفات (من مميزات الثوره ) واتختمت من تنفيذ الاحكام
    معرفش ايه لزمتها الخطوه دي بس ما علينا
    ورجعنا علي مرور محرم بيك
    طبعا نظريه الجنيه غلب الكارنيه كانت في اوج زهوتها اليوم ده
    واحد هبش ورقه ب100
    خلصلي الفحص والطفايه وكتبلي كمان ان المثلث وشنطه الاسعاف موجودين
    وان العربيه فيها مرايات ومفيهاش ولا فانوس اشاره مكسور ولا مغيره تلت امامي ولا حاجه خالص
    وان شكمانها بيطلع اوكسيجين نقي
    لدرجه خلتني اتخيل
    ان لو حد جاله ضيق تنفس حيحطوله وشه في شكمان عربيتي ويخلوني ادوس بنزين علشان يفوق
    ----------------------------------------------------------
    خلصنا دايره الفحص دي كلها وبدانا في الاجرائات بقي
    تامين بدل 75 جنيه بقي 92
    ضريبه 175 جنيه
    لحد ما جينا لاثبات الموتور
    دخلنا مكتب فاضي عليه موظفه
    بصت للورقه بعمق
    وبصت للدفاتر الي جنبها
    وراحت رازعاني الختم سالف الذكر
    بصيتله وضحكت اوي
    قولتلها طيب انا اعمل بيه ايه ده
    قالتلي تروح الاداره العامه للمرور في رابعه العدويه تجيب اصل الافراج
    قولتلها يا ستي وانا مالي هو انا اللي حرقتلكم مروركم
    قالتلي هو كده
    وروح اشر عليها من الظابط
    روحنا اشرنا عليها
    راح الظابط قالنا تختموها بقي بختم النسر
    منين يا باشا ؟؟
    من مرور ابيس
    يا دهيتي السوده
    هو المرور مفيهوش ختم نسر
    قالنا لا
    حاضر يا سيدنا تحت امر معاليك
    اخدت العربيه ورجعنا علي مرور
    اجمل حاجه بقي
    مدخل المرور ده من الطريق السريع
    وانا داخل لقيت راجل بيعدل الشارع كانه ماشي في طرقه بيتهم
    روحت تييييييييييييييييييييييييييييييييييييييييييييييييي يييييييييييت بالكلاكس
    فوقف وبصلي
    قالي انت بتزمر وانت بعيد عني بسنه
    قولتله معلش يا حاج صحيتك من النوم
    ودخلت ختمت الورقه بختم النسر
    وفاضلي مشوار رابعه العدويه ده
    بس الاجرائات خلصت بسرعه
    يمكن علشان مش انا اللي كنت بتمرمط والراجل الي معايا الله يباركله بيخلصلي اوراقي بسرعه
    واصلا مفيش حاجه في مكانها في المرور
    ===================================
    نداء للمخربين
    الثوره الجايه تبقوا تحرقوا المرور بكل فروعه
    مش تحرقوا واحد وتسيبوا التاني
    علشان ميقرفوناش احنا
    [CENTER]

    [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
    [/CENTER]

    [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------
    [/SIZE][/B][CENTER]
    [/CENTER]

  • #2
    هههههههههههههههههههههه
    اوعدك المره الجايه يبقى فى خطه بتفجير كل وحدات المرور ونيابتها ان شاء الله
    It’s not about having the perfect relationship.. But its finding someone who matches you and would go through everything without giving up.

    Comment


    • #3
      هههههههههههههههههههههههههههههههههههههههههههههههههه هههه
      [CENTER][mtohg=#000000]http://img696.imageshack.us/img696/2999/warninggf.jpg[/mtohg]

      [/CENTER]

      Comment


      • #4
        طيب ياباشا
        مرور رابعه العدويه ده عسل
        علي انت صوتك بس حتلاقي لوا جاي يخلصلك ورقك
        بس ياريت ....
        ولا بلاش

        Comment


        • #5
          حلو الختم ده
          ممتنع عن المشاركه

          Comment


          • #6
            هههههههههههههههه على فكره الثوره ضااااااعت
            [justify]ولقد سبقت كلمتنا لعبادنا المرسلين(171) إنهم لهمُ المنصورُون(172)وإن جندنا لهمُ الغالبون [/justify]

            Comment


            • #7
              المشاركة الأصلية كتبت بواسطة zago مشاهدة المشاركة
              طيب ياباشا
              مرور رابعه العدويه ده عسل
              علي انت صوتك بس حتلاقي لوا جاي يخلصلك ورقك
              بس ياريت ....
              ولا بلاش
              و الله انت الي عسل
              و هوا ممكن لما يعلي صوته يكتشفوه و يعملولو شريط كاسيت و بدل ما اللواء ييجي يخلصله الورق يجيله منتج و يكتشفه
              طبعا لو انت لواء مش هتخاف من واحد بيعلي صوتوا
              و تعليه الصوت من غير سبب ايه مشيها قله سبب

              Comment


              • #8
                هههههههههههههههههه
                موت من الضحك بسبب طريقة سردك الرائعة كعادتك دااااااائماَ
                الختم دة مصيبة لوحدة .. كنت تحاول تدفع اي حاجة وتطلع من القصة دى ويعملو لك ملف جديد
                كفارة يا شنروي .. هانت .. كلها كام يوم زفت زي دول كدة وتخلص هههههه
                انا بهدلونى 4 ايام زي الفل .. شربت فيهم احلي شمس .. ربنا يوفقك وتخلص بس اهم حاجة فضفض وتابعنا وقولنا ع الجديد اول بأول
                ونصحية غالية يا جماعة بصراحة من الاخ شنر .....فعلا عندة حق الراجل اللى يحرق مرور يولع فية كلة مش يسيب لنا كام فرع يطلعو بية عنينا هههههههه ..
                مشفتش نصيحة اجمل من كدة ف حياتى .. تسلم نصايحك ياشنر
                اهم مواضيعى عن الريجاتا : بداخل عضويتى
                عدنا بكل قوة للرابطة .. م / Hussein
                مبرمج ومالك لشركة برمجيات وتصميم مواقع الانترنت

                Comment


                • #9
                  الختم شكله تحفه
                  ابقى صور الافراج ده وشيله للذكرى
                  [CENTER][COLOR="SandyBrown"]إذا لم تزد فى الحياة شيئاً كنت أنت زائداً على الحياة [/COLOR][/CENTER]


                  [FONT=Arial][COLOR=#1f497d][CENTER][FONT=Arial][COLOR=#1f497d][COLOR=#1f497d][FONT=Arial])\\||//([/FONT][/COLOR][/COLOR][/FONT][/CENTER]
                  [CENTER][FONT=Arial][COLOR=#1f497d][FONT=Arial][COLOR=#1f497d]-(@@)-[/COLOR][/FONT][/COLOR][/FONT][/CENTER]
                  [CENTER][FONT=Arial][COLOR=#1f497d][FONT=Arial][COLOR=#1f497d]----o00---(_)---00o---- [/COLOR][/FONT][/CENTER]

                  [CENTER]Hany Abdelfattah[/CENTER]
                  [/COLOR][/FONT]
                  [/COLOR][/FONT]
                  [COLOR="RoyalBlue"][COLOR="DarkSlateBlue"][CENTER]razini89 سابقا[/CENTER][/COLOR][/COLOR]

                  Comment


                  • #10
                    على كده لو انا سعيد الحظ هلاقي مخالفاتي اللي بالكوم اتحرقت !! يسمع من بؤك ربنا
                    [CENTER][FONT=Georgia][B]أخوكم د/محمد السيوفي[/B][/FONT]:rolleyes:[/CENTER]
                    [mtohg=#000000]http://t3.gstatic.com/images?q=tbn:ANd9GcQZaIXF-r_R8IskHAf_wjWp9l7HbCh_8Q0wuHAeuo3jyp_LmLTK[/mtohg]
                    madues سابقاً

                    Comment


                    • #11
                      هههههههههههههههههههه
                      لسة السيناريو كدة عامله يوم السبت اللى فات
                      بس انا مرور طوسون
                      الناس سايبين المرور كله وحارقين النيابة بس علشان المخالفات
                      ورزعت مشوار لابيس علشان المخالفات
                      احسن الثورة محت لنا المخالفات
                      اللهم ءاتنا فى الدنيا حسنة وفى الاخرة حسنة وقنا عذاب النار

                      Comment


                      • #12
                        المشاركة الأصلية كتبت بواسطة dr_elsioufy مشاهدة المشاركة
                        على كده لو انا سعيد الحظ هلاقي مخالفاتي اللي بالكوم اتحرقت !! يسمع من بؤك ربنا
                        كلامك مظبوط يا دكتور .. انا مخالفاتى اتحرقت .. وكلها كانت سرعة ع الدائري 3 مخلفات
                        ولما رحت اجدد استغربت لما قالى هات خمسة ج .. يعنى مفيش !
                        ولما سألت واحد قالى اتحرقت وانت زعلان لية انها اتحرقت .. قلت لة بالعكس انا قمة ف الانبساط بس بسأل هههههههه
                        كلامك حقيقي وواقعى .. واتمنى تكون مخالفاتك اختفت واتحرقت بالهاردسك اللى علية بالكمبيوتر بالبوردة بالكيسة كلها
                        عشان ترتاح ولعنا ف الكمبيوتر اهو عشان انت غالى علينا هههههه .
                        اهم مواضيعى عن الريجاتا : بداخل عضويتى
                        عدنا بكل قوة للرابطة .. م / Hussein
                        مبرمج ومالك لشركة برمجيات وتصميم مواقع الانترنت

                        Comment


                        • #13
                          المشاركة الأصلية كتبت بواسطة nicegypt مشاهدة المشاركة
                          كلامك مظبوط يا دكتور .. انا مخالفاتى اتحرقت .. وكلها كانت سرعة ع الدائري 3 مخلفات
                          ولما رحت اجدد استغربت لما قالى هات خمسة ج .. يعنى مفيش !
                          ولما سألت واحد قالى اتحرقت وانت زعلان لية انها اتحرقت .. قلت لة بالعكس انا قمة ف الانبساط بس بسأل هههههههه
                          كلامك حقيقي وواقعى .. واتمنى تكون مخالفاتك اختفت واتحرقت بالهاردسك اللى علية بالكمبيوتر بالبوردة بالكيسة كلها
                          عشان ترتاح ولعنا ف الكمبيوتر اهو عشان انت غالى علينا هههههه .
                          الحوار ان المخالفات متكونش في الاداره العامه

                          يبقي كده ممكن تدفعها حتي بعد 3 سنين

                          رينا يستر
                          ممتنع عن المشاركه

                          Comment


                          • #14
                            ههههههههههه بس كده اقتصاد البلد هيتضرب اكتر والضرب في الميت حرااام ياخوانا
                            [CENTER][FONT=Georgia][B]أخوكم د/محمد السيوفي[/B][/FONT]:rolleyes:[/CENTER]
                            [mtohg=#000000]http://t3.gstatic.com/images?q=tbn:ANd9GcQZaIXF-r_R8IskHAf_wjWp9l7HbCh_8Q0wuHAeuo3jyp_LmLTK[/mtohg]
                            madues سابقاً

                            Comment


                            • #15
                              المشاركة الأصلية كتبت بواسطة dr_elsioufy مشاهدة المشاركة
                              ههههههههههه بس كده اقتصاد البلد هيتضرب اكتر والضرب في الميت حرااام ياخوانا
                              هو المرور عندكم اتحرق برضه؟
                              [CENTER]

                              [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                              [/CENTER]

                              [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                              ---------------------------------
                              [/SIZE][/B][CENTER]
                              [/CENTER]

                              Comment

                              Working...
                              X